اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس امەريكانىڭ شينجياڭعا ساياتىن ”زاڭ جوباسىن“ ماقۇلداعاندىعى جونىندە مالىمدەمە جاريالادى
امەريكانىڭ شينجياڭعا ساياتىن ”زاڭ جوباسىن“ ماقۇلداعاندىعىنا باتىل قارسى تۇرامىز، قاتاڭ ايىپتايمىز
2019.12.06 15:29 كەلۋ قاينارى : شينجياڭ گازەتى
اۆتونوميالى رايوندىق حالىق قۇرىلتايى تۇراقتى كوميتەتى
شينجياڭنىڭ قوعام ورنىقتىلىعى مەن باياندى تىنىشتىعىن قورعاپ، ءار ۇلت حالىقىنىڭ ءومىر ءسۇرۋ ۇقىعىن، سالاماتتىق ۇقىعىن جانە دامۋ ۇقىعىن زاڭ بويىنشا قامتاماسىز ەتەمىز
جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسى ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلداپ، امەريكانىڭ ەل ىشىندەگى زاڭ فورماسىمەن ەلىمىز شينجياڭىنىڭ ادامدىق ۇقىق جاعدايىنا جانە زاڭ بويىنشا قولدانعان لاڭكەستىككە قارسى تۇرۋ، ۇشقارىلىقتى الاستاۋ شارالارىن سان - ساققا جۇگىرتىپ، قيسىنسىز جالا جاپتى، ءبىز بۇعان باتىل قارسى تۇرامىز جانە قاتاڭ ايىپتايمىز. وسى ”زاڭ جوبا“ شينجياڭنىڭ ورنىقتىلىعىمەن، دامۋىمەن ساناسپاي، شينجياڭداعى ءار ۇلت حالقىنىڭ ىنتىماقتى جاراسىمدىلىعى، تىنىش ءومىر، شات - شادىمان تىرشىلىگى سىندى وبيەكتيۆ شىندىقپەن ساناسپاي، شينجياڭنىڭ ورنىقتىلىق، دامۋ جاعدايىن قيسىنسىز جازعىردى جانە الباتى قارالادى، بۇل جۇڭگونىڭ ىشكى ىسىنە دورەكىلىكپەن كيلىككەندىك. شينجياڭ ىسىندە شينجياڭداعى ءار ۇلت حالقى ەڭ سويلەۋ ۇقىعىنا يە. بۇكىل شينجياڭداعى 25 ميلليون ءار ۇلت حالقى اتىنان بيلىك جۇرگىزەتىن ورگان رەتىندە، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى مىنانى قاتاڭ مالىمدەيدى:
ءبىز زورلىقتى كۇش، لاڭكەستىك قىلمىستار مەن ۇشقارىلىققا دايەكتى تۇردە باتىل سوققى بەرىپ، حالىق بۇقاراسىنىڭ ۇقىق - مۇددەسى مەن حاۋىپسىزدىگىنىڭ زيانعا ۇشىراماۋىن زاڭ بويىنشا قامتاماسىز ەتتىك. حالىق بۇقاراسىنىڭ ءومىر ءسۇرۋ ۇقىعىن، سالاماتتىق ۇقىعىن، دامۋ ۇقىعىن قورعاۋدى جانە قامتاماسىز ەتۋدى قىزمەتتىڭ شىعار ءتۇيىنى جانە تابان تىرەر تياناعى ەتىپ، جەرگىلىكتى زاڭ ەرەجە شىعارۋ ارقىلى «جۇڭحۋا حالىق رەسپۋبليكاسىنىڭ نەگىزگى زاڭى»نىڭ ادامدىق ۇقىققا قۇرمەت ەتۋ جانە قامتاماسىز ەتۋ پرينسيبىن جاپپاي دايەكتىلەندىردىك، مۇنىڭ ىشىندە جۇيەدەن زورلىقتى كۇش، لاڭكەستىك قىلمىستارى مەن ۇشقارىلىققا زاڭ بويىنشا سوققى بەرۋ قامتىلدى. سوڭعى جىلدارى نەگىزگى زاڭ مەن قاتىستى زاڭداردى نەگىز ەتىپ، شينجياڭنىڭ ءىس جۇزىندىك جاعدايىمەن ۇشتاستىرىپ، «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسى»، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» سياقتى زاڭ ەرەجەلەردى ماقۇلداپ، لاڭكەستىككە، ۇشقارىلىققا زاڭ بويىنشا سوققى بەرىپ، لاڭكەستىكتىڭ ۇلت ماسەلەسى ەمەستىگىن، تىپتەن ءدىن ماسەلەسى ەمەستىگىن ايقىنداپ، لاڭكەستىككە قارسى تۇرۋ، ۇشقارىلىقتى الاستاۋ قىزمەتىن بەلگىلى ۇلتپەن، دىنمەن بايلانىستىرۋعا قاتاڭ تيىم سالىپ، ازاماتتاردىڭ ءدىني سەنىم ەركىندىگى مەن ۇلتتىق سالت - سانا، عۇرىپ - ادەتىنە جاپپاي قۇرمەت ەتىپ، وتە از ساندىلارعا زاڭ بويىنشا سوققى بەرۋ جانە ونى جازالاۋمەن قاتار، كوپ ساندىلارىمەن ىنتىماقتاسۋعا، ولارعا تاربيە بەرۋگە جانە قول جەتكىزۋگە، قۇتقارۋعا شىنايى كەپىلدىك ەتتىك. لاڭكەستىك ارەكەتتەرگە، ۇشقارىلىق ارەكەتتەرگە جەلىكتىرۋمەن، ماجبۇرلەۋمەن، شىرعالاۋمەن قاتىناسقان نەمەسە لاڭكەستىك ارەكەتتەرگە، ۇشقارىلىق ارەكەتتەرىنە