شينجياڭنىڭ ءۇشتۇرپان اۋدانىنداعى 7.1 بال جەر سىلكىنىسىندە 3 ادام قازا بولىپ، 5 ادام جارالاندى
2024.01.24 14:42 كەلۋ قاينارى : حالىق تورابى
شينحۋا اگەنتتىگىنىڭ 1 ـ ايدىڭ 23 ـ كۇنى ۇرىمجىدەن بەرگەن حابارى. 1 ـ ايدىڭ 23 ـ كۇنى ساعات 2 دەن 9 مينۋت وتكەندە، شينجياڭنىڭ اقسۋ ايماعىنىڭ ءۇشتۇرپان اۋدانىندا 7.1 بال جەر سىلكىندى. شينجياڭ ۇيعۇر اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى حابارلاندىرۋ شىعارىپ، قازىرگە دەيىن وسى رەتكى جەر سىلكىنىسىندە 3 ادام قازا بولىپ، 5 ادام جارالانىپ، 12 مىڭ 426 ادام جوتكەپ ورنالاستىرىلعاندىعىن حابارلادى.
مۇندا قىزىلسۋ قىرعىز اۆتونوميالى وبلىسىنىڭ اقشي اۋدانىنان 3 ادام قازا بولىپ، 4 ادام جارالانعان؛ اقسۋ ايماعى ءۇشتۇرپان اۋدانىنان ءبىر ادام جارالانعان. قازىرگە دەيىن ناقتى اپات جاعدايى ىشكەرىلەي تەكسەرىلۋ ۇستىندە، ءتۇرلى قۇتقارۋ قىزمەتى تارتىپپەن جۇرگىزىلىپ، جەر سىلكىنگەن ءوڭىردىڭ قوعامى ورنىقتى بولدى.
جەر سىلكىنىسى تۋىلعاننان كەيىن، مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك استىق جانە زات زاپاسى مەكەمەسىمەن بىرگە ماقتالى شاتىر، ماقتالى شاپان (سۋىقتان ساقتانۋ كيىمى)، ماقتالى كورپە، ماقتالى توسەنىش، جينالمالى توسەك، جىلىتقىش قاتارلى ورتالىقتىڭ 22 مىڭ دانا اپاتتان قۇتقارۋ بۇيىمدارىن شۇعىل جوتكەپ، شينجياڭنىڭ جەر سىلكىنىسىنە قارسى اتتانىپ، اپاتتان قۇتقارۋ جانە اپاتقا ۇشىراعان بۇقارانى باسقا جەرگە كوشىرىپ ورنالاستىرۋ سياقتى قامتاماسىزداندىرۋ قىزمەتىن ويداعىداي ىستەۋىنە كومەكتەستى. العاشقى توپتا مولشەرمەن 10 مىڭ اپاتتان قۇتقارۋ زات بۇيىمى 23 - كۇنى تۇستە اپات رايونىنا جەتكىزىلدى.
جۇڭگو جەر سىلكىنىسى ستانسياسى تورابىنىڭ قالدىق سىلكىنىس ساناعىنا نەگىزدەلگەندە، 1 –ايدىڭ 23 – كۇنى ساعات 16 عا دەيىن، 3.0 بال جانە ودان جوعارى قالدىق سىلكىنىستەن جيىنى 70 رەتتەن استام ەستەلىككە الىنعان، قازىر ەڭ ۇلكەن قالدىق سىلكىنىس 5.3 بال بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
