شي جينپيڭ مەن حانىمى پىڭ لييۋان ا ق ش زۇڭتۇڭى ترامپ پەن حانىمى مەلانياعا سەرىك بولىپ گۋگۇڭ مۇراجايىن ەكسكۋرسيالادى(1)
2017.11.10 13:41 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 8 - قاراشا كۇنى مەملەكەتتىك ساپارمەن جۇڭگوعا كەلگەن ا ق ش زۇڭتۇڭى ترامپ پەن حانىمى مەلانياعا سەرىك بولىپ گۋگۇڭ مۇراجايىن ەكسكۋرسيالادى. ەكى ەل باسشىلارى مەن ولاردىڭ حانىمدارى گۋگۇڭنىڭ باۋيۇنلوۋ عيماراتىندا شاي ىشە وتىرىپ اڭگىمەلەستى، گۋگۇڭنىڭ الدىڭعى ءۇش سارايىن بىرگە ەكسكۋرسيالاپ، مادەني مۇرالاردى قالپىنا كەلتىرۋدىڭ شەبەرلىك كورمەسىمەن جانە قۇندى مادەني مۇرالار كورمەسىمەن تانىستى ءارى بەيجيڭ تەاترى ويىندارىن تاماشالادى.
التىن كۇزدە، گۋگۇڭنىڭ قىزىل قورعانى كوز تارتىپ، سارى كەرپىشتەرى ساۋلە شاشادى. شي جينپيڭ مەن حانىمى پىڭ لييۋان ترامپ پەن حانىمى مەلانيانى گۋگۇڭنىڭ باۋيۇنلوۋ عيماراتىندا قارسى الدى. ەكى ەل باسشىسى مەن ولاردىڭ حانىمدارى ءوزارا سالەمدەسىپ، اماندىق سۇراسىپ، باۋيۇنلوۋ عيماراتىنا بىرگە كىرىپ، شاي ىشە وتىرىپ اڭگىمەلەستى.
باۋيۇنلوۋ عيماراتىنان حوش ءيىس اڭقىپ، ساز اۋەنى مامىرلاپ، مادەنيەتتىڭ لەبى ەسىپ تۇردى. شي جينپيڭ ترامپتىڭ ا ق ش زۇڭتۇڭى بولىپ سايلانعاندىعىنىڭ ءبىر جىلدىعى قارساڭىندا جۇڭگوعا مەملەكەتتىك ساپارمەن كەلگەنىن قىزۋ قارسى الىپ، ترامپ وتباسىنىڭ بيىل ساۋىردە مار - ا - لاگودا ىستىق ىقىلاسپەن كۇتىپ العانىنا راقىمەت ايتىپ، ترامپ پەن حانىمىنىڭ جۇڭگوداعى ساپارىنىڭ كوڭىلدى بولۋىنا تىلەۋلەستىك ءبىلدىردى.
شي جينپيڭ مىنالاردى باسا دارىپتەدى: ترامپ زۇڭتۇڭنىڭ جۇڭگوعا وسى رەتكى ساپارىنىڭ ءمانى زور، بۇعان جۇڭگو مەن ا ق ش ەلدەرى باسا نازار اۋدارىپ قالماستان، الەمدەگى ەلدەر دە كوز تىگىپ وتىر. تاراپتاردىڭ تەڭ قۇلشىنۋى ارقاسىندا، وسى رەتكى ساپاردىڭ بەلسەندى جانە كەلەلى جەتىستىككە جەتەتىنىنە سەنەمىن. شي جينپيڭ ءوتىنىش بويىنشا ترامپقا جۇڭگونىڭ ەكونوميكالىق، قوعامدىق دامۋىنىڭ قازىرگى جاعدايىن جانە جۋىقتا عانا جابىلعان ج ك پ 19 - قۇرىلتايىنىڭ ماڭىزدى جەتىستىكتەرىن تانىستىردى.
ترامپ ءوزىنىڭ وسى رەتكى ساپارىنا جۇڭگو جاقتىڭ تىڭعىلىقتى ورنالاستىرۋ جاساعانىنا العىس ايتىپ، ج ك پ 19 - قۇرىلتايىنىڭ تابىسپەن جابىلعانىن جانە شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ قايتالاي سايلانعانىن قۇتتىقتاپ، جۇڭگونىڭ ەكونوميكالىق دامۋدا قول جەتكەن جەتىستىكتەرىن القاپ، جۇڭگوداعى مەملەكەتتىك ساپارىنىڭ ءساتتى بولۋىن تىلەدى.
