ات يەسى ءبىر ميلليون 500 مىڭ يۋانعا اتىن ساتۋدان باس تارتتى
2018.05.17 13:47 كەلۋ قاينارى : حالىق تورابى
ىلە تۇلپارىنا نەلىكتەن وسىنشاما جوعارى باعا بەرىلەدى؟
حالىق تورابى، 17- مامىر، بەيجيڭ. «قارا قۇيىن» دەگەن ءبىر تۇلپارعا ءبىر ميلليون 500 مىڭ يۋان جوعارى باعا بەرىلدى، باعاسى ءبىر ساۋلەتتى اۆتوكولىكتەن جوعارى بولىپ شىقتى، دەسە دە ات يەسى اتىن ساتۋدان باس تارتتى.
14 – مامىردا، ءتىلشىنىڭ ۇعىسۋىنشا، بۇل ءبىر ميلليون 500 مىڭ يۋان باعا قويىلعان ات موڭعۇلكۇرە تۇلپارى ەكەن.
«تۇلپار مەكەنى» اتانعان موڭعۇلكۇرەنىڭ جىلقى باپتاۋ تاريحى ۇزاق، جىلقى مادەنيەتىنىڭ استارى مول جانە جىلقى ءتۇرىنىڭ نەگىزى كەڭ كولەمدە ساقتالعان.
«قارا قۇيىن» مەملەكەتتىك جارىستاردا تالاي رەت اعا جۇلدەگەر بولعان
بۇل اتتىڭ يەسى نيمان، بيىل 43 جاستا، شينجياڭ ىلە موڭعۇلكۇرە ات الاڭىنىڭ مالشىسى، اتىنىڭ ءون - بويى ءبىرتۇتاس قاپ - قارا، ونىڭ ۇستىنە شاپقاندا جەلدەي ۇشاتىن بولعاندىقتان نيمان اتىنا «قارا قۇيىن» دەپ ات قويعان.
ءساۋىر جانە مامىر ايىندا وتكىزىلگەن جۇڭحۋا ۇلتتارىنىڭ ات بايگەسى 2018 – جىلعى ءداستۇرلى توزىمدىلىك بايگەسىنىڭ العاشقى جارىسىندا جانە 2018 – جىلعى 2 – كەزكتى جۇڭگو حىبەي ۇشقىر ات بايگەسىنىڭ اشىق بايگەسىندە توزىمدى دە جۋاس «قارا قۇيىن» قاتارىنان اعا جۇلدەگەر بولادى، 20 شاقىرىمدىق تۇزىمدىلىك بايگەسىندە 29 مينۋت 45 سەكۋندتىق ەڭ جاقسى ناتيجەگە جەتەدى. ال ونىڭ قارسىلاستارى «ساحارانىڭ ءتوزىمدى تۇلپارى» اتانعان موڭعۇل جىلقىسى، «ءتاڭىر ەركەسى» اتانعان اقالتەكە جىلقىسى قاتارلىلار ەكەن.
ادەتتە ءبىر جاي ىلە جىلقىسىنىڭ باعاسى 20 مىڭ يۋان اينالاسىندا بولادى، 50 مىڭ نەمەسە 60 مىڭ يۋانعا ساتىلسا ەڭ قىمبات باعا ەسەپتەلىنەدى. جارىستان كەيىن كوپتەگەن ادام نيمانمەن حابارلاسىپ «قارا قۇيىندى» ساتىپ العىسى كەلەتىندىكتەرىن ايتقان، ولاردىڭ قويعان باعاسى ادەتتەگى جىلقىدان جوعارى بولعان.
ىشكى موڭعۇلدان حابارلاسقان دالىڭعۇربا ءبىر ميلليون 500 مىڭ يۋان باعا قويعان، دەسە دە، ات يەسى ساتۋدان باس تارتقان.
بۇل حاباردى موڭعۇلكۇرە اۋداندىق جىلقى شارۋاشىلىعىن دامىتۋدى باسقارۋ كەڭسەسىنىڭ مەڭگەرۋشىسى لي حاي راستادى.
شينجياڭ جىلقى شارۋاشىلىعى بىرلەستىگىنىڭ حاتشىسى، شينجياڭ اۋىل شارۋاشىلىق ۋنيۆەرسيتەتىنىڭ ات شارۋاشىلىعىن زەرتتەۋ ءبولىمىنىڭ باستىعى ياۋ شينكۇي بىلاي دەدى: «ءبىر ىلە تۇلپارىنىڭ ەل ىشىندەگى توزىمدىلىك بايگەسىندە قاتارىنان اعا جۇلدەگەر بولۋى ادامدى قۋاندىراتىن جاعداي.»
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
