ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتەيىك (مەملەكەتتى قۇدىرەتتەندىرۋ قۇرىلىسىندا ۇدىرە العا تارتۋ)
− ۋاكىلدەر مەن مۇشەلەر ساپا جاعىندا قۋاتتى ەل قۇرۋدى جەدەلدەتۋ جونىندە توقتالدى
«حالىق گازەتىنىڭ» ءتىلشىسى لين ليلي
2024.02.27 16:20 كەلۋ قاينارى : حالىق تورابى
ساپا جاعىندا قۋاتتى ەل قۇرۋ − ساپالى دامۋدى ىلگەرىلەتۋدىڭ، ەلىمىز ەكونوميكاسىنىڭ زورايۋدان قۇدىرەتتەنۋگە بۇرىلىس جاساۋىن جەبەۋدىڭ ماڭىزدى شاراسى، حالىقتىڭ تاماشا تۇرمىس قاجەتىن قاناعاتتاندىرۋدىڭ ماڭىزدى جولى.
باس شۋجي شي جينپيڭ بىلاي دەپ اتاپ كورسەتتى: ”جۇڭگو ساپانى جوعارىلاتۋ ارەكەتىنە كۇش سالىپ، ساپا ولشەمىن جوعارىلاتىپ، ساپانى جاپپاي باسقارۋدى كۇشەيتىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ساپالى دامۋدى ىلگەرىلەتەدى“.
ايگىلى ماركا − ەكونوميكانىڭ ساپالى دامۋىنىڭ ماڭىزدى سيمۆولى ءارى ساپا جاعىندا قۋاتتى ەل بولۋدىڭ ىشكى تىرەگى.
كىشكەنە شىنىلارعا سالىنعان ۇلۋ ۇنتاعى ايگىلى ماركانىڭ كۇشىنە كۋا بولدى. كوكتەم مەرەكەسى دەمالىسىندا گۋاڭشيدىڭ ليۋجوۋىنداعى ۇلۋ ۇنتاعى دۇكەندەرىنىڭ ساۋداسى كۇسەت بولىپ، دۇكەندەردىڭ تىكە تاراتۋ بولمەلەرى ساتۋ جۇمىسىن ۇستەمەلەپ ىستەدى. 2023 - جىلى ليۋجوۋ ۇلۋ ۇنتاعىنىڭ ماركا اسەرى ۇزدىكسىز كەڭەيىپ، تۇتاس كاسىپ تىزبەگىنىڭ ساتۋ كىرىسى مەجەمەن 65 ميلليارد 600 ميلليون يۋان بولىپ، سايكەس مەزگىلدەگىدەن %9.2 ارتتى.
”ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ساپا حاۋىپسىزدىگى وتكەلىن قاتاڭ يگەرىپ، ولشەمدەندىرۋدى، ماركالاندىرۋدى ىلگەرىلەتىپ، ەرەكشە كاسىپتەردى زورايتىپ، ساپالىلاندىرىپ، كۇشەيتەمىز“. مەملەكەتتىك حالىق قۇرىلتايىنىڭ ۋاكىلى، گۋاڭشي ازىق - تۇلىك، ءدارى - دارمەك تەكسەرۋ - باعالاۋ، تەكسەرۋ ورتالىعى جالپىلىق كاسىپ ءبولىمىنىڭ جاۋاپتىسى چين چيڭفاڭ بىلاي دەدى: بۇگىنگى ليۋجوۋ ۇلۋ ۇنتاعى كوشەلەردەن بۇكىل ەلگە، دۇنيە جۇزىنە بەت الدى، 2023 - جىلى ليۋجوۋ ۇلۋ ۇنتاعىنىڭ ەكسپورت قۇنى شامامەن 101ميلليون 250 مىڭ يۋان بولىپ، سايكەس مەزگىلدەگىدەن %38.2 ارتتى.
ۋاكىل چين چيڭفاڭ بىلاي دەپ قارادى: ساپا جاعىندا قۋاتتى ەل قۇرۋدى جەدەلدەتۋ ءۇشىن، ايگىلى ماركالاردى جەتىلدىرۋ، دامىتۋ، زورايتۋ نەگىزىندە، كاسىپ سالاسىنىڭ ساپاسىن جوعارىلاتۋدى ىلگەرىلەتىپ، كاسىپورىنداردىڭ ساپا تانىمىن كۇشەيتىپ، ساپا باسقارۋ جۇيەسىن ورناتىپ جانە كەمەلدەندىرىپ، كاسىپ تىزبەگىنىڭ جالپى بەتتىك ساپا باسقارۋىن كۇشەيتىپ، شەشۋشى بۋىنداردىڭ، شەشۋشى سالالاردىڭ ساپاسىن باسقارۋ - مەڭگەرۋ دەڭگەيىن كۇش سالا جوعارىلاتۋ كەرەك.
