- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حاينان ولكەسىنىڭ لينگاۋ اۋدانى
ەڭ تومەنگى تۇرمىستى قامتاماسىزداندىرۋ دەلوسىندا ەرەجەگە قايشىلىق جاساعان 16 كادردى ءبىرجاقتىلى ەتتى
«حالىق گازەتىنىڭ» ءتىلشىسى ما يۋەفىڭ
2014.05.07 13:54 كەلۋ قاينارى : حالىق تورابى
ءتىلشىنىڭ تاياۋدا حاينان ولكەلىك حالىق ىستەرى مەڭگەرمەسىنەن ۇعىسۋىنشا، حالىق گازەتىنىڭ «وقىرماننان حات» ايدارىندا لينگاۋ اۋدانىنىڭ ءىشىنارا اۋىل- قىستاقتارىندا ەڭ تومەنگى تۇرمىستى قامتاماسىزداندىرۋداعى ەرەجەگە قايشى جايتتەر اڭىس ەتىلگەندىكتەن، بۇعان ولكەلىك حالىق ىستەرى مەڭگەرمەسى وزگەرتۋ، وڭاۋ شاراسىن كورۋدى ورتاعا قويعان. لينگاۋ اۋداندىق ءتارتىپ تەكسەرۋ كوميتەتى اۋداندىق حالىق ىستەرى مەكەمەسىنىڭ ورىنباسار باستىعى ۋاڭ ليحۋا باستاعان 16 كادرعا مىندەتىنەن قالدىرۋ، پارتيا ىشىندە ەسكەرتۋ بەرۋ جانە اكىمشىلىك كىنا جازۋ شاراسىن كورگەن.
حالىق گازەتىنىڭ 25- اقپان كۇنگى سانىنداعى «وقىرماننان حات» ايدارىندا «ءتۇسى وزگەرگەن ەڭ تومەنگى تۇرمىستى قامتاماسىزداندىرۋ» دەگەن حات باسىلدى، حاتتا حاينان ولكەسى لينگاۋ اۋدانىنىڭ حىشى قالاشىعىندا قىستاق تۇرعىندار كوميتەتى كادرلارىنىڭ ەڭ تومەنگى تۇرمىستى قامتاماسىزداندىرۋدا زورلاپ راسميات اقىسىن الۋ سياقتى بەلگىلەمەگە قايشى ماسەلە اڭىس ەتىلگەن بولاتىن. ولكەلىك حالىق ىستەرى مەڭگەرمەسى دەرەۋ 5 تەكسەرۋ گرۋپپاسىن لينگاۋ اۋدانىنا جىبەردى، ولار وتباسى سايىن ارالاپ تەكسەرۋ جۇرگىزدى. لينگاۋ اۋداندىق ءتارتىپ تەكسەرۋ كوميتەتى دەلو بىتىرۋگە 4 گرۋپپا ۇيىمداستىرىپ، اۋداندىق حالىق ىستەرى مەكەمەسىمەن، حىشى قالاشىعىنداعى قىزمەتكەرلەرمەن سەلبەسىپ تەكسەرۋ ارقىلى حىشى قالاشىعىنىڭ بۋفو، باۋتاڭ، بۋدا قاتارلى قىستاقتارىنداعى تۇرعىندار كوميتەتىنىڭ كادرلارىندا ەڭ تومەنگى تۇرمىستى قامتاماسىزداندىرۋ جۇمىسىن ءبىتىرۋ بارىسىندا مىندەتىن ادا ەتپەۋ، تۋىس- تۋعان، دوس- جاراندارىنا بۇيرەگى بۇرىلۋ سياقتى تارتىپكە، زاڭعا قايشى ارەكەتتىڭ، كەيبىر قىستاق كادرلارىندا نەمەسە ونىڭ تۋىس- تۋعاندارىندا ەڭ تومەنگى تۇرمىستى قامتاماسىزداندىرۋ قاراجاتىنءوتىنىش ەتىپ الۋ ماسەلەسىنىڭ ورىن تەۋىپ وتىرعانىن، بۇل جيىنى 18 وتباسىن شارپىپ، جالپى سومانىڭ 62 مىڭ 720 يۋان بولعانىن انىقتادى. 3-ناۋرىز كۇنى، لينگاۋ اۋداندىق ءتارتىپ تەكسەرۋ كوميتەتىنىڭ تۇراقتى كوميتەتى بۋفو قىستاعى پارتيا ياچەيكاسىنىڭ شۋجيى ۋاڭ زىبياۋ باستاعان قىستاق ەكى كوميتەت القاسىنداعى 6 كادردىڭ ەڭ تومەنگى تۇرمىستى قامتاماسىزداندىرۋ جۇمىسىن ءبىتىرۋ بارىسىندا راسميات اقىسىن العانىنا جانە پاك، كىرشىكسىز، ۇستامدى بولۋعا قايشى ارەكەتتەرىنە دەلو تۇرعىزىپ تەكسەرۋ جۇرگىزدى. 