شينجياڭ اقسۋ ايماعى ءۇشتۇرپان اۋدانىنداعى جەر سىلكىنىسىنىڭ سىلكىنىس ورتالىعىنداعى وڭىرلەردە قورا - جايلاردىڭ ءبۇلىنۋ جاعدايى قالاي بولدى؟ جەرگىلىكتى ورىن قازىر قاتىستى جاعدايلاردى تەكسەرۋدە
2024.01.25 16:05 كەلۋ قاينارى : حالىق تورابى
شينجياڭ اقسۋ ايماعى ءۇشتۇرپان اۋدانىندا 7.1 بال جەر سىلكىنگەننەن كەيىن، جەرگىلىكتى ورىنداعى قاتىستى تاراۋلار جەر سىلكىنىسىنە توتەپ بەرىپ، اپاتتان قۇتقارۋ جاعىنداعى ءتۇرلى قىزمەتتەردى كۇش سالا ويداعىداي ىستەۋدە. قازىر جەرگىلىكتى ورىنداعى تۇرعىن ءۇي جانە قالا - اۋىل قۇرىلىسى جۇيەسىندەگى قىزمەتكەرلەر سىلكىنىس ورتالىعىنداعى وڭىرلەردەگى قورا - جايلاردىڭ ءبۇلىنۋ جاعدايىن تەكسەرۋ قىزمەتىن تارتىپپەن ورىستەتۋدە.
ءتىلشىنىڭ جامانسۋ قىرعىز اۋىلىنداعى تۇرعىندار تۇراعىنان بايقاۋىنشا، تۇرعىن ءۇي جانە قالا - اۋىل قۇرىلىسى تاراۋلارىنىڭ قىزمەتكەرلەرى بۇلىنگەن قورا - جايلارعا بەلگى سالىپ، اپاتتان كەيىن قورا - جايلاردىڭ قۇرىلىمىنداعى كومەسكى قاتەرلەردى تەكسەرگەن.
شينجياڭ اقسۋ ايماعى ءۇشتۇرپان اۋدانىندا جەر سىلكىنىسى تۋىلعان سوڭ قورا - جايلاردى شۇعىل ساراپتاۋ گرۋپپاسىنىڭ قىزمەتكەرى بيە يانگاۋ: قورا - جايلاردى تەكسەرۋ بارىسىندا، ەگەر جەر سىلكىنىسىنەن كەيىن ءۇي قابىرعاسىنىڭ كوتەرىمدىلىك قۋاتى بۇلىنگەن بولسا، قالدىق سىلكىنىس بارىسىندا ءۇيدىڭ قۇلاۋ ىقتيمالدىعى بار، ءبىز مۇنداي ۇيلەرگە ”ادام وتىرۋعا تيىم سالىنادى“ دەگەن بەلگى سالامىز، قىستاق تۇرعىندارىنا دا وسىنداي ۇيلەرگە ادامنىڭ وتىرۋىنا مۇلدە بولمايتىنىن، حاۋىپسىز ۇيلەرگە نەمەسە ورنالاستىرۋ تۇيىنىنە بارىپ جايعاسۋىن انىقتاپ تۇسىندىرەمىز، _ دەدى.
ءۇشتۇرپان اۋدانىندا 7.1 بال جەر سىلكىنگەن سوڭ، جەرگىلىكتى ورىنداعى تۇرعىن ءۇي جانە قالا - اۋىل قۇرىلىسى تاراۋلارىنداعى قورا - جايدىڭ حاۋىپسىزدىگىن تەكسەرىپ تۇراقتاندىرۋ قىزمەتكەرلەرى گرۋپپالارعا ءبولىنىپ، قىستاقتارعا، وتباسىلارعا بارىپ، ءبىر وتباسىعا بىردەن ارحيۆ تۇرعىزىپ، قىستاق تۇرعىندارىنىڭ قورا - جايىنىڭ ءبۇلىنۋ جاعدايى، ءۇي قابىرعاسىنىڭ ءبۇلىنۋ جاعدايى، قورا - جايدىڭ الدى - ارتىنداعى اۋلانىڭ جاعدايى، قورا - قالتقىنىڭ جاعدايى قاتارلىلارعا تەكسەرۋ جۇرگىزىپ، ساراپتاما جاساپ، بۇلىنگەن ۇيلەردىڭ حاۋىپسىزدىگىن تۇراقتاندىرۋدى ويداعىداي ىستەدى. العاشقى قادامداعى تەكسەرۋگە قاراعاندا، ءۇشتۇرپان اۋدانىندا 1000 نەشە اۋىز ءۇي جاي دارەجەدە بۇلىنگەن، 900 نەشە قورا - قالتقى قۇلاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
