شينجياڭ ۇيعۇر اۆتونوميالى رايوندىق باس جۇمىسشى ۇيىمى اپاتقا ۇشىراعان وڭىرلەرگە تۇڭعىش توپتاعى ءبىر ميلليون يۋان حال سۇراۋ قاراجاتىن بوساتتى
2024.01.24 14:50 كەلۋ قاينارى : حالىق تورابى
شينجياڭ اقسۋ ايماعىنىڭ ءۇشتۇرپان اۋدانىندا 7.1 بال جەر سىلكىنىپ، شينجياڭ ۇيعۇر اۆتونوميالى رايوندىق باس جۇمىسشى ۇيىمى تۇڭعىش توپتاعى ءبىر ميلليون يۋان حال سۇراۋ قاراجاتىن بوساتتى.
1 - ايدىڭ 23 - كۇنى ساعات 2دەن 9 مينۋت وتكەندە، شينجياڭنىڭ اقسۋ ايماعىنىڭ ءۇشتۇرپان اۋدانىندا 7.1 بال جەر سىلكىندى، سىلكىنىس ورتالىعى ءۇشتۇرپان اۋدانىنىڭ جامانسۋ اۋىلىندا، كورشىلەس قىزىلسۋ قىرعىز اۆتونوميالى وبلىسىنىڭ اقشي اۋدانىندا سىلكىنىس كۇشتى بولدى.
جەر سىلكىنگەننەن كەيىن، شينجياڭ ۇيعۇر اۆتونوميالى رايوندىق باس جۇمىسشى ۇيىمى دەرەۋ اقسۋ ايماقتىق، قىزىلسۋ قىرعىز اۆتونوميالى وبلىستىق جۇمىسشى ۇيىمىنان اپات احۋالىن يەلەدى، اپاتقا ۇشىرعان رايوندارداعى اپاتتان قۇتقارۋ قىزمەتكەرلەرىنەن، اپاتقا ۇشىراعان قىزمەتكەرلەر بۇقاراسىنان احۋال سۇراۋعا العاشقى توپتا ءبىر ميلليون يۋان اجىراتتى ءارى اپات جاعدايى مەن جۇمىسشى - قىزمەتكەرلەردىڭ قاجەتىنە ساي، كەيىنگى كومەكتەسۋ، سۇيەمەلدەۋ، قۇتقارۋ قىزمەتىن دەر كەزىندە مىقتى يگەرەدى.
اقسۋ ايماعى، قىزىلسۋ قىرعىز اۆتونوميالى وبلىسى ەكى جەردەگى جۇمىسشى ۇيىمى جەرگىلىكتى پارتكوم مەن ۇكىمەتتىڭ ۇندەۋىنە دەرەۋ ءۇن قوسىپ، جەر سىلكىنىسىنە شۇعىل توتەپ بەرۋ ۇندەۋىن ىسكە قوسىپ، ءار دارەجەلى جۇمىسشى ۇيىمدارىنان اپات جاعدايىن يگەرىپ، اپاتتان قۇتقارۋ، ادامداردى كوشىرۋ، حاۋىپسىزدىكتى اداقتاۋ سياقتى قاتىستى قىزمەتتەرگە بەلسەنە ات سالىسۋدى تالاپ ەتتى. ءۇشتۇرپان، اقشي اۋداندىق باس جۇمىسشى ۇيىمىنىڭ بارلىق قىزمەتكەرلەرى جەدەل قيمىلداپ، قاراستى رايونداعى اۋىل (قالاشىق)، كاسىپورىندارعا جاپپاي تەكسەرۋ جۇرگىزىپ، نەگىزدىك قۇرىلعى جاعدايىن جانە جۇمىسشى - قىزمەتكەرلەردىڭ اپاتقا ۇشىراۋ جاعدايىن ۇعىستى، زيانعا ۇشىراۋ جاعدايى ساناققا الىنۋدا. سونىمەن بىرگە، ءۇشتۇرپان اۋداندىق باس جۇمىسشى ۇيىمى تۇرمىستىق زاتتىق ماتەريالداردى زيانعا ۇشىراعان، قيىنشىلىعى بار جۇمىسشى ـ قىزمەتكەرلەرگە تاراتۋعا دايىندالدى.
كەلەر قادامدا، شينجياڭ ۇيعۇر اۆتونوميالى رايوندىق باس جۇمىسشى ۇيىمى ەكى ورىنداعى جۇمىسشى ۇيىمى جۇيەسىنىڭ بارلىق قىزمەتكەرلەرىن اپات رايونىنا كومەك بەرۋگە قوزعاپ، اتتانىسقا كەلتىرىپ، جەتەكشىلىك ەتەدى، جەر سىلكىنگەننەن كەيىن ءىز قۋالاپ قىزمەت وتەۋ قىزمەتىن جالعاستى جاقسى ىستەپ، شۇعىل جاعدايعا توتەپ بەرۋ زاپاسىن بەلسەنە دايىنداپ، ءار دارەجەلى نەگىزگى ساتى جۇمىسشى ۇيىمدارىن جەر سىلكىنىس اپاتىنا قارسى تۇرۋ، اپاتتان قۇتقارۋعا قاتىناسقان ءار ۇلت كادر، جۇمىسشى - قىزمەتكەرلەرىنىڭ ۇشىراعان تۇرمىستىق قيىنشىلىعىن يگەرۋگە ۇيىمداستىرىپ، اپاتقا ۇشىراعان بۇقارانىڭ مۇڭ - مۇقتاجىن شەشۋگە دەر كەزىندە كومەكتەسىپ، اپاتقا ۇشىراعان بۇقاراعا پارتيا مەن ۇكىمەتتىڭ قامقورلىعى مەن مەيىر - شاپاعاتىن جەتكىزەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
