رەفورما جاساۋعا، ەسىك اشۋعا تاعى دا اتتانامىز
2018.03.12 15:59 كەلۋ قاينارى : شينجياڭ گازەتى
تىلشىلەرىمىز شى شين، ياۋ تۇڭ، يۋان لەي
2018 - جىلى پارتيا 19 - قۇرىلتايى رۋحىن جاپپاي دايەكتىلەندىرۋدىڭ باستاما جىلى ءارى رەفورما جاساپ، ەسىك اشۋدىڭ 40 جىلدىعى.
ۇكىمەت قىزمەتىنەن باياندامادا بيىلعى قىزمەتتەردى ويداعىداي ورىنداۋ ءۇشىن، شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكالىق يدەياسىن مۇقيات دايەكتىلەندىرىپ، قىزمەتتىڭ ورنىقتىرۋ بارىسىندا ىلگەرىلەۋ سىندى نەگىزگى اۋەنىنەن جازباي، ورنىقتىرۋ مەن ىلگەرىلەۋدى جالپى تۇلعا رەتىندە مەڭگەرۋ، مۇنىڭ ىشىندە رەفورمالاۋ مەن ەسىك اشۋدىڭ تەبىنىن ارتتىرۋ كەرەكتىگى اتاپ كورسەتىلدى.
ۇلى وزگەرىس قاشاندا ماسەلەلەرگە ۇڭىلە قاراۋ بارىسىندا قۇلاشىن كەڭ جايادى.
مەملەكەتتىك 2 ماجىلىسكە قاتىناسىپ جاتقان مەملەكەتتىك حالىق قۇرىلتايىنىڭ اۆتونوميالى رايونىمىزداعى ۋاكىلدەرى مەن مەملەكەتتىك ساياسي كەڭەستىڭ شينجياڭداعى مۇشەلەرى ءبىر اۋىزدان باعدار ايقىن، جول سارا، تەك باس شۋجي شي جينپيڭنىڭ «رەفورمانى سوڭىنا دەيىن جۇرگىزۋ» دەگەن نۇسقاۋىنىڭ تالابىنا ساي، يدەيانى ونان ارى ازات ەتىپ، رەفورمانى ونان ارى تەرەڭدەتىپ، ەسىكتى ونان ارى ايقارا اشىپ، «رەفورما جاساۋعا، ەسىك اشۋعا تاعى دا اتتانۋ» بەكىمىمەن جانە باتىلدىعىمەن رەفورما جاساۋ، ەسىك اشۋ سىندى كەلەلى ءىستى بۇلجىماستان ىشكەرىلەي تولىق يگەرىپ، جاڭا باستامادا تىڭ ناتيجەگە قول جەتكىزەتىن بولساق، جاڭا داۋىردە ەكپىندەي ىلگەرىلەگەن رەفورما جاساۋدىڭ، ەسىك اشۋدىڭ كۇشتى ءۇنىن، ءسوزسىز، جاڭعىرتا الامىز دەستى.
يدەيانى ونان ارى ازات ەتەمىز
رەفورما جاساۋ، ەسىك اشۋ جالعاسا بەرەدى
ۋاڭ گاڭ
مەملەكەتتىك حالىق قۇرىلتايىنىڭ ۋاكىلى، قارامايلى قالالىق پارتكومنىڭ ورىنباسار شۋجيى، قالا باستىعى
رەفورما جاساۋعا، ەسىك اشۋعا ەڭ ءتيىمسىز نارسە يدەياداعى قاتىپ - سەمۋ، قاناعاتتانۋشىلدىق.
