حالىق تورابىنىڭ «اقيقات» ايدارشاسى
تۇيە ءسۇتى قانتتى نەسەپ اۋرۋىنا ەم بولا ما؟
10 – ايداعى وسەك – اياڭدارعا از ايال
2019.11.18 15:32 كەلۋ قاينارى : حالىق تورابى
حالىق تورابى، 11 – ايدىڭ 16 – كۇنى، بەيجيڭ. تۇيە ءسۇتى قانتتى نەسەپ اۋرۋىنا ەم بولادى. الەۋمەتتىك مونشادا جۋىنسا، مەرەز اۋرۋىنا شالدىعادى. حارۆورد ۋنيۆەرسيتەتى ۇزاق جاساۋ ءدارىسىن زەرتتەپ جاسادى... وسىنداي اقپاراتتار شىن با؟ حالىق تورابى اڭىستىق دەرەكتەر ورتالىعى، تىڭشۇن ۇكىمەت ىستەرى اڭىس ءبولىمى جانە تىڭشۇن ىجداعات تەكشەسى ۇيىمداستىرعان زەرتتەۋ گرۋپپاسى جاريالاعان 10 – ايداعى وسەك – اياڭ تىزىمدىگىنە نەگىزدەلە وتىرىپ، حالىق تورابىنىڭ «اقيقات» ايدارشاسى ازىق – تۇلىك حاۋىپسىزدىگى، قوعامدىق ىستەر، عىلىم قاتارلى جاقتارداعى ءتۇيىندى وسەك – اياڭدارعا تالداۋ جاسادى.
ءبىرىنشى، تۇيە ءسۇتىنىڭ قۇرامىندا ينسۋلين بار، قانتتى نەسەپ اۋرۋىنا ەم بولادى؟
ورتا جاستاعىلار مەن قارتتاردان بۇل وسەك – اياڭعا نازار اۋدارعانداردىڭ سانى مولشەرمەن 4 ميلليون 102 مىڭ ادام
[قاۋەسەت] جۋىردا «تۇيە ءسۇتىنىڭ قۇرامىنداعى تابيعي ينسۋلين مەن ينسۋلين تەكتەس بەلوكتىڭ قۇرامى مول، ونىڭ ۇستىنە، تۇيە ءسۇتى اسقازان قىشقىلىمەن رەاكسيالاسپايدى، ينسۋلينمەن بىرگە اسقازاننان تەز ارادا ءوتىپ، ىشەك جولدارى ارقىلى سىمىرىلەدى، وسى سەبەپتەن ونىڭ قانتتى نەسەپ اۋرۋىن ەمدەۋ رولى بار» دەگەن ايتىلىم تارالدى. تۇيە ءسۇتىنىڭ، شىنىندا دا، وسىنداي حيكىمەت رولى بار ما؟
[شىن سىرى] قانتتى نەسەپ اۋرۋى — كۇردەلى سەبەپتەردەن تۋىندايتىن زات الماسۋمەن قاتىستى اۋرۋ، ونىڭ ەرەكشەلىگى قانداعى قانت قۇرامىنىڭ سوزىلمالى تۇردە جوعارىلاۋىنا ىلەسە، ينسۋليننىڭ ءبولىنۋى جانە ونىڭ رولىنداعى كەمىستىك سەبەبىنەن تۋىندايتىن قانت، ماي جانە بەلوك قاتارلى زاتتاردىڭ الماسۋىنىڭ قالىپسىزدانۋى بولىپ تابىلادى. شىنىندا دا، ءىشىنارا تاجىريبەلەردىڭ ناتيجەسى ءتۇيە ءسۇتىنىڭ قانتتى نەسەپ اۋرۋىنا شالدىققانداردىڭ اش قۇرساق كەزىندەگى قانىنداعى قانت قۇرامىن تومەندەتۋ رولى بار ەكەنىن دالەلدەگەن، الايدا، ادامدارعا كوپ مولشەردە كلينيكالىق زەرتتەۋ جۇرگىزۋ ءالى دە جەتكىلىكسىز، ونىمدىلىگىن ءالى دە ىشكەرىلەي دالەلدەۋگە تۋرا كەلەدى. ونىڭ ۇستىنە، جوعارىداعى تاجىريبەلەردىڭ بارلىعى قانت قۇرامىن تومەندەتەتىن دارىلەردى پايدالانۋ العى شارتىندا جۇرگىزىلگەن، سوندىقتان، تۇيە ءسۇتىنىڭ كومەكشى رولى بولۋى مۇمكىن، اۋرۋدى تۇبەگەيلى جازۋى مۇلدە مۇمكىن ەمەس.
