مۇشە فان گوچياڭ −
جەرگىلىكتى جاعدايعا قاراي ىستەپ، ورمان شارۋاشىلىعىنىڭ جالپىلىق ونىمدىلىگىن جوعارىلاتتى (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)
«حالىق گازەتىنىڭ» ءتىلشىسى جۋ پەيشيان
2024.02.27 16:23 كەلۋ قاينارى : حالىق تورابى
تاياۋ مەزگىلدە مەملەكەتتىك ساياسي كەڭەستىڭ مۇشەسى، حىنان اۋىل شارۋاشىلىق داشۋەسى ورمان شۋەيۋانىنىڭ باستىعى فان گوچياڭ اۋىل - قىستاق رايوندارىندا تەكسەرۋ - زەرتتەۋ جۇرگىزدى. ”كوكتەم مەرەكەسىنىڭ الدى - ارتىندا كوپتەگەن ادام اۋىلىنا قايتقاندا، شارۋالار بۇقاراسىنىڭ ويىن اناعۇرلىم كەڭ كولەمدە تۇسىنۋگە بولادى“. فان گوچياڭ بىلاي دەدى: وتكەن ءبىر جىلدا كوپتەگەن اۋىل – قىستاققا باردىم، ەڭ ۇلكەن اسەرىم، جەرگىلىكتى جاعدايعا قاراي ىستەپ، ورمان وسىرۋگە ۇيلەسەتىن جەرلەردە ورمان شارۋاشىلىعى ەكولوگيالىق قۇرىلىسىن كۇشەيتكەندە عانا، ورمان شارۋاشىلىعىنىڭ جالپىلىق ونىمدىلىگىن بارىنشا جوعارىلاتۋعا بولادى ەكەن.
تەكسەرۋ - زەرتتەۋ جاعدايىنا ساي، ول اۋىل - قىستاق رايوندارىنىڭ ورمان شارۋاشىلىعى ەكولوگيالىق قۇرىلىسىن جاقسارتۋ جونىندەگى ۇسىنىس جوبانى دايىندادى. ول ورمان شارۋاشىلىعىنىڭ ساپالى تۇقىم بايلىعىن جەتىلدىرۋ جانە قورعاۋ قىزمەتىن كۇشەيتىپ، ۋاقىتقا، جەرگىلىكتى جاعدايعا قاراي اعاش تۇرلەرىن تاڭداپ، ورمان ءوسىرىپ جاسىلداندىرۋدى ىلگەرىلەتىپ، ورمانمەن كومكەرىلۋ شاماسىن ءونىمدى جوعارىلاتۋدى ۇسىنىس ەتتى.
فان گوچياڭ مىنانى ۇسىنىس ەتتى: ءتۇيىندى وڭىرلەردىڭ ەكولوگياسىن باقىلاۋ مەن قورعاۋدى كۇشەيتىپ، باقىلاۋ پۋنكتىن قۇرۋ جانە الىستان اڭعارۋ تەحنيكاسىن قولدانۋ سياقتى تاسىلدەر ارقىلى ەكولوگيالىق جاعدايدى دەر كەزىندە يگەرىپ، ماسەلەنى بايقاۋ ءارى دەر كەزىندە شارا قولدانىپ قالپىنا كەلتىرۋ كەرەك.
بيىل فان گوچياڭ تاعى دا ءىرى ازىق - تۇلىك كوزقاراسىن ونان ارى امالياتتا ايگىلەپ، ءتىپتى دە كوپ ورمان ازىق - تۇلىگىن ورمان اراسىنان اس ۇستىنەلىنە شىعارۋ جونىندەگى ۇسىنىس جوبانى دايىندادى. ”ەكونوميكالىق ورمانداعى كوپتەگەن وسىمدىكتىڭ جەمىسى، تۇقىمى، تامىرى سياقتىلار ادامداردى تىكەلەي ازىق - تۇلىكپەن قامدايدى، بۇقارانىڭ اس ۇستەلىن مولايتۋمەن بىرگە، جەرگىلىكتى قىستاق تۇرعىندارىنىڭ اقشا قاپشىعىن دا قامپيتادى“. فان گوچياڭ بىلاي دەدى: ”وسى ارقىلى ازىق - تۇلىك قاينارىن مولايتىپ، كوپ نەگىزدى ازىق - تۇلىكپەن قامداۋ جۇيەسىن جەدەل ورناتۋىمىزعا بولادى“.
ءتىلشى ەستەلىگى
تەرەڭ تەكسەرىپ - زەرتتەۋ جۇرگىزگەندە عانا ۇسىنىس جوبا دۇرىس بولادى
بۋدا - بۋدا تەكسەرىپ - زەرتتەۋ، تىلشىلىك ىستەۋ قولجازبالارى، اتىزداعى ورماننىڭ سۋرەتتەرى، وزگەرتىلگەن ۇسىنىس جوبالار، ۇسىنىستار فان گوچياڭنىڭ نەگىزگى ساتىعا ىشكەرىلەي ارالاسىپ، تەرەڭ وي جۇگىرتكەن قىزمەت كۇيىن ايگىلەپ، ونىڭ كاسىپتى تياناق ەتىپ، حالىق ءۇشىن ءۇن قاتقان ناقتى جاۋاپكەرلىگىن كورسەتتى.
”تەكسەرۋ - زەرتتەۋ تەرەڭ بولعاندا عانا، ۇسىنىس جوبا ءدال بولادى“. فان گوچياڭ بىلاي دەدى: تەك شىن مانىندە اتىز باسىنا بارىپ، بۇقارانىڭ شىنايى قاجەتىن، بۇقارانىڭ رەال قيىنشىلىعىن تۇسىنگەندە عانا، نەگىزگى ساتى ءدوپ كەلگەن ماسەلەلەر مەن سەبەپتەرگە ىشكەرىلەي تالداۋ جاساپ، ماسەلەنى شەشۋدىڭ شيپالى ءدارىسىن تابۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
