شينجياڭ ەگىن شارۋاشىلىعىنا پايدالاناتىن سۋ باعاسىنىڭ جالپىلىق رەفورما جوباسىن جاسادى
2017.11.13 14:12 كەلۋ قاينارى : شينجياڭ گازەتى
ەگىن شارۋاشىلىعىنا پايدالاناتىن سۋعا دالمە - ءدال قوسىمشا قاراجات بەرۋ جانە سۋ ۇنەمدەۋدى سيلاۋ مەحانيزمىن ورناتادى
جاقىندا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ ەگىن شارۋاشىلىعىنا پايدالاناتىن سۋ باعاسى جالپىلىق رەفورماسىن اتقارۋ جوباسى جونىندەگى حابارلاندىرۋدى» (تومەندە قىسقارتىلىپ «اتقارۋ جوباسى» دەلىنەدى) باسىپ تاراتتى. «اتقارۋ جوباسىنىڭ» شىعۋى مۇنان بىلايعى ءبىر مەزگىلدەگى شينجياڭنىڭ ەگىن شارۋاشىلىعىنا پايدالاناتىن سۋ باعاسى جالپىلىق رەفورماسى قىزمەتىنە ساياساتتىق نەگىز ازىرلەدى.
«اتقارۋ جوباسى» ەگىن شارۋاشىلىعىنا پايدالاناتىن سۋ باعاسى جالپىلىق رەفورماسىن نەگىزگى جەلى ەتىپ، شينجياڭنىڭ قازىنالىق جاعدايى، سۋ بايلىعى جاعدايى، ەگىن شارۋاشىلىق ەگىمشىلىك قۇرىلىمى، سۋ يگىلىگى قۇرىلعى قۇرىلىسى جاعدايى، سۋ باعاسىنىڭ قازىرگى جاعدايى، سۋدان پايدالانۋدى سوڭعى باسقارۋ ءادىسى سياقتىلاردى ءبىر تۇتاس جوسپارلاپ، ويلاستىرىپ، نەگىزدىك قۇرىلعى قۇرىلىسى، سۋ ۇقىعى رەفورماسى، سۋ باسقارۋ ءتۇزىلىسى رەفورماسى سياقتى ءتۇيىندى سالالار مەن شەشۋشى بۋىنداردى كورنەكتىلەندىردى.
«اتقارۋ جوباسى» رايونىمىزدىڭ ەگىن شارۋاشىلىعىنا پايدالاناتىن سۋ باعاسى جالپىلىق رەفورماسىنىڭ باس نىساناسىن ايقىندادى: 10 جىل ۋاقىت اينالاسىندا، سۋمەن قامداۋ وزىندىك قۇنىن ۇيلەسىمدى بەينەلەيتىن، سۋ ۇنەمدەۋگە جانە ەگىس اتىزىندا سۋ يگىلىگى ءتۇزىلىسى مەحانيزمىنە جاڭالىق ەنگىزۋگە پايدالى، قارجى قوسۋ، قارجى قۇراۋ تۇزىلىسىنە ۇيلەسەتىن ەگىن شارۋاشىلىعى سۋ باعاسىن قالىپتاستىرۋ مەحانيزمىن ورناتۋ جانە كەمەلدەندىرۋ؛ مەملەكەت يەلىگىندەگى سۋ يگىلىگى ينجەنەريالارىنىڭ سۋمەن قامداۋ باعاسىن جالپى تۇلعالىق جاقتان وزىندىك قۇن ورەسىنە جەتكىزۋ، سۋارۋ جۇيەسىنىڭ اينالىسقا ءتۇسۋ، قورعاۋ اقىسىن جالپى تۇلعالىق جاقتان وزىندىك قۇن ورەسىنە جەتكىزۋ، ەگىن شارۋاشىلىعىنا پايدالاناتىن جالپى سۋ مولشەرىن تەجەۋ جانە نورما بويىنشا باسقارۋدى جاپپاي اتقارۋ، باياندى، دالمە - ءدال قوسىمشا قاراجات بەرۋ جانە سۋ ۇنەمدەگەندەردى سيلاۋ مەحانيزمىن نەگىزىنەن ورناتۋ، ەگىن شارۋاشىلىعىندا وزىق، قولدانىلمالى سۋ ۇنەمدەۋ تەحنيكا شارالارىن جاپپاي قولدانىپ، ەگىن شارۋاشىلىق ەگىمشىلىك قۇرىلىمىنا ساپالى رەتتەۋ جۇرگىزۋ، ەگىن شارۋاشىلىعىندا سۋ پايدالانۋدىڭ ءتاسىلىن تارقاقتىقتان شوعىرلاندىرۋعا قاراي ويىستىرۋ.
رەفورما مىندەتى ەگىن شارۋاشىلىعىنا پايدالاناتىن سۋ باعاسى جالپىلىق رەفورماسىنىڭ نەگىزىن بەكەمدەۋ، ەگىن شارۋاشىلىعىنا پايدالاناتىن سۋ باعاسىن بەلگىلەۋ مەحانيزمىن كەمەلدەندىرۋ، ەگىن شارۋاشىلىعىنا پايدالانىلاتىن سۋعا دالمە - ءدال قوسىمشا قاراجات بەرۋ جانە سۋ ۇنەمدەگەندەردى سيلاۋ مەحانيزمىن ورناتۋ سىندى 3 بولەككە بولىنگەن.
