قازىنا مينيسترلىگى، مەملەكەتتىك ورمان – جايىلىم مەكەمەسى «”ءۇش تەرىستىك“ ينجەنەرياسىنا بەرىلەتىن كومەك قاراجاتتى باسقارۋ ءادىسىن» باسىپ تاراتتى
2024.06.05 16:15 كەلۋ قاينارى : حالىق تورابى
قازىنا مينيسترلىگى، مەملەكەتتىك ورمان - جايىلىم مەكەمەسى بۇگىن «”ءۇش تەرىستىك“ ينجەنەرياسىنا بەرىلەتىن قوسىمشا قاراجاتتى باسقارۋ ءادىسىن» جاريالادى. «ادىستە» مىنالار ايقىن بەلگىلەندى: ”ءۇش تەرىستىك“ ينجەنەرياسىنا بەرىلەتىن قوسىمشا قاراجات ورتالىق مەجە ەسەبىندە ورنالاستىرىلعان ورمان، جايىلىم، سازدىق، قۇمايت جەردى ءبىر تۇلعالاندىرىپ قورعاۋدى، قالپىنا كەلتىرۋدى قولداۋعا، قۇمايتتانۋدىڭ الدىن الۋ، قۇمدى تىزگىندەۋ تابىسىن بەكەمدەۋگە، قۇمايتتانعان جەردى تۇيىقتاپ قورعاۋعا بەرىلەتىن تولەمدى مەڭزەيدى. ”ءۇش تەرىستىك“ ينجەنەرياسى — ”ەكولوگيانى كاسىپ سالالاندىرۋدان، كاسىپ سالاسىنىڭ ەكولوگيالانۋىنان“ ۇلگى كورسەتۋ سياقتى جاقتارداعى ارناۋلى اۋدارىپ تولەۋ قارجىسى.
«ادىستەگى» تالاپقا ساي، ”ءۇش تەرىستىك“ ينجەنەرياسىنا بەرىلەتىن قوسىمشا قاراجات نەگىزىنەن تومەندەگىدەي جاقتارعا جۇمسالادى:
ورمان، جايىلىم، سازدىق، قۇمايت جەرلەردى ءبىر تۇلعالاندىرىپ قورعاۋ، قالپىنا كەلتىرۋ شىعىسى تۇياق كەستى بولعان ورماندى قالپىنا كەلتىرۋ، تۇياق كەستى بولعان جايىلىمدى قالپىنا كەلتىرۋ، ورتاشا، جاس ورماندى جەتىلدىرۋ، سازدىقتى قورعاۋ، قالپىنا كەلتىرۋ سياقتىلارعا جۇمسالادى.
قۇمايتتانۋدىڭ الدىن الۋ، قۇمايت جەرلەردى جونگە سالۋ جەتىستىكتەرى شىعىسى قۇمايتتانعان جەرلەردى (ەكپە ورمان ءوسىرۋ) باسقارۋ، قورعاۋ، سۋارۋ، تولىقتاپ ەگۋ سياقتىلاردى تىڭنان جونگە سالۋعا جۇمسالادى. جەر – جەردىڭ ءىس جۇزىندىك جاعدايمەن ۇشتاستىرىپ، ءبىر تۇلعالاندىرىپ قورعاۋ تالابىنا ساي، قۇمايتتانعان جەردى جان - جاقتى جونگە سالۋدىڭ سوڭعى مەزگىلدەگى باسقارۋعا، قورعاۋعا قاتىستى شىعىستارعا ءبىرتۇتاس پايدالانۋىنا بولادى.
قۇمايتتانعان جەردى تۇيىقتاپ قورعاۋ تولەمى شىعىمى ۋاقىتشا مەڭگەرۋ جاعدايدى ازىرلەمەگەن جانە ەكولوگيانى قورعاۋ قاجەتى مەن اشىپ پايدالانۋعا ۇيلەسپەيتىن ءبىرتۇتاس قۇمايتتانعان جەردى زاڭ بويىنشا پەشەتتەپ قورعاۋعا ىستەتىلەدى.