قاتىناسۋ جاعدايى جەڭىل بولىپ، قىلمىس قالىپتاستىرماعانداردى؛ لاڭكەستىك ارەكەتتەرگە، ۇشقارىلىق ارەكەتتەرگە جەلىكتىرۋمەن، ماجبۇرلەۋمەن، شىرعالاۋمەن قاتىناسقان نەمەسە لاڭكەستىك ارەكەتتەرگە، ۇشقارىلىق ارەكەتتەرگە قاتىناسقان، رەال قاتەرى بار، ناقتى حاۋىپ - قاتەر زاردابىن تۋدىرا قويماعان، قىلمىسىن تانىعان، قىلمىسىنا وپىق جەگەن، زاڭ بويىنشا قىلمىستىق جازا بەرۋ قاجەتى جوق نەمەسە قىلمىستىق جازادان كەشىرىم ەتىلگەندەردى كاسىپتىك شەبەرلىككە تاربيەلەۋ - باۋلۋ ورتالىقتارى كاسىپتىك شەبەرلىككە اقىسىز تاربيەلەپ، باۋلىپ، سول ارقىلى ولاردىڭ مەملەكەتتىڭ زاڭ بىلىمدەرىن يگەرۋ، ءتىل ارقىلى قارىم - قاتىناس جاساۋ، سونداي - اق جۇمىستانۋ شەبەرلىگى جاقتارىنداعى قابىلەتتەرىن ءوسىرىپ، ولاردىڭ لاڭكەستىكتىڭ، ۇشقارىلىقتىڭ قۇرباندىعىنا اينالۋىنان ساقتانىپ، ازاماتتاردىڭ نەگىزگى ادامدىق ۇقىعىنىڭ زيانعا ۇشىراماۋىن قامتاماسىز ەتتى. ءتۇرلى زاڭ ەرەجەلەردىڭ جاپپاي، ءدال، دايەكتى اتقارىلۋىنا شىنايى كەپىلدىك ەتۋ ءۇشىن، بۇكىل رايونداعى ءار دارەجەلى حالىق قۇرىلتايى تۇراقتى كوميتەتتەرى ءار دارەجەلى حالىق قۇرىلتايى ۋاكىلدەرىن ۇيىمداستىرىپ، پارمەندى باقىلاۋ ورىستەتىپ، شينجياڭنىڭ قوعام ورنىقتىلىعىن زاڭ بويىنشا قامتاماسىز ەتۋدە بەلسەندى رولىن ساۋلەلەندىردى. قازىر شينجياڭدا ءۇرتىس 3 جىل زورلىقتى كۇش، لاڭكەستىك دەلولارى تۋىلعان جوق، ءار ۇلت حالقىنىڭ حاۋىپسىز ورنىقتى ءوندىرىس، تۇرمىس ورتاسى جونىندەگى شىنايى ارمان - تىلەگى قاناعاتتاندىرىلىپ، ءار ۇلت حالىق بۇقاراسىنىڭ ءومىر ءسۇرۋ ۇقىعى، سالاماتتىق ۇقىعى، دامۋ ۇقىعى سياقتى نەگىزگى ۇقىق - مۇددەلەرى قامتاماسىز ەتىلىپ، حالىق بۇقاراسىنىڭ حاۋىپسىزدىك سەزىمى، تابىس سەزىمى، باقىت سەزىمى كورنەكتى كۇشەيدى، قاتىستى شارالار بۇكىل شينجياڭداعى ءار ۇلت بۇقاراسىنىڭ وسكەلەڭ قۇپتاۋىنا جانە شىن جۇرەكتەن قولداۋىنا يە بولدى.
اماليات شينجياڭ ورىستەتكەن لاڭكەستىككە قارسى تۇرۋ، ۇشقارىلىقتى الاستاۋ كۇرەسى مەملەكەتتى زاڭمەن جونگە سالۋ رۋحى مەن تالابىنا ۇيلەسەتىندىگىن ءارى حالىقارالىق قوعامنىڭ لاڭكەستىككە قارسى كۇرەسىنىڭ ماڭىزدى قۇرامداس بولىگى ەكەندىگىن، بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باستى ماقساتى مەن پرينسيبىنە ۇيلەسەتىندىگىن دالەلدەدى.
ءبىز زاڭ الدىندا بارلىق ادامنىڭ تەپە - تەڭ بولۋىنا تاباندى بولىپ، ءار ۇلت حالقىنىڭ نەگىزگى زاڭ مەن زاڭداردا بەرىلگەن ءتۇرلى ۇقىق - مۇددەلەردەن تولىق يگىلىكتەنۋىن قامتاماسىز ەتتىك. اۆتونوميالى رايوندىق حالىق قۇرىلتايى تۇراقتى كوميتەتى زاڭ بويىنشا بيلىك جۇرگىزىپ، مىندەت وتەپ، نەگىزگى زاڭنىڭ جانە ۇلتتىق وڭىرلىك اۆتونوميا زاڭىنىڭ، ۋاكىلدەر زاڭىنىڭ، سايلاۋ زاڭىنىڭ شينجياڭدا جاپپاي دايەكتى تياناقتانۋىنا شىنايى كەپىلدىك ەتتى. سايلاۋ زاڭىن اتقارۋدىڭ ەگجەي - تەگجەيلى ەرەجەسىن بەلگىلەپ، ءار ۇلتتىڭ، اسىرەسە، حالىق سانى ءبىرشاما از ۇلتتاردىڭ مەملەكەت ىستەرىن باسقارۋعا زاڭ بويىنشا ات سالىسۋىن قامتاماسىز ەتتى. قازىر بۇكىل رايوندا زاڭ بويىنشا سايلانعان 5 دارەجەلى حالىق قۇرىلتايىنىڭ 61 مىڭ 589 ۋاكىلى (مۇنىڭ ىشىندە از ۇلت ۋاكىلدەرى 42 مىڭ 997، جالپى ۋاكىلدەر سانىنىڭ ％69.81ىن ۇستايدى) بۇكىل رايونداعى 25 ميلليون ءار ۇلت حالىق بۇقاراسى اتىنان قوجايىن بولۋ ۇقىعىن زاڭ بويىنشا جۇرگىزەدى. شينجياڭ ۇيعۇر اۆتونوميالى رايونىنىڭ ءتوراعاسى، 5 اۆتونوميالى وبلىستىڭ وبلىس باستىعى، 6 اۆتونوميالى اۋداننىڭ اۋدان اكىمى مىندەتىن وڭىرلىك اۆتونوميا جۇرگىزەتىن ۇلتتاردىڭ ازاماتتارى وتەيدى. از ۇلت كادرلارى شينجياڭنىڭ قوعام ورنىقتىلىعى مەن باياندى تىنىشتىعىنىڭ ءتۇرلى قۇرىلىستارىندا ماڭىزدى رولدارىن ساۋلەلەندىردى. 