شي جينپيڭ ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىنا قاتىناستى ءارى ارقاۋ ءسوز سويلەدى
2017.11.13 14:09 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قاراشادا ۆيەتنامنىڭ داناڭ قالاسىنان بەرگەن حابارى. مەملەكەت ءتوراعاسى شي جينپيڭ 10 - قاراشادا ۆيەتنامنىڭ داناڭ قالاسىندا وتكىزىلگەن ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ ونەركاسىپ - ساۋدا باسشىلارىنىڭ باس قوسۋىنا ۇسىنىسپەن قاتىناستى ءارى «الەم ەكونوميكاسىنىڭ تۇرلەنۋ ورايىن مىقتى يگەرىپ، ازيا - تىنىق مۇحيت ءوڭىرىنىڭ اناعۇرلىم زور دامۋىنا ۇمتىلايىق» دەگەن تاقىرىپتا ارقاۋ ءسوز سويلەپ: دۇنيە ءجۇزى جەدەل وزگەرۋدىڭ تاريحي ۇردىسىندە تۇر، دۇنيە ەكونوميكاسىندا تەرەڭ وزگەرىستەر جارىققا شىعۋدا. ءبىز، ءسوز جوق، اۋقىمعا سايكەسىپ، جاۋاپكەرشىلىكتى باتىل ارقالاپ، ازيا - تىنىق مۇحيت ءوڭىرىنىڭ دامۋى مەن گۇلدەنۋىنىڭ نۇرلى بولاشاعىن بىرگە اشۋىمىز كەرەك،− دەپ باسا دارىپتەدى.
جەرگىلىكتى ۋاقىت بويىنشا تۇستەن كەيىن ساعات 2دەن 15 مينۋت شاماسىندا، داناڭعا جەتكەن شي جينپيڭ اريانا ءماجىلىس - كورمە ورتالىعىنا كەلدى. ىستىق ىقىلاستى شاپالاق ءۇنى ىشىندە شي جينپيڭ ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: دامۋ جولىنىڭ مارەسى بولمايدى، تەك سورەسى بولادى. دۇنيە ءجۇزى ارتۋدىڭ قوزعاۋشى قۋاتىنداعى، عالامدىق دامۋ تاسىلىندەگى، ەكونوميكانىڭ جاھاندانۋ بارىسىنداعى، عالام ەكونوميكاسىن جونگە سالۋ جۇيەسىندەگى تەرەڭ بۇرىلىسقا ءدوپ كەلىپ وتىر. ازيا - تىنىق مۇحيت ءوڭىرى − الەم ەكونوميكاسىنداعى ەڭ ۇلكەن كەسەك ءارى دۇنيە ەكونوميكاسىن ارتتىرۋداعى باستى قوزعالتقىش. ءبىز دۇنيە ەكونوميكاسىنىڭ دامۋ اۋقىمىن اڭعارىپ، تۇرعىنى ءدال تاۋىپ، زاڭدىلىقتى يگەرىپ، دۇنيە ەكونوميكاسىنداعى تەرەڭ بۇرىلىستارعا باتىل توتەپ بەرۋىمىز كەرەك.
ءبىرىنشى، اشىق ەكونوميكانى گۇلدەندىرۋگە ۇزدىكسىز تاباندى بولىپ، ءوزارا پايدا جەتكىزىپ، تەڭ يگىلىككە كەنەلۋدى قۇلشىنا ىسكە اسىرۋ قاجەت. ءبىز تەڭ تۇرعىدا كەڭەسەتىن، جاپپاي ات سالىساتىن، جاپپاي يگىلىككە كەنەلەتىن وڭىرلىك ىنتىماقتاستىق جۇلگەسىن قۇلشىنا قۇرىپ، اشىق ازيا - تىنىق مۇحيت ءوڭىرى ەكونوميكاسىن كۇش بىرىكتىرە تۇلعالاپ، ساۋدا مەن قارجى قوسۋعا ەركىندىك بەرۋدى، قولايلىلىق جاساۋدى ىلگەرىلەتۋىمىز؛ ەكونوميكانىڭ جاھاندانۋىن اناعۇرلىم اشىق، قامتىمدى، جالپىعا ءتيىمدى بولۋ، تەڭدىك، بىرگە يگىلىككە كەنەلۋ بەتالىسىنا قاراي دامۋعا جەتەكتەۋىمىز؛ جەر شارى قۇن تىزبەگىنىڭ قايتا تۇلعالانۋىنا بەلسەنە جەتەكشىلىك ەتۋىمىز؛ كوپ جاقتى ساۋدا ءتۇزىلىسىن قولداپ، اشىق وڭىرلىككە تاباندى بولۋىمىز؛ ازيا - تىنىق مۇحيت ءوڭىرى ەركىن ساۋدا رايونىنىڭ ءۇردىسىن باستايتىن «ازيا - تىنىق مۇحيت ءوڭىرى ەكونوميكالىق ىنتىماقتاستىق ۇيىمىنىڭ ازيا - تىنىق مۇحيت ەركىن ساۋدا رايونىن ىلگەرىلەتۋدىڭ بەيجيڭ باعدار كارتاسىن» جاپپاي ىشكەرىلەي تياناقتاندىرىپ، ازيا - تىنىق مۇحيت ەركىن ساۋدا رايونىن قۇرۋ نىساناسىنا قاراي ۇزدىكسىز ىلگەرىلەۋىمىز كەرەك.