مەملەكەتتىك حالىق قۇرىلتايىنىڭ ۋاكىلى ۋاڭ گاڭ بىلاي دەپ قارادى: رەفورمانى تەرەڭدەتۋ يدەيانى ازات ەتۋدى جەتەكشى ەتىپ، جاڭالىق اشا دامۋعا تۇساۋ بولاتىن يدەياداعى كەدەرگىنى جانە كوزقاراستاعى بۇعاۋدى باتىلدىقپەن الاستاپ، ءادىس قولدانىپ، جۇيەلى شارا اتقارىپ، نەگىزگى ساتىنى جاڭالىق اشۋعا ىنتالاندىرىپ، باتىلدىقپەن توپ جارۋ، باتىلدىقپەن سىناپ كورۋ، ءىستى باتىلدىقپەن ىستەۋ رۋحىن ۇزدىكسىز ساۋلەلەندىرىپ، اناعۇرلىم قويۋ، اناعۇرلىم ومىرشەڭدىك كۇشكە يە رەفورما جاساۋدىڭ، ەسىك اشۋدىڭ جاڭا رايىن قالىپتاستىرۋدى قاجەت ەتەدى.
يدەيا ارەكەتتىڭ جەتەكشىسى. شينجياڭنىڭ رەفورما جاساۋ، ەسىك اشۋ بارىسىنا قايىرىلا قاراساق، بارلىعى يدەيانى ازات ەتۋدەن باستاۋ العاندىعىن اڭعارامىز.
مەملەكەتتىك حالىق قۇرىلتايىنىڭ ۋاكىلى ءمامتىمىن قادىر: ەگەر يدەيامىز ازات بولماسا، ءبىزدىڭ ءتۇرلى - ءتۇستى مۇددەلەردىڭ قاتىپ - سەمگەن تۇيىنشەگىن انىقتاۋىمىز قيىنعا سوعادى، قامال الۋ بەتالىسى مەن كۇش سالۋ ءتۇيىنىن ءدال تابۋدان قينالامىز. ەلىمىزدىڭ ەكونوميكالىق قۇرىلىمىندا كەلەلى وزگەرىستەر تۋىلعان، تۇرعىنداردىڭ تۇتىنۋى تەز جوعارىلاعان، جاڭالىق اشۋ قاۋىرت مەزگىلگە وتكەن جاڭا قالىپ الدىندا، ەگەر ويلاۋ ءتاسىلى جانە دە كونە سۇردەكتەن جازبايتىن بولسا، شىعار جول تابۋ بىلاي تۇرسىن، ورايلى ءساتتى قولدان جىبەرىپ الامىز، - دەدى.
اماليات يدەيانىڭ ازات بولۋى مەن رەفورمانىڭ اياق الىسى ىلعي دا ءبىر - ءبىرىن جەبەپ وتىراتىندىعىن تولىق دالەلدەدى. پارتيا 18 - قۇرىلتايىنان بەرگى جاڭا كەزەكتى رەفورما تولقىنىندا شينجياڭ بۇكىل ەلمەن بىرگە جاڭا «رەفورما ۋاقىتىنا» اياق باستى.
ءمامتىمىن قادىر بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورما جاساۋ، ەسىك اشۋ تۋىن بيىك ۇستاپ، رەفورمانى اناعۇرلىم زور ساياسي باتىلدىقپەن جانە ساياسي اقىل - پاراساتپەن ىلگەرىلەتىپ، جالپى جاعداي كوزقاراسى جانە جۇيەلى وي ارقىلى رەفورمانى جوبالاپ، جاڭا كەزەكتى رەفورما تولقىنىنىڭ كوتەرىلۋىن ىلگەرىلەتتى. رەفورمانىڭ ارقاۋىن ءتارتىپ بويىنشا رەتىمەن يگەرىپ، 360 كەلەلى رەفورما جوباسى، 1500 نەشە ءتۇرلى رەفورما شاراسى سياقتىلاردى تەز ءارى ورنىقتى ىلگەرىلەتىپ، رەفورمانى جاپپاي تەرەڭدەۋ بارىسىندا «داۋىرگە ىلەسۋدەن» «داۋىرگە جەتەكشىلىك ەتۋگە» دەيىنگى العا ۇمتىلۋ رۋحىنان ءبىر ءسات تە جازبادى، سوتسياليستىك وسىزاماندانۋعا قاراي ۇمتىلۋداي جاڭا بەينەنى ءبىر ءسات تە تولاستاتپادى.
