توڭازىتىپ قۇرعاتۋ تەحنيكاسى شينجياڭنىڭ ەرەكشە جەمىس ورمان شارۋاشىلىعىنىڭ جاڭا جاعدايىنىڭ قالىپتاسۋىن جەبەدى
2018.09.11 15:02 كەلۋ قاينارى : شينجياڭ گازەتى
ءتىلشىمىز ياۋ تۇڭ 9 - ايدىڭ 9 - كۇنى قاشقاردان حابارلايدى. 9 - ايدىڭ 9 - كۇنى تۇستەن بۇرىن پوسكامنىڭ التىن توراڭعى كورىنىس وڭىرىندە شاڭحايلىق ساياحاتشى جاڭ حۋشىڭ توڭازىتىپ قۇرعاتۋ تەحنيكاسىمەن دايىندالعان الما قاعىنان ءدام تاتا وتىرىپ: بۇل ارانىڭ الما قاعى وتە ءدامدى ەكەن، مەن ءتىپتى شەتەلدەن ەنگىزىلگەن ءونىم ەكەن دەپ قالىپپىن! - دەدى شينجياڭنىڭ جەمىس - جيدەك ونىمدەرىنىڭ ساپاسىنا ءتانتى بولا تاڭداي قاعىپ.
جاڭ حۋشىڭ ساتىپ العان ءونىمدى شاڭحايدىڭ شارۋاشىلىق ارقىلى شينجياڭدى سۇيەمەلدەۋگە ەنگىزگەن كاسىپورنى − شينجياڭ مينلۇڭدا كەپتىرىلگەن جەمىس شارۋاشىلىعى شەكتى سەرىكتەستىگى وندىرگەن. پوسكامعا ىرگە تەپكەلى 10 جىل بولعان بۇل كاسىپورىن اۋەلدەگى 5500 توننا شىلاندى جىنتىكتەپ مانەرلەۋ نەگىزىندە، بيىل تاعى دا 4 ميلليون يۋان قارجى قوسىپ توڭازىتىپ قۇرعاتۋ تەحنيكاسى ءوندىرىس جەلىسىن قۇردى، مەجەمەن جىلىنا 8000 توننا جاس جەمىس مانەرلەيدى.
«بيىل 6 - ايدا ساتىپ الىنعان تۇت جەمىسى مەن جاس ورىكتى مانەرلەگەننەن كەيىن شاڭحايعا اپارىپ ساتتىق، ءبىر دورباسى 150 گرامدىق توڭازىتىپ قۇرعاتىلعان تۇت جەمىسىنىڭ باعاسى 15 يۋان، ۇستەمە قۇنى نەداۋىر جوعارى بولدى»، - دەدى شينجياڭ مينلۇڭدا كەپتىرىلگەن جەمىس شارۋاشىلىعى شەكتى سەرىكتەستىگى باس ديرەكتور كەڭسەسىنىڭ مەڭگەرۋشىسى سۇن لەي تانىستىرىپ. توڭازىتىپ قۇرعاتۋ تەحنيكاسى − تومەن تەمپەراتۋرادا جانە وتتەگى جەتكىلىكسىز شارت - جاعدايدا جەمىس - جيدەكتەر مەن كوكونىستەردى قۇرعاتاتىن، قالىپتى تەمپەراتۋرادا سۋ قوسۋ ارقىلى اۋەلگى قالپىنا كەلتىرگەندە جەمىستىڭ ءتۇسى، ءيىسى، ءدامى، ءپىشىنى وزگەرمەيتىن، قورەكتىك قۇرامى نەگىزىنەن بۇلىنبەيتىن ءبىر ءتۇرلى تەحنيكا. بۇل جاڭا تەحنيكا شينجياڭنىڭ ەرەكشە جەمىستەرىنە توتەنشە ۇيلەسەدى. قازىر بۇل سەرىكتەستىك ياركەن، مارالباسى، پوسكام، قاعىلىق سياقتى 4 اۋداندا جەمىس - جيدەك ونىمدەرىن ساتىپ الىپ، توڭازىتىپ قۇرعاتقاننان كەيىن، چاڭجياڭ اتىراۋىنداعى رايوندارعا اپارىپ ساتىپ، الارمانداردىڭ قىزۋ قارسى الۋىنا بولەندى. «بۇرىن جول ۇزاق، ساۋداگەرلەر كەلۋدى قالامايتىن، قازىر مينلۇڭدا سەرىكتەستىگى ارناۋلى كولىك جىبەرىپ اتىز باسىنان ساتىپ الادى، كەپتىرىلگەن جەمىستەردى دە، مەزگىلدىك جەمىستەردى دە ساتىپ الادى، ساتىپ الۋ باعاسى دا جوعارى، ءبىز ەگىنشىلەر پايداعا كەنەلىپ وتىرمىز»، - دەدى پوسكام اۋدانى بۇيلۇق تاجىك اۋىلى توقۇشى قىستاعىنىڭ تۇرعىنى مامەت ابىلەز قۋانىشىن باسا الماي. قازىر مينلۇڭدا سەرىكتەستىگى ماڭايىنداعى 2500دەن استام ەگىنشىنى باستاپ، ولاردىڭ وتباسىلىق جىلدىق كىرىسىن 8000 يۋاننىڭ ۇستىندە ارتتىردى.
