حالىق قۇرىلتايىنىڭ ۋاكىلى جاۋ ۋانپيڭ: تىرشىلىك تاربيەسىن ورتا، باستاۋىش مەكتەپ وقۋلىعىنا ەنگىزۋدى ۇسىنىس ەتەمىن

2024.03.08 15:22 كەلۋ قاينارى : حالىق تورابى

　　سوڭعى جىلداردان بەرى جاستار مەن ورەندەردىڭ پسيحيكالىق اقاۋسىزدىق ماسەلەسى كۇن سايىن كورنەكتىلەنۋدە. بيىلعى مەملەكەتتىك ەكى ماجىلىستە مەملەكەتتىك حالىق قۇرىلتايىنىڭ ۋاكىلى، انحۇي ولكەلىك اۋىل شارۋاشىلىق عىلىم اكادەمياسىنىڭ ورىنباسار باستىعى جاۋ ۋانپيڭ «تىرشىلىك تاربيەسىن ورتا، باستاۋىش مەكتەپتەردىڭ وقۋلىعىنا ەنگىزۋ جونىندەگى ۇسىنىستى» ورتاعا قويدى.

　　جاۋ ۋانپيڭ بىلاي دەپ قارادى: قازىر ەلىمىزدىڭ وقۋ - اعارتۋ جۇيەسىندە اقىل - پاراسات اشۋ مەن وقۋ – اعارتۋعا ءبىر شاما ءمان بەرىپ، تىرشىلىك تاربيەسىنە ءمان بەرۋ جەتكىلىكتى ەمەس. ازامات جاسىنا تولماعانداردىڭ وزىنە وڭاي قول جۇمساۋى، حايۋاناتتاردى جابىرلەۋى سياقتى وقيعالار ۇنەمى تۋىلۋدا، قالىڭ جاستار مەن ورەندەر تىرشىلىكتىڭ ماڭىزىن ءالى تولىق تۇسىنە قويعان جوق. سوندىقتان، تىرشىلىك تاربيەسىن ساباق وقۋلىعىنا ەنگىزۋ توتەنشە قاجەتتى.

　　جاۋ ۋانپيڭ بىلاي دەپ ۇسىنىس ايتتى: بالاعا كىشكەنتايىنان حات تانۋدى ۇيرەتكەن سياقتى، كىشكەنتايىنان باستاپ نەنىڭ تىرشىلىك ەكەنىن، نەنىڭ ءولىم ەكەنىن ءبىلدىرۋ كەرەك. تىرشىلىك تاربيەسىن مەكتەپتىڭ نەگىزگى ساباق جۇيەسىنە ەنگىزىپ، تىرشىلىك مەن دەنساۋلىق، تىرشىلىك مەن حاۋىپسىزدىك، تىرشىلىك مەن ءوسىپ - جەتىلۋ سياقتى تاقىرىپتىق تاربيەنى ورىستەتۋ كەرەك. سونىمەن بىرگە، ”تىرشىلىككە قامقورلىق جاساۋ“ تاربيەسى تاقىرىبىن وقىتۋشىلاردىڭ ۇزدىكسىز تاربيەلەۋ، باۋلۋ ساباعىنا ەنگىزىپ، وقىتۋشىلار قوسىنىنىڭ تىرشىلىك تاربيەسى تانىمى مەن وقىتۋ قابىلەتىن جوعارىلاتۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved