«بالا بارلىعىمىزدىڭ باۋىر ەتىمىز»
16 ساعاتقا جالعاسىپ، مىڭ شاقىرىم جول باسقان قۇتقارۋ جايلى ەستەلىك
ءتىلشىمىز جاۋ شييا
2018.07.19 17:00 كەلۋ قاينارى : شينجياڭ گازەتى
7 - ايدىڭ 13 - كۇنى تاڭعى ساعات 2دە 16 ساعاتقا جالعاسىپ، مىڭ شاقىرىم جول باسقان قۇتقارۋدان كەيىن، شينجياڭ مەديتسينا داشۋەسى قاراستىلىعىنداعى 6 - شيپاحاناسىنىڭ باستىعى حان رۇڭنىڭ كوڭىلى اقىرى ساباسىنا ءتۇستى، ونىڭ تۋىسى، 5 جاسار ءمۇنيرانىڭ وپەراتسياسى ءساتتى جاسالىپ، حاۋىپتەن قۇتىلىپ، ەكى اياعى امان ساقتاپ قالىندى.
ءومىر مەن ءولىم ارپالىسقان 16 ساعات ءۇرىمجى مەن حوتانداعى ادامداردىڭ كوڭىلىن توعىستىردى.
7 - ايدىڭ 12 - كۇنى ساعات 10دا حان رۇڭ قاراقاش اۋدانى زاۋا قالاشىعى كۇتىرەم قىستاعىنداعى تۋىسى ابدۇمامەت ءماتتۇرسىننىڭ كومەك سۇراۋ حاتىن تاپسىرىپ الادى، ونىڭ كىشكەنە قىزى ءمۇنيرانىڭ ەكى اياعى اۋىر جارالانىپتى...
قاتتى الاڭداعان حان رۇڭ تۋىسىنا تەلەفون سوعىپ جاعدايدى ۇعىسادى: 7 - ايدىڭ 11 - كۇنى جولدان ءوتىپ بارا جاتقان ءمۇنيرانى جۇك كولىگى سوعىپ كەتىپ، وڭ جاق ورتان جىلىگى شورت سىنىپ، سول اياعى اۋىر دارەجەدە زاقىمدالادى. ءومىرىن امان الىپ قالۋ ءۇشىن، جەرگىلىكتى ورىنداعى شيپاحاناداعى قۇتقارۋشى شيپاگەر اياعىن كەسۋ جايلى ۇسىنىس بەرەدى.
«اعا، بالامنىڭ جاعدايى ناشارلاپ كەتتى ...» دەگەن ابدۇمامەت حان رۇڭنىڭ داۋىسىن ەستىگەندە جىلاپ جىبەرەدى.
سويلەسىپ بولعاننان كەيىن، حان رۇڭ حوتانداعى جەرگىلىكتى شيپاحانامەن ناۋقاس جاعدايى جونىندە ىشكەرىلەي پىكىرلەسەدى ءارى شيپاحانانىڭ بۋىن 1 - ءبولىمى سياقتى بولىمدەردىڭ ماماندارىنان بالانى قۇتقارۋدىڭ جوباسى جايلى پىكىر الادى.
شينجياڭ مەديتسينا داشۋەسى پارتكومىنىڭ شۋجيى گاۋ فاشۇي حاباردى ەستىگەننەن كەيىن تەلەفون سوعىپ: بالا بارلىعىمىزدىڭ باۋىرەتىمىز، بالانىڭ اياعىن، ءسوز جوق، امان الىپ قالىڭدار -، دەيدى، مۇنى ەستىگەن حان رۇڭنىڭ كوڭىلى دە ورنىعادى.
كومەك سۇراۋ حاتىن تاپسىرىپ العاننان بالانىڭ ۇشاققا ءساتتى شىققانىنا دەيىنگى بىرنەشە ساعاتتا حان رۇڭ 20 نەشە رەت تەلەفون سوعىپ، جەرگىلىكتى ورىنداعى شيپاحانامەن جاعداي ۇعىسادى، اۋەجايدان جاسىل ءدالىز اشۋدى وتىنەدى، شۇعىل قۇتقارۋ جوباسىن جاسايدى ...