ەكىنشى، جاڭالىق اشا ارتۋعا ۇزدىكسىز تالپىنىپ، دامۋدىڭ جاڭا قوزعاۋشى قۋاتتارىن ىسكە قوسۋ كەرەك. ءبىز جاڭالىق اشۋعا ۇسىنىلىمدى ارتتىرىپ، دامۋ تاسىلىنە بۇرىلىس جاساپ، جاڭا ەكونوميكالىق ارتۋ تۇيىندەرىن جەتىلدىرۋىمىز؛ قۇرىلىمدىق رەفورمانى بەلسەنە ىلگەرىلەتىپ، جاڭالىق اشۋعا ءتيىمسىز بارلىق تۇزىلىستىك، مەحانيزمدىك كەدەرگىلەردى ارىلتىپ، بازاردىڭ ومىرشەڭدىك كۇشىنە دەم بەرۋىمىز؛ بەيجيڭ ماجىلىسىندەگى «ەكونوميكانى جاڭالىق اشا دامىتۋ، رەفورما جانە ارتۋ جونىندەگى ورتاق تانىمدى» ويداعىداي تياناقتاندىرىپ، ينتەرنەت جانە سيفرلى ەكونوميكا جاعىنداعى ىنتىماقتاستىقتاردى تەرەڭدەتىپ، عالامدى جاڭالىق اشا دامۋ بەتالىسىنا قاراي جەتەكتەۋىمىز كەرەك.
ءۇشىنشى، ءوزارا بايلانىستى ۇزدىكسىز كۇشەيتىپ، ىقپالداسىپ دامۋدى جۇزەگە اسىرۋ كەرەك. ءبىز ازيا - تىنىق مۇحيت ءوڭىرى ەكونوميكالىق ىنتىماقتاستىق ۇيىمىنىڭ ءوزارا بايلانىس جوباسىن جەتەكشى ەتىپ، جان - جاقتى، كوپ جىكتى، قۇرمالاس ازيا - تىنىق مۇحيت ءوزارا بايلانىس تورىن قۇرىپ، ءوزارا بايلانىستىڭ ناقتى ەكونوميكانى شارپۋ جانە جەتەكتەۋ رولىن تولىق ساۋلەلەندىرىپ، سايكەسىپ، ىقپالداسىپ دامۋ جاعدايىن قالىپتاستىرۋىمىز كەرەك. جۇڭگو العا قويعان «ءبىر بەلدەۋ، ءبىر جولدى» بىرگە قۇرۋ دارىپتەمەسىنىڭ وزەكتى مازمۇنى − نەگىزدىك قۇرىلعىلار قۇرىلىسىن جانە ءوزارا بايلانىستى ىلگەرىلەتىپ، ەكونوميكالىق ساياساتتاردىڭ سايكەسۋىن جانە دامۋ ستراتەگيالارىنىڭ ءتۇيىلىسۋىن كۇشەيتىپ، سايكەسە، ىقپالداسا دامۋدى ىلگەرىلەتىپ، بىرگە گۇلدەنىپ - كوركەيۋدى جۇزەگە اسىرۋ. بۇل دارىپتەمە جۇڭگودان شىققان، ونان دا ماڭىزدىسى، دۇنيە جۇزىنە ءتان؛ تاريحقا تامىر تارتقان، ونان دا ماڭىزدىسى، بولاشاققا بەت العان؛ ازيا، ەۆروپا، افريكا قۇرلىقتارىنا ءتۇيىندى تۇردە بەت العان، ونان دا ماڭىزدىسى، بارلىق سەرىكتەرگە اشىق ۇستالعان.