2019 - جىلى بۇكىل رايوندا از ۇلت مەملەكەت قىزمەتكەرلەرى 91 مىڭ 76عا جەتىپ، كادرلار جالپى سانىنىڭ ％40.24 ىن ۇستادى. اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ ءتىل - جازۋ قىزمەتى ەرەجەسى، مۇسىلمانشا ازىق - تۇلىكتەردى باسقارۋ ەرەجەسى، مۇقام كوركەمونەرىن قورعاۋ ەرەجەسى، تاريحي مادەني ايگىلى قالا، مالىلەردى جانە تاريحي قۇرىلىستاردى قورعاۋ ەرەجەسى سياقتى جەرگىلىكتى زاڭ ەرەجەلەردى ىركەس - تىركەس بەلگىلەدى، قاشقار ايتكار مەشىتى سياقتى 109 ءدىني مادەني بايىرعى جۇرتتارى مەملەكەتتىك ءتۇيىندى مادەني مۇرالار قورعالاتىن ورىندار تىزىمىنە ەنگىزىلدى؛ ۇيعۇر مۇقام كوركەمونەرى، قىرعىزدىڭ «ماناس» ەپوسى سياقتىلار بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمىنىڭ ”ادامزاتتىڭ بەيزاتتىق مادەنيەت مۇرالارى ۋاكىلدىك تۋىندىلارى تىزىمى“نە ەنگىزىلدى. ۇلتتار ءتىل - جازۋى مەن مادەنيەتى شينجياڭنىڭ ءادىليا، اكىمشىلىك، وقۋ - اعارتۋ، اقپارات - باسپا ءسوز، راديو - تەلەۆيزيا، ينتەرنەت، قوعامدىق الەۋمەتتىك ىستەر سياقتى سالالارىندا جاپپاي قولدانىلدى جانە دامىتىلدى.
شينجياڭدا ءار ۇلت حالقى حالىق سانىنىڭ كوپ - ازدىعىنا، ءدىني سەنىمىنىڭ ايىرماشىلىعىنا قاراماستان، ساياسيدا تۇگەلدەي تەرەزەسى تەڭ، زاڭ بويىنشا تەڭ دارەجەلى ۇقىق - مۇددەدەن يگىلىكتەنەدى، تەڭ دارەجەلى بورىش وتەيدى، ءار ۇلت حالىق بۇقاراسى تالاپ - تىلەكتەرىن ءونىمدى تۇردە ءبىلدىرىپ، مەملەكەت پەن قوعامدىق ىستەردى باسقارۋ ۇقىق - مۇددەسىنەن زاڭ بويىنشا يگىلىكتەنەدى.
ءبىز ۇلتتار ىنتىماعى مەن ءدىن جاراسىمدىلىعىن باتىل تۇردە زاڭ بويىنشا قورعاپ، ءار ۇلت حالىق بۇقاراسىنىڭ گۇلدەنۋ مەن دامۋعا بىرگە بەت الۋىن قامتاماسىز ەتتىك. ۇلتتار ىنتىماعى، العاباسارلىعى ىستەرىن جاپپاي ىلگەرىلەتىپ، ۇلتتاردىڭ بىرگە ىنتىماقتاسا كۇرەس جۇرگىزۋىن، بىرگە گۇلدەنىپ دامۋىن جەبەۋ ءۇشىن، اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ ۇلتتار ىنتىماعى، العاباسارلىعى قىزمەتى ەرەجەسىن بەلگىلەپ، بۇكىل قوعامدا ۇلتتاردىڭ پارىقتارعا قۇرمەت ەتۋىن، ءبىر - بىرىنە ءسۇيىنۋىن، ءوزارا كومەكتەسىپ، قارايلاسۋىن كۇش سالا دارىپتەپ، ءار ۇلت بۇقاراسى بىرگە قونىستاناتىن، بىرگە ۇيرەنەتىن، بىرگە ىستەيتىن، بىرگە شاتتاناتىن قوعامدىق ورتا جاراتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن سوتسياليستىك شينجياڭدى بىرگە كوركەيتۋدە. اۆتونوميالى رايوننىڭ ءدىن ىستەرى ەرەجەسىن بەلگىلەپ، ازاماتتاردىڭ ءدىني سەنىم ەركىندىگى ۇقىق - مۇددەسىن تولىق قامتاماسىز ەتىپ، قالىپتى ءدىني قيمىلدار زاڭ بويىنشا قورعالدى. قازىرگە دەيىن اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى جيىنى 620 جەرگىلىكتى زاڭ ەرەجە جاسادى، مۇنىڭ ىشىندە قازىر كۇشكە يە بولىپ اتقارىلىپ وتىرعان 161 زاڭ ەرەجە بار، زاڭ ەرەجە سيپاتتى 51 قاۋلى، قارار شىعاردى، ءونىمدى، جارامدى زاڭ ەرەجەلەردى اتقارۋ ارقىلى قوعام ورنىقتىلىعى مەن باياندى تىنىشتىقتى قورعاۋدىڭ بەرىك زاڭمەن جونگە سالۋ نەگىزىن قالاپ، ءار ۇلت حالىق بۇقاراسىنىڭ ورنىقتىلىقتىڭ، رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە شىنايى كەپىلدىك ەتتى.