19-ناۋرىز كۇنى، لينگاۋ اۋداندىق ءتارتىپ تەكسەرۋ كوميتەتىنىڭ تۇراقتى كوميتەتى حىشى قالاشىعى باۋتاڭ قىستاعى تۇرعىندار كوميتەتىنىڭ 4 كادرى مەن بۋدا قىستاعى تۇرعىندار كوميتەتىنىڭ 2 كادرىنا دەلو تۇرعىزىپ تەكسەرۋ جۇرگىزدى ءارى ەڭ تومەنگى تۇرمىستى قامتاماسىزداندىرۋ قىزمەتىندە مىندەتىن ادا ەتپەگەن حىشى قالاشىعىنىڭ وسى قىزمەتكە جاۋاپتى باسشىسى حۋاڭ يۋجىن، قالاشىق حالىق ىستەرى بولىمشەسى باستىعىنىڭ كومەكشىسى ۋاڭ فۋحۇي جانە اۋداندىق حالىق ىستەرى مەكەمەسىنىڭ ورىنباسار باستىعى ۋاڭ ليحۋا، اۋداندىق حالىق ىستەرى مەكەمەسى قوعامدىق كومەك بەرۋ ورنىنىڭ جاۋاپتىسى ۋاڭ شيندارعا دەلو تۇرعىزىپ، جاۋاپكەرلىكتەرىن قۋزاستىردى. لينگاۋ اۋداندىق ءتارتىپ تەكسەرۋ كوميتەتىنىڭ تۇراقتى كوميتەتى تالقىلاۋ ارقىلى ۋاڭ ليحۋا، ۋاڭ شين، حۋاڭ يۋجىن، ۋاڭ فۋحۇيگە مىندەتىنەن قالدىرۋ؛ ۋاڭ زىبياۋ قاتارلى 12 ادامعا پارتيا ىشىندەگى مىندەتىنەن قالدىرۋ، پارتيا ىشىندە قاتاڭ ەسكەرتۋ بەرۋ، پارتيا ىشىندە ەسكەرتۋ بەرۋ شاراسىن كورۋدى ۇيعاردى.
لينگاۋ اۋداندىق حالىق ىستەرى مەكەمەسىنىڭ باستىعى ۋىن فىڭنىڭ ايتۋىنشا، لينگاۋ اۋداندىق ۇكىمەت حىشى قالاشىعىنىڭ ەڭ تومەنگى تۇرمىستى قامتاماسىزداندىرۋداعى ەرەجەگە قايشى جايتتەرىن اينا ەتىپ، بۇكىل اۋدان كولەمىندە ەڭ تومەنگى تۇرمىستى قامتاماسىزداندىرۋدى ارناۋلى وڭاۋ قيمىلىن ورىستەتەدى ەكەن. تەكسەرۋ- اداقتاۋ قىزمەتى 4 ساتىعا ءبولىنىپ ورىستەتىلىپ، اۋىل- قىستاقتارداعى ەڭ تومەنگى تۇرمىستى قامتاماسىزداندىرۋ شارتىنا تولمايتىندارىنىڭ ەڭ تومەنگى تۇرمىستى قامتاماسىزداندىرۋدان يگىلىكتەنۋىن كۇشىنەن قالدىرعاننان كەيىن، بۇكىل قالاشىقتاعى باسقا 10 قىستاق تۇرعىندار كوميتەتىنىڭ ەكى كوميتەت القاسىنداعى كادرلاردىڭ جاقىن تۋىس- تۋعاندارىنىڭ لينگاۋ اۋدانىنىڭ قالا، اۋىلدارىندا ەڭ تومەنگى تۇرمىستى قامتاماسىزداندىرۋدان يگىلىكتەنگەندەرى بار- جوقتىعىن وتباسى سايىن كىرىپ انىقتايدى ەكەن. قازىر لينگاۋ اۋدانىنداعى قالاشىقتار ءبىرىن- ءبىرى تەكسەرىپ- اداقتاۋ، قالاشىق، ەگىس الاڭىن كوتەرەگە العان كادرلار قىستاق تۇرعىندار كوميتەتىنە، جۇمىس ىستەيتىن رايوندارىنا ناقتى ارالاسۋ تاسىلىمەن ەڭ تومەنگى تۇرمىستى قامتاماسىزداندىرۋدان يگىلىكتەنگەندەردى قاتاڭ، جان- جاقتى تەكسەرىپ- اداقتاۋدا. تەكسەرۋ- اداقتاۋ گرۋپپاسىنىڭ قىزمەتكەرلەرى تەكسەرىپ- اداقتالعان قىستاق ەكى كوميتەت القاسىنداعى كادرلاردىڭ، تەكسەرىپ- اداقتالعان وتاعاسىلارىنىڭ نەمەسە وتباسى مۇشەلەرىنىڭ قولىن قويعىزىپ، بارماعىن باستىرتىپ، قىزمەتتى ات ءۇستى ىستەمەي، ناقتى تياناقتاندىرىپ جاتىپتى.
«حالىق گازەتىنىڭ» 2014-جىلى 8-ءساۋىر كۇنگى سانىنان اۋدارعان: ساعىنبەك رابات ۇلى («التاي گازەتى» قازاق رەداكسياسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
