- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىستىق ءتارتىپ تەكسەرۋ كوميتەتى تەكسەرىلىپ _ ءبىر جاقتى ەتىلگەن 8 ءتۇرلى بەلگىلەمەگە قايشى 3 _ رەتكى 12 تيپتىك دەلونى حابارلاندىردى
2014.12.01 14:16
ءتىلشىمىز شى شۋەحۇڭ حابارلايدى. قاراشانىڭ 26 – كۇنى اۆتونوميالى وبلىستىق ءتارتىپ تەكسەرۋ كوميتەتىنەن ۇعىسۋىمشا، قاراشانىڭ 24 – كۇنى وبلىستىق ءتارتىپ تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ، اۆتونوميالى رايوننىڭ 10 تارماقتى بەلگىلەمەسىنىڭ جانە اۆتونوميالى وبلىستىڭ 12 تارماقتى بەلگىلەمەسىنىڭ رۋحىنا قايشى 12 تيپتىك دەلونى حابارلاندىرعان.
جۋىقتان بەرى اۆتونوميالى وبلىستاعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ ورگاندارى پارتيا 18 – كەزەكتى ورتالىق كوميتەتى ءتورتىنشى جالپى ءماجىلىسىنىڭ، پارتيا 18 – كەزەكتى ورتالىق ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ رۋحىن جانە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشاننىڭ ماڭىزدى سوزدەرىنىڭ رۋحىن مۇقيات دايەكتى تياناقتاندىرىپ، ۇزاق ۋاقىت، ىشكەرىلەي مىقتى يگەرۋدە تاباندى بولىپ، «ءتورت بۇرىس ستيلدى» باستان – اياق تۇزەتىپ، ستيلدى دۇرىستاپ، ءتارتىپتى قاتاڭداستىرىپ، «ءتورت بۇرىس ستيل ماسەلەسىنىڭ» قايتا ورشۋىنەن باتىل ساقتاندى. ماسەلە باعىتىندا تاباندى بولىپ، الۋان ءتۇرلى فورما ارقىلى باقىلاۋ – تەكسەرۋ تەبىنىن ارتتىرىپ، ستيلى ناشار، تارتىپكە قايشى كەلگەن پارتيالى باسشى كادرلاردى قاتاڭ انىقتاپ - تەكسەرىپ، ستيل قۇرىلىسىن پارمەندى جەبەدى.
وبلىستىق ءتارتىپ تەكسەرۋ كوميتەتىنىڭ «حابارلاندىرۋىندا» بىلاي دەپ اتاپ كورسەتىلدى: پارتيا ستيلى ماسەلەسى حالىق بۇقاراسىنىڭ قۇپتاۋى مەن قۇپتاماۋىنا، پارتيانىڭ ءومىر سۇرە الۋ - الماۋىنا قاتىستى، سونداي – اق جەڭىسكە جەتپەيىنشە تىنبايتىن كۇرەس، قايتا ورشۋدەن ساقتانۋ مىندەتى ءالى دە اۋىر. كەزەكتە «ءتورت بۇرىس ستيلدىڭ» قاينارى ءالى بار، دەرتى جويىلعان جوق، «باتىلدىق ەتە الماۋ» ساتىسىندا ءالى تۇر، «ىستەي الماۋ»، «ىستەگىسى كەلمەۋ» ماسەلەسى ءالى شەشىلگەن جوق. وبلىسقا توتە قاراستى ورىندارداعى پارتيالى كادرلار، وتە – موتە، باسشى كادرلار، ءسوزسىز، وسى دەلولاردان، ءسوزسىز، تەرەڭ ساباق الىپ، دەلونى اينا ەتىپ، ءوزىن تەجەپ، ساقتىق دابىلىن قاعىپ، سەرگەك وي – سانانى جانە وسكەلەڭ سانالىلىقتى باستان – اياق ساقتاۋ كەرەك.