عىلىم - تەحنيكادا جاڭالىق اشۋ − ساپا جاعىندا قۋاتتى ەل قۇرۋدا، ءسوز جوق، باسىپ وتەتىن جول، ساپالى دامۋدىڭ قۋاتتى قوزعاۋشى كۇشى. باس شۋجي شي جينپيڭ بىلاي دەپ اتاپ كورسەتتى: ”عىلىم - تەحنيكا مەن ەكونوميكانىڭ تىعىز ۇشتاسۋىن ىلگەرىلەتىپ، باسىمدىققا يە سالالاردا، جالپىلىق تەحنيكالاردا، شەشۋشى تەحنيكالاردا كەلەلى قامال الۋدى قۇلشىنا جۇزەگە اسىرىپ، جۇڭگونىڭ جاساۋ كاسىبىنىڭ جۇڭگو جاسامپازدىعىنا، جۇڭگو قارقىنىنىڭ جۇڭگو ساپاسىنا، جۇڭگو ونىمدەرىنىڭ جۇڭگو ماركاسىنا بۇرىلىس جاساۋىن ىلگەرىلەتۋ كەرەك“.
” ساپا جاعىندا قۋاتتى ەل قۇرۋدى جەدەلدەتۋدە، ءسوز جوق، عىلىم - تەحنيكادا جاڭالىق اشۋعا سۇيەنىپ، جاسىل، تومەن كومىرتەكتى بولۋعا جەدەل بۇرىلىس جاساپ، كاسىپورىنداردىڭ ونىمدىلىك وزگەرىسىنە، قوزعاۋشى كۇش وزگەرىسىنە جەتەكشىلىك ەتۋ كەرەك“ دەدى مەملەكەتتىك ساياسي كەڭەستىڭ مۇشەسى، جۇڭشين تايفۋ ەرەكشە بولات - تەمىر توبىنىڭ باس جوراسى چيان گاڭ.
جۇڭشين تايفۋ ەرەكشە بولات ونىمدەرى توبىنا قاراستى جياڭيىن شيڭچىڭ ەرەكشە بولات - تەمىر ونىمدەرى شەكتى سەرىكتەستىگىنىڭ زاۆود رايونىنا بارعانىمىزدا، سيفرلى اقىل - پاراسات ورتالىعى عيماراتىنىڭ ۇلكەن ەكرانىنان شيكىزات كەمەجايىنان، تەمىر قورىتۋدان، بولات قورىتۋدان بولات شىڭاۋعا دەيىنگى جالپى بارىستاعى ءارقايسى بۋىننىڭ ناقتى ۋاقىتتاعى ساندى مالىمەتتەرىن كورۋگە بولاتىنىن بايقادىق.
مۇشە چيان گاڭ بىلاي دەپ تانىستىردى: سوڭعى جىلدارى سەرىكتەستىك ”جاسىل + زەردەلى جاساۋ“ وزىق جاساۋ كاسىبى شوعىرىن قۇرۋعا بەلسەنە ات سالىسىپ، جاڭا ەنەرگيا، ينفورماتسيا تەحنيكاسى، جاڭا ماتەريال سياقتى سالالاردى ارقاۋ ەتىپ، جاسىل زەردەلى جاساۋ كاسىبى شوعىرىنىڭ تيپتىك ۇلگىسىن ورناتتى. زاۆود رايونىنداعى 3 دومنا پەش جەلىدە دەربەس زەرتتەپ جاساعان اۆتوماتتى ىستىق جەل وشاعىنىڭ زەردەلى ورتەۋ پەشى جۇيەسىنەن كەيىن، كومىر گازىنىڭ سارىپ بولۋ جالپى مولشەرى شامامەن 100 ميلليون تەكشە مەتر تومەندەپ، كومىر قىشقىل گازىن شامامەن 100 مىڭ توننا از ىعىستىرعانمەن بارابار بولعان.
مەملەكەتتىك حالىق قۇرىلتايىنىڭ ۋاكىلى، جۇڭگو مۇناي - حيميا ساڭجوۋ بولىمشە سەرىكتەستىگى مۇناي ايىرۋ 2 - ءبولىمىنىڭ بەنزين (كومىر مايى، سالەركا) اۆتوموبيلدەرىنە سۋتەگى قۇرىلعىسىن قوسۋ جۇمىسكەرى ۋاڭ چيڭ ونەركاسىپ ونىمدەرىنىڭ ساپاسىن دارەجەگە ايىرۋ ءتۇزىمىن ورناتۋدى جەدەلدەتىپ، ونەركاسىپ ونىمدەرىنىڭ ساپاسىن باعالاۋ ولشەمىن بەلگىلەۋ مەن جاڭالىق جاراتۋدى ىلگەرىلەتىپ، ونەركاسىپ ونىمدەرىنىڭ ساپاسىن باعالاۋدىڭ جالاڭ تولىمدىلىق مولشەرىنە تالپىنۋدان ساپالى ءونىم مولشەرىنە تالپىنۋعا، ريزا بولۋ مولشەرىنە قاراي قارىشتاۋىن ىلگەرىلەتۋدى ۇسىنىس ەتتى.
