ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسى قىزمەتى جونىندەگى اڭگىمە ءماجىلىس ۇرىمجىدە اشىلدى
شوكىرات زاكىر، لي مىڭ ماجىلىسكە قاتىناستى ءارى ءسوز سويلەدى
2017.11.13 14:10 كەلۋ قاينارى : شينجياڭ گازەتى
ءتىلشىمىز يۋان لەي 11 - قاراشادا ۇرىمجىدەن حابارلايدى. ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسى قىزمەتى جونىندەگى اڭگىمە ءماجىلىس 10 - قاراشادا ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، عىلىم - تەحنيكا مينيسترلىگىنىڭ ورىنباسار مينيسترى لي مىڭ اڭگىمە ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز لي مىڭ باستاعان عىلىم - تەحنيكا مينيسترلىگى تەكسەرۋ - زەرتتەۋ گرۋپپاسىنداعىلارعا ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىنىڭ ىلگەرىلەتىلۋ جاعدايىن تانىستىردى. تانىستىرۋعا قاراعاندا، پارتيا 19 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىنىڭ اياق الىسىن جەدەلدەتۋ، ءوڭىردىڭ دەربەس جاڭالىق اشۋ قابىلەتىن ءوسىرۋ ءۇشىن اۆتونوميالى رايون، شينجياڭ ءوندىرىس - قۇرىلىس بيڭتۋانى جاڭالىق اشۋ نەگىزى ءبىرشاما جاقسى ءۇرىمجى، سانجى، شىحىزى سىندى مەملەكەت دارەجەلى جوعارى، جاڭا تەحنيكا كاسىبىن اشۋ رايوندارىن سۇيەنىش ەتىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونىن قۇرادى ەكەن.
شوكىرات زاكىر اۆتونوميالى رايوندىق پارتكوم، حالىق ۇكىمەتى اتىنان عىلىم - تەحنيكا مينيسترلىگىنىڭ ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونىن قۇرۋ قىزمەتىنە بارىنشا قولداۋ كورسەتىپ، دەن قويا جەتەكشىلىك ەتكەنىنە شىن جۇرەكتەن العىس ايتا كەلىپ، مىنالاردى اتاپ كورسەتتى: ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونىن قۇرۋ اۆتونوميالى رايوننىڭ وسىزاماندانعان ەكونوميكالىق جۇيەسىن ورناتۋ جونىندە تاجىريبە قاراستىرىپ، ۇلگى كورسەتەدى، بۇل قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن مىقتاپ ارقاۋ ەتىپ، رايونىمىزدى جىبەك جولى ەكونوميكالىق بەلدەۋىندەگى مادەنيەت، عىلىم - تەحنيكا، وقۋ - اعارتۋ ورتالىعى ەتىپ قۇرۋ جونىنەن ماڭىزدى ءمان الادى. اۆتونوميالى رايون پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، «ءبىر بەلدەۋ، ءبىر جول» قۇرىلىسىنا بەلسەندى ۇلەس قوسۋعا قۇلشىنادى. دەربەس جاڭالىق اشۋ رايونىنا باسشىلىق ەتۋ ءتۇزىلىسىن ونان ارى ورناتىپ، كەمەلدەندىرىپ، دەربەس جاڭالىق اشۋ رايونى قۇرىلىسىن ارناۋلى باسقارۋ قۇرىلىمىن قۇرىپ، قارجى قوسۋدى قامتاماسىز ەتۋ مەحانيزمىن، باعالاۋدى، باقىلاۋ - تەكسەرۋدى ىلگەرىلەتۋ مەحانيزمىن كەمەلدەندىرەدى؛ عىلىم - تەحنيكا مينيسترلىگىمەن، شىنجىن قالاسىمەن جانە جۇڭگو عىلىم اكادەمياسىمەن تىعىز ىنتىماقتاستىقتى كۇشەيتەدى؛ بۇكىل ەلدىڭ شينجياڭعا باعىتتامالى كومەكتەسۋ باسىمدىعىن ونان ارى ساۋلەلەندىرىپ، ءار جاقتاعى شينجياڭعا كومەكتەسۋشى كۇشتەردى ءبىر تۇتاس سايكەستىرىپ، الۋان ءتۇرلى تاسىلمەن ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونى قۇرىلىسىمەن ءونىمدى توعىستىرىپ ءارى پارمەندى قامتاماسىز ەتىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونى قۇرىلىسىنىڭ ەرتەرەك ناتيجە بەرۋىن، ەرتەرەك ونىمدىلىك بايقاتۋىن بىرگە ىلگەرىلەتەدى.
لي مىڭ اڭگىمە ماجىلىستە بىلاي دەدى: اۆتونوميالى رايون جانە بيڭتۋان عىلىم - تەحنيكادا جاڭالىق اشا دامۋعا باسا ءمان بەردى، «جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇشى» دەگەن تانىم تۇتاس شينجياڭدا قالىپتاسقان، سوندىقتان ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونىن جوعارى باستامادا، جوعارى ولشەمدە جوبالاپ، قۇرۋ توتەنشە قاجەتتى ءارى مۇنىڭ شارت - جاعدايى ازىرلەنگەن. عىلىم - تەحنيكا مينيسترلىگى ۇزدىكسىز قولداپ جانە قىزمەت كورسەتىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونى قۇرىلىسىن ناقتى ىلگەرىلەتەدى. ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونىنىڭ ويداعىداي جەتەكشىلىك ەتىپ، ۇلگى كورسەتىپ، باتىلدىقپەن الدىمەن جۇرگىزىپ، الدىمەن سىناق ەتىپ، جەبەۋ رولىن، باستاماشىلدىق ەتۋ رولىن جاقسى ساۋلەلەندىرىپ، اۆتونوميالى رايوننىڭ ەكونوميكالىق، قوعامدىق دامۋىنا دەم بەرىپ، جەتەكشىلىك ەتىپ، شينجياڭنىڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعۋىنا مىعىم نەگىز قالاۋىن ءۇمىت ەتەمىن.
اۆتونوميالى رايوننىڭ ورىنباسار ءتوراعاسى، بيڭتۋان پارتكومىنىڭ ورىنباسار شۋجيى، سىليڭيۋانى پىڭ جيارۇي اڭگىمە ماجىلىستە بىلاي دەدى: بيڭتۋان دەربەس جاڭالىق اشۋ رايونىن قۇرۋدى ماڭىزدى وراي ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ عىلىم - تەحنيكا جاسامپازدىعى جونىندەگى شەشىمدەرىن، ورنالاستىرۋلارىن جەتەكشى ەتۋگە تاباندى بولىپ، اۋقىمدى مەڭگەرىپ، ورايدى مىقتى يگەرىپ، بار كۇشىن جۇمساپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋ رايونى قۇرىلىسىن ىلگەرىلەتۋدە تىڭ، نىق قادام تاستاپ، جاڭا ناتيجەلەرگە قول جەتكىزەدى.
اڭگىمە ماجىلىستە ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ، شىحىزى قالاسىنىڭ نەگىزگى جاۋاپتىلارى جەكە - جەكە قاتىستى جاعدايلاردان مالىمەت بەردى. تەكسەرۋ - زەتتەۋ گرۋپپاسىنداعىلار دەربەس جاڭالىق اشۋ رايونى قۇرىلىسى جونىندە پىكىر جانە ۇسىنىستار بەردى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