ەگىن شارۋاشىلىق سۋ باعاسى جالپىلىق رەفورماسىنىڭ نەگىزىن بەكەمدەۋ جاعىندا، سۋمەن قامداۋ مولشەرى مەن ەگىنجاي سۋ يگىلىگى ينجەنەرياسى جۇيەسى قۇرىلىسى كەمەلدەندىرىلىپ، ەگىن شارۋاشىلىعى سۋ ۇقىعى ءتۇزىمى جاسالىپ، سۋ ۇقىعى، سۋ مولشەرى ايىرباسى ءتۇزىمى كەمەلدەندىرىلىپ، ەگىن شارۋاشىلىعىن سۋمەن قامداۋ ونىمدىلىگى مەن تيىمدىلىگى جوعارىلاتىلادى.
ەگىن شارۋاشىلىعى سۋ باعاسىن قالىپتاستىرۋ مەحانيزمىن كەمەلدەندىرۋ جاعىندا، استىق داقىلدارى (ءبيداي) مەن ەكونوميكالىق داقىلدارعا پايدالاناتىن سۋعا پارىقتى مامىلە جاسالىپ، سۋ پايدالانۋدىڭ سوڭعى بۋىنداردا سۋ اقىسىن تۇرلەر بويىنشا الۋ ءتۇزىمى بىرتىندەپ اتقارىلادى. «كوپ پايدالانعاندار كوپ اقى تولەۋ» پرينسيبىنە ساي، ەگىن شارۋاشىلىعىنا پايدالاناتىن سۋدى نورما بەلگىلەپ باسقارۋ ءتۇزىمى اتقارىلۋ نەگىزىندە، نورمادان اسىرا پايدالانعانداردان ۇستەمە اقى الۋ ءتۇزىمى بەلسەنە ىلگەرىلەتىلەدى. ولشەمى ۇيلەسىمدى، باسقارۋى ارناعا تۇسكەن سوڭعى سۋ اقىسىن ەسەپتەۋ، الۋ ءتۇزىلىسىن ورناتىپ جانە كەمەلدەندىرىپ، ەگىن شارۋاشىلىعىنداعى سوڭعى سۋ باعاسى ءتۇزىمىن ورنىقتى ىلگەرىلەتۋ تالاپ ەتىلەدى.
ەگىن شارۋاشىلىعىنا پايدالاناتىن سۋعا دالمە - ءدال قوسىمشا قاراجات بەرۋ جانە سۋ ۇنەمدەگەندەردى سيلاۋ مەحانيزمىن ورناتۋ جاعىندا، ەگىن شارۋاشىلىعىنا پايدالاناتىن سۋعا دالمە - ءدال قوسىمشا قاراجات بەرۋ جانە سۋ ۇنەمدەگەندەردى سيلاۋ مەحانيزمى ورناتىلادى، بۇل ەگىن شارۋاشىلىق سۋ باعاسى جالپىلىق رەفورماسىنىڭ وزەگى، مۇنداعى ماقسات − شارۋالاردى سۋ ۇنەمدەۋ شاراسىن قولدانىپ، سۋدى نورمادان اسىرماي پايدالانۋعا شابىتتاندىرىپ، شارۋالاردىڭ سۋدان ۇيلەسىمدى، ءونىمدى پايدالانۋىنا شارت - جاعداي ازىرلەۋ نەگىزىندە، سۋدان تارىقپاۋىنا، شارۋالاردىڭ استىق ەگۋ بەلسەندىلىگىن قورعاۋعا مۇمكىندىك جاراتۋ.
شينجياڭ وتانىمىزدىڭ باتىس سولتۇستىگىنە ورنالاسقان، سۋى تاپشى، ۋاقىت پەن كەڭىستىك بويىنشا ورنالاسۋى بىركەلكى ەمەس، ينجەنەريالىق، قۇرىلىمدىق سيپات الاتىن سۋ تاپشىلىعى اۋىر، ەكولوگيالىق قورشاعان ورتاسى ءالسىز، لاستانسا قالپىنا كەلتىرۋ قيىن، بۇلار شينجياڭنىڭ ەكونوميكالىق قوعامدىق دامۋىنا تۇساۋ بولعان كورنەكتى قايشىلىق پەن نەگىزگى كەدەرگىگە اينالعان.
سوندىقتان ەگىن شارۋاشىلىعى سۋ باعاسى − سۋ باعاسى رەفورماسىنىڭ ماڭىزدى ءتۇيىنى، قيىن ءتۇيىنى ءارى شينجياڭنىڭ اۋىل شارۋاشىلىق رەفورماسىنىڭ قامال الۋ ءتۇيىنى.
وسىدان ىلگەرى، اۆتونوميالى رايون قۇتىبي، ءپىشان، اراسان، قۇمىل سياقتى اۋدان، قالالاردا ىلگەرىندى - كەيىندى ەگىن شارۋاشىلىق جالپىلىق سۋ باعاسى رەفورماسىن تۇيىندەردە سىناق ەتۋ قىزمەتىن ورىستەتىپ، ءبىر قىدىرۋ رەفورما شارالارىن اتقارعاننان كەيىن، سىناق تۇيىندەردىڭ ەگىن شارۋاشىلىعىندا سۋدان جۇيەلى پايدالانۋ دەڭگەيى كورنەكتى جوعارىلاپ، سۋ نورماسى ازايىپ، شارۋالاردىڭ سۋ ۇنەمدەۋ تانىمى كۇشەيىپ، جەردى وتكەرمەلەۋ قارقىنى تەزدەپ، ەگىن شارۋاشىلىق ءوندىرىسى لايىقتى دارەجەدە كولەمدەنۋگە، شوعىرلانۋعا قاراي ويىستى، بۇل ءداستۇرلى ەگىن شارۋاشىلىعىنىڭ ەگىمشىلىك قۇرىلىمىن رەتتەۋدى اناعۇرلىم جەبەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