ءتورتىنشى، ەكونوميكالىق دامۋدىڭ قامتىمدىلىعىن ۇزدىكسىز كۇشەيتىپ، حالىقتىڭ دامۋ جەمىستەرىنەن بىرگە يگىلىكتەنۋىنە مۇمكىندىك جاساۋ كەرەك. ءبىز وڭىرلىك ەكونوميكانىڭ ءبىر تۇلعالانۋىن ىشكەرىلەي ىلگەرىلەتۋمەن بىرلەستىرە وتىرىپ، اشىق، جالپىعا ءتيىمدى بازاردى كەڭەيتە ءتۇسۋىمىز، مۇددەلەردەن بىرگە يگىلىكتەنەتىن تىزبەكتى نىعايتۋىمىز؛ قامتىمدى بولۋ، بىرگە يگىلىكتەنۋ ۇستانىمىن دامۋ ستراتەگيالارىنا ءسىڭىرىپ، ونىمدىلىكتى دارىپتەيتىن، ادىلدىككە ءمان بەرەتىن ءتۇزىلىس - مەحانيزمدەرگە باسا ءمان بەرىپ، قوعامدىق ادىلدىك پەن تۋراشىلدىقتى قورعاۋىمىز؛ حالىق تۇرمىسى سالالارىنا ۇسىنىلىمدى ارتتىرىپ، ءالسىز توپتاردى قولداۋ سەرپىنىن كۇشەيتىپ، ەڭبەكشىلەردىڭ كاسىپ سالالارىنىڭ وزگەرىسىنە ۇيلەسۋ قابىلەتىن كۇشەيتىپ، ورايدىڭ اركىمگە ورتاق بولۋىنا، اركىمنىڭ تابىستان يگىلىكتەنۋىنە مۇمكىندىك جاساۋىمىز كەرەك.
شي جينپيڭ مىنانى باسا دارىپتەدى: جەر شارىنداعى 2 - ۇلكەن ەكونوميكالىق تۇلعا رەتىندە، جۇڭگو ءوزى ارقالاپ وتىرعان جاۋاپكەرشىلىكتى ابدەن بىلەدى. وتكەن 5 جىلدا، ءبىز ەكونوميكالىق جاڭا قالىپقا ىرىقتىلىقپەن سايكەسىپ، ونى يگەرىپ، وعان جەتەكشىلىك ەتىپ، قامداۋ جاعىنداعى قۇرىلىمدىق رەفورمانى تەرەڭدەي ىلگەرىلەتىپ، ەكونوميكانىڭ ورنىقتىلىق بارىسىندا جاقسارۋىن، ورنىقتىلىق بارىسىندا ىلگەرىلەۋىن ساقتاپ، الەم ەكونوميكاسىنىڭ باستى قوزعاۋشى كۇش قاينارىنا اينالدىق. ءبىز رەفورمانى جاپپاي تەرەڭدەتۋ ارقىلى دامۋعا تۇساۋ بولاتىن ءتۇزىلىس - مەحانيزم كەدەرگىلەرىن جويدىق. ءبىز نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق تاعى باسقا دا جاقتاردا جاڭالىق اشۋدى جان - جاقتى ىلگەرىلەتىپ، ەكونوميكالىق ءوسۋدىڭ جاڭا قوزعاۋشى قۋاتتارىن تىنباي تۋىنداتتىق. ءبىز حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، دامۋدىڭ قامتىمدىلىعىن جانە بىرگە يگىلىكتەنۋ دەڭگەيىن قۇلشىنا وسىردىك. جۇڭگو كەدەيلىكتەن قۇتىلدىرۋدان قامال الۋ شايقاسىندا شەشۋشى ىلگەرىلەۋشىلىككە قول جەتكىزدى. وتكەن 5 جىلدا، 60 ميلليوننان استام كەدەي ورنىقتى تۇردە كەدەيلىكتەن قۇتىلدى. بۇل جەتىستىككە وڭاي قول جەتكەن جوق، ءبىز مۇنى ماقتانىش ەتەمىز.