جۇڭحۋا حالىق رەسپۋبليكاسى قۇرىلعان 70 جىلدان بەرى، شينجياڭداعى ءار ۇلت حالقى بىرگە ىنتىماقتاسا كۇرەس جۇرگىزۋ، كوركەم مەكەندى بىرگە قۇرۋ بارىسىندا، تەپە - تەڭ، ىنتىماقتى، قارايلاسىمدى، جاراسىمدى ۇلتتار قاتىناسىن جانە ءوزارا قۇرمەت ەتەتىن، تاتۋ - ءتاتتى ءدىن قاتىناسىن قالىپتاستىردى، دامىتتى جانە بەكەمدەدى. قازىر شينجياڭ ەكونوميكاسى ءۇرتىس دامىعان، قوعامى جاراسىمدى، ورنىقتى بولعان، حالىق تۇرمىسى ۇزدىكسىز جاقسارعان، ءدىن تاتۋ، ۇيلەسىمدى بولعان، ءار ۇلت حالقى اناردىڭ دانىندەي تىعىز ىنتىماقتاسقان، تاريحتاعى ەڭ جاقسى گۇلدەنۋ، دامۋ مەزگىلىندە تۇر. ءبىز ەشقانداي ءبىر كۇشتىڭ كوركەم شينجياڭنىڭ العا باسۋ اياق الىسىنا بوگەت بولا المايتىندىعىنا كامىل سەنەمىز!
اۆتونوميالى رايوندىق حالىق ۇكىمەتى
شينجياڭنىڭ تىنىش، بەرەكەلى، گۇلدەنگەن، دامىعان اسا تاماشا جاعدايىن باتىل قورعايمىز
قازىر شينجياڭنىڭ قوعامى جاراسىمدى، ورنىقتى، ەكونوميكاسى ۇزدىكسىز دامىپ، حالقى تىنىش ءومىر، شات - شادىمان تىرشىلىك كەشىرىپ، تاريحتاعى ەڭ جاقسى گۇلدەنگەن، دامىعان مەزگىلدە تۇر. الايدا، امەريكاداعى كەيبىرەۋلەر شينجياڭنىڭ اسا تاماشا جاعدايىن كورگىسى كەلمەي، مازاسى كەتىپ، قيسىنسىز جازعىرىپ، شىندىقپەن ساناسپاعان، اق پەن قارانى شاتاستىرعان ءبىر قىدىرۋ سوزدەردى جاريالاپ، شينجياڭدى ولەرمەندەنە قارالادى. جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسى ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلداپ، شينجياڭنىڭ ادامدىق ۇقىق جاعدايىنا قۇتىرىنا سوقتىقتى، بۇل جۇڭگونىڭ ىشكى ىسىنە دورەكىلىكپەن كيلىككەندىك، حالىقارالىق زاڭ مەن حالىقارالىق قاتىناستىڭ نەگىزگى ولشەمىن اۋىر دارەجەدە اياق استى ەتكەندىك. شينجياڭ ۇيعۇر اۆتونوميالى رايونى مەن شينجياڭداعى ءار ۇلت حالقى مۇنى قاتاڭ ايىپتايدى جانە باتىل قارسى تۇرادى!
زورلىقتى كۇش، لاڭكەستىك ارەكەتىنە باتىل سوققى بەرۋ، ۇشقارى يدەيانىڭ سىنالاپ كىرىپ ءورشۋىن تەجەۋ − شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ كوكەي تەستى قاجەتى. 20 - عاسىردىڭ 90 - جىلدارىنان بەرى، حالىقارالىق جاعدايدىڭ وزگەرىسىنىڭ جانە لاڭكەستىكتىڭ، ۇشقارىلىقتىڭ بۇكىل الەمدە ءورشۋىنىڭ ىقپالىنا ۇشىراۋدان، شەكارا ءىشى - سىرتىنداعى ”ءۇش ءتۇرلى كۇش“ ۇلتتى، ءدىندى جەلەۋ ەتىپ، بۇقارانىڭ قاراپايىم ۇلت، ءدىن سەزىمىنەن پايدالانىپ، ءدىني ۇشقارى يدەيانى قۇتىرىنا تاراتىپ، ”ادام ءولتىرىپ شەيت بولعاندار جانناتقا كىرەدى“ دەگەن سياقتى قيسىنسىز ساندىراقتاردى ۋاعىزداپ، زورلىقتى كۇش، لاڭكەستىك ارەكەتتەرىن وتكىزۋگە الجاستىردى، جەلىكتىردى. 1990 - جىلدان 2016 - جىلدىڭ اياعىنا دەيىن ”ءۇش ءتۇرلى كۇش“ شينجياڭ قاتارلى جەرلەردە جيىنى نەشە مىڭ رەت زورلىقتى كۇش، لاڭكەستىك دەلولارىن (وقيعالارىن) تۋدىرىپ، قىرۋار بەيكۇنا بۇقارانىڭ ءولىم - ءجىتىمىن تۋدىرىپ، مال - مۇلىك ولشەۋسىز زيانعا ۇشىراپ، قوعامدىق تارتىپكە، قىزمەت تارتىبىنە، ءوندىرىس - تۇرمىس تارتىبىنە اۋىر ىقپال جاسادى، ءار ۇلت بۇقاراسىنىڭ تىرشىلىك ۇقىعىن، سالاماتتىق ۇقىعىن، دامۋ ۇقىعىن اۋىر اياققا تاپتادى، شينجياڭ ءوڭىرىنىڭ ەكونوميكالىق، قوعامدىق دامۋىنا اۋىر كەدەرگى سالدى. قاتاڭ دا كۇردەلى جاعداي الدىندا، شينجياڭ نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، ءبىر جاعىنان، سوققى بەرۋدى يگەرۋگە، ءبىر جاعىنان، ساقتانۋدى يگەرۋگە تاباندى بولىپ، زورلىقتى كۇش، لاڭكەستىك قىلمىسىنا زاڭ بويىنشا قاتاڭ سوققى بەرۋمەن بىرگە، قاينارىنان جونگە سالۋدى ورىستەتۋگە دە باسا ءمان بەرىپ، حالىق تۇرمىسىن كۇش سالا جاقسارتۋ، زاڭ - ءتۇزىم ۇگىت - تاربيەسىن كۇشەيتۋ، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرىپ كومەكتەسىپ سۇيەمەلدەۋ، تاربيەلەۋ سياقتى كوپ ءتۇرلى تاسىلدەر ارقىلى لاڭكەستىك، ۇشقارىلىق زاڭعا قايشى نەمەسە قىلمىستى ارەكەت تۋدىرعان ادامداردى ەڭ جوعارى شەكتە قۇتقارىپ، لاڭكەستىكتىڭ، ءدىني ۇشقارىلىقتىڭ ءورشيتىن توپىراعىن جانە شارت - جاعدايدى ەڭ جوعارى شەكتە جويىپ، ازاماتتاردىڭ نەگىزگى ۇقىقتارىنىڭ لاڭكەستىكتىڭ، ءدىني ۇشقارىلىقتىڭ زيانكەستىگىنە ۇشىراماۋىن ەڭ جوعارى شەكتە قامتاماسىز ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەرىك نەگىز قالادى.
شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى شينجياڭداعى ءار ۇلت حالقىنىڭ ءتۇبىرلى مۇددەسىنە ۇيلەسەدى، ول بۇكىلدەي دۇرىس. شينجياڭ «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»نىڭ 4 - تارماعى جانە «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى»نىڭ 17 - تارماعى قاتارلىلارداعى بەلگىلەمەلەرگە ساي، تاربيەلەۋ - باۋلۋ ورتالىعىن زاڭ بويىنشا قۇرىپ، ءدىني ۇشقارىلىقپەن جۇعىمدالعان، زاڭعا جەڭىل دارەجەدە قايشىلىق جاساۋ قىلمىسى بار ادامدارعا مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەردى، كاسىپتىك شەبەرلىكتى ۇيرەتۋدى نەگىزگى مازمۇن ەتكەن تاربيەلەۋ - باۋلۋ ورىستەتتى، ونىڭ ماقساتى لاڭكەستىكتى، ۇشقارىلىقتى قاينارىنان جويۋ. جۇڭگو مەملەكەتتىك كەڭەس اقپارات كەڭسەسى جاريالاعان «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى اق تىستى كىتابى» تاربيەلەۋ - باۋلۋ ورتالىعىن قۇرۋدىڭ رەالدىق ءمانىن، زاڭدىق دالەلىن، باۋلۋ مازمۇنىن، اينالىم ۇلگىسىن جانە باستى ونىمدىلىكتەرىن جۇيەلى باياندادى. تاربيەلەۋ - باۋلۋ قىزمەتى لاڭكەستىكتەن، ۇشقارىلىقتان ساقتانۋداعى ءونىمدى شارا، استە ايتىلمىس ”ۇلتتىق ەزگى“ ەمەس؛ تاربيەلەۋ - باۋلۋ قىزمەتى قاتاڭ تۇردە زاڭ بويىنشا جۇرگىزىلگەن، استە ايتىلمىس ”زاڭسىز قاماۋ“ ەمەس؛ تاربيەلەۋ - باۋلۋ ورتالىعى ۇشقارىلىقتى الاستاۋ مەكتەبى، استە ايتىلمىس ”جازا لاگەرى“ ەمەس؛ تاربيەلەۋ - باۋلۋ قىزمەتى ءار ۇلت بۇقاراسىنىڭ ءتول مۇددەسىن ءونىمدى قورعادى، استە ايتىلمىس ”ادامدىق ۇقىققا سۇعاناقتىق جاساۋ“ ەمەس. 2018 - جىلدىڭ اياعىنان بەرى، 90نان استام مەملەكەت پەن رايوننان كەلگەن جۇڭگودا تۇراتىن ەلشىلەر، بىرلەسكەن مەملەكەتتەر ۇيىمىنىڭ ءمانساپتىلارى، قاتىستى مەملەكەتتەردىڭ جەنەۆادا تۇراقتى تۇراتىن نەگىزگى ديپلوماتتارى، سونداي - اق ءىشىنارا مەملەكەتتەردىڭ ساياسي پارتيالارى، قوعامدىق ۇيىمدار، اقپارات قۇرالدارى تىلشىلەرى جانە ءدىني توپتار سياقتىلاردان 70تەن استام توپ (ۇيىرمە، گرۋپپا)، 1000نان استام ادام شينجياڭ تاربيەلەۋ - باۋلۋ ورتالىعىنا كەلىپ ناقتى ەكسكۋرسيالادى، ساپارلادى. اڭعارلى قايراتكەرلەر مىنالاردى جابال ءبىلدىردى: شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى بىرلەسكەن مەملەكەتتەر ۇيىمىنىڭ ساقتانۋ سيپاتتى لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باستى ماقساتى مەن پرينسيبىنە بۇكىلدەي ۇيلەسەدى، تولىق تۇراقتاندىرۋعا جانە ۇيرەنىپ ۇلگى الۋعا تاتيدى، حالىقارالىق قوعامنىڭ لاڭكەستىككە قارسى تۇرۋى، ۇشقارىلىقتى الاستاۋى ءۇشىن ءتيىمدى تاجىريبەلەر مەن ءساتتى مىسالداردى ىزدەنىپ تاپتى.