وبلىسقا توتە قاراستى ءار دارەجەلى پارتكومدار (پارتگرۋپپاسى) ورتالىقتىڭ، اۆتونوميالى رايوننىڭ جانە اۆتونوميالى وبلىستىق پارتكومنىڭ ورنالاستىرۋى مەن تالاپتارىنا ساي، تۇلعالىق جاۋاپكەرلىكتى مۇقيات اتقارىپ، پارتيالى كادرلاردى تاربيەلەۋ، باقىلاۋ، باسقارۋ قىزمەتىن كۇشەيتىپ، ءتارتىپ تەكسەرۋ، باقىلاۋ – تەكسەرۋ ورگاندارىنىڭ ستيل قۇرىلىسىنىڭ قاتىستى بەلگىلەمەلەرىنە قايشى ماسەلەلەردى باتىل تەكسەرىپ، ءبىر جاقتى ەتىپ، باقىلاۋ، باسقارۋ جەتكىلىكسىز بولۋ سەبەبىنەن ءوز كولەمىندەگى تارتىپكە، ەرەجەگە قايشى ماسەلەلەرگە قايتا – قايتا تيىم سالىنسا دا تيىلماعان، تۇزەتۋ بەرىلسە دە قايتا – قايتا ماسەلە تۋىلعان ورىندار مەن تاراۋلاردىڭ قاتىستى باسشىلارىنىڭ جاۋاپكەرلىگىن قاتاڭ قۋزاستىرىپ، پارتيا ءتارتىبىنىڭ تەجەۋ قۋاتىنا كەپىلدىك ەتۋ كەرەك. ءار دارەجەلى ءتارتىپ تەكسەرۋ، باقىلاۋ – تەكسەرۋ ورگاندارى قىراعىلىقتى ۇزدىكسىز ساقتاپ، باقىلاۋدى كۇشەيتىپ، ءتارتىپتى اتقارىپ، جاۋاپكەرلىكتى قۋزاستىرىپ، «مۇلدە كەشىرىم ەتپەۋ» پوزيتسياسىمەن ستيلدى دۇرىستاپ، ءتارتىپتى قاتاڭداستىرىپ، 18 – قۇرىلتايدان كەيىن باسەڭدەمەگەن، ماسەلە شوعىرلى اڭىس ەتىلگەن، بۇقارانىڭ اڭىسى كۇشتى بولعان پارتيالى كادرلاردى ءتۇيىندى تۇردە تەكسەرىپ، ءبىر جاقتى ەتىپ ءارى دەر كەزىندە حابارلاندىرىپ، كۇشتى اسەر قوزعاپ، «ءتورت بۇرىس ستيل» ماسەلەسىنىڭ قايتا ورشۋىنەن باتىل ساقتانىپ، ستيل قۇرىلىسىن ۇزدىكسىز تەرەڭدەتۋ كەرەك.
بۇل 12 تيپتىك دەلو مىنالار:
1.قۇلجا قالالىق كومىر ونەركاسىبىن باسقارۋ مەكەمەسىنىڭ بۇرىنعى باستىعى ليۋ حۇڭليدىڭ ۇكىمەت اقشاسىمەن ساياحاتتاۋ، ءىرى ىستەردى حابارلاماۋ ماسەلەسى. 2013 – جىلى تامىزدا ليۋ حۇڭلي قاتارلى 4 ادام ءپىشان اۋدانىنداعى تەكسەرۋ، ۇيرەنۋدەن قايتقاننان كەيىن ۇكىمەت اقشاسىمەن قاناس كورىنىس رايونىنا بارىپ ساياحاتتاپ، 4 مىڭ 739 يۋان قاراجات جۇمساعان؛ 2013 – جىلى قىركۇيەكتەن قازانعا دەيىن قۇلجا قالالىق كومىر كەن مەكەمەسى مەكەمەنىڭ اۆتوكولىگى تۋدىرعان قاتىناس شىرعالاڭىن جاسىرىپ، شىرعالاڭ تۋدىرعان اۆتوكولىكتى ءوز بەتىمەن ءبىر جاقتى ەتكەن، سوڭىنان بەلگىلەمەگە قايشى تۇردە ولشەمنەن جوعارى ءبىر اۆتوكولىك ساتىپ العان. ليۋ حۇڭلي بۇل ءىستى جوعارى ورىنعا مالىمدەمەگەن. ليۋ حۇڭليعا پارتيا ىشىندە قاتاڭ ەسكەرتۋ جازاسى بەرىلدى ءارى قىزمەتىنەن توقتاتىلدى، تارتىپكە قايشى جۇمسالعان اقشا قايتارىلىپ الىندى.
