- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جازا اتقارىلۋشى قازا بولسا، مۇراسىنا مۇراگەرلىك ەتۋشىنىڭ مال – مۇلكىنە جازا اتقارۋعا بولاما؟
گۇلمينا ساعىنپقان قىزى
2014.10.10 17:14 كەلۋ قاينارى : حالىق تورابى
حالىق سوت مەكەمەسىنىڭ زاڭدىق كۇشكە يە بولعان ۇكىم، كەسىم، كەلىسىمدەرىن اتقارۋ بارىسىندا كەيدە اتقارىلۋشى قازا بولىپ، اتقارۋعا قولايسىزدىق اكەلەتىن جايتتەر تۋىلىپ وتىرادى. مىسالى: ەرلان قاناتتان جولداسى ەكەۋىنىڭ تيجارات جۇرگىزۋىنە قارجى جەتىسپەيتىندىگىن ايتىپ 230 مىڭ يۋان قارىز الىپ، قايتارىپ بەرمەگەندىكتەن، قانات سوت مەكەمەسىنە ارىزدانىپ، سوت مەكەمەسى ەرلان ۇكىم زاڭدىق كۇشكە يە بولعاننان كەيىن 10 كۇن ىشىندە 230 مىڭ يۋاندى وسىمىمەن قاناتقا قايتارىپ بەرسىن دەپ ۇكىم شىعارادى. ۇكىم كۇشكە يە بولعاننان كەيىن ۇكىمدە بەلگىلەنگەن ۋاقىتتا ەرلان تاعى دا بۇل سومانى بەرمەي قاشقالاقتاعاننان كەيىن، قانات سوت مەكەمەسىنە زورلىقتى اتقارۋعا ءوتىنىش ەتەدى. وسى كەزدە ويلاماعان جەردەن ەرلان قاتىناس شىرعالاڭىنان قازا بولىپ، ارتىندا مۇرا قالعانءبىر قابات ءۇيىن ايەلى 280 مىڭ يۋانعا ساتىپ، 100 مىڭ يۋانىن ەرلاننىڭ ۇلى ايدىنعا بەرىپ قالعانىن ءوزى الادى. بۇنداي جاعدايدا قاناتتىڭ ەرلاننىڭ ايەلى مەن بالاسىنا تيەسەلى مۇرا ۇلەسىن اتقارتۋدى ءوتىنىش ەتۋىنە بولاما؟
بۇل دەلونىڭ جالپى جاعدايىنا تالداۋ جاساۋ ارقىلى قارىزعا العان 230 مىڭ يۋان ەرلان مەن جولداسىنىڭ ورتاق قارىزى بولىپ تۇراقتانادى. ەڭ جوعارى حالىق سوت مەكەمەسىنىڭ «‹ازاماتتىق ىستەر زاڭى جالپى ەرەجەسىن» دايەكتى اتقارۋعا قاتىستى ءبىر قانشا ماسەلەلەر جونىندەگى پىكىرىنىڭ» 43 - تارماعىندا: «ەرلى - زايىپتىلىق قاتىناس ءومىر سۇرگەن مەزگىلدە، ەرلى - زايىپتىنىڭ بىرەۋىنىڭ جەكەلىك تيجاراتپەن شۇعىلدانۋىنان نەمەسە كوتەرەگە العان تيجاراتتان كىرگەن كىرىسى ەرلى - زايىپتىلاردىڭ ورتاق مال - مۇلكى بولادى، قارىز ەرلى - زايىپتىلاردىڭ ورتاق مال - مۇلكىنەن قايتارىلادى» دەپ بەلگىلەنگەن. ەڭ جوعارى حالىق سوت مەكەمەسىنىڭ «‹جۇڭحۋا حالىق رەسپۋبليكاسى ازاماتتىق ىستەر ارىز - شاعىم زاڭىن» قولدانۋعا قاتىستى ءبىر قانشا ماسەلەلەر جونىندەگى پىكىرىنىڭ 274- تارماعىندا: «اتقارىلۋشى بولعان بۇقارا قازا بولىپ، مۇراسىنا مۇراگەرلىك ەتۋشى مۇرادان ۋاز كەشپەگەندە، حالىق سوت مەكەمەسى كەسىم ارقىلى اتقارىلۋشىنى وزگەرتىپ، مۇراگەردىڭ يەلىك ەتكەن مۇرا كولەمىنە قاراي قارىزدى قايتارتسا بولادى» دەپ بەلگىلەنگەن.
جوعارىداعى بەلگىلەمەلەرگە نەگىزدەلگەندە، اتقارىلۋشى ەرلاننىڭ ءۇيىن ساتقاننان كەيىنگى 280 مىڭ يۋان سوماسىنا ايەلى جانە بالاسى مۇراگەرلىك ەتكەننەن كەيىن، قانات سوت مەكەمەسىنە مۇراعا مۇراگەرلىك ەتۋشىنى اتقارىلۋشىعا وزگەرتۋدى ءوتىنىش ەتسە بولادى. الايدا، ەرلاننىڭ ۇلى ايدىننىڭ تەك ءوزى مۇراگەرلىك ەتكەن 100 مىڭ يۋان كولەمىندە عانا قارىزدى تولەۋ جاۋاپكەرشىلىگى بولعاندىقتان قالعان بولەگىن قاناتتىڭ ايەلى تولەپ قايتارۋعا جاۋاپتى بولادى.
سوندىقتان بۇقارالارعا ەسكەرتەرىمىز، اتقارىلۋشى قازا بولسا، الاشاعىم الىنباي كەتەدى دەپ الاڭ بولماڭىز. زاڭدى ۇقىق - مۇددەڭىز قاشاندا زاڭنىڭ قورعاۋىندا بولادى.
قىزمەت ورنى: جەمەنەي اۋداندىق حالىق سوت مەكەمەسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