شينجياڭنىڭ لاڭكەستىككە قارسى تۇرۋىنىڭ، ۇشقارىلىقتى الاستاۋىنىڭ ونىمدىلىگى كورنەكتى بولىپ، ورنىقتىلىقتىڭ پايداسى ۇزدىكسىز جارىققا شىقتى. لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتۋ ارقىلى شينجياڭنىڭ قوعامدىق كەلەلى جاعدايى ۇزدىكسىز ورنىقتى بولىپ، ءۇرتىس 3 جىل بويى زورلىقتى كۇش، لاڭكەستىك دەلوسى (وقيعاسى) تۋىلمادى، ۇشقارىلىقتىڭ سىنالاپ كىرۋى ءونىمدى تەجەلىپ، قوعامنىڭ اماندىق جاعدايى كورنەكتى جاقساردى. شينجياڭ ەكونوميكاسىندا جوعارى ساپالى دامۋ جۇزەگە استى، 2018 - جىلعى وڭىرلىك ءوندىرىس جالپى ءونىم قۇنى (GDP) ءبىر تريلليون 219 ميلليارد 908 ميلليون يۋان بولىپ، الدىنداعى جىلداعىدان ％6.1 ارتتى؛ ادەتتەگى الەۋمەتتىك مەجە ەسەپ كىرىسى 153 ميلليارد 146 ميلليون يۋان بولىپ، الدىنداعى جىلداعىدان ％4.5 ارتتى؛ قالا - اۋىل تۇرعىندارىنىڭ جان باسىندىق قولداعى تابىسى 21 مىڭ 500 يۋان بولىپ، الدىنداعى جىلداعىدان ％7.6 ارتتى. اسىرەسە، ساياحات كاسىبى شارىق ۇرا ارتىپ، 2019 - جىلى 1 - ايدان 10 - ايعا دەيىن ەل ءىشى - سىرتىنان جيىنى 200 ميلليون ادام - رەت ساياحاتشى قابىلداپ، سايكەس مەزگىلدەگىدەن ％42.62 ارتتى؛ ساياحات كىرىسى 341 ميلليارد 732 ميلليون 780 مىڭ يۋان بولىپ، سايكەس مەزگىلدەگىدەن ％43.39 ارتتى. جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزدىق سياقتى ءتۇرلى حالىققا تيىمدىلىك جاساۋ قىزمەتتەرى جاڭا ونىمدىلىكتەرگە قول جەتكىزىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.
شينجياڭنىڭ تىنىش، بەرەكەلى، گۇلدەنگەن، دامىعان اسا تاماشا جاعدايى وڭاي - وسپاق قولعا كەلگەن جوق، شينجياڭداعى ءار ۇلت حالقى بارىنشا قورعايدى، بارىنشا قاستەرلەيدى، سىرتقى كۇشتەردىڭ قيسىنسىز كيلىگۋىنە استە جول بەرمەيدى. ءارقانداي جالا جابۋ تۇگەلدەي شينجياڭداعى ءار ۇلت حالقىنىڭ ىنتىماقتاسا ىلگەرىلەگەن قادامىن توسا المايدى؛ ءارقانداي وسەك - اياڭ تۇگەلدەي شينجياڭنىڭ ادامدىق ۇقىق ىستەرىنىڭ دامىعان، العا ىلگەرىلەگەن شىندىعىن جوققا شىعارا المايدى؛ ءارقانداي قاسكۇنەمدىك تۇگەلدەي شينجياڭنىڭ دامىعان، گۇلدەنگەن بارىسىنا بوگەت بولا المايدى. ءبىز امەريكاداعى كەيبىرەۋلەردى قىرعي قاباق سوعىس ويىن تاستاپ، وبيەكتيۆ شىندىققا قۇرمەت ەتۋگە، ءوزىنىڭ سۇرقيا ماقساتىنا جەتۋ ءۇشىن شينجياڭنىڭ وبرازىنا كۇيە جاقپاۋعا، زورەكەرلىك جولىندا بارعان سايىن لاعىپ كەتپەۋگە ءناسيحاتتايمىز.
اۆتونوميالى رايوندىق ساياسي كەڭەس
شىندىقپەن ساناسپاعان، اق پەن قارانى شاتاستىرعان بارىپ تۇرعان زورەكەرلىك ارەكەت
امەريكا پارلامەنتىنىڭ قاۋىم پالاتاسى جۇڭگو ۇكىمەتىنىڭ قايتا - قايتا قارسى تۇرۋىنا قاراماي، ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلدادى. بۇل زاڭ جوباسى ادامدىق ۇقىقتى جەلەۋ ەتىپ، شىندىقپەن ساناسپاي، اق پەن قارانى شاتاستىرىپ، شينجياڭنىڭ ادامدىق ۇقىق جاعدايىن بۇرمالادى، قارالادى جانە قيسىنسىز جازعىردى، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ شارالارىنا قاساقانا پالە جاپتى، ۇلت، ءدىن ساياساتىمىزدى قارالادى، جۇڭگو جاقتى ءجونسىز جازالاپ، حالىقارالىق زاڭ مەن حالىقارالىق قاتىناستىڭ نەگىزگى ولشەمىن اۋىر اياق استى ەتىپ، جۇڭگونىڭ ىشكى ىسىنە دورەكىلىكپەن كيلىكتى، بۇل اشىقتان - اشىق زورەكەرلىك ارەكەت. بۇل جۇڭگو حالقىنىڭ سۇيىسپەنشىلىگىنە بارىنشا قاياۋ سالدى، سونداي - اق زورلىقتى كۇش، لاڭكەس كۇشتەرگە اۋىر قاتە سيگنال بەردى، سيپاتى توتەنشە ناشار، نيەتى توتەنشە پاسىق، ونىڭ ءتۇبىرلى ماقساتى شينجياڭنىڭ گۇلدەنۋىن، ورنىقتىلىعىن ءبۇلدىرۋ، جۇڭحۋا ۇلتىنىڭ ۇلى گۇلدەنۋدى جۇزەگە اسىرۋ تاريحي اياق الىسىن ءبۇلدىرۋ. مۇنى جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتىنە قاتىناسقان ءارقايسى دەموكراتيالىق پارتيا - توپتار، حالىقتىق ۇيىمدار، پارتيادا، توپتا جوق قايراتكەرلەر جانە ءار ۇلت، ءار سالا مۇشەلەرى قاتاڭ ايىپتايدى جانە باتىل قارسى تۇرادى!
