جاڭا داۋىردە پارتيانىڭ وزىنە توڭكەرىس جاساۋداعى جاندى امالياتى
− باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
2020.01.10 13:40 كەلۋ قاينارى : شينجياڭ گازەتى
پارتيامىز 90 ميلليوننان استام پارتيا مۇشەسى بار، 4 ميلليون 600 مىڭنان استام نەگىزگى ساتى پارتيا ۇيىمى بار پارتيا، ءبىر ميلليارد 400 ميلليون جان سانى بار ءىرى ەلگە ۇزاق ۋاقىت بيلىك جۇرگىزىپ كەلگەن پارتيا، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى، پارتيانىڭ وزىندىك قۇرىلىسى ەجەلدەن بەرى ەرەكشە ماڭىزدى بولىپ، جالپى جاعدايدى بەلگىلەپ كەلەدى.
”بۇل رەتكى نەگىزگى تاقىرىپتىق تاربيە جاڭا داۋىردە پارتيانىڭ وزىنە توڭكەرىس جاساۋىن تەرەڭدەتۋدىڭ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدىڭ جاندى امالياتى“. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قورىتىندىلاۋ جينالىسىندا باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋ جالپى جاعدايى جانە ستراتەگيالىق تۇرعىسىنان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى قول جەتكىزگەن باستى ناتيجەلەردى تولىق تۇراقتاندىرىپ، نەگىزگى تاقىرىپتىق تاربيە جەتىستىگىن بەكەمدەۋ، كەڭەيتۋ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتۋ، بۇكىل پارتيانىڭ اۋەلگى ماقسات پەن بورىشتى ۇمىتپاۋىن ۇزدىكسىز ىلگەرىلەتۋ جونىنەن جاپپاي ورنالاستىرۋ جاسادى، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ ءمانى زور، يدەياسى تەرەڭ، مازمۇنى باي، وتە كۇشتى ساياسيلىق سيپاتقا، يدەيالىق سيپاتقا، نازاريالىق سيپاتقا، جەتەكشىلىك سيپاتقا يە.
بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ − پارتيا 19 - قۇرىلتايىندا جاساعان ماڭىزدى شەشىم. بىلتىر 5 - ايدىڭ سوڭىنان باستاپ، نەگىزگى تاقىرىپتىق تاربيە جوعارىدان تومەنگە قاراي 2 توپ بويىنشا جۇرگىزىلدى. پارتيا ورتالىق كوميتەتى بۇعان وسكەلەڭ ءمان بەرىپ، ءار دارەجەلى پارتيا ۇيىمدارى پارمەندى ىلگەرىلەتتى، قالىڭ پارتيا مۇشەلەرى، كادرلار بەلسەنە ات سالىستى، حالىق بۇقاراسى ىستىق ىقىلاسپەن قولداۋ كورسەتتى، تۇتاس نەگىزگى تاقىرىپتىق تاربيەنىڭ ەرەكشەلىگى ايقىن بولىپ، تىڭعىلىقتى دا قاۋىرت جۇرگىزىلىپ، مەجەلى نىساناعا جەتىپ، ماڭىزدى جەتىستىككە قول جەتكىزدى. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، امالياتتا ايگىلەپ، تانىمدى، سەنىمدى، ارەكەتتى بىرلىككە كەلتىرۋ قابىلەتىن جوعارىلاتتى؛ يدەيا، ساياسي جاقتان سىننان ءوتىپ جانە شىڭدالىپ، اۋەلگى ماقساتتان اينىماۋدىڭ، بورىش ارقالاۋدىڭ يدەيالىق سانالىلىعى مەن ارەكەت سانالىلىعىن كۇشەيتتى؛ ءىس تىندىرىپ، ناتيجە جاراتۋ، جاۋاپكەرشىلىك ارقالاپ، ىسكەرلىك كورسەتۋ رۋحاني كۇشى تاسقىنداپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ىلگەرىلەتتى؛ بۇقارا ەڭ اسىعاتىن، ەڭ ۋايىمدايتىن، ەڭ كوكسەيتىن ماسەلەلەردى بەلسەنە شەشىپ، باستى ماقسات تانىمى مەن حالىق ءۇشىن قىزمەت ىستەۋ سۇيىسپەنشىلىگىن نىعايتتى؛ پاك، كىرشىكسىز بولۋ تاربيەسىن ىشكەرىلەي جۇرگىزىپ، ستيلى پاك، سالتى دۇرىس ساياسي ەكولوگيانى نارلەندىردى؛ كورنەكتى ماسەلەلەردى ارناۋلى رەتتەۋ - جونگە سالۋدى ءتۇيىندى يگەرىپ، پارتيانىڭ ىرگەسىن شايقالتۋى مۇمكىن، پارتيانىڭ ىستەرىنە كەدەرگى بولۋى مۇمكىن كەيبىر فاكتورلاردى جويدى. مۇنى قالىڭ بۇقارا تولىق مويىندادى، پارتيا ءىشى - سىرتى بەلسەندى باعالادى.
