شي جينپيڭ حات جولداپ، ينجەنەريالىق عىلىمدار اكادەمياسى قۇرىلعانىنىڭ 30 جىلدىعىن قۇتتىقتاعاندا بىلاي دەپ باسا دارىپتەدى
مەملەكەتتىڭ ستراتەگيالىق عىلىم - تەحنيكا كۇشتەرىنىڭ رولىن ساۋلەلەندىرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرىپ، دۇنيە ءجۇزى بويىنشا عىلىم - تەحنيكادا قۋاتتى ەل قۇرۋدى جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋ كەرەك
ديڭ شۋەشياڭ اكادەميكتەردىڭ اڭگىمە ماجىلىسىنە قاتىناستى ءارى ءسوز سويلەدى
2024.06.04 16:41 كەلۋ قاينارى : حالىق تورابى
قۇتتىقتاۋ حاتى
ينجەنەريالىق عىلىمدار اكادەمياسى قۇرىلعانىنىڭ 30 جىلدىعى بايلانىسىمەن مەن پارتيا ورتالىق كوميتەتى اتىنان سىزدەردى قىزۋ قۇتتىقتايمىن! بۇكىل اكادەمياداعى اكادەميكتەر مەن قالىڭ ينجەنەريالىق عىلىم - تەحنيكا قىزمەتكەرلەرىنە ىقىلاستى سالەم جولدايمىن!
30 جىلدان بەرى پارتيانىڭ پارمەندى باسشىلىعىندا، جۇڭگو ينجەنەريالىق عىلىمدار اكادەمياسى اكادەميكتەردى جانە قالىڭ ينجەنەريالىق عىلىم - تەحنيكا قىزمەتكەرلەرىن ىنتىماقتاستىرىپ، ۇيىستىرىپ، ينجەنەريالىق عىلىم - تەحنيكانىڭ دامۋىن زور كۇشپەن ىلگەرىلەتىپ، عىلىم - تەحنيكانىڭ قيىن وتكەلدەرىنەن ۇزدىكسىز قامال الىپ، ءىرى ەل ينجەنەرياسىن قۇرىپ، مەملەكەتتىڭ ماڭىزدى قارۋىن سومداپ، ەلىمىزدىڭ ينجەنەريالىق عىلم - تەحنيكاسىندا جاڭالىق اشىپ العا باسۋدى، ەكونوميكانىڭ، قوعامنىڭ ساپالى دامۋىن ىلگەرىلەتۋ ءۇشىن ماڭىزدى ۇلەس قوستى.
ينجەنەريالىق عىلىم - تەحنيكا − ادامزات قوعامىنىڭ دامۋىن ىلگەرىلەتەتىن ماڭىزدى قوزعالتقىش. ينجەنەريالىق عىلىمدار اكادەمياسىنىڭ جاڭا باستامادا مەملەكەتتىڭ ستراتەگيالىق عىلىم - تەحنيكا كۇشتەرىنىڭ رولىن ساۋلەلەندىرىپ، عالىمداردىڭ رۋحىن ساۋلەلەندىرىپ، ينجەنەريالىق عىلىم - تەحنيكادا جاڭالىق اشۋعا جەتەكشىلىك ەتىپ، شەشۋشى، وزەكتى تەحنيكالاردا قامال الۋدى جەدەلدەتىپ، مەملەكەتتىڭ جوعارى دەڭگەيلى اقىل - پاراسات قويماسى فۋنكتسياسىن كۇشەيتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرىپ، دۇنيە ءجۇزى بويىنشا عىلىم - تەحنيكادا قۋاتتى ەل قۇرۋدى جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىن.