ەكىنشى، «كۆانتتىق تولقىن» بىرنەشە مينۋتتا ءبىر كىتاپتى وقۋعا كومەكتەسەدى
ورتا جاستاعىلار مەن قارتتاردان بۇل وسەك – اياڭعا نازار اۋدارعانداردىڭ سانى مولشەرمەن 5 ميلليون 250 مىڭ ادام
[قاۋەسەت] 100 مىڭ ارىپتىك كىتاپتى بىرنەشە مينۋتتا وقىپ بولۋعا بولادى، كوزدى جۇمعاندا دا كىتاپتاعى مازمۇندى سەزىنۋگە بولادى، كىتاپ بەتىن اشپاي تۇرىپ – اق، كىتاپتىڭ مازمۇنىن تۇسىنۋگە بولادى ... جۋىردا «ون جول جازۋدى ءبىر قاراپ وقۋدان» اسىپ تۇسەتىن «كۆانتتىق تولقىنمەن تەز وقۋ» سىندى حيكىمەت ءتاسىل جۇرت نازارىن اۋداردى. كۆانتتىق ينتەگرال، تولقىن بولشەكتەرىنىڭ قوسارلانۋى قاتارلى فيزيكالىق قۇبىلىستار كورۋ قۋاتى ارقىلى ميعا اسەر ەتەدى، بىرنەشە مينۋتتا ءبىر كىتاپ وقۋعا بولادى؟
[شىن سىرى] «كۆانتتىق تولقىنمەن تەز وقۋ» — جاي ساۋاتقا جانە وقۋ – اعارتۋ زاڭدىلىعىنا قايشى كەلەتىن جايت. كۆانتتىق تولقىمەن تەز وقۋعا ۇيرەتەتىن كلاستار جايلى حابارلارعا كوز سالساق، نەشە ون ساعاتتىق ساباق اقىسى جاپپاي نەشە ون مىڭ يۋاننان تۇسپەيدى. 10 – ايدىڭ 30 – كۇنى شىنجىن قالالىق وقۋ – اعارتۋ مەكەمەسى ۇقتىرۋ شىعارىپ، ورتا، باستاۋىش مەكتەپ وقۋشىلارىنىڭ كۆانتتىق تولقىنمەن تەز وقۋدى ۇيرەتەتىن كۋرستارعا قاتىناسۋىنا تيىم سالدى. جۇڭگو وقۋ – اعارتۋدى عىلىمي زەرتتەۋ مەكەمەسىنىڭ زەرتتەرمەنى چۋ چاۋحۇي بىلاي دەپ قارادى: اتا – انانىڭ بالالارىنان زور ءۇمىت كۇتۋى سىندى پسيحيكالىق كۇيى وسەك – اياڭعا سەنۋىنە سەبەپ بولادى، ەڭ سوڭىندا، جاي ساۋاتتىق ءبىلىمى كەمشىل بولۋ، پارىقتاۋ قابىلەتى بولماۋ سەبەبىنەن قالتاسىنداعى اقشاسىن وسىعان جۇمسايدى، جۇرتتىڭ ءبىلىم ورەسىن جوعارىلاتۋ كەرەك.
ءۇشىنشى، سۇيىتىلعان گازدىڭ بولات كۇبىسىنە ءورت كەتسە، الدىمەن ءورتتى ءوشىرىپ، ونان سوڭ قاقپاعىن جابۋ كەرەك؟
ورتا جاستاعىلار مەن قارتتاردان بۇل وسەك – اياڭعا نازارعانداردىڭ سانى شامامەن 421 مىڭ ادام
[قاۋەسەت] ۋشيداعى ءدامحانادا 10 – ايدىڭ 31 – كۇنى وتىندىق گاز پارتىلاپ، ءولىم – ءجىتىم جانە جارالانۋ جاعدايى تۋىلىپ، جۇرتتىڭ نازارىن اۋداردى. وقيعا تۋىلعاننان كەيىن، بەلگىلى بلوگ يەسى «وتىندىق گاز ورتەنگەندە الدىمەن ءورتتى ءوشىرۋ كەرەك پە، الدە، الدىمەن بولات كۇبىنىڭ قاقپاعىن جابۋ كەرەك پە» دەگەن تاقىرىپتاعى ورتتەن ساقتانۋ جاعىنداعى تاربيەلىك كەسكىندى شىعارعان، اتالعان كەسكىندە «ەگەر وتىندىق گازگە ءورت كەتسە، الدىمەن ءورتتى ءوشىرىپ، ونان سوڭ قاقپاعىن جابۋ كەرەك» دەگەن ينفورماتسيا بەرىلىپ، توراپتاستار جاپپاي ۋيچات شەڭبەرىندە تاراتقان.
[شىن سىرى] شۇعىل جاعدايلارعا توتەپ بەرۋدى باسقارۋ مينيسترلىگى ءورت ءوشىرۋ جانە قۇتقارۋ مەكەمەسىنىڭ رەسمي ميكروبلوگى — «جۇڭگو ءورت ءوشىرۋ قىزمەتى» 10 – ايدىڭ 13 – كۇنى وسەك – اياڭعا تويتارىس بەرىپ، دۇرىس ءتاسىلدى جاريالادى، سۇيىتىلعان وتىندىق گازدىڭ بولات كۇبىسىنە ءورت كەتسە، ءىس جۇزىندىك جاعدايعا قاراي وتىرىپ، تۇرلىشە ءبىرجاقتى ەتۋ شارالارىن قولدانۋعا بولادى: قاقپاعى بۇلىنبەگەن بولسا، الدىمەن قاقپاعىن جابۋ كەرەك، قاقپاعى بۇلىنگەن بولسا، الدىمەن ءورتتى ءوشىرىپ، كۇبىنىڭ جەرگە جىعىلۋىنان ساقتانۋ كەرەك، جاعدايدى شامالاۋعا بولماسا، نەمەسە ءبىرجاقتى ەتۋگە شاما جەتپەسە، دەرەۋ 119 تەلەفونىمەن ساقشىعا مالىمدەپ، ءورت ءوشىرۋشى قىزمەتكەرلەردىڭ ءبىرجاقتى ەتۋىن كۇتۋ كەرەك. شۇعىل جاعدايلارعا توتەپ بەرۋدى باسقارۋ مينيسترلىگىنىڭ ءورت ءوشىرۋ جانە قۇتقارۋ مەكەمەسى مىنانى اتاپ كورسەتتى: ءورت ءوشىرۋشى دەگەن اتپەن ونىمدەرىن ۇگىتتەگەندەردىڭ ءبارى الدامشىلار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
