ىندەت كەزىندە بوبەكتەردىڭ دەنساۋلىعىن قورعاۋعا كوڭىل بولگەن ءجون!
ۋاقىتتىق قول گيگيەناسى قولدى مۇقيات جۋعانعا جەتپەيدى
2020.07.21 10:32 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ لينلين 7 – ايدىڭ 16 – كۇنى بەيجيڭنەن بەرگەن حابارى. ىندەتتەن ساقتانۋ جانە ونى تىزگىندەۋ ۇدايىلانعان كۇيگە ءوتتى، ءبىر جاسقا تولماعان بوبەكتەر ءالى تولىق جەتىلىپ بولماعاندىقتان، ماسكى تاقسا تىنىس الۋى قيىنداسۋى مۇمكىن. قايتكەندە بوبەكتەردى ىندەتتەن ويداعىداي ساقتاندىرۋعا بولادى؟ بەيجيڭ قالالىق بالالار ەمحاناسى شۇعىل ەمدەۋ ءبولىمىنىڭ مەڭگەرۋشىسى ۋاڭ چۋان بىلاي دەدى: بوبەكتەردىڭ دەنساۋلىعىن قورعاۋ نەگىزىنەن قامقورشى ادامنىڭ ءوزىن قورعاۋدى ويداعىداي ورىنداۋى بارىسىندا بوبەكتىڭ ىرىقسىز قورعانۋى ارقىلى ورىندالادى، مۇندا ايرىقشا كوڭىل بولەتىن ءىس: ۋاقىتتىق قول گيگيەناسى قولدى مۇقيات جۋۋدىڭ ورنىن باسا المايدى.
ۋاڭ چۋان مىناداي ۇسىنىس بەردى: قامقورشى ادام بالانى ويناتقان كەزدە نەمەسە بالانى قۇشاقتايتىن كەزدە، الدىمەن سابىنمەن نەمەسە قول جۋۋ سۇيىقتىعىمەن تازا سۋمەن قولدى مۇقيات تازالاپ جۋۋ كەرەك، قول جۋۋ ۋاقىتى 20 سەكۋندتان تومەن بولماۋى كەرەك. بولمە سىرتىندا ارەكەت جاساعان كەزدە، قامقورشى ادام سپيرت قۇرامى بار قول جۋۋ سۇيىقتىعىن الا ءجۇرىپ، ۋاقىتتىق قول گيگيەناسىن ويداعىداي ىستەۋى كەرەك. الايدا، «مۇنداي ۋاقىتتىق قول گيگيەناسى مۇقيات قول جۋۋدىڭ ورنىن باسا المايدى، ۇيگە قايتقان سوڭ، تازا سۋمەن قولدى قايتالاي سابىنمەن مۇقيات جۋۋ كەرەك». ۋاڭ چۋان مەملەكەتتىك كەڭەستىڭ ىندەتتەن بىرلەسە ساقتانۋ جانە ونى بىرلەسە تىزگىندەۋ مەحانيزمىنىڭ اقپار جاريالاۋ جيىنىندا وسىنى ايرىقشا دارىپتەدى.
ەگەر قامقورشى ادام اۋىرىپ قالسا، وتە – موتە، دەنە قىزۋى ورلەۋ، جوتەلۋ جانە تۇشكىرۋ جاعدايلارى بايقالسا، ءسوزسىز، ىرىقتىلىقپەن ماسكى تاعۋى، دەر كەزىندە ەمدەلۋى، اۋاشالانىپ، بالامەن ارالىق ساقتاۋى قاجەت. وسى مەزگىلدە، قامقورشى ادام بالانى سۇيمەۋى، بالاعا قاراپ جوتەلمەۋى، تۇشكىرمەۋى جانە تىنىس الماۋى كەرەك، قاعاز ورامالمەن نەمەسە بىلەكپەن اۋىز بەن مۇرىندى دۇرىس تۇمشالاپ، بالاعا جۇقتىرۋدان ساقتانۋ قاجەت.
كۇندەلىكتى تۇرمىس جونىندە، ۋاڭ چۋان مىناداي ۇسىنىس بەردى، قامقورشى ادام تاماشا تاماقتانۋ ادەتىن قالىپتاستىرۋى قاجەت، مۇندا مىناداي ادەتتەر قامتىلادى: بالانىڭ تاماعىن تىكەلەي اۋىزبەن تاتىپ كورمەۋ نەمەسە ۇرلەمەۋ قاجەت، بالانىڭ تاماعىن شايناپ بەرۋگە تىپتەن بولمايدى، ءبىر ىدىس - اياقتى بالامەن بىرگە ىستەتۋگە بولمايدى؛ بالانىڭ ىدىس – اياعى، ويىنشىقتارى قاتارلى زاتتاردى مەرزىم سايىن ديزەنفەكسيالاپ، تازالاپ وتىرۋ قاجەت؛ بوبەكتەردى توپتىق تاماقتانۋعا، باس قوسۋعا ەرتىپ بارماۋ، ادام كوپ جەرگە اپارماۋ كەرەك، بالانى ادام از جەرگە، كەڭ، اشىق جەرگە اپارىپ ويناتقان ءجون، ونىڭ ۇستىنە، ءسوزسىز، باسقا ادامدارمەن حاۋىپسىز ارالىق ساقتاپ وتىرۋ، بولمە ىشىندە دە مەرزىم سايىن اۋا الماستىرىپ تۇرۋ كەرەك؛ بالانى قورەكتىكپەن تولىق قامداۋعا كەپىلدىك ەتۋ شارتىندا، ۇيلەسىمدى تاماقتانۋىنا كەپىلدىك ەتۋ قاجەت. مۇنان سىرت، ۋاڭ چۋان مىنانى ايرىقشا ەسكەرتتى: بوبەكتەردىڭ ۆاكسيناسىن دەر كەزىندە سالدىرىپ وتىرعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