ساپا جاعىندا قۇدىرەتتى ەل قۇرۋدى جەدەلدەتكەن ەلىمىز كاسىپ سالاسىندا جوعارى دەڭگەيگە، زەردەلىلەنۋگە، جاسىلدانۋعا قاراي جەدەل بۇرىلىس جاساپ، دارەجەسىن جوعارىلاتتى. 2023 – جىلى بۇكىل ەل بويىنشا كولەمدەنگەن ونەركاسىپتىڭ ارتقان قۇنى سايكەس مەزگىلدەگىدەن %4.6 ارتتى، جوعارى تەحنيكالى شارۋاشىلىققا قوسىلعان قارجى سايكەس مەزگىلدەگىدەن %10.3 ارتىپ، پارمەندى قوزعاۋشى كۇش جارىققا شىقتى.
ساپا − ادامزاتتىڭ ءوندىرىسى مەن تۇرمىسىنىڭ ماڭىزدى كەپىلى. باس شۋجي شي جينپيڭ بىلاي دەپ دارىپتەدى: ”ادامزات قوعامىنىڭ دامۋ بارىسىندا، ءار رەتكى ساپا سالاسىنداعى وزگەرىس، جاڭالىق اشۋ ءوندىرىس تەحنيكاسىنىڭ العا باسۋىن جەبەپ، حالىقتىڭ تۇرمىس ساپاسىن جاقسارتتى“.
”ساپادا قۋاتتى ەل قۇرۋدى جەدەلدەتىپ، ساپانىڭ جالپى تۇلعالىق دەڭگەيىن جاپپاي جوعارىلاتۋ حالىق بۇقاراسىنىڭ ساپاداعى تابىس سەزىمىن، رازىلىق سەزىمىن ۇزدىكسىز كۇشەيتىپ، ساپانىڭ ەكونوميكالىق، قوعامدىق دامۋدى ىلگەرىلەتۋدەگى رولىن اناعۇرلىم كورنەكتىلەندىرەدى“ دەدى مەملەكەتتىك ساياسي كەڭەستىڭ مۇشەسى، مەملەكەتتىك سالىق باس مەكەمەسى جياڭشي ولكەلىك سالىق مەكەمەسى پارتكومىنىڭ شۋجيى، مەكەمە باستىعى فان جاگىن.
ساپا جاعىندا قۋاتتى ەل قۇرۋعا دەم بەرۋ ءۇشىن، جياڭشيدە مەملەكەتتىك سالىق باس مەكەمەسى سۇيچۋان اۋداندىق سالىق مەكەمەسى ”بايىرعى ماركا ارناۋلى كلاسىن“ قۇرۋ ارقىلى ”جۇڭحۋا بايىرعى ماركاسى“ كاسىپورىندارىنا ساياساتتى ءتۇسىندىرىپ، قىزمەت وتەپ، كاسىپورىنداردىڭ ءوندىرۋ، قامداۋ، ساتۋ جاعىنداعى قيىن ماسەلەلەرىن شەشۋىنە كومەكتەستى؛ جيڭدى قالاشىعى كونە ماركالى كاسىپورىندارعا قاراتا ”فارفور زەردەلى سالىعى“ باسقارۋ ۇلگىسىن العا قويىپ، قولمەن فارفور جاسايتىن كاسىپورىندار مەن فارفور ەلەكتروندىق ساۋدا تۇيىندەرىنە جەتەكشىلىك ەتىپ، ساياساتتى دالمە - ءدال اتقارىپ، كونە ماركانىڭ ەلەكتروندىق ساۋدا داۋىرىندە تىڭ ومىرشەڭدىك كۇشكە يە بولۋىنا مۇمكىندىك جاساپ، تۇتىنۋشىلاردىڭ قاجەتىن اناعۇرلىم ويداعىداي قاناعاتتاندىردى.
مەملەكەتتىك حالىق قۇرىلتايىنىڭ ۋاكىلى، جۇڭگو قۇرىلىس توبى 5 - مەكەمەسى باس كوتەرمەگە الۋ سەرىكتەستىگىنىڭ نىسان ساپاسى باس باقىلاۋشىسى زوۋ بين بىلاي دەپ قارادى: ساپا جاعىندا قۋاتتى ەل قۇرۋ ۇكىمەتتىڭ، كاسىپورىننىڭ، قوعامنىڭ بىرگە قۇلشىنىپ، بازار باسەكەسىندە ساپاعا رۇقسات ەتۋ شارتىن جوعارىلاتىپ، ساپا ماركاسىنىڭ قوعامدىق ورتاسىن قالىپتاستىرۋىن قاجەت ەتەدى.
ۋاكىلدەر مەن مۇشەلەر مىنانى ءبىلدىردى: ساپالى دامۋدى ىلگەرىلەتۋدى نەگىزگى تاقىرىپ، قامداۋ ساپاسىن جوعارىلاتۋدى نەگىزگى قامال الۋ بەتالىسى، رەفورما جاساپ، جاڭالىق اشۋدى ءتۇبىرلى قوزعاۋشى كۇش ەتىپ، ساپا جاعىندا قۋاتتى ەل قۇرۋدى جان - جاقتى ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