شينجياڭ مەديتسينا داشۋەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قاراقاش اۋدانىندا تۇراتىن قىزمەت اترەتى، شينجياڭ مەديتسينا داشۋەسى قاراستىلىعىنداعى 6 - شيپاحانا، ءۇرىمجى حالىقارالىق اۋەجايى، حوتان ايماقتىق حالىق شيپاحاناسى سياقتى كوپتەگەن ورىندار تىعىز سايكەسىپ، بالانى قۇتقارىپ قالۋ ءۇشىن بار كۇشتەرىن سالادى.
7 - ايدىڭ 12 - كۇنى ساعات 21دە، ۇشاق كەلىپ قونادى، اۋەجايدا كۇتىپ تۇرعان «120» قۇتقارۋشىلارى اۋىر جارالانعان ءمۇنيرانى ۇشاقتان تۇسە سالىسىمەن شيپاگەرلەردىڭ شۇعىل قۇتقارۋىنا جەتكىزەدى. جاراقاتتى تازالاپ، قان الادى، وپەراتسيادان بۇرىنعى تەكسەرۋدى جاسايدى ... ساعات 23 شاماسىندا، ءمۇنيرا شينجياڭ مەديتسينا داشۋەسى قاراستىلىعىنداعى 6 - شيپاحانانىڭ وپەراتسيا بولىمىنە كىرەدى، حان رۇڭ تۋىسىمەن بىرگە وپەراتسيا ناتيجەسىن كۇتەدى.
2 ساعاتتان كەيىن، 7 - ايدىڭ 13 - كۇنى تاڭعى ساعات 2دە، بۋىن 1 - ءبولىمىنىڭ شيپاگەرى ءبىرىنشى مەرزىمدەگى شۇعىل وپەراتسيانى جاساپ بولادى، بالانىڭ سول اياعىنا تازالاۋ، تىگۋ VSD (ءىرىڭىن اعىزۋ) وپەراتسياسىن جاساپ، سىنعان وڭ اياعىن ورنىنا ءتۇسىرىپ تاڭادى.
وپەراتسيادان كەيىنگى بىرنەشە كۇندە ءمۇنيرا جانە ونىڭ وتباسىنداعىلار ءار سالانىڭ كوڭىل بولۋىنە، قامقورلىعىنا بولەنەدى.
7 - ايدىڭ 16 - كۇنى، ءتىلشى ءمۇنيرانى كورگەن كەزدە، ول سەسترانىڭ سەرىك بولۋىندا قول تەلەفون ويىنىن ويناپ جاتىپتى، اندا - ساندا جىمىڭداپ كۇلىپ قويادى. وسى شيپاحانانىڭ ورىنباسار باستىعى، سۇيەك ءبولىمىنىڭ مامانى جياڭ كان 7 - ايدىڭ 14 - كۇنى ءمۇنيرانىڭ وڭ اياعىنىڭ شونداناي سۇيەك نەرۆىن تەكسەرىپ، ورتان جىلىگىن شەگەلەۋ وپەراتسياسىن جاساعان ەدى، قازىر بالانىڭ جاعدايى بارعان سايىن جاقسى بولىپ كەلەدى.
«حان رۇڭ اعام بولماسا، وسىنداي كوپ مەيىرىمدى ادامداردىڭ كومەگى بولماسا، بالامنىڭ جانىن قالاي امان الىپ قالار ەدىم». بىرنەشە كۇننەن بەرى، ابدۇمامەت وتباسىنداعىلاردىڭ اۋزىنا العىستان باسقا ءسوز تۇسپەدى. ول بىلاي دەدى: وسى بىرنەشە كۇندەگى باسىمنان كەشكەن ىستەرىم ساناما ماڭگىلىك ساقتالىپ قالدى، قىستاققا قايتىپ بارعاننان كەيىن، قالاداعى تۋىسىممەن بولعان اڭگىمەمدى كورشىلەرگە جەتكىزىپ، كوپشىلىككە پارتيا مەن ۇكىمەتتىڭ قامقورلىعىن سەزىندىرىپ، «ۇلتتار ىنتىماعىنىڭ بەرەكەلى شاڭىراعىنىڭ» مەيىرىمىن جالعايمىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