2.قۇلجا قالالىق كومىر ونەركاسىبىن باسقارۋ مەكەمەسى پارتيا ياچەيكاسىنىڭ بۇرىنعى شۋجيى، ورىنباسار مەكەمە باستىعى جۇرات يارمامەتتىڭ ءىرى ىستەردى حابارلاماۋ، قازىنا – ەكونوميكا تارتىبىنە قايشىلىق ىستەۋ دەلوسى.
2013-جىلى قىركۇيەكتەن قازانعا دەيىنگى ارالىقتا جۇرات يارمامەت باستاپ وڭتۇستىك شينجياڭعا تەكسەرۋ، ۇيرەنۋگە بارۋ بارىسىندا اۋىر قاتىناس شىرعالاڭى تۋىلىپ، ونى جوعارىعا مالىمدەمەگەن ءارى شىرعالاڭعا ۇشىراعان اۆتوكولىكتى ءوز بەتىمەن ءبىر جاقتى ەتىپ، ونىڭ ورنىنا ولشەمنەن ارتىق باعادا ءبىر اۆتوكولىك ساتىپ العان. جۇرات يارمامەتكە پارتيا ىشىندە قاتاڭ ەسكەرتۋ جازاسى بەرىلىپ، قىزمەتىنەن بوساتىلدى.
3. قۇلجا قالالىق بىرلىكساپ ءبولىمىنىڭ ورىنباسار باستىعى، ونەركاسىپ-ساۋدا بىرلەستىگى پارتگرۋپپاسىنىڭ شۋجيى، ورىنباسار ءتوراعا قوسىمشا جالپىلىق مەنشىككە جاتپايتىن ەكونوميكالىق ۇيىمدار پارتيا قىزمەت كوميتەتىنىڭ شۋجيى چىن زوحۇيدىڭ ءوز بەتىمەن كاسىپورىننىڭ قۇتتىقتاۋ قيمىلىنا قاتىناسۋ ماسەلەسى. 2014-جىلى قاڭتاردا چىن زوحۇي ءمالىم بەلگىلى قارجى قوسۋعا، كەپىل بولۋ سەرىكتىگىنىڭ ىلەدەگى بولىمشەسىنىڭ قۇرىلعاندىعىن قۇتتىقتاۋ قيمىلىنا ءوز بەتىمەن قاتىناسىپ، ناشار ىقپال تۋىدىرعان. چىن زوحۇيعا پارتيا ىشىندە ەسكەرتۋ جازاسى بەرىلدى.
4. قۇلجا قالاسى حانبيڭ اۋىلى ءدوڭمالى قىستاعى پارتيا ياشەيكاسىنىڭ ورىنباسار شۋجيى جامالدىن تۇرسىن ۇكىمەت اۆتوكولىگىن ءوزى جۇرگىزىپ جەكە ىستەتۋ ماسەلەسى. 2014-جىلى تامىزدا جامالدىن تۇرسىن جالعان سەبەپپەن رۇحسات الىپ، ءدوڭمالى قىستاعىنىڭ ۇكىمەت ىسىنە ىستەتەتىن اۆتوكولىگىمەن وتباسىنداعىلارىن الىپ وڭتۇستىك شينجياڭداعى قاشقار قالاسىنىڭ داۋلەتباق اۋىلىنداعى تۋىستارىنا بارىپ ناشار ىقپال تۋدىرعان. جامالدىن تۇرسىنعا پارتيا ىشىندەگى مىندەتىنەن قالدىرۋ جازاسى بەرىلدى ءارى ۇكىمەت اۆتوكولىگىن جەكەگە ىستەتۋ بارىسىنداعى بارلىق جول قاراجاتىن ءوز ۇستىنە الۋ ۇيعارىلدى.
5. توعىزتاراۋ اۋداندىق عىلم-تەحنيكا مەكەمەسىنىڭ باستىعى ۋاڭ حايگاڭنىڭ ۇكىمەت اۆتوكولىگىن جەكە ىستەتۋ ماسەلەسى. 2014-جىلى ءساۋىردە ۋاڭ حايگاڭ قىزمەتتەن تۇسكەننەن كەيىن مەكەمەنىڭ اۆتوكولىگىن جۇرگىزگەن ءارى قاتىناس شىرعالاڭەب تۋدىرىپ ءبىر ادامنىڭ ولىمىنە سەبەپشى بولىپ، قوعامدا ناشار ىقپال تۋدىرعان. ۋاڭ حايگاڭعا پارتيا ىشىندە قاتاڭ ەسكەرتۋ جازاسى بەرىلدى ءارى قاتىناس شىرعالاڭىنداعى بارلىق شىعىندى ۇستىنە الۋ ۇيعارىلدى.