لاڭكەستىك − ادامزات قوعامىنىڭ ورتاق جاۋى، حالىقارالىق قوعام بىرگە سوققى بەرەتىن وبيەكتى. جۇڭگونىڭ شينجياڭى لاڭكەستىككە قارسى تۇرۋ كۇرەسىنىڭ نەگىزگى شايقاس مايدانى. وتكەن عاسىردىڭ 90 - جىلدارىنان 2016 - جىلعا دەيىن، شەكارا ءىشى - سىرتىنداعى ۇلتتىق بولشەكتەۋشى كۇشتەر، ءدىني ۇشقارى كۇشتەر، زورلىقتى كۇش، لاڭكەستىك كۇشتەر شينجياڭدا نەشە مىڭداعان زورلىقتى كۇش، لاڭكەستىك دەلولارىن جوسپارلاپ جانە ۇيىمداستىرىپ اتقارىپ، قىرۋار بەيكۇنا بۇقارانىڭ زيانكەستىككە ۇشىراۋىن، نەشە جۇزدەگەن قوعام حاۋىپسىزدىگى حالىق ساقشىسىنىڭ قىزمەت ۇستىندە قۇربان بولۋىن تۋدىرىپ، ءار ۇلت حالقىنىڭ ءومىرىنىڭ، مال - مۇلكىنىڭ حاۋىپسىزدىگىنە ەرەسەن زور قاتەر ءتوندىرىپ، ادامزاتتىڭ ار - نامىسىن اۋىر دارەجەدە اياق استى ەتتى، سونداي - اق شينجياڭ ەكونوميكاسىنىڭ دامۋى مەن قوعامىنىڭ العا باسۋىنا ەرەسەن زور كەدەرگىلىك جاسادى. لاڭكەستىكتىڭ، ۇشقارىلىقتىڭ حاۋىپ - قاتەرىنە، ورشۋىنە قاراتا، شينجياڭ كەسكىن شارا قولدانىپ، ۇلتتىق بولشەكتەۋشىلىك، ءدىني ۇشقارىلىق جانە زورلىقتى كۇش، لاڭكەستىك سىندى ”ءۇش ءتۇرلى كۇش“كە زاڭ بويىنشا قاتاڭ سوققى بەرىپ، لاڭكەستىك ارەكەتتەردىڭ كوپ تۋىلۋ، ءجيى تۋىلۋ بەتالىسىن ءونىمدى تەجەپ، لاڭكەستىككە قارسى تۇرۋ، ۇشقارىلىقتى الاستاۋ كۇرەسىندە ماڭىزدى كەزەڭدىك سيپاتتى جەڭىسكە قول جەتكىزىپ، شينجياڭداعى ءار ۇلت حالقىنىڭ تىرشىلىك ۇقىعىن، سالاماتتىق ۇقىعىن جانە دامۋ ۇقىعىن شىنايى قامتاماسىز ەتتى.
جۋىق جىلداردان بەرى، شينجياڭ رەال جاعدايدى تياناق ەتىپ، ءتۇرلى تەرەڭ قاتپارداعى قايشىلىقتاردى تۇبەگەيلى شەشۋدەن باستاپ كىرىسىپ، ساقتانۋ سيپاتتى لاڭكەستىككە قارسى تۇرۋدا جانە ۇشقارىلىقتى الاستاۋدا قاينارىنان جونگە سالۋدى ورىستەتىپ، لاڭكەستىككە زاڭ بويىنشا سوققى بەرۋدى ادامدىق ۇقىقتى قامتاماسىز ەتۋمەن ءوزارا ۇشتاستىرۋعا تاباندى بولىپ، لاڭكەستىككە قارسى تۇرۋدى، ۇشقارىلىقتى الاستاۋدى بەلگىلى وڭىرمەن، ۇلتپەن، دىنمەن بايلانىستىرماۋعا تاباندى بولىپ، كەڭشىلىك جاساۋ، قاتاڭ بولۋدى بىرگە قولدانۋدى ساقتانۋمەن، تاربيەلەۋمەن، قۇتقارۋمەن ءوزارا ۇشتاستىرۋعا تاباندى بولىپ، ورنىقتىلىقتى قورعاۋدى حالىق تۇرمىسىن جاقسارتۋمەن ءوزارا ۇشتاستىرۋعا تاباندى بولىپ، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرىپ، ءدىني ۇشقارى يدەيامەن جۇعىمدالعان، زاڭعا جەڭىل دارەجەدە قايشىلىق جاساپ قىلمىس وتكىزگەن تاربيەلەنۋشىلەرگە زاڭ بىلىمدەرىن، مەملەكەتتە ءبىر تۇتاس قولدانىلاتىن ءتىل - جازۋدى جانە كاسىپتىك شەبەرلىكتى ۇيرەتتى. تاربيەلەنۋشىلەردىڭ ارەكەتى ەركىن بولدى، ۇلتقا، مادەنيەتكە جانە ادامدىق ۇقىققا تولىق قۇرمەت ەتىلدى جانە قورعالدى. قازىر، باسىم كوپ ساندى تاربيەلەنۋشىلەر الدەقاشان وقۋ ءبىتىرىپ مەكتەپتەن قايتىپ، ورنىقتى جۇمىستانۋدى جۇزەگە اسىرىپ، تۇرمىس ساپاسىن جاقسارتىپ، باقىتتى تۇرمىس وتكىزۋدە.