شي جينپيڭ
2024 – جىلى 6 – ايدىڭ 3 – كۇنى
(شينحۋا اگەنتتىگى، 6 - ايدىڭ 3 – كۇنى، بەيجيڭ)
شينحۋا اگەنتتىگى، 6 - ايدىڭ 3 – كۇنى، بەيجيڭ. ينجەنەريالىق عىلىمدار اكادەمياسى قۇرىلعانىنىڭ 30 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قىزۋ قۇتتىقتادى، بۇكىل اكادەمياداعى اكادەميكتەر مەن قالىڭ ينجەنەريالىق عىلىم - تەحنيكا قىزمەتكەرلەرىنە ىقىلاستى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 30 جىلدان بەرى پارتيانىڭ پارمەندى باسشىلىعىندا، جۇڭگو ينجەنەريالىق عىلىمدار اكادەمياسى اكادەميكتەردى جانە قالىڭ ينجەنەريالىق عىلىم - تەحنيكا قىزمەتكەرلەرىن ىنتىماقتاستىرىپ، ۇيىستىرىپ، ينجەنەريالىق عىلىم - تەحنيكانىڭ دامۋىن زور كۇشپەن ىلگەرىلەتىپ، عىلىم - تەحنيكانىڭ قيىن وتكەلدەرىنەن ۇزدىكسىز قامال الىپ، ءىرى ەل ينجەنەرياسىن قۇرىپ، مەملەكەتتىڭ ماڭىزدى قارۋىن سومداپ، ەلىمىزدىڭ ينجەنەريالىق عىلم - تەحنيكاسىندا جاڭالىق اشىپ العا باسۋدى، ەكونوميكانىڭ، قوعامنىڭ ساپالى دامۋىن ىلگەرىلەتۋ ءۇشىن ماڭىزدى ۇلەس قوستى.
شي جينپيڭ مىنالاردى باسا دارىپتەدى: ينجەنەريالىق عىلىم - تەحنيكا − ادامزات قوعامىنىڭ دامۋىن ىلگەرىلەتەتىن ماڭىزدى قوزعالتقىش. ينجەنەريالىق عىلىمدار اكادەمياسىنىڭ جاڭا باستامادا مەملەكەتتىڭ ستراتەگيالىق عىلىم - تەحنيكا كۇشتەرىنىڭ رولىن ساۋلەلەندىرىپ، عالىمداردىڭ رۋحىن ساۋلەلەندىرىپ، ينجەنەريالىق عىلىم - تەحنيكادا جاڭالىق اشۋعا جەتەكشىلىك ەتىپ، شەشۋشى، وزەكتى تەحنيكالاردا قامال الۋدى جەدەلدەتىپ، مەملەكەتتىڭ جوعارى دەڭگەيلى اقىل - پاراسات قويماسى فۋنكتسياسىن كۇشەيتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرىپ، دۇنيە ءجۇزى بويىنشا عىلىم - تەحنيكادا قۋاتتى ەل قۇرۋدى جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىن (قۇتتىقتاۋ حاتىنىڭ تولىق مازمۇنى بولەك جاريالاندى).
4 - ايدىڭ 3 - كۇنى تۇستەن بۇرىن ينجەنەريالىق عىلىمدار اكادەمياسى بەيجيڭدە ”ينجەنەريالىق عىلىم - تەحنيكا بورىشىن امالياتتا ايگىلەپ، عىلىم - تەحنيكادا قۋاتتى ەل قۇرۋدى ىلگەرىلەتۋ“ اتىنداعى اكادەميكتەر اڭگىمە ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناسىپ، شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى.
ديڭ شۋەشياڭ سوزىندە بىلاي دەپ اتاپ كورسەتتى: ينجەنەريالىق عىلىمدار اكادەمياسى قۇرىلعان 30 جىلدان بەرى پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، ينجەنەريالىق عىلىم - تەحنيكانىڭ دامۋىن زور كۇشپەن ىلگەرىلەتىپ، بىرەگەي جاسامپاز دارىندىلاردى توپتاپ، بىرەگەي عىلىم - تەحنيكا جەتىستىكتەرىن ءوندىرىپ، بىرەگەي اقىل - كەڭەس بەرىپ، ۇسىنىس قويىپ، بىرەگەي عىلمي تۇعىر ورناتىپ، مەملەكەتتىڭ دامۋىندا، العا باسۋىندا ماڭىزدى رول اتقاردى.