شي جينپيڭ بىلاي دەپ اتاپ كورسەتتى: الدىڭعى ايدا جۇڭگو كوممۋنيستىك پارتياسىنىڭ 19 - قۇرىلتايى بەيجيڭدە جەڭىسپەن اشىلدى. قۇرىلتايدا حالىقتىڭ تاماشا ومىرگە تالپىنىسىنا نازار اۋدارىلىپ، جاڭا داۋىردەگى جۇڭگوشا سوتسياليزمنىڭ ارەكەت باعدارناماسى مەن دامۋ جوباسى جاسالدى. جۇڭگو كوممۋنيستىك پارتياسىنىڭ باسشىلىعىندا جۇڭگو حالقى جاڭا جورىقتى باستادى. بۇل − رەفورمانى جاپپاي تەرەڭدەتۋدىڭ، دامۋدىڭ ومىرشەڭدىك كۇشىن ۇزدىكسىز تۋىنداتۋدىڭ جاڭا جورىعى. كەلەر جىلى ءبىز رەفورما جاساپ، ەسىك اشۋدىڭ 40 جىلدىعىن سالتاناتپەن اتاپ وتەمىز. جۇڭگو رەفورماسىنىڭ سالاسى اناعۇرلىم كەڭ، شارالارى اناعۇرلىم كوپ، سەرپىنى اناعۇرلىم كۇشتى بولادى. بۇل داۋىرمەن بىرگە العا باسۋدىڭ، دامۋ تاسىلىندە جاڭالىق ەنگىزۋدىڭ جاڭا جورىعى. ءبىز جاڭا دامۋ ۇستانىمىن دايەكتىلەندىرىپ، ساپانى ءبىرىنشى ورىنعا قويۋدان، تيىمدىلىكتى الدىمەن ەسكەرۋدەن جازباي، وسىزاماندانعان ەكونوميكالىق جۇيە قۇرامىز. بۇل − دۇنيەگە ونان ارى بەت تۇزەۋدىڭ، اناعۇرلىم جوعارى دەڭگەيدەگى اشىق ەكونوميكانى دامىتۋدىڭ جاڭا جورىعى. ءبىز «ءبىر بەلدەۋ، ءبىر جول» قۇرىلىسىن ىشكەرىلەي ىلگەرىلەتىپ، ساۋدا مەن قارجى قوسۋعا ەركىندىك بەرۋدىڭ، قولايلىلىق جاساۋدىڭ جوعارى دەڭگەيلى ساياساتىن جولعا قويىپ، جەر شارىنا بەت تۇزەگەن ەركىن ساۋدا رايونى تورىن قۇرۋدى ىلگەرىلەتەمىز. بۇل − حالىقتى وزەك ەتكەن، تاماشا ومىرگە بەت تۇزەگەن جاڭا جورىق. ءبىز دامۋ بارىسىندا حالىق تۇرمىسىن قامتاماسىز ەتۋ مەن جاقسارتۋعا تاباندى بولىپ، 2020 - جىلى ەلىمىزدەگى قازىرگى ولشەم كولەمىندەگى اۋىل - قىستاق كەدەيلەرىن كەدەيلىكتەن قۇتىلدىرۋ نىساناسىن جۇزەگە اسىرامىز. جاپپاي دوڭگەلەك داۋلەتتى قوعام قۇرۋدا ءبىر ميلليارد 300 ميلليوننان استام جۇڭگولىقتىڭ بىردە - بىرەۋىنىڭ قاعىس قالۋىنا بولمايدى! بۇل − جاڭاشا حالىقارالىق قاتىناستىڭ ورناۋىن ىلگەرىلەتۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاڭا جورىعى. جۇڭگو حالقىنىڭ ارمانى ءار ەل حالىقتارىنىڭ ارمانىمەن تىعىز قابىسقان. ءبىز بەيبىت دامۋ جولىنان اۋىتقىماي، باستان - اياق دۇنيە ءجۇزىنىڭ جانە ازيا - تىنىق مۇحيت ءوڭىرىنىڭ بەيبىتشىلىگىنىڭ، ورنىقتىلىعىنىڭ ياكورى بولامىز. ءبىز دۇرىس بورىش - مۇددە كوزقاراسىن ۇستانىپ، الەمدىك سەرىكتەستىك قاتىناستى بەلسەنە دامىتىپ، ءار ەلمەن مۇددە توعىسۋ تۇيىندەرىن كەڭەيتىپ، ءبىر - ءبىرىن قۇرمەتتەيتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى ىلگەرىلەتەمىز. ءبىز ورتاق اقىلداسۋ، ورتاق قۇرۋ، ورتاق يگىلىككە كەنەلۋ ۇستانىمىنان جازباي، الەمدى جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، حالىقارالىق ساياسي، ەكونوميكالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتەمىز.
شي جينپيڭ جۇڭگونىڭ كەلەر جىلى قاراشادا شاڭحايدا تۇڭعىش كەزەكتى جۇڭگو حالىقارالىق يمپورت كورمەسىن وتكىزەتىندىگىن، مۇنىڭ ءار تاراپتىڭ جۇڭگو بازارىن اشۋ ىنتىماقتاستىعى ءۇشىن جاڭا تۇعىر ازىرلەيتىندىگىن جاريالادى.