«2017 - جىلى ۇكىمەتتىڭ تاپسىرعان ەمتيحانى ەرەكشە تاماشا بولدى، اسىرەسە، رەفورمانى جاپپاي تەرەڭدەتۋدەن جازباي، ءتۇزىلىس - مەحانيزمدەگى كىناراتتاردى الاستاۋعا كۇش سالىپ، دامۋ قوزعاۋشى كۇشىن ۇزدىكسىز كۇشەيتكەندىگى جۇرتشىلىقتى جەلپىنتتى»، - دەدى مەملەكەتتىك ساياسي كەڭەستىڭ شينجياڭداعى مۇشەسى بادمارا.
شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شينجياڭ جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىن جەدەل ىلگەرىلەتىپ، كۇن سايىن كورنەكتىلەنگەن وڭىرلىك باسىمدىق مەن ىقپال كورسەتۋ اسەرى ارقىلى «ءبىر بەلدەۋ، ءبىر جول» دارىپتەمەسىندە جاڭا ىسكەرلىكتى بەلسەنە ايگىلەپ، جاڭا دامۋدى جۇزەگە اسىردى.
يدەيانى ازات ەتۋدىڭ شەگى جوق. ۋاكىلدەر مەن مۇشەلەر بىلاي دەدى: ءسوز جوق، وزىنە رەفورما جاساۋعا باتىل ءارى كەڭ پەيىل بولىپ، شەك - شەكارانى تالقانداپ، تاراۋلاردىڭ مۇددە تۇساۋىن جەڭىپ، يدەيانى ونان ارى ازات ەتۋ ارقىلى رەفورمانىڭ ونان ارى تەرەڭدەۋىن، ەسىكتىڭ ونان ارى ايقارا اشىلۋىن ىلگەرىلەتۋ كەرەك.
رەفورمانى ونان ارى تەرەڭدەتەمىز
جان - جاقتى، تەرەڭ قاتپارلى رەفورمانى ىلگەرىلەتەمىز
ءمامتىمىن قادىر
مەملەكەتتىك حالىق قۇرىلتايىنىڭ ۋاكىلى، تۇرپان قالالىق پارتكومنىڭ ورىنباسار شۋجيى، قالا باستىعى
ۇكىمەت قىزمەتىنەن باياندامادا مىنالار اتاپ كورسەتىلدى: اۋا ساپاسى، ورتا تازالىعى، ازىق - تۇلىك، ءدارى - دارمەك حاۋىپسىزدىگى جانە تۇرعىن ءۇي، وقۋ - اعارتۋ، ەمدەۋ، جۇمىستانۋ، قارتتار كۇتىمى جاقتارىندا بۇقارا نارازى بولىپ وتىرعان ىستەر ءالى دە كوپ. ۇكىمەت قىزمەتىندە جەتەرسىزدىكتەر بار، رەفورماعا قاتىستى كەيبىر شارالار مەن ساياساتتاردىڭ تياناقتانۋى جەتەرسىز...
بادمارا بىلاي دەدى: «رەفورما حالىقتىڭ تىلەگىنە سايكەسۋ كەرەك. ءبىزدىڭ رەفورما جاساۋداعى ماقساتىمىز − بۇقارانى ءتىپتى دە كوپ تابىس سەزىمىنە كەنەلدىرۋ، ۇكىمەت قىزمەتىنەن باياندامادا بيىلعى رەفورما قىزمەتىنىڭ مىندەتتەرىن ورنالاستىرعاندا شاپالاق ەڭ كوپ سوعىلدى، بۇل حالىق بۇقاراسىنىڭ جاڭا داۋىردەگى رەفورمادان جاڭا ءۇمىت كۇتەتىندىگىن تولىق تۇسىندىرەدى، ءداۋىردىڭ سۇراۋىنا جاۋاپ بەرەتىن بىزدەر ساياسي دەڭگەيدى اناعۇرلىم جوعارىلاتۋىمىز، رەفورمانى اناعۇرلىم باتىلدىقپەن ىلگەرىلەتۋىمىز، وزىمىزگە اناعۇرلىم باتىلدىقپەن رەفورما جاساۋىمىز كەرەك».
