«ءۇش ءتۇرلى كۇشپەن» ءۇزىلدى - كەسىلدى شايقاس جاسايمىز
ىلە قازاق اۆتونوميالى وبلىستىق ساياسي كەڭەستىڭ ورىنباسار ءتوراعاسى جالەلدىن كامال
2017.07.03 15:24 كەلۋ قاينارى : شينجياڭ گازەتى
ۇيعۇر ۇلتى تاريحتان بەرى جۇڭحۋا ۇلتىنىڭ ۇلى شاڭىراعىنىڭ ءبىر مۇشەسى، ءار ۇلت حالقى وسى جەردە قۋانىش پەن قايعىدا بىرگە بولىپ، جاراسىمدىلىقپەن بىرگە جاساپ، شەكارا ءوڭىردى بىرگە اشىپ، شەكارا ءوڭىردى بىرگە كوركەيتىپ، وتان تۇتاستىعىن، ۇلتتار ىنتىماعىن بىرگە قورعاپ، تەرەڭ دوستىق سۇيىسپەنشىلىك قالىپتاستىردى. الايدا تاياۋ جىلداردان بەرى شەكارا ءىشى - سىرتىنداعى «ءۇش ءتۇرلى كۇشتىڭ» الجاستىرۋىنىڭ، جەلىكتىرۋىنىڭ، ايتاقتاۋىنىڭ كەسىرىنەن شينجياڭدا زورلىقتى كۇش، لاڭكەستىك دەلولارى ءجيى تۋىلدى. «ءۇش ءتۇرلى كۇشتىڭ» كوزىن جويماي، شينجياڭعا ماڭگى تىنىشتىق ورنامايدى، شينجياڭداعى ءار ۇلت حالقىن باقىتقا كەنەلتۋ دە قيىن.
«ءۇش ءتۇرلى كۇش» «ءدىن» تونىن جامىلىپ الىپ، شىندىقتى بۇرمالاپ، ادامداردى الجاستىرىپ، زورلىقتى كۇشپەن قان توگىپ، ۇلتتار ارا وشپەندىلىك قوزعاپ، ءدىني قىزبالىق تۋدىرىپ، ءدىني ۇشقارى يدەيا تاراتىپ، ۇيعۇر ۇلتىن قامتىعان ءار ۇلت بۇقاراسىن قىرعىنداپ، وسى ارقىلى وتاندى بولشەكتەۋ ماقساتتارىنا جەتۋدى قيالدادى.
شينجياڭ تاريحتان بەرى كوپ ۇلت شۇعىرلى قونىستانعان رايون، وتانىمىزدىڭ ايرىلماس ءبىر بولەگى. شينجياڭ بەيبىت جولمەن ازات بولعاننان كەيىن، جۇڭگو كوممۋنيستىك پارتياسىنىڭ باسشىلىعىندا ۇيعۇر ۇلتىن قامتىعان ءار ۇلت بۇقاراسى قاناۋدان قۇتىلىپ، ءوز - وزىنە قوجا بولدى؛ رەفورما جاساپ، سىرتقا ەسىك اشقاننان بەرى، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، بۇكىل ەلدەگى ءار ۇلت حالقىنىڭ زور كۇشپەن كومەكتەسۋىنىڭ ارقاسىندا، شينجياڭ ەكونوميكاسى تەز قارقىنمەن دامىپ، حالىق تۇرمىسى كورنەكتى جاقساردى. تيانشاننىڭ تۇستىگى مەن تەرىستىگىندە زور وزگەرىستەر جارىققا شىقتى، پارتيا مەن ۇكىمەت ءار ۇلت حالقىنا، اسىرەسە، از ۇلت حالقىنا قىرۋار جاقسى ىستەردى، ناقتى ىستەردى ىستەدى. الايدا «ءۇش ءتۇرلى كۇش» تاريحتى بۇرمالاپ، اق - قارانى، دۇرىس پەن بۇرىستى شاتاستىرىپ، پارتيانىڭ ۇلت ساياساتىنا قاساقانا جالا جاۋىپ، ۇلتتىق وشپەندىلىك قوزعاپ، بۇلىك تۋدىردى. بەيبىتشىلىكتى قىزۋ سۇيەتىن شينجياڭ حالقىنىڭ بۇعان استە جول بەرمەيتىنىنە مەن كامىل سەنەمىن.
«ءۇش ءتۇرلى كۇش» قوعامنىڭ «ۋلى وسپەسى»، ءبىز، ءسوزسىز، كوزىن جويۋىمىز كەرەك. تاياۋ جىلداردان بەرى، «ءۇش ءتۇرلى كۇش» تۋدىرعان زورلىقتى كۇش، لاڭكەستىك قيمىلدارعا قاراساق، ولار جەندەتتىك قانجارىن ءارقانداي ادامعا، ءارقانداي ۇلتقا كەزەگەن. ولار قوعامداعى ادامزاتقا قارسى، قوعامعا قارسى، وركەنيەتكە قارسى «ۋلى وسپە». ءبىز، ءسوزسىز، قىراعىلىقتى ارتتىرىپ، «ءۇش ءتۇرلى كۇشتىڭ» كەرتارتپا كەسپىرى مەن شىنايى حاۋىپ - قاتەرىن جەتە تانىپ، عىلىمدى قادىرلەپ، وركەنيەتكە نازار اۋدارىپ، ءدىني ۇشقارى يدەيانىڭ كەۋلەپ كىرۋىنەن سانالى تۇردە ساقتانىپ، وتان تۇتاستىعى مەن ۇلتتار ىنتىماعىن قورعاپ، جارقىن بولاشاعىمىزدى بىرگە جاراتايىق!
ۇيعۇر باۋىرلاستار: قازىر لاڭكەستىككە قارسى، بولشەكتەۋشىلىككە قارسى شەشۋشى شايقاستىڭ ماڭىزدى كەزەڭىندە تۇرمىز، مەملەكەتتىڭ ار - ۇجداندى ازاماتى ساناتىندا، ءبىز استە قول قۋسىرىپ قاراپ تۇرماي، «ەكىبەتكەيلەرمەن»، «ەكىبەتكەيلىكپەن» ءۇزىلدى - كەسىلدى شايقاس جاساۋىمىز كەرەك. تەك ءار ۇلت كادرلارى مەن بۇقاراسى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تاباندىلىقپەن دايەكتى تياناقتاندىرساق، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن دايەكتى تياناقتاندىرساق، ۇلتتار ىنتىماعىنىڭ تۋىن بيىك كوتەرىپ، قوعام ورنىقتىلىعىن سانالى تۇردە قورعاساق، «ءۇش ءتۇرلى كۇشتىڭ» ءارقانداي قىلمىستىق جوسپارلارىن، ءسوزسىز، تاس - تالقان ەتە الاتىندىعىمىزعا كامىل سەنەمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
