- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شارۋالار كىرىسىن ارتتىرۋداعى ءونىمدى شارا
2014.10.14 16:19
جۋىرداعى جىلداردان بەرى ايماعىمىز باستاماشىلىق قۋاتى كۇشتى اۋىل شارۋاشىلىعىنا ساياتىن كاسپورىنداردى بارىنشا ەنگىزۋ جانە باۋلۋ ارقىلى كاسىپ تىزبەگىن ۇزارتۋمەن بىرگە شارۋالارمەن كاسپورىنداردىڭ سەلبەستىگىن نىعايتىپ، ەگىن- مال شارۋاشىلىعىنىڭ ءونىمىن جوعارلاتىپ، شارۋالار كىرىسىن ارتتىردى.
قازىر ەگىس داقىلدارىن جيناۋ جۇمىسى اياقتاۋعا تايادى، قابا اۋدانى كولباي اۋىلى العا قىستاعىنىڭ تۇرعىنى ميراس بيىل 30 مۋ جەرگە ەككەن جۇگەرىدەن مول ءونىم الدى.
كولباي اۋىلىنىڭ تۇرعىنى ميراس:« بۇرىن جۇگەرىنى جەم- ءشوپ ۇشىن عانا ەككەندە مۋىنان 400 كيلوگرامداي عانا ءونىم الاتىنبىز، بيىل اۋدانداعى جۇگەرى كەپتىرەتىن كاسپورىنمەن سەلبەستىك، ولار بىزگە جۇگەرى تۇقىمىن بەرىپ،تەحنيكالىق جاقتان جەتەكشىلىك ەتكەندىكتەن جۇگەرىنىڭ مۋ باسىندىق ءتۇسىمى 800 كيلوگرامعا جەتتى»،-دەدى.
ميراستىڭ ايتىپ وتىرعان جۇگەرى كەپتىرەتىن كاسپورىنى قابا اۋدانىنا ىرگە تەپكەن ەگىن- مال شارۋاشىلىعى ونىمدەرىن مانەرلەۋمەن اينالىساتىن كاسپورىنداردىڭ ءبىرى بولىپ نەگىزىنەن جۇگەرى ساتىپ الۋ، كەپتىرۋ كاسىبمەن اينالىسادى. بيىل جىل باسىندا قابا اۋدانىنان العا قىستاعىنا جىبەرىلگەن قىزمەت گرۋپپاسىنداعىلاردىڭ دانەكەر بولۋىندا وسى كاسپورىن العا قىستاعىنىڭ تۇرعىندارىمەن جۇگەرى ساتىپ الۋ جونىندە كەلىسىم جاساسقان بولاتىن.
قابا اۋدانىنداعى «شۋىنلي» سەرىكتەستىگىنىڭ ديرەكتورى حى لۇڭليىن:« بيىلعى بازار باعاسى ەڭ تومەنگى قورعامالى باعادان الدە قايدا جٶعارى بولدى، بازار جاعدايىنا قاراي باعا بەلگىلەپ بۇقارانى الاڭسىز ەتەمىز».
ميراستىڭ 30 نەشە مۋ جەردەگى جۇگەرىسىنىڭ مۋىنان 800 كيلوگرام ءونىم الدى دەپ قاراپ ەڭ تومەنگى قورعامالى باعا ءبىر يۋان 20 تيىن بويىنشا ەسەپتەگەندە 30 مىڭ يۋان اينالاسىندا كىرىس كىرگىزەدى ەكەن، مۇنان سىرت 30 نەشە مۋ جەردەگى جۇگەرىنىڭ ءار مۋىنان 30 باۋ ساباق جيناپ، ءبىر باۋىن 10 يۋان مولشەرىندە ساتسا جۇگەرىنىڭ ساباعىنان كىرەتىن كىرىستىڭ ءوزى 10 مىڭ يۋانعا تايايدى ەكەن، وسىلاي بولعاندا ميراس 30 نەشە مۋ جەردەگى جۇگەرىدەن 40 مىڭ يۋانداي كىرىس كىرگىزەدى.
كولباي اۋىلىنىڭ تۇرعىنى ميراس:« بۇرىن ەككەن جۇگەرىمىز جەم- شوپتىڭ وزىنە جەتپەيتىن، قازىر سەرىكتەستىكتىڭ كومەگىندە عىلمي باعىپ- باپتاعاننان كەيىن جۇگەرىنىڭ ءتۇسىمى دە جاقسى بولدى، كىرىسىمىزدە ارتتى».
بۋرىلتوعاي اۋدانىنداعى «حىڭحاۋ» اۋىل شارۋاشىلىعىن دامىتۋ شەكتى سەرىكتەستىگىندە شەكىلدەۋىكتىك قاربىز، ازىقتىق شەكىلدەۋىك ساتۋعا كەلگەن اۆتوكولىكتەر كوپ بولدى، وسى سەرىكتەستىكتىڭ باستاپقى مانەرلەۋ، تيەۋ- جونەلتۋ جۇمىستارى دا قاربالاس ىستەلۋدە.
بۋرىلتوعاي اۋدانىنداعى «حىڭحاۋ» اۋىل شارۋاشىلىعىن دامىتۋ شەكتى سەرىكتەستىگىنىڭ باس ديرەكتورى جاڭ جيانيە: «بۋىرىلتوعاي اۋدانىنىڭ بىرلىك قىستاعىندا زاۆود سالدىردىق، يەلەگەن جەر اۋماعى 90 مۋدان، قامبانىڭ سيىمدىلىعى 30 مىڭ شارشى مەتردەن اسادى، اۋىل شارۋاشىلىعى قوسىمشا ونىمدەرىن ساۋدالاۋ ورتالىعىنا اينالدى».
ۇعىسۋىمىزشا، 2011- جىلى بۋرىلتوعايعا ىرگە تەپكەن «حىڭحاۋ» اۋىل شارۋاشىلىعىن دامىتۋ شەكتى سەرىكتەستىگى ءتورت جىلدان بەرى، ءار جىلى ساتىپ الاتىن شەكىلدەۋىكتىك قاربىز، ازىقتىق شەكىلدەۋىك قاتارلى ەكونوميكالىق داقىلدارى 80 مىڭ تونناعا جەتەدى ەكەن. قازىر كۇنىنە مىڭ توننا اينالاسىندا ەگىس داقىلدارىن ساتىپ الۋدا.
كەلۋ قاينار: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
