- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساپاسىز ماشينا ساتىپ الىپ، شىرعالاڭعا ۇشىراۋدان ساقتانىڭىز
تىلەۋ جاناس ۇلى، انارگۇل نۇعىمار قىزى
2015.12.29 16:49 كەلۋ قاينارى : شينجياڭ گازەتى
جاقىندا شونجى اۋداندىق ءادىليا مەكەمەسىنىڭ شيبەيۋان اۋىلدىق ءادىليا بولىمشەسىنە وڭ اياعىنا گيپس قاتىرىلعان ءبىر ۇيعۇر قاريانى بالاسى سۇيەپ الىپ كەلدى. ءادىليا قىزمەتكەرلەرى قاريانىڭ ارىز - تالابىن مۇقيات تىڭدادى. ول بىرەۋدەن ساتىپ العان ماي تارتۋ ماشيناسىنان زاقىمدالىپ، كەمتار بولعانداعى ەمدەلۋ شىعىنىن تولەتتىرىپ الۋ ءۇشىن كەلگەن ەكەن.
2015- جىلى 25- تامىز كۇنى ول اۋداندىق ەگىن شارۋاشىلىق ماشينالارى بازارىنداعى شى فاميليالى ساۋداگەردەن 35 مىڭ يۋانعا ءبىر ماي تارتۋ ماشيناسىن ساتىپ الادى. 5 - قىركۇيەك كۇنى ونىمەن ماي تارتىپ جاتقاندا، بايقاۋسىزدا وڭ اياعىنىڭ باسى اينالىپ تۇرعان شىنجىرعا ورالىپ اۋىر جارالانادى. ول جاراقاتىن ەمدەتۋ ءۇشىن، اۋداندىق جانە اۆتونوميالى رايوندىق شيپاحانالاردا ىلگەرىندى - كەيىندى 70كۇن جاتادى.
شيپاگەرلەر اسقىنعان جاراقاتتان بۇزىلعان اياعىن قورعاپ قالۋ ءۇشىن، امالسىزدان وڭ اياعىنىڭ تابانىن ويىپ الىپ تاستاعاندىقتان، ول بىرەۋدىڭ سۇيەۋىنسىز جۇرە المايتىن كەمتارعا اينالادى. شيپاحانادان شىققان سوڭ، جاراقاتىن ەمدەتۋگە جۇمساعان 80مىڭ يۋان شىعىمىن تولەپ بەرۋدى تالاپ ەتىپ، ماشينانى ساتۋشىمەن ايىرىم بىرنەشە رەت سويلەسكەن بولسا دا ساۋداگەر «مۇنىمەن مەنىڭ ەشقانداي قاتىسىم جوق، ءوزىڭنىڭ ماشينانى جونىمەن ىستەتە الماعاندىعىڭنان كور» دەپ تولەم بەرۋدەن باس تارتادى. ءوزى جول ءجۇرىپ، تولەمدى الا المايتىنىنا كوزى جەتكەن قاريا ءادىليا ورنىنان كومەك تالاپ ەتىپ كەلگەن جايى وسى ەكەن.
ءادىليا قىزمەتكەرلەرى جالپى ءمان - جايدى تولىق ۇققاننان كەيىن، داۋ - شارعا قاتىستى جاقتاردى شاقىرىپ الىپ، ولارعا ەلىمىزدىڭ «تۇتىنۋشىلاردىڭ ۇقىق - مۇددەسىن قورعاۋ زاڭى»، «ونىمدەردىڭ ساپا زاڭى»، «ۇقىققا سۇعاناقتىق جاساۋ جاۋاپكەرشىلىك زاڭى» سياقتى زاڭداردىڭ قاتىستى مازمۇندارىن تولىق ۇعىندىرىپ، جاۋاپكەرشىلىكتەرىن ايقىنداپ، مۇقيات قىزمەت ىستەگەندىكتەن، شى فاميليالى ساۋداگەر ءوزىنىڭ ساتقان ماشيناسىندا 3 ءتۇرلى كۋالىكتىڭ، ءتىپتى، ماشيناسىنىڭ شىنجىر قالقانىنىڭ جوق، ماشينانىڭ تولىمسىز ەكەندىگىن دە مويىنداپ، وندىرگەن زاۆودتىڭ باس تارتۋعا بولمايتىن جاۋاپكەرشىلىگى بار ەكەنىن ايتادى.
ءادىليا قىزمەتكەرلەرى قاتىستى زاڭدىق بەلگىلەمەلەر مەن قاريانىڭ مۇگەدەكتىك دارەجەسىنە قاراي وتىرىپ، ساۋداگەر مەن زاۆود ورنىنىڭ زاقىمدالۋشىعا 200مىڭ يۋان تولەم بەرۋىن ورتاعا قويادى. جاۋاپكەر جاق: مۇنى تولەۋگە جاعدايىمىز كوتەرمەيدى، ءتىپتى، سوتقا بارىپ ۇكىم شىعارتىپ اكەلسە دە تولەپ بەرۋگە ءبىزدىڭ شامامىز جەتپەيدى، - دەيدى. ءادىليا قىزمەتكەرلەرىنىڭ ەرىنبەي - جالىقپاي جاراستىرۋىنىڭ ارقاسىندا ەكى جاق اقىرى ءوز رازىلىقتارىمەن 100مىڭ يۋانعا كەلىسەدى ءارى 100مىڭ يۋاندى داۋگەرگە قولما - قول بەرەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