”ءۇش تەرىستىك“ ينجەنەرياسىنداعى ”ەكىدە ونەركاسىپتەندىرۋدەن“ ۇلگى كورسەتۋ شىعىسى ”ەكولوگيانى كاسىپ سالالاندىرۋدى، كاسىپ سالاسىن ەكولوگيالاندىرۋدى“ ىلگەرىلەتۋگە، قوعامدىق كاپيتالدى عىلىمي، ءونىمدى تاسىلدەردى قولدانىپ، قۇمايتتانۋدىڭ الدىن الۋ، قۇمدى تىزگىندەۋدىڭ ناتيجەسى كورنەكتى بولعان جەرلەرگە سيلىق اقشا بەرۋگە، جەرگىلىكتى ورىننىڭ قۇمايتتانۋدىڭ الدىن الۋعا، قۇمدى تىزگىندەۋگە قاتىستى قىزمەتتەردى ورىستەتۋگە ءبىرتۇتاس جۇمساۋىنا پايدالانادى.
پارتيا ورتالىق كوميتەتى، مەملەكەتتىك كەڭەس بەلگىلەگەن ”ءۇش تەرىستىك“ ينجەنەريالىق قۇرىلىسىنىڭ باسقا دا ءتۇيىندى قىزمەتتەرىن قولداۋ كەرەك.
قوسىمشا قاراجات ئبولىسى جاعىندا، «ادىستە» مىنالار ايقىن بەلگىلەندى:
ورمان، جايىلىم، سازدىق، قۇمايت جەردى ءبىر تۇلعالاندىرىپ قورعاۋ، قالپىنا كەلتىرۋ شىعىسى مەملەكەتتىك ورمان - جايىلىم مەكەمەسى مىندەت مولشەرى مەن شىعىس ولشەمى سياقتىلارعا نەگىزدەلىپ، ءارقايسى ولكەلەردىڭ شىعىس قاجەتىن بەلگىلەپ، قازىنانىڭ ءبىر ءبولىم جىلىنا (پرينسيپتىك جاقتان 3 جىلدان اسپايدى) كومەك قاراجات بەرەدى، ولكەلەرگە بەرىلگەن كومەك قاراجاتتىڭ جالپى سوماسى ءارقايسى ولكەلەردىڭ شىعىس قاجەتىنىڭ %80 ىنەن اسپايدى.
قۇمايتتانۋدىڭ الدىن الۋ، قۇمايت جەرلەردى جونگە سالۋ جەتىستىكتەرى شىعىسىن بەكەمدەپ، مەملەكەتتىك ورمان شارۋاشىلىعى مەكەمەسى بەرگەن جاڭادان جونگە سالىناتىن قۇمايتتانعان جەرلەردى جونگە سالۋ مىندەتى بويىنشا تەكسەرىپ وتكىزىپ الۋدى ورىنداۋ ءارى قاريتاداعى جەر اۋدانى مەن قوسىمشا قاراجات ولشەمىن تياناقتاندىرىپ، جىلدىق قوسىمشا قاراجات بەرۋ كولەمىن ەسەپتەۋ كەرەك. قوسىمشا قاراجات بەرۋ مەرزىمى مەن ولشەمى: تەكسەرىپ وتكىزىپ الىنعان ءارى جەرگە تۇسكەن ەكىنشى جىلدان باستاپ ءار جىلى مۋ باسىنا 200 يۋان ورنالاستىرىپ، ءۇرتىس 3 جىل كومەك قاراجات بەرەدى.
قۇمايتتانعان جەردى تۇيىقتاپ قورعاۋ تولەمى شىعىسى قۇمايتتانعان جەردى قورشاپ قورعاۋ تولەم مىندەتى (%90)، قۇمايتتانعان جەردىڭ كولەمى (%10) بويىنشا ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