شينجياڭ جۇڭگو تەرريتورياسىنىڭ ايىرىلماس ءبىر بولىگى، شينجياڭداعى ءار ۇلت حالقى جۇڭحۋا ۇلتى ۇلى شاڭىراعىنىڭ ماڭىزدى مۇشەسى. قازىر، شينجياڭنىڭ كەلەلى جاعدايى ءۇرتىس ورنىقتى، جاعداي ءۇرتىس جاقسارۋعا بەت الدى، ۇلتتار ىنتىماعى نىعايدى، دىندەر جاراسىمدى، تاتۋ بولدى، قالا - اۋىلداردا قوعام تىنىش، ءۇرتىس 3 جىل بويى زورلىقتى كۇش، لاڭكەستىك ۋاقيعالار تۋىلعان جوق، ءتۇرلى قىلمىستىق ىستەر، قوعام اماندىعى دەلولارى زور مولشەردە ازايدى، قوعامنىڭ اماندىق جاعدايى كورنەكتى جاقساردى، ءار ۇلت حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى. شينجياڭعا كەلىپ ساياحاتتاۋشىلار سانى شارق ۇرا ارتتى، بيىل 1 - ايدان 10 - ايعا دەيىن شەكارا ءىشى - سىرتىنان شينجياڭعا كەلىپ ساياحاتتاعاندار سانى 200 ميلليون ادام - رەتتەن استى. جۇڭگو قازىرگە دەيىن شەتەل ەلشىلەرى، حالىقارالىق ۇيىمداردىڭ ءمانساپتىلارى، اقپارات قۇرالدارى قايراتكەرلەرى قاتارلىلاردان 70تەن استام توپتى، 1000نان استام ادامدى شينجياڭدا ساپاردا بولۋعا ۇسىنىس ەتتى، ولار جاراسىمدى، ورنىقتى، گۇلدەنگەن، دامىعان شينجياڭدى تۇس - تۇستان القادى.
ادىلەت جۇرەكتەن تۋادى. جۇڭگونىڭ لاڭكەستىككە قارسى تۇرۋ، سونداي - اق قوعامدى جونگە سالۋ جاقتارىندا قول جەتكىزگەن ناتيجەلەرىن بۇكىل دۇنيە ءجۇزى حالقى كورىپ وتىر، تابىستار جۇرت كوڭىلىنەن شىقتى. امەريكا جاقتىڭ قاتىستى زاڭ جوباسىنىڭ جۇڭگو شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىن جازعىرۋى جالعاندىق پەن سىڭار جاقتى كوزقاراسقا تولعان، تيپتىك قوس ولشەم، شينجياڭ حالقىنىڭ ءومىرىنىڭ حاۋىپسىزدىگىنە قۇرمەتى كەمشىل بولعاندىق، ادامدىق ۇقىق سىندى وسى وسكەلەڭ ۇعىمدى قورلادى. امەريكانىڭ لاڭكەستىككە قارسى تۇرۋ، ۇشقارىلىقتى الاستاۋ ماسەلەسىندە ”قوس ولشەم“ قولدانۋى، تۇپتەپ كەلگەندە، لاڭكەستىكتى، ۇشقارىلىقتى قورعاعاندىق، ىرقىنا جىبەرگەندىك، حالىقارالىق ءمورال مەن ادامزاتتىڭ ىزگىلىگىنە اۋىر قايشىلىق جاسادى، بۇل قىلىق ناعىز قاتەلەسكەندىك، باسقالاردى زيانداعاندىق، وزىنە دە پايداسىز، بۇل بارلىق ىزگى نيەتتى جانە ادىلەتشىل جانداردى جيىركەنتەدى. امەريكانىڭ زورەكەرلىگىن جۇرت جەك كورەدى، الدەقاشان بۇكىل دۇنيە ءجۇزى ونىڭ زاردابىن شەگىپ وتىر. ءبىز امەريكانى قىرعي قاباق سوعىس وي جەلىسىن جانە يدەولوگياداعى سىڭار جاقتى كوزقاراسىن تاستاپ، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىن زاڭ بويىنشا ورىستەتىپ قول جەتكىزگەن ناتيجەسىنە وبيەكتيۆ، ءادىل مامىلە جاساۋعا، ادامدىق ۇقىق ماسەلەسىمەن جۇڭگونىڭ ىشكى ىسىنە كيلىگۋىن توقتاتۋعا قۋزايمىز، سونىمەن بىرگە امەريكاعا ءوزىنىڭ ەل ىشىندەگى ادامدىق ۇقىق ماسەلەسىن جاقسى ساراپقا سالىپ، ءوز ىستەرىن جاقسى تىندىرۋعا ءناسيحاتتايمىز. وتپەن ويناعان كۇيىپ ولەدى، جاماندىقتى كوپ ىستەگەن ءوزىن - ءوزى قۇرىدىمعا جىبەرەدى. ”11 - قىركۇيەك“ ۋاقيعاسىنىڭ ساباعى الىستاعان جوق، ءبىز امەريكا جاقتى بۇيرەكتەن سيراق شىعارىپ، بىلىقپالىق تۋدىرىپ، ەڭ سوڭىندا ءوزى قازعان ورعا ءوزى ءتۇسىپ جۇرمەۋگە ءناسيحاتتايمىز.
ءبىز امەريكا جاققا مىنالاردى ەسكەرتەمىز: شينجياڭ − جۇڭگونىڭ شينجياڭى، شينجياڭنىڭ ىستەرى بۇكىلدەي جۇڭگونىڭ ىشكى ءىسى، ءارقانداي شەتەل ۇكىمەتى مەن كۇشتەرىنىڭ تۇگەلدەي كيلىگۋ ۇقىعى جوق. وسى ءبىر ايتىلمىس زاڭ جوباسى شينجياڭداعى ءار ۇلت بۇقاراسىن قامتىعان قالىڭ جۇڭگو حالقىن امەريكانىڭ سۇرقيا نيەتى مەن زورەكەرلىك ءمانىن اناعۇرلىم تاني تۇسۋگە، جۇڭگو حالقىن اناعۇرلىم ەل بىرلىگىنەن قامال ورناتۋعا جەبەگەننەن باسقا تۇككە جارامايدى. امەريكا جاقتىڭ قاسكۇنەمدىگى تەك جەڭىلىسپەن تىناتىنى ءشۇباسىز!
(شينحۋا اگەنتتىگىنىڭ 12 - ايدىڭ 4 - كۇنى ۇرىمجىدەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