6. توعىزتاراۋ اۋداندىق انا-بالالار دەنساۋلىعىن ساقتاۋ شيپاحاناسىنىڭ باستىعى ليۋ ليانفىننىڭ ۇكىمەت قاراجاتىمەن شيپاحاناداعى قىزمەتكەرلەردى ساياحاتقا ۇيىمداستىرۋ ماسەلەسى. 2013-جىلى تامىزدا ليۋ ليانفىن شيپاحاناداعى قىزمەتكەرلەردى شاشى كورىنىس رايونىنا ساياحاتقا باراۋعا ۇيىمداستىرعان ءارى ىشەر اس، جاتار ورىن ورنالاستىرىپ 7 مىڭ 570 يۋان اقشانى ۇكىمەت قازىناسىنان كوتەرتكەن. ليۋ ليانفىنعا پارتيا ىشىندە ەسكەرتۋ جازاسى بەرىلىپ، تارتىپكە قيعاشتىق جاساپ ىستەتكەن قاراجاتتى قايتارۋ بۇيىرىلدى.
7. تەكەس اۋدانىنىڭ شولاقتەرەك قالاشىقتىق ەمحانانىڭ باستىعى ەرجۇما ءومىرجان ۇلىنىڭ بەلگىلەمەگە قيعاشتىق جاساپ قوسىمشا قاراجات، تولىقتاما قاراجات تاراتۋ ماسەلەسى. 2013-جىلى ساۋىردەن تامىزعا دەيىن ەرجۇما ءومىرجان ۇلى مەكەمەنىڭ قوسىمشا قاراجات، تولىقتاما قاراجات جانە اماندىق ساقتاۋ-كەزەكشىلىك وتەۋ قاراجاتىنىڭ اتىندا ەمحانانىڭ كادرلارى مەن ارتقى شەپكە جاۋاپتى قىزمەتكەرلەرگە 21 مىڭ قاراجات تاراتقان. ەرجۇما ءومىرجانعا پارتيا ىشىندە ەسكەرتۋ جازاسى بەرىلدى ءارى تارتىپكە قايشىلىق جاساپ تاراتىلعان قاراجاتتى قايتارۋ بۇيىرىلدى.
، تەكەس اۋدانى قالاشىقتىق ەمحانانىڭ باستىعى، تۇستىك قالا الەۋمەتتىك اۋماعى ەمحاناسىنىڭ مەڭگەرۋشىسى ي-بونىڭ بەلگىلەمەگە قايشىلىق جاساپ زات الۋ كارتوچكاسىن، يگىلىك اقشاسىن تاراتۋ ماسەلەسى. 2013-جىلى اقپاننان قازانعا دەيىن ي-بو تەكەس اۋدانى تەكەس قالاشىقتىق ەمحاناسىنداعى ورتا جىكتەن جوعارعى كادرلارعا جالپى 15 مىڭ 825 يۋاندىق ەرەن بازاردان زات الۋ كارتۋچكاسىن، يگىلىك اقشاسىن تاراتقان. وعان پارتيا ىشىندە ەسكەرتۋ بەرۋ جازاسى بەرىلىپ، تارتىپكە قايشى تاراتىلعان اقشانى قايتارۋ ۇيعارىلدى.
9. تەكەس اۋدانى قاراتوعاي اۋىلدىق ەمحانانىڭ باستىعى ديڭ شۋنحۋدىڭ بەلگىلەمەگە قايشىلىق جاساپ قوسىمشا، تولىقتاما قاراجات تاراتۋ ماسەلەسى. ديڭ شۋنحۋ 2013-جىلى قاڭتاردان قىركۇيەككە دەيىن تەلەفون اقى جانە قوسىمشا، تولىقتاما قاراجات تاراتۋ دەگەن سىلتاۋمەن ەمحاناداعى ورتا جىكتەن جوعارعى كادرلارعا بەلگىلەمەگە قايشى تۇردە جالپى 11 مىڭ 600 يۋان تەلەفون اقىسى مەن قوسىمشا، تولىقتاما قاراجات تاراتقان. وعان اكىمشىلىك جاقتان ەسكەرتۋ جازاسى بەرىلىپ، تارتىپكە قايشى تاراتىلعان قاراجاتتى قايتارۋ ۇيعارىلدى.
