6 - كەزەكتى دۇنيە جۇزىلىك ينتەرنەت جينالىسى اشىلدى
حۋاڭ كۇنميڭ ءتوراعا شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى
2019.10.21 16:04 كەلۋ قاينارى : حالىق تورابى
«حالىق گازەتى»، 10 - ايدىڭ 20 – كۇنى، حاڭجوۋ (ءتىلشى شۇي جۇن). 6 - كەزەكتى دۇنيە جۇزىلىك ينتەرنەت جينالىسى 10 - ايدىڭ 20 - كۇنى جىجياڭنىڭ ۋجىن قالاشىعىندا اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ اشىلۋ سالتىنا قاتىناسىپ، ءتوراعا شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى.
حۋاڭ كۇنميڭ بىلاي دەپ اتاپ كورسەتتى: ءتوراعا شي جينپيڭنىڭ قۇتتىقتاۋ حاتىندا العا قويىلعان ۇستانىم، قۋاتتاماسى ينتەرنەتتىڭ دامۋ بەتالىسىنا تەرەڭ كوز جىبەرىپ، ادامزاتتىڭ ورتاق باقىتىن ارتتىرۋعا ايرىقشا كوڭىل ءبولىپ، جۇڭگو مەن دۇنيە جۇزىندەگى ءار ەلدىڭ ينتەرنەت كەڭىستىگىندەگى تاعدىرلاس ورتاق تۇلعانى قول ۇستاسا قۇرۋ سىندى شىنايى تىلەگىن ايگىلەدى.
حۋاڭ كۇنميڭ مىنالاردى دارىپتەدى: بيىل − جاڭا جۇڭگو قۇرىلعانىنىڭ 70 جىلدىعى، ينتەرنەتتىڭ دۇنيەگە كەلگەنىنىڭ 50 جىلدىعى. جاڭا باستامادا دامۋ ورايىن مىقتى يگەرىپ، حاۋىپ - قاتەر مەن سىن - سايىسقا بەلسەنە توتەپ بەرىپ، توراپ كەڭىستىگىن بۇكىل ادامزاتقا باقىت جاراتاتىن دامۋ ورتاق تۇلعاسى، حاۋىپسىزدىك ورتاق تۇلعاسى، مۇددە ورتاق تۇلعاسى ەتىپ قۇرىپ شىعۋ كەرەك. بارابار بولىپ، ءوزارا تيىمدىلىك جاساۋدان، سيىسىمدى بولىپ، ءوزارا سەنىم ارتۋدان، ىنتىماقتى، قارايلاسىمدى بولۋدان، اۋىس - كۇيىس جاساپ، ءوزارا ۇلگى الۋدان جازباي، سيفرلى ەكونوميكانى زور كۇشپەن دامىتىپ، سيفرلى ەكونوميكانىڭ يگىلىگىن ايگىلەپ، ينتەرنەت كەڭىستىگىنىڭ حاۋىپسىزدىك ءتارتىبىن پارمەندى قورعاپ، ينتەرنەتتى رەفورما جاساپ، جاڭالىق اشۋدى جەبەيتىن، ءوزارا پايدا جەتكىزىپ، تەڭ يگىلىككە كەنەلەتىن ينتەرنەتكە اينالدىرۋ كەرەك. بولاشاققا بەت العاندا، جۇڭگو بۇرىنعىداي جاۋاپتى ءىرى ەلدىك رولىن ساۋلەلەندىرىپ، ينتەرنەت كەڭىستىگى دامۋىنىڭ ۇلەس قوسۋشىسى، ينتەرنەت كەڭىستىگىن اشىق ۇستاۋدىڭ ىلگەرىلەتۋشىسى، ينتەرنەت كەڭىستىگى حاۋىپسىزدىگىنىڭ قورعاۋشىسى، حالىقارالىق ينتەرنەت كەڭىستىگىن جونگە سالۋدىڭ قۇرۋشىسى بولۋعا قۇلشىنىپ، حالىقارالىق قوعاممەن بىرگە دۇنيە ءجۇزىنىڭ ينتەرنەتتى دامىتۋدى جونگە سالۋ اياق الىسىن ىلگەرىلەتىپ، دۇنيە جۇزىنە، ادامزاتقا اناعۇرلىم ويداعىداي باقىت جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
