كەڭساي مال شارۋاشىلىق الەۋمەتتىك اۋماعىندا تۇراتىن قىزمەت اترەتى بۇقارا ءۇشىن ناقتى جٷمىس تىندىردى
جول جاسالىپ، تۇرعىندار ريزاشىلىعىن ءبىلدىردى
2019.08.02 14:48
اۋقاتتانۋ ءۇشىن الدىمەن جول جاساۋ كەرەك. قورعاس اۋدانى كەڭساي مال شارۋاشىلىق الەۋمەتتىك اۋماعىنداعى تۇرعىندار تاس جولدىڭ ىرىكىلىسسىز بولۋىنىڭ تيىمدىلىگىن شىنايى سەزىندى. 7 – ايدىڭ 15 – كۇنى جاڭادان جاسالعان اسفالت جول جونىندە ءسوز بولعاندا، كەڭساي مال شارۋاشىلىق الەۋمەتتىك اۋماعىنىڭ تۇرعىنى نۇربول ءماجيت ۇلى اسا قۋانىشتى بەينەدە بىلاي دەدى: «قازىر ءۇيىمىزدىڭ الدىنا دەيىن اسفالت جٶل جاسالىپ، ءشوپ، كومىر تاسۋىمىزعا زور قولايلىلىق جاراتىلدى. بۇعان توتەنشە ريزامىز».
بيىل 2 – ايدا قورعاس اۋداندىق پارتكوم ۇگىت بولىمىنەن كەڭساي مال شارۋاشىلىق الەۋمەتتىك اۋماعىنا تۇسكەن قىزمەت اترەتى وتباسىلاردى ارالاپ جاعداي ۇعىسۋ بارىسىندا تۇرعىندار ورتاعا قويعان ماسەلەنىڭ باستىسى جٶلدى اسفالتتاندىرۋعا شوعىرلانعانىن بايقادى. تۇرعىندار اڭىس ەتكەن بۇل تاس جول – مال شارۋاشىلىق الەۋمەتتىك اۋماعىنداعى نەگىزگى جٶلدىڭ ءبىرى بولىپ، جٶلدىڭ ەكى جاعالاۋىندا ەكى قىزمەت ورنى، مەكتەپ، بالالار باقشاسى جانە 120 تۇرعىننىڭ ءۇيى بار بولاتىن. بۇل تاس جولعا كەزىندە اسفالت توسەلگەن بولسا دا، جىلداردىڭ ءوتۋى ءارى ۋاعىندا جٶندەلمەۋ سالدارىنان ويلى – شۇڭقىر بولىپ، تۇرعىنداردىڭ جول جۇرۋىنە قولايسىزدىق تۋدىرىپ، وسى جٶلدى جاساۋ تۇرعىندار باسا نازار اۋداراتىن ءتۇيىندى ماسەلەگە اينالعان ەدى.
«تۇرعىنداردىڭ اڭىسى كۇشتى بولعان ءارى تۇرعىنداردىڭ تۇرمىسىمەن تىعىز قاتىستى قولامتالى، قيىن ماسەلەنى شىنايى شەشىپ، بۇقاراعا ءتيىمدى ابزال ساياساتتاردى ويداعىداي تياناقتاندىرۋ كەرەك». الەۋمەتتىك اۋماقتىڭ ءبىرىنشى شۋجيى، الەۋمەتتىك اۋماقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى جۇڭ شينميڭ مەن قىستاق پارتيا ياچەيكاسىنىڭ شۋجيى نۇرباقىت سۇلتان ۇلى ناق مايداندا تەكسەرۋ جۇرگىزۋ جانە تۇرعىنداردى ارالاپ جاعداي ۇعىسۋ، قىستاق تۇرعىندارى جيىنىن اشىپ اقىلداسۋ ارقىلى جوعارى دارەجەلى قاتىستى ورىندارمەن بەلسەنە سايكەسىپ، ماسەلەنى شەشۋدىڭ جولىن قاراستىردى. جان – جاقتى قۇلشىنۋ ارقىلى قورعاس اۋداندىق قاتىناس مەكەمەسىمەن ءبىر ميلليون 200 مىڭ يۋان ارناۋلى قارجى ءبولۋ جونىندە پىكىر بىرلىگىنە كەلىپ، ۇزىندىعى 2 كيلومەتر، كەڭدىگى 6 مەترلىك بۇل تاس جولدى جاساۋ جٷمىسى باستالدى. 7 – ايدىڭ 2 – كۇنى تاس جول جاساۋ جٷمىسى قاۋىرت باستالىپ، 7 – ايدىڭ 12 – كۇنى تاس جٶلعا اسفالت توسەلىپ بولىپ، كەڭ تاس جولدى كورگەن تۇرعىندار اسا قۋانىشتى بەينەدە قىزمەت گرۋپپاسىنا العىس ايتتى.
نۇربول كەڭساي مال شارۋاشىلىق الەۋمەتتىك اۋماعىنىڭ اترەت باستىعى، الەۋمەتتىك اۋماقتىڭ تازالىعىنا جاۋاپتى. ول بىلاي دەدى: «جٶلدىڭ تەگىستەلىپ جاسالۋى بۇقارا جٶنىنەن العاندا اسا قۋانىشتى جاعداي. ءبىز جولدىڭ ەكى جاعالاۋىنا كورىنىس اعاشتارىن جانە گۇل - ءشوپ ەگىپ، الەۋمەتتىك اۋماقتى تازا ءارى كورىكتى بەينەگە ەنگىزۋدى جوسپارلاپ وتىرمىز. تۇرمىسىمىزدىڭ كۇننەن – كۇنگە جاقسارعانىن ويلاعانىمىزدا ءوزىمىزدى باقىتتى سەزىنەمىز. سەبەبى قىزمەت اترەتى بۇقارانىڭ جٷمىسىن ءوز جٷمىسىنداي كورىپ، ءدال ۋاعىندا شەشىپ، بىزگە قولايلىلىق جاراتتى».
بيىلدىڭ الدىڭعى جارىمىندا قىزمەت اترەتى ەكونوميكالىق قيىنشىلىعى بار 12 وتباسىنا كومەكتەسىپ، ولارعا قۇنى 50 مىڭ يۋاندىق حال سۇراۋ بۇيىمدارىن تاراتىپ بەردى؛ قيىنشىلىعى بار وتباسىلارعا 200 توننادان استام كومىر ءتۇسىرىپ بەردى؛ كەڭساي مال شارۋاشىلىق الەۋمەتتىك اۋماعىن سۇيەمەلدەيتىن قورعاس اۋداندىق جياڭسۋ شيپاحاناسى 200 مىڭ يۋان شىعارىپ، 39 وتباسىنىڭ اۋلا شارۋاشىلىعىن دامىتۋىنا كومەكتەستى. ءاربىر ناقتى ءىس، ىزگى ءىس، تۇرعىنداردىڭ جۇرەگىن جىلىتىپ، ولار قىزمەت گرۋپپاسىن جاناشىر جاقىنىنداي كورەتىن بولدى.
جۇڭ شينميڭ بىلاي دەدى: «تۇرعىنداردىڭ ناقتى قيىنشىلىعىن شەشسەڭ، ولار ساعان سەنىپ، سەنى قولدايدى. ەندىگى جەردە ءبىز بارلىق يكەمدى شارانى قولدانىپ، تۇرعىندار ءۇشىن اۋقاتتانۋدىڭ تىڭ جولىن قاراستىرۋعا قۇلشىنامىز». (گۋ شۋە)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