شي جينپيڭ ترامپقا گۋگۇڭنىڭ تاريحىن تانىستىرىپ، «گۋگۇڭ − جۇڭگونىڭ تاريحى مەن مادەنيەتىن تۇسىنۋدە كەم بولسا بولمايتىن تەرەزە» دەپ اتاپ كورسەتتى. ونان سوڭ، شي جينپيڭ مەن حانىمى ترامپ پەن حانىمىنا سەرىك بولىپ، الدىڭعى ءۇش سارايدى ەكسكۋرسيالادى. ەكى ەل باسشىسى مەن ولاردىڭ حانىمدارى ىشكى جينشۇي كوپىرى ارقىلى تايحىمىن قاقپاسىنان ءوتىپ، سالتاناتتى تايحىديان سارايىنىڭ الاڭىندا بىرگە سۋرەتكە ءتۇستى. ەكى ەل باسشىسى مەن ولاردىڭ حانىمدارى گۋگۇڭنىڭ ورتالىق ءوس سىزىعىن بويلاپ، تايحىديان، جۇڭحىديان، باۋحىديان سارايلارىن رەت - رەتىمەن ەكسكۋرسيالاپ، ءۇش ۇلكەن سارايدىڭ حانزۋشا اتىنا قامتىلعان جۇڭگونىڭ ءداستۇرلى مادەنيەتىندەگى «جاراسىمدىلىق» ۇعىمىن سەزىندى. ترامپ گۋگۇڭ ساۋلەت كەشەنىنىڭ ءسان - سالتاناتىنا تاڭداي قاعىپ، اۋىق - اۋىق قادام كىدىرتىپ، اۋەستىكپەن كوز تاستاپ، ءوزارا جاراسىم تاپقان سۇلۋلىققا ءتانتى بولدى جانە تامىرى تەرەڭ، مازمۇنى باي جۇڭگونىڭ ءداستۇرلى مادەنيەتىنە القاۋ ايتتى.
الدىڭعى ءۇش سارايدى ارالاعاننان كەيىن، ەكى ەل باسشىسى مەن ولاردىڭ حانىمدارى گۋگۇڭ مادەني مۇرالاردى بۇتىندەۋ ورنىنا بارىپ، ساعات، اعاش بۇيىمدار، مەتال بۇيىمدار، قىش بۇيىمدار، توقىما بۇيىمدار، حۇسنيحات - سۋرەتتەر سياقتى مادەني مۇرالاردى قالپىنا كەلتىرۋ شەبەرلىك كورمەسىن كورىپ، حۇسنيحات - سۋرەتتەردى قالپىنا كەلتىرۋدىڭ تاجىريبەسىمەن تانىستى ءارى قۇندى مادەني مۇرالار كورمەسىن تاماشالادى. ەكى ەل باسشىسى جۇڭگو مەن ا ق ش - تىڭ مادەني مۇرالاردى قالپىنا كەلتىرۋ جاعىنداعى اۋقىمدى، تەرەڭ ىنتىماقتاستىعىنا بەلسەندى باعا بەردى.
كۇن ۇياسىنا ەڭكەيىپ، ساۋلەتتى شامدار جارقىرادى، ەكى ەل باسشىسى مەن ولاردىڭ حانىمدارى چاڭيىنگى سارايىنا قاراي جول تارتتى، جولشىباي جيڭتاي كوك ىدىستارى تەحنولوگياسىنىڭ سارا تۋىندىلارى مەن شەبەرلىكتەرى كورمەسىن تاماشالادى جانە «كوك ەمال» جاعۋعا قاتىستى، بەيجيڭ تەاترى «المۇرت باعىنداعى وركەن»، «كورىكتى حان مايمىل»، «ياڭ گۇيفيدىڭ ماس بولۋى» دەگەن ءۇش تاماشا ويىندى بىرگە كوردى. قوناقتار ءالسىن - ءالى شاپالاق سوعىپ، بارەكەلدى ايتىپ وتىردى.
ەكسكۋرسيا جانە اڭگىمە بارىسىندا ەكى ەل باسشىسى ەل باسقارۋ جانە جۇڭگو مەن ا ق ش - تىڭ قارىم - قاتىناسى سياقتى تاراپتار بىردەي كوڭىل بولەتىن ماسەلەلەر ۇستىندە پىكىر اۋىستىردى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى وسى قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