10. تەكەس اۋدانى كوكسۋ اۋىلدىق ەمحانانىڭ ورىنباسار باستىعى (جالپى قىزمەتكە جاۋاپتى) جاڭ پىڭچىڭنىڭ بەلگىلەمەگە قايشىلىق جاساپ، قوسىمشا، تولىقتاما قاراجات تارتۋ ماسەلەسى. ول 2013-جىلى قاڭتاردان قىركۇيەككە دەيىن قاتىناس-تاماق قوسىمشا قاراجاتى دەگەن اتپەن ەمحاناداعى ورتا جىكتەن جوعارعى كادرلارعا بەلگىلەمەگە قايشى تۇردە جالپى 27 مىڭ 315 يۋان تولىقتاما كومەك قاراجاتىن تاراتقان. وعان پارتيا ىشىندە ەسكەرتۋ جازاسى بەرىلىپ، تارتىپكە قايشى تاراتىلعان قاراجاتتى قايتارۋ ۇيعارىلدى.
11. موڭعۇلكۇرە اۋداندىق ءوندىرىس حاۋىپسىزدىگىن باقىلاۋ-باسقارۋ مەكەمەسىنىڭ كومىرگە جاتپايتىن كەندەردى باقىلاۋ-باسقارۋ بولىمشەسىنىڭ باستىعى يۇي چۋانيۇننىڭ قوسىمشا اتقارعان قىزمەت مىندەتىنە ەڭبەكاقى الۋ ماسەلەسى. ول 2012-جىلى قاڭتاردا «ىلە وزەنى زى جين مارگانەتسشىلىك شەكتى جاۋاپكەرشىلىك سەرىكتەستىگىنىڭ» تەحنيكالىق حاۋىپسىزدىگىنە اقىلشى بولىپ، كەن ءوندىرىسىنىڭ حاۋىپسىزدىگى مەن قازۋ جۇمىسىنىڭ جاۋاپكەرشىلىگىن ارقالايدى، سونىمنەن 2012-جىلى قاڭتاردان 2014-جىلى قاڭتارعا دەيىن ول «ىلە وزەنى زى جين مارگانەتسشىلىك شەكتى جاۋاپكەرشىلىك سەرىكتەستىگىنەن» 123 مىڭ 900 يۋان ەڭبەكاقى العان. وعان اكىمشىلىك جاقتان كىنا جازۋ جازاسى بەرىلىپ، قوسىمشا اتقارعان مىندەتىنە العان ەڭبەكاقىنى قايتارۋ ۇيعارىلدى.
12. كۇيتۇن قالالىق پارتكوم شەجىرە كەڭسەسىنىڭ مەڭگەرۋشىسى چىن شياڭيۋاننىڭ پاك، تارتىپشەڭ بولۋ بەلگىلەمەسىنە قايشىلىق جاساۋ ماسەلەسى. ول 2012-جىلى قاڭتاردان 2014-جىلى ماۋسىمعا دەيىن جەكە كولىگىن ءوز ەركىمەن قىزمەت ورنىنىڭ جۇمىسىنا ىستەتىپ، وعان كەتكەن 20 مىڭ 184 يۋاندىق جانار ماي، ريمونت، تەكسەرۋ اقىلارىن تۇگەلدەي ۇكىمەت اقشاسىنان كوتەرتكەن. مۇنىڭ 5 مىڭ يۋاننان استامى قىزمەت ورنىنىڭ كولىككە ىستەتەتىن ورىندى قاراجاتى بولۋدا سىرت، قالعان 15 مىڭ 184 يۋانى بەلگىلەمەگە قايشى ەسەپتەن كوتەرتۋگە جاتقان. وعان پارتيا ىشىندە ەسكەرتۋ جازاسى بەرىلىپ، تارتىپكە قايشى قاراجاتتى قايتارۋ ۇيعارىلدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