شي جينپيڭ مىنانى باسا دارىپتەدى: ازيا تىنىق مۇحيت ءوڭىرىنىڭ بەيبىتشىلىگى، ورنىقتىلىعى، گۇلدەنىپ - كوركەيۋى ازيا - تىنىق مۇحيت وڭىرىندەگى جالپى حالىققا ءتان، ازيا - تىنىق مۇحيت ءوڭىرىنىڭ كەلەشەگىن ازيا - تىنىق مۇحيت وڭىرىندەگى حالىق تىزە قوسا جاراتادى. ءبىر - بىرىنە سەنىمدى، باۋىرمال، ىنتىماقتاستىق، تەڭ يگىلىككە كەنەلۋ سىندى سەرىكتەستىك قاتىناس − ازيا - تىنىق مۇحيت ءوڭىرى ۇلى شاڭىراعىنىڭ رۋحاني دانەكەرى، ازيا - تىنىق مۇحيت ءوڭىرى ىنتىماقتاستىعىنىڭ دۇرىس ارنادا بولۋىنىڭ ماڭىزدى كەپىلى. ىنتىماقتاستىقتى تاباندىلىقپەن ىلگەرىلەتىپ، تىڭعىلىقتى ارەكەت قولدانىپ، ازيا - تىنىق مۇحيت ءوڭىرىنىڭ اناعۇرلىم جارقىن بولاشاعىن بىرگە اشايىق!
ديڭ شۋەشياڭ، ليۋ حى، ياڭ جيەچى قاتارلىلار جوعارىداعى قيمىلعا قاتىناستى.
ءسوز سويلەپ بولعان سوڭ، شي جينپيڭ ءسوزدى تىڭداۋعا ارنايى كەلگەن پەرۋدىڭ زۇڭتۇڭى كۋزينسكيمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن پەرۋدىڭ دوستىعىنىڭ تامىرى تەرەڭدە جاتىر، دامۋ ۇستانىمدارى ءوزارا ۇشتاسقان، ىنتىماقتاستىقتارىنىڭ مۇمكىندىكتەرى اسا زور. زۇڭتۇڭ مىرزا ەكەۋىمىز وسى جىل ىشىندە ءوزارا ساپاردا بولىپ، ماڭىزدى ورتاق تانىمعا كەلىپ، ەكى ەل قاتىناسىنىڭ دامۋ بەتالىسىن جوبالادىق. جۇڭگو پەرۋمەن بىرگە ورتاق تانىمدى جۇزەگە اسىرىپ، ەكى جاقتى قاتىناستا جانە ءار سالاداعى ناقتى ىنتىماقتاستىقتا ۇزدىكسىز جاڭا جەتىستىكتەرگە قول جەتۋىن ىلگەرىلەتۋدى قالايدى.
كۋزينسكي ج ك پ 19 - قۇرىلتايىنىڭ جەڭىسپەن اشىلعانىن قۇتتىقتادى، شي جينپيڭنىڭ ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ ونەركاسىپ - ساۋدا باسشىلارى باس قوسۋىندا سويلەگەن تارتىمدى سوزىنە جوعارى باعا بەرىپ، پەرۋدىڭ پەرۋ - جۇڭگو قاتىناسىنا بارىنشا ءمان بەرەتىندىگىن، جۇڭگومەن نەگىزدىك قۇرىلعى قۇرىلىسى، قارجى قوسۋ، ەنەرگيا - كەن سالالارىنداعى ءوزارا ءتيىمدى ىنتىماقتاستىقتاردى كۇشەيتۋدى ءۇمىت ەتەتىندىگىن ءبىلدىردى.
سول كۇنى شي جينپيڭ تاعى ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرى باسشىلارىنىڭ ونەركاسىپ - ساۋدا اقىل - كەڭەس القاسىنىڭ ۋاكىلدەرىمەن كەڭەس ماجىلىسىنە قاتىناسىپ، جۇڭگو كوممۋنيستىك پارتياسى 19 - قۇرىلتايىنىڭ ازيا - تىنىق مۇحيت ەكونوميكالىق تۇلعاسىنا اكەلگەن جاڭا وراي، «ءبىر بەلدەۋ، ءبىر جول» قۇرىلىسى سياقتى كەڭەستىك تاقىرىپتار اياسىندا ۋاكىلدەرمەن پىكىر اۋىستىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