بادمارا «ۇكىمەت قىزمەتىنەن باياندامادا اۋىزعا الىنعان <ءبىر جولدا عانا ءبىتىرۋ> رەفورماسى بۇقارانىڭ تابىس سەزىمىنىڭ اناعۇرلىم نىعايۋىنا، اناعۇرلىم كەپىلدىككە يە بولۋىنا، اناعۇرلىم باياندى بولۋىنا مۇمكىندىك جاساعان رەفورما بولىپ تابىلادى» دەپ قارادى.
بادمارا: بىلتىر بۇراتالا موڭعۇل اۆتونوميالى وبلىسى 39 ءتۇرلى رەفورما جەمىسىنە قول جەتكىزدى، مۇنىڭ 34ى ۇكىمەت قۇرىلىمدارىن ىقشامداپ، ۇقىقتى تومەنگە بەرۋمەن، قىزمەت كورسەتۋدى جاقسارتۋمەن، ۇكىمەتتىڭ ءىس ءبىتىرۋ ونىمدىلىگىن جوعارىلاتۋمەن قاتىستى بولدى. رەفورما ارقىلى بۇرىنعى حالىققا قولايلى قىزمەت كورسەتۋ زالىنىڭ حالىققا قىزمەت ەتۋى اناعۇرلىم ناقتى، اناعۇرلىم باعىتتامالى بولا ءتۇستى، - دەدى.
ۋاڭ گاڭ بىلاي دەدى: «ساپالى دامۋ رەفورمانى تەرەڭدەتۋدەن ايرىلا المايدى، رەفورمانى تەرەڭدەتۋدىڭ ماقساتى − ساپالى دامۋ، حالىقتىڭ تاماشا تۇرمىسقا دەگەن قاجەتىن قاناعاتتاندىرۋ. قارامايلى قالاسى ناعىز بايلىق تيبىندەگى قالا رەتىندە، تيبىنە بۇرىلىس جاساپ، دارەجەسىن جوعارىلاتۋدىڭ شەشۋشى كەزەڭىندە تۇر، ول ءتىپتى دە تاسىلگە بۇرىلىس جاساۋى، قۇرىلىمدى رەتتەۋ اياق الىسىن اناعۇرلىم تەزدەتە ءتۇسۋى، جاڭا تەحنيكادان، جاڭا كاسىپ فورماسىنان، جاڭا ۇلگىلەردەن پايدالانىپ ءداستۇرلى كاسىپ سالالارىن بار كۇشپەن وزگەرتۋى، جاڭالاۋى، سونىمەن بىرگە، جاڭا قوزعاۋشى ەنەرگيانى دامىتۋى، زورايتۋى كەرەك».
«ەلىمىزدىڭ رەفورماسى تاعى ءبىر جاڭا تاريحي ساتكە كەز كەلدى. جارقىن نىسانا الدىمىزدا، حاۋىپ - قاتەر مەن سىن - سىناقتار دا ءبىزدى كۇتىپ تۇر. جاڭا ءداۋىردىڭ ورنى رەفورمانىڭ جاڭا باستالۋ ءتۇيىنىن بەلگىلەدى. وسىزاماندانعان ەكونوميكالىق جۇيە ورناتۋدان اۋىل - قىستاقتاردى كوركەيتۋ ستراتەگياسىن اتقارۋعا دەيىن، حالىقتىڭ قوجا بولۋ ءتۇزىم جۇيەسىنەن سوتسياليستىك مادەنيەتتىڭ گۇلدەنىپ - كوركەيۋىن ىلگەرىلەتۋگە دەيىن، كورىكتى جۇڭگو قۇرۋدان پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋگە دەيىن، رەفورمانى جاپپاي تەرەڭدەتۋ ەكونوميكا، ساياسي، مادەنيەت، قوعام، ەكولوگيا سياقتى سالالارعا سايادى. ماسەلەنى نىشان ەتۋدەن باستان - اياق جازباي، رەفورمانى تاباندىلىقپەن تەرەڭدەتە تۇسكەندە عانا، تەرەڭ قاباتتاعى مۇددە قايشىلىقتارىن شەشۋگە، ۇزاق جىل جينالعان دەرت - اقاۋلاردى جويۋعا بولادى»، - دەدى ءمامتىمىن قادىر.
