- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شومىردىڭ قانداي پايداسى بار
2014.04.21 14:12
مامانداردىڭ ايتۋىنشا شومىردىڭ دەنساۋلىققا كوپ جاقتان پايداسى بار ەكەن، تومەندە نەگىزگى 6 ءتۇرلى پايدالى جاعىن تانىستىرايىق.
1. جوتەلدى باسىپ، قاقىرىقتى ازايتادى
مامانداردىڭ ايتۋىنشا، شيكى شومىر ۇرىعىنان الىنعان زاتتىڭ جوتەلدى باسىپ، قاقىرىقتى جويۋ رولى كۇشتى بولىپ، قۋىرىلعان شومىر ۇرىعى دەمىكپەنى باسادى ەكەن. شومىردى جەۋدىڭ قاراپايىم ءادىسى، شومىردى جۋىپ تازارتقاننان كەيىن جىڭىشكەلەپ تۋراپ، قانت قوسىپ جەۋ نەمەسە شومىر شىرىنىنا بال قوسىپ ءىشۋ. قىستى كۇنى ادامداردىڭ ۇنەمى ىستىعى اسىپ، قاقىرىعى كوبەيىپ، وكپەسىندە جايسىزدانۋ بولادى، وسىندايدا شومىر شىرىنىن ىشسە، وكپەنى قۋاتتاندىرۋ ءونىمى كورنەكتى بولادى.
2. اس قورىتۋعا پايدالى
مامانداردىڭ تۇسىندىرۋىنشە، شومىردىڭ تابەتتى ارتتىرىپ، تاماقتى ءسىڭىرۋ رولى بار ەكەن. بۇلاي بولۋداعى سەبەبى، شومىردىڭ قۇرامىنداعى قانتتى فەرمەنت ازىقتىقتىڭ ماي، كراحمال تەكتەس قۇرامىن ىدىراتىپ، قىشى مايى اسقازان ىشەكتىڭ قىزمەتىن جاقسارتىپ، اسقا تابەتتى ارتتىرىپ، اس قورىتۋعا كومەكتەسۋمەن بىرگە، ءبولىنىپ شىققان قورەكتىك زاتتاردى دەنەگە سىڭىرۋگە پايدالى.
3. قان قىسىمىن ءتۇسىرىپ، ماي قۇرامىن تەڭشەيدى
شومىردى نەمەسە ۇرىعىن سۋعا قايناتىپ ىشسە قان تامىردى كەڭەيتىپ، قان قىسىمىن تۇسىرەدى، تاعى جوعارى تىعىزدىقتاعى بەلوكتىڭ ( حولەستەريننىڭ) مولشەرىن جوعارىلاتادى. جاڭا شىققان شومىردىڭ شىرىنىن ۇزاق ۋاقىت ىشسە ( ءار كۇنى 2 رەت، ءار رەتتە 15~20 ميلليليتر )، قان سارسۋى حولەستەريننىڭ جوعارىلاۋىنا شيپالى بولىپ، ايدارشا ارتەريانىڭ قويمالجىڭدانىپ قاتايۋىن تەجەپ، جۇرەك اۋرۋىنىڭ الدىن الۋ جاعىندا دا بەلگىلى پايداسى بار.
4. باكتەريانى جويىپ، راكتىڭ الدىن الادى
شومىردىڭ قۇرامىنداعى قانتتى فەرمەنت ماي مەن كراحمالدى ىدىراتىپ قالماستان، راكتى تۋدىراتىن نيترامين زاتىن دا ىدىراتادى، سول ارقىلى راكتىڭ الدىن الۋ رولىن اتقارادى. لەگنين ۇلكەن كلەتكالاردىڭ ميكروپتار، بوگدە زاتتار جانە نيكروزدانعان كلەتكالاردى جۇتۋ رولىن كۇشەيتۋ ارقىلى ادام دەنەسىنىڭ يممۋنيتەتتىك قۋاتىن ارتتىرىپ، راككا قارسى ءونىم بەرەدى. شومىر ۇرىعىنىڭ قۇرامىنداعى زات كەيبىر راك كلەتكاسى مەن باكتەريانىڭ ءوسۋىن تەجەۋمەن بىرگە، دەنە سىرتىنداعى جانە كلەتكا سىرتىندا باسقا زاتپەن بىرىگىپ، ۋىتتى قايتارۋ رولىن اتقارادى.
5. ءىشتى بوساتىپ، دارەت جۇرگىزەدى
شومىر ءىشتى بوساتىپ، دارەت جۇرگىزەتىن تاماشا ازىقتىق. مامانداردىڭ تۇسىندىرۋىنشە، بۇلاي بولۋى شومىردىڭ قۇرامىندا ازىقتىق تالشىعى مول بولعاندىقتان، ءىش جۇرگىزۋ رولىن اتقارادى ەكەن. قۋىرعان شومىردىڭ ۇرىعى نەسەپ جولىنىڭ توسىلۋى مەن قۋىق ءتۇبى بەزىنىڭ قالىڭداۋىنان تۋىنداعان نەسەپ جولىنىڭ توسىلۋىنا ەم بولادى. شومىردى تۋراپ شىرىنىن ىشسە وتكە تاس بايلانۋدىڭ الدىن الىپ، وتكە تاس بايلانۋ ناۋقاسىن ەمدەۋ جونىنەن ءونىمى كورنەكتى.
6. باس اۋىرعاندى باسادى
جۇڭگوشا شيپاگەرلىكتە شومىر شىرىنىنىڭ ءدامى ءتاتتى، سالقىن، قۇرامىندا قىشى مايى بار بولىپ، مۇرىنعا تامىزسا مۇرىننىڭ كىلەگەي قابىعى ارقىلى تەز ارادا ءسىمىرىلىپ، قان اينالىسىن جاقسارتىپ، مۇرىننىڭ بىتەلۋى نەمەسە مۇرىن قويناۋىنىڭ قابىنۋى جانە سۋىق ءتيۋ سياقتى جاعدايلاردان بولعان باس اۋرۋدى جازاتىندىعى ايتىلعان. باستىڭ سول جاق شەكەسى اۋىرعاندا شومىر شىرىنىن وڭ جاق مۇرىن قۋىسىنا بىرنەشە رەت تامىزۋ؛ باستىڭ وڭ جاق شەكەسى اۋىرسا شومىر شىرىنىن سول جاق مۇرىن قۋىسىنا تامىزۋ كەرەك. كۇنىنە 2 رەت، قاتارىنان 4 ~ 5 كۇن ىستەتكەندە ناتيجەسىن كورۋگە بولادى.
اۋدارعان: گۇلنۇر جۇماش قىزى
كەلۋ قاينارى: تارباعاتاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
