- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
9- كەزەكتى قىسقى ساياحات كورمەسى اشىلدى
2014.12.01 13:54
جۇڭگونىڭ باتىس بولەگىندەگى قار مۇز ساياحات مەرەكەسى جانە جۇڭگو شينجياڭ 9- كەزەكتى قىسقى ساياحات كاسىبى ساۋدا كورمەسى 28- قاراشادا شينجياڭ حالىقارالىق كورمە ورتالىعىندا وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇرباكىر ايماعىمىزدىڭ كورمە ورنىنا ارناۋلى كەلىپ تەكسەرۋ جۇرگىزدى.
28- قاراشا تۇستەن بۇرىن ساعات 11 دەن 30 مينۋد وتكەندە نۇرباكىر ايماعىمىزدىڭ كورمە ورنىنا كەلىپ، كورمە ورنىن ارالاي جۇرىپ ايماعىمىزدىڭ قىسقى ساياحات كاسىبىنىڭ دامۋ جاعدايىن تاپتەشتەي ۇعىستى، ايماعىمىزدىڭ كورمە ورنىنداعى ايعاي شاڭعى الاڭىنىڭ جوبا كارتاسى نۇرباكىردىڭ نازارىن ايىرىقشا اۋداردى.
ميلليارد يۋان قارجى جۇمسالاتىن التاي قالاسىنداعى «ايحاي» حالىقارالىق شاڭعى الاڭى جانە دەمالىس ءوڭىرى التاي قالاسىنىڭ سولتۇستىك بولەگىنە ورنالاسقان، التاي قالاسىنان قاشىقتىعى 12 كيلومەتر كەلەدى. «ايحاي» حالىقارالىق شاڭعى جانە دەمالىس وڭىرىندەگى شاڭعى جولىنىڭ جالپى اۋماعى ءبىر ميلليون 460 مىڭ شاشى مەتر كەلەدى، شاڭعى جولى مەن شاڭعى تەبۋشىلەردى ۇيرەتۋگە ارنالعان شاڭعى جولىنان 30 ىن سالۋ جوسپارلانعان، ىسكە قوسىلعاننان كەيىن 30 مىڭداي ادام ءبىر ۋاقىتتا شاڭعى تەبە الادى، «ايحاي» حالىقارالىق ساياحات شاعىن قالاشىعى دا سالىنىپ، بۇل ارا قىستا شاڭعى الاڭىنا قاراستى سايكەستى قىزمەت وتەۋ رايونى بولسا جازدا ەرۋلەپ دەمالۋعا بولاتىن ساياحاتتاعى ماڭىزدى كوزدەۋلى جەرگە اينالادى.
نۇرباكىر تانىستىرۋدى تىڭداعاننان كەيىن مىنالاردى تالاپ ەتتى: «التاي ايماعى قىسقى ساياحات ىستەرىن ءسوزسىز ويداعىداي دامىتۋى كەرەك، ايعاي حالىقارالىق شاڭعى الاڭى جانە دەمالىس ءوڭىرىنىڭ جوباسىن ويداعىداي جاساپ، جوباعا قاتاڭ بويسۇنۋ العى شارتىندا نىسان جۇمىستارىن بىرتىندەپ ىلگەرى باستىرۋى كەرەك».
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇرباكىر: «التايدىڭ تابيعاتى ايىرىقشا كوركەم، التايدىڭ قار مۇز بايلىعىنان ويداعىداي پايدالانىپ، تولىق كادەگە جاراتۋ ءۇشىن جۇيەلى جوبا بولۋى كەرەك، التايدىڭ قار، مۇز ساياحاتىن دامىتۋ جونىندەگى جوباسىن، قاناس كورىنىس رايونى جوباسى سياقتى جوعارى باستاما، جوعارى دەڭگەيدە ويداعىداي جاساپ، نىسان ىستەرىن جوبا بويىنشا بىرتىندەپ ىلگەرلەتۋ قاجەت».
نۇرباكىر مىنالاردى اتاپ كورسەتتى: «التايدىڭ ساياحات بايلىعى ايىرىقشا مول، قىسقى كورىنىسى تىپتى دە كوز تارتادى. جۋىرداعى جىلداردان بەرى التاي مول قىسقى ساياحات بايلىعىنا سۇيەنىپ، قار مۇز مادەنيەتىنىڭ مازمۇنىن كادەگە جاراتىپ، قىسقى ساياحات ونىمدەرىن ءوندىرىپ، قىسقى ساياحات مادەنيەتى جاعىندا تانىمالدىق قالىپتاستىرىپ، قار، مۇز ساياحاتىن ويداعىداي دامىتتى. التاي «ادامزات قار شاڭعى ونەرىنىڭ ەڭ العاش جارىققا شىققان جەرى» دەگەن تانىمالدىقتى ارقاۋ ەتىپ، ساياحات كاسىبىنىڭ دامۋ دەڭگەيىن ۇزدىكسىز جوعارىلاتىپ، قىسقى ساياحات ىستەرىن دامىتۋ جاعىندا شينجياڭ بويىنشا الدا جۇرۋى كەرەك».
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى مەن ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى شى ۋەيچي ايماعىمىزدىڭ كورمە ورنىن بىرگە ارالادى. قىسقى ساياحات كورمەسىندە ايماعىمىز اۋداندار مەن التاي قالاسىنىڭ ساياحات بايلىعىن بىرىكتىرىپ، ايماعىمىزدىڭ وزگەشە قار، مۇز بايلىق ابزالدىلىعى مەن التاي حالىقارالىق قار، مۇز مادەنيەت ساياحات مەرەكەسىندە وتكىزىلەتىن 18 ءتۇرلى تاڭداۋلى قيمىلدى شوعىرلى تانستىردى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