وڭتۇستىك شينجياڭدا عانا ەمەس، شىعىس شينجياڭداعى قۇمىلدا دا وسىنداي تەحنيكامەن جەمىس - جيدەك شارۋاشىلىعىنىڭ دامۋىن جەبەپ وتىرعان كاسىپورىن − شينجياڭ چاڭگىدىگو ازىق - تۇلىك شەكتى جارنا سەرىكتەستىگى بار. بۇل كاسىپورىن حىنان حاۋشياڭني شىلان شارۋاشىلىعى شەكتى جارنا سەرىكتەستىگىنىڭ قارجى قوسۋىمەن قۇرىلعان، حىنان ولكەسىنىڭ شارۋاشىلىق ارقىلى شينجياڭدى سۇيەمەلدەگەن ءتۇيىندى نىسانى. قازىر شينجياڭ چاڭگىدىگو ازىق - تۇلىك شەكتى جارنا سەرىكتەستىگى توڭازىتىپ قۇرعاتقان جەمىس - جيدەك، كوكونىس ونىمدەرىن جىنتىكتەي مانەرلەۋ نىسانىنا 175 ميلليون يۋان قارجى قوسىپ، 2 ايدىڭ الدىندا سىناق رەتىندە ءوندىرىس جۇرگىزدى. «تەك سىناق رەتىندە ءوندىرۋ باسقىشىندا ءبىز قۇمىل مەن ونىڭ ماڭايىنان 500 توننا قۇمىل قاۋىنىن ساتىپ الدىق»، - دەدى حاۋشياڭني شينجياڭ جالپى بەتتىك باسقارۋ ورتالىعىنىڭ باس ديرەكتورى لۋ گوجيە.
27 جاستاعى ايزوھرام مۇحامەت قۇمىل قالاسى يجوۋ رايونى ىرباۋ قالاشىعى ىرباۋ قىستاعىنىڭ تۇرعىنى، كۋرستا تاربيەلەنگەننەن كەيىن وسى كاسىپورىننىڭ جۇمىسشىسى بولعان. «قازىر ماشينالاردى مەڭگەرۋگە جاتىلىپ الدىم، سىناق رەتىندە ىستەتۋ مەزگىلىندە بولسام دا، اي سايىن 2000 يۋاننىڭ ۇستىندە ەڭبەكاقى الامىن، بۇعان وتە رازىمىن»، - دەگەن ايزوھرام بىزگە زاۆودتاعى ءوزى سەكىلدى 200 جۇمىسشىنىڭ كۋرستا تاربيەلەنىپ ەگىنشىدەن كاسىپورىن جۇمىسشىسىنا اينالعاندىعىن، جىلىنا 20 مىڭ يۋاننىڭ ۇستىندە تابىس تاباتىندىقتارىن، مۇنىڭ بۇرىنعى تابىستارىنان نەشە ەسە كوپ ەكەندىگىن ايتتى.
قازىر توڭازىتىپ قۇرعاتۋ سياقتى جاڭا تەحنيكالاردىڭ جەبەۋىندە، شينجياڭ جەمىس ورمان شارۋاشىلىعىن دامىتۋدا تىڭ شارۋاشىلىق جاعدايىن قالىپتاستىردى، بۇل ءارى شينجياڭنىڭ جەمىس ورمان شارۋاشىلىعىنىڭ اناعۇرلىم جوعارى دەڭگەيدە دامۋىن جەبەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
