«شاشقا بايلانىستى تۇتىنۋ» بازار قاجەتىن قاناعاتتاندىردى
— دەنساۋلىق جاعىنداعى تۇتىنۋدىڭ جاڭا باعدارىنا نازار
دۇڭ شياۋ – ۋەي
2020.11.03 16:22 كەلۋ قاينارى : حالىق تورابى
[جاعداي] جۋىرداعى جىلداردان بەرى، شاش ءوسىرۋ، شاش قورعاۋ ونىمدەرى ءوتىمدى زاتتارعا اينالدى، مەديتسينالىق اجارلاندىرۋ ورىندارى مەن شاش ءوسىرۋدىڭ كوپتەگەن جاستاردىڭ تۇتىنۋ تالعامىنا اينالۋىنان تارتىپ، ءىشىنارا ەلەكتروندىق ساۋدا تەكشەلەرىنە دەيىن، ايلىق ساتىلىم مولشەرى 20 مىڭنان استام بولاتىن جالعان شاش توسەنىشتەرى، جالعان كەكىلدەر كوپتەپ تابىلادى، قارىشتاپ دامىعان «شاشقا بايلانىستى تۇتىنۋ» جاڭا ساۋدا ورايلارىن تۋىنداتتى. كاسىبي سالاداعى مامانداردىڭ ايتۋىنشا، ەل ىشىندەگى جالعان شاش كاسىپ سالاسىنىڭ جىلدىق ساتىلىم سوماسى 60 ميلليارد يۋانعا جەتىپ، وسى كاسىپپەن شۇعىلدانۋشىلاردىڭ سانى ميلليون ادامنان اسقان. وسىنشاما زور بازار ءورىسى كوپتەگەن قارجىلاندىرۋشىلار مەن كاسىپ كوزىن اشۋشىلاردى نازار اۋدارۋعا باۋرادى.
[باعا]
مەملەكەتتىك دەنساۋلىق ساقتاۋ – سالاماتتىق كوميتەتىنىڭ 2019 – جىلعى جاريالاعان تەكسەرۋ ناتيجەسىنە قاراعاندا، ەلىمىزدە شاشى تۇسەتىندەردىڭ شوعىرى جۋىرداعى جىلداردان بەرى كۇرت ارتىپ، ادام سانى 250 ميلليون ادامنان اسقان، ورتا ەسەپپەن 6 ادامنىڭ بىرەۋىنەن شاش ءتۇسۋ جاعدايى بايقالادى، مۇندا، 35 جاستان تومەنگىلەردىڭ اراسىنداعى شاشى تۇسەتىندەردىڭ شوعىرى %63.1 تى ۇستاعان. جالعان شاش تۇتىنۋدىڭ جاندانۋى ادامداردىڭ شاش ءتۇسۋدىڭ الەگىنەن ارىلۋعا توتەپ بەرۋدەگى قاجەتسىنۋىن ايگىلەدى.
قاجەتسىنۋ بولعان جەردە بازار بولادى. شاشى تۇسەتىندەر شوعىرىنىڭ ورتاق قاجەتسىنۋى شاش ءوسىرۋ جانە ونى قورعاۋ كاسىپ سالاسىن وركەندەتتى، مۇندا شاش جۋۋ، شاشتى كۇتىمدەۋ، فيزيكالىق جولمەن ەمدەۋ، مەديتسينالىق اجارلاندىرۋ، ەلەكتروندىق ساۋدا قاتارلى ءتۇرلى كاسىپ سالاسى شاشتى كۇتىمدەۋ، شاش ءوسىرۋ، جالعان شاش ءوندىرۋ قاتارلى كاسىپ سالالارىنىڭ قارىشتاپ دامۋىن ىلگەرىلەتتى. سالىستىرمالى تۇردە ايتقاندا، شاش كۇتىمدەۋ، شاش جۋۋ ونىمدەرىنىڭ ونىمدىلىگى ءبىر مەزگىل وتكەن سوڭ عانا بايقالادى، ەمحاناعا بارىپ شاش ءوسىرۋدىڭ وزىندىك قۇنى ءبىرشاما جوعارى، ال، جالعان شاشتىڭ ونىمدىلىگى دەرەۋ كورىنەدى، سوندىقتان، بۇل بارعان سايىن كوپتەگەن جاستاردىڭ قارسى الۋىنا بولەنۋدە. وسى بارىستا، بازاردىڭ الدىڭعى شەبىندە جۇرگەن وسى كاسىپپەن شۇعىلدانۋشىلار دەنساۋلىق جاعىنداعى تۇتىنۋدىڭ جاڭا باعدارىن قاشان دا قىراعىلىقپەن بايقاپ وتىرادى. ساناققا قاراعاندا، 2019 – جىلى، ەلىمىزدە جالعان شاش وندىرۋگە قاتىستى كاسىپورىنداردان 8400 كاسىپورىن تىركەۋگە الىنعان، ارتۋ مولشەرى ون جىلدان بەرگى ەڭ جوعارى دەڭگەيگە جەتىپ، سايكەستى مەزگىلدەگىدەن %47 ارتقان. اناعۇرلىم كوپتەگەن كاسىپورىنداردىڭ جالعان شاش بازارىنداعى باسەكەگە ارالاسۋىنا بايلانىستى، بازارداعى باسەكە كۇننەن – كۇنگە شيەلەنىستى، بۇل اناعۇرلىم مول، ءتۇرى اناعۇرلىم كوپ ونىمدەرمەن قامداۋعا جول اشتى.
ءىس جۇزىندە، شاش تۇسۋگە دۋشار ەتەتىن سەبەپ كوپ، كەيدە شاش ءتۇسۋدىڭ ءوزى دەنەنىڭ قالىپتى زات اينالىسى ەسەپتەلەدى. جالعان شاش تۇتىنۋدىڭ جاندانۋى، ۇلكەن جاقتان الىپ ايتقاندا، ادامداردىڭ تۇتىنۋ جاعىنداعى قاجەتسىنۋىنىڭ ارتۋى مەن ەستەتيكالىق كوزقاراسىنداعى بۇرىلىستارمەن قاتىستى. بۇگىنگى تاڭدا، كوپتەگەن جاستار جونىنەن ايتقاندا، جالعان شاش ونىمدەرىن ساتىپ الۋ موداعا اينالىپ بارا جاتقانداي. جۇلدىزدار، ينتەرنەتتەگى سانگەرلىك بلوگ يەلەرى ءتۇرلى ورتالارعا قاراي تۇرلىشە جالعان شاشتاردى كيىپ، وسى ارقىلى قايتا – قايتا جاسانۋ بارىسىندا تۋىندايتىن اۋىرەشىلىكتەردى ازايتىپ، شاشىنا شامادان تىس زاقىم جەتكىزۋدىڭ الدىن الادى. بويجەتكەندەر ادەتتە شاشتارىن ساندەپ، سۋرەتكە ادەمى ءتۇسۋ ءۇشىن جالعان كەكىل ساتىپ الىپ، ونى ءوتىمدى تاۋارعا اينالدىردى. ءسوزسىز قاجەتتى بۇيىم بولماعانىمەن، اجارلانۋ بارىسىندا كەم بولسا بولمايتىن تاسىلگە اينالدى، بۇل دا بولسا جالعان شاش تۇتىنۋدىڭ بارىنشا دامۋىنىڭ باستى قوزعاۋشى كۇشى ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