ەسىكتى ونان ارى ايقارا اشامىز
جاپپاي ەسىك اشۋدىڭ جاڭا اۋقىمىن قالىپتاستىرۋدى ىلگەرىلەتەمىز
بادمارا
مەملەكەتتىك ساياسي كەڭەستىڭ شينجياڭداعى مۇشەسى، بۇراتالا موڭعۇل اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى
باس شۋجي شي جينپيڭ مەملەكەتتىك 13 - كەزەكتى حالىق قۇرىلتايى 1 - ماجىلىسىنە قاتىناسقان گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقان كەزدە مىنالاردى باسا دارىپتەدى: جاپپاي ەسىك اشۋدى اناعۇرلىم كەڭ كوز ايامەن، اناعۇرلىم جوعارى نىسانالىق تالاپتارمەن، اناعۇرلىم پارمەندى شارالارمەن ىلگەرىلەتىپ، دەڭگەيى اناعۇرلىم جوعارى اشىق ەكونوميكانى جەدەل دامىتىپ، ساۋدانىڭ جاڭا فورمالارىن، جاڭا ۇلگىلەرىن جەدەل جەتىلدىرىپ، «ءبىر بەلدەۋ، ءبىر جول» قۇرىلىسىنا بەلسەنە ات سالىسىپ، جاڭالىق اشۋ قابىلەتى جاعىنداعى اشىق ىنتىماقتاستىقتى كۇشەيتۋ كەرەك.
پارتيا 19 - قۇرىلتايىندا «ءبىر بەلدەۋ، ءبىر جول» دارىپتەمەسىن ىلگەرىلەتۋ جونىندەگى مازمۇن پارتيا ۋستاۆىنا جازىلدى، ۇكىمەت قىزمەتىنەن باياندامادا «ءبىر بەلدەۋ، ءبىر جول» حالىقارالىق ىنتىماقتاستىعىن ىلگەرىلەتۋ، جاپپاي ەسىك اشۋدىڭ جاڭا اۋقىمىن قالىپتاستىرۋ قايتالاي دارىپتەلدى. ەسىك اشۋدىڭ قولايلى جاعدايىنداعى شينجياڭ ەسىك اشۋ كولەمى مەن دەڭگەيىن قايتكەندە ونان ارى كەڭەيتىپ، ەسىك اشۋدىڭ قۇرىلىم ورنالاسۋى مەن ءتۇزىلىس - مەحانيزمىن كەمەلدەندىرىپ، جوعارى دەڭگەيلى ەسىك اشۋ ارقىلى ساپالى دامۋدى ىلگەرىلەتە الادى؟
ۋاڭ گاڭ بىلاي دەدى: «شينجياڭ جىبەك جولى ەكونوميكالىق بەلدەۋىندەگى وزەكتى رايون بولىپ بەلگىلەنگەننەن بەرى، بۇكىل رايونداعىلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، وزىق جوسپار جاساپ، كوپ شارانى قاتار قولدانىپ، وزەكتى رايون قۇرىلىسىنىڭ ورنىقتى جۇرگىزىلىپ، ۇزاققا جالعاساتىن، ۇزدىكسىز العا باساتىن تاماشا دامۋ جاعدايىن ۇزدىكسىز ىلگەرىلەتىپ، شينجياڭنىڭ «ءبىر بەلدەۋ، ءبىر جول» قۇرىلىسىمەن جاپپاي توعىسۋىنا بەرىك نەگىز قالادى».