ديڭ شۋەشياڭ مىنالاردى باسا دارىپتەدى: جاڭا ءداۋىر، جاڭا جورىقتا، ينجەنەريالىق عىلىمدار اكادەمياسى اكادەميا قۇرۋدىڭ اۋەلگى ماقساتىن ەستە بەرىك ساقتاپ، داڭقتى داستۇرگە مۇراگەرلىك ەتىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنۋ، دايەكتىلەندىرۋ، جوعارى دەڭگەيلى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جولىندا كۇرەس جۇرگىزۋ بارىسىندا اتويشى بولۋى كەرەك. مەملەكەتتىڭ ستراتەگيالىق عىلىم - تەحنيكا كۇشىنىڭ سەركەسى بولىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ ستراتەگيالىق ورايىن مىقتاپ يگەرىپ، عىلىم - تەحنيكانىڭ بيىك تۇرعىسىن يەلەۋگە قۇلشىنۋ كەرەك. ينجەنەريالىق عىلىم - تەحنيكادا جاڭالىق اشۋدىڭ كوشباسشىسى بولىپ، كەلەلى ينجەنەريالىق عىلىم - تەحنيكا ماسەلەلەرىن ويداعىداي شەشىپ، عىلىم - تەحنيكادا جاڭالىق اشۋ جەتىستىكتەرىن كاسىپ سالالاندىرىپ قولدانۋدى ىلگەرىلەتىپ، جاڭاشا وندىرگىش كۇشتەردىڭ دامۋىنا اناعۇرلىم ويداعىداي قىزمەت ەتۋ كەرەك. شەشۋشى، وزەكتى تەحنيكالاردان قامال الۋدىڭ كوشباسشىسى بولىپ، مەملەكەتتىڭ شۇعىل قاجەتى مەن ۇزاق بولاشاقتىق قاجەتىن شىعار ءتۇيىن ەتىپ، ”القىمداعان“ تەحنيكالاردان قامال الۋدى كۇشەيتىپ، ماڭىزدى سالالاردا اناعۇرلىم كوپ ءتول جاسامپازدىق سيپاتتى تابىستارعا قول جەتكىزۋگە كۇش سالۋ كەرەك. مەملەكەتتىڭ جوعارى دەڭگەيلى اقىل - پاراسات قويماسى قۇرىلىسىنىڭ سەركەسى بولىپ، ستراتەگيالىق باعىتقا، جالپى جاعدايعا ساياتىن كەلەلى ماسەلەلەردى تىعىز ارقاۋ ەتىپ، بولجامدىق، باعىتتامالىلىق، زاپاس ستراتەگيالىق زەرتتەۋدى كۇشەيتىپ، پارتيا مەن مەملەكەتتىڭ شەشىم جاساۋىنا تىرەك بولۋ كەرەك. ديڭ شۋەشياڭ قالىڭ ينجەنەريا اكادەمياسىنداعى اكادەميكتەردىڭ باستاماشىلدىقپەن عالىمدار رۋحىن بارىنشا ساۋلەلەندىرىپ، ءومىر مۇراتىن مەملەكەت پەن ۇلتتىڭ ىستەرىمەن توعىستىرىپ، وتاندى ءسۇيۋ نيەتىندە بولىپ، وتان ءۇمىتىن اقتاۋ جىگەرىن ۇستانىپ، عىلىم - تەحنيكانىڭ شىڭىنا ەرلىكپەن شىعىپ، پارتيا مەن حالىقتىڭ شىنايى ءۇمىتىن اقتاۋىن ءۇمىت ەتتى.
اڭگىمە ماجىلىسىندە ينجەنەريالىق عىلىمدار اكادەمياسىنىڭ جاۋاپتىلارى مەن اكادەميكتەردىڭ ۋاكىلدەرى ءسوز سويلەدى.
ينجەنەريالىق عىلىمدار اكادەمياسى 1994 - جىلى 6 – ايدىڭ 3 - كۇنى قۇرىلعان. 30 جىلدان بەرى ينجەنەريالىق عىلىمدار اكادەمياسى جۇڭگونىڭ ينجەنەريالىق عىلىم - تەحنيكا سالاسىنداعى ەڭ جوعارى عىلمي قۇرىلىمى بولۋ مىندەتى مەن بورىشىن ەستە بەرىك ساقتاپ، عىلىم - تەحنيكادا جاڭالىق اشۋعا كۇشتى شوعىرلاندىرىپ، كوشباسشى دارىندىلاردى توپتاپ، جوعارى دەڭگەيلى اقىل - پاراسات قويماسىن قۇرىپ، عىلىم ارقىلى جەتەكشىلىك ەتۋدە تاباندى بولىپ، ءبىرقىدىرۋ كەلەلى جەتىستىككە قول جەتكىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