«اسىرەسە، ەندى عانا وتكەن 2017 - جىلى بۇكىل رايوننىڭ جوعارى - تومەندەگىلەرى نازاردى <ساياساتتاردى بايلانىستىرۋعا، قۇرىلعىلاردى ۇلاستىرۋعا، ساۋدانى ىركىلىسسىزدەندىرۋگە، قارجىنى اينالىمعا سالۋعا، حالىق تىلەگىن توعىستىرۋعا> شوعىرلاندىرىپ، <5 ءىرى ورتالىق> قۇرىلىسىنىڭ ءتۇيىندى مىندەتتەرىمەن تىعىز بايلانىستىرىپ، وزەكتى رايون قۇرىلىسىندا ماڭىزدى ىلگەرىلەۋشىلىككە قول جەتكىزدى»، - دەدى ۋاڭ گاڭ. ول: ساندى مالىمەت مۇنىڭ ەڭ جاقسى دالەلى − مەملەكەتتىڭ «ءبىر بەلدەۋ، ءبىر جول» ءىرى ساندى مالىمەت ورتالىعى جاريالاعان بۇكىل ەلدەگى 31 ولكە، قالانىڭ «ءبىر بەلدەۋ، ءبىر جول» قۇرىلىسىنا ات سالىسۋى جونىندەگى 2017 - جىلعى جالپىلىق كورسەتكىش قاتارىندا، شينجياڭ تۇڭعىش رەت الدىڭعى وندىققا كىردى، - دەدى.
جاڭا يدەيا جاڭا داۋىرگە جەتەكشىلىك ەتىپ، شينجياڭنىڭ جاڭا كەزەكتى سىرتقا ەسىك اشۋىنىڭ تەرەڭدەۋى مەن جاپپاي جاڭالىق اشۋىن جەدەلدەتتى.
مەملەكەتتىك ەكى ءماجىلىس اشىلاردان بىرنەشە كۇن بۇرىن، جۇڭگو - ەۆروپا كەزەكشى پويەزىنىڭ مىڭىنشى پويەزى ءۇرىمجى جيناۋ - جونەلتۋ ورتالىعىنان شىعىپ، تۇڭعىش رەت يتاليانىڭ نەاپول قالاسىنا جەتتى. جۇڭگو - ەۆروپا كەزەكشى پويەزدارى وزەكتى رايون قۇرىلىسىنىڭ ۇلگى نىسانى، سونداي - اق جاڭا داۋىردەگى شينجياڭنىڭ سىرتقا ەسىك اشۋدى كەڭەيتۋدەگى جاڭا ناتيجەسى سانالادى.
«ەسىك اشۋدىڭ ءوزى تەرەڭ رەفورما. جۇڭگو تەك سىرتقا ەسىكتى بارعان سايىن ايقارا اشا تۇسكەندە، شينجياڭنىڭ دامۋى ەسىك اشۋ سەرپىنىن كۇشەيتۋدى تىپتەن قاجەت ەتەدى. شينجياڭ دەڭگەيى اناعۇرلىم جوعارى اشىق ەكونوميكانى جەدەل دامىتىپ، مەملەكەتتىڭ باتىسقا ەسىك اشۋداعى الدىڭعى شەبى، قاقپاسى رەتىندەگى ەرەكشە باسىمدىعىن تولىق ساۋلەلەندىرىپ، ورتا ازيا ەلدەرى سياقتى مەملەكەتتەردىڭ بازارىنا بەت الىپ، شىعىس بولەكتەگى رايونداردىڭ كاسىپ سالاسىنىڭ ويىسۋىن جانە ىشكى ولكەلەردەگى كاسىپورىنداردىڭ ءتارتىپتى ويىسۋىن بەلسەنە قابىلداپ، ءتۇرلى كاسىپورىنداردى شينجياڭعا كەلىپ قارجى سالىپ، كاسىبىن دامىتۋعا باۋراۋى جانە ىنتالاندىرۋى كەرەك»، - دەيدى ءمامتىمىن قادىر.
جاڭا داۋىردە، جاڭا باستامادا شينجياڭ رەفورما جاساۋعا، ەسىك اشۋعا تاعى دا اتتانباق.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