وزگەرىس ەڭ تىڭعىلىقتى ەمتيحان قاعازى، شىندىق ەڭ پارمەندى دالەل. بۇل رەتكى نەگىزگى تاقىرىپتىق تاربيە بۇكىل پارتيانىڭ يدەياداعى بىرلىگىن، ساياسيداعى ىنتىماعىن، ارەكەتتەگى بىركەلكىلىگىن جەبەپ، پارتيامىزدىڭ ”ءتورت ۇلى“نى ءبىر تۇتاس جوسپارلاۋى، ”قوس 100 جىلدىق“ كۇرەس نىساناسىن جۇزەگە اسىرۋى ءۇشىن يدەيالىق جاقتا، ساياسي جاقتا، ۇيىمدىق جاقتا، ستيل جاعىندا پارمەندى اتتانىسقا كەلتىردى، ماڭىزدى رەال مانگە جانە تەرەڭ تاريحي ىقپالعا يە. بۇل رەتكى نەگىزگى تاقىرىپتىق تاربيە پارتيا ىشىندەگى بۇدان بۇرىنعى ءار رەتكى شوعىرلى تاربيەنىڭ تاجىريبەسىن قورىتىندىلاپ، جاڭا داۋىردە پارتيا ىشىندە شوعىرلى تاربيە ورىستەتۋ جونىندە تىڭ ىزدەنىس جاساپ، جاڭا تاجىريبە توپتادى. بىرىنشىدەن، نازاردى نەگىزگى تاقىرىپقا شوعىرلاندىرىپ، نەگىزگى جەلىمەن تىعىز بايلانىستىردى؛ ەكىنشىدەن، جوعارى ارقىلى تومەنگە جەتەكشىلىك ەتىپ، ۇلگى كورسەتىپ، باستاماشى بولدى؛ ۇشىنشىدەن، جاندى تۇردە توعىستىرىپ، ءبىر تۇلعادا ىلگەرىلەتتى؛ تورتىنشىدەن، ماسەلەلەردى ءجىتى قاداعالاپ، دالمە - ءدال رەتتەپ - تۇزەتتى؛ بەسىنشىدەن، قاتاڭ باقىلاپ، ناقتى جەتەكشىلىك ەتىپ، ىشكى جانە سىرتقى جاقتا بىردەي كۇش جۇمسادى؛ التىنشىدان، جالعان ناتيجەدەن كۇش سالا ساقتانىپ، ناقتى ونىمدىلىككە تالپىندى. وسى تىڭ ىزدەنىس پەن تىڭ تاجىريبەلەردىڭ كەلەلى ءمانى ۋاقىتتىڭ جىلجۋىنا ىلەسە ۇزدىكسىز ايگىلەنەتىندىگى ءشۇباسىز.
ناتيجەلەردى تولىق تۇراقتاندىرۋمەن بىرگە، ءبىز ورىن تەپكەن ماسەلەلەردى دە سەرگەكتىكپەن كورە ءبىلۋىمىز كەرەك. مىسالى: كەيبىر باسشى كادرلاردىڭ نازاريا ۇيرەنۋى تەرەڭ، جەتكىلىكتى، جۇيەلى ەمەس، ۇيرەنۋ مەن قولدانۋ ءبىر - بىرىمەن قول ۇزگەن، پارتيانىڭ جاسامپاز نازاريالارىنان پايدالانىپ قىزمەتتەردى ىلگەرىلەتۋ قابىلەتى جەتكىلىكسىز؛ كەيبىر ماسەلەلەردى رەتتەۋ - تۇزەتۋ ءالى تىڭعىلىقتى ەمەس، كەيبىر تەرەڭ قاتپارلى قايشىلىقتار مەن ماسەلەلەر ءالى تۇبىرىنەن شەشىلگەن جوق؛ كەيبىر نەگىزگى ساتى پارتيا ۇيىمدارىنىڭ قۇرىلىسى ءالى دە ءبىرشاما ءالسىز، پارتيا مۇشەلەرىمەن، بۇقارامەن بايلانىس ورناتۋ، پارتيا مۇشەلەرىنە، بۇقاراعا قىزمەت ەتۋ مەحانيزمى ءالى اقاۋسىز، ىركىلىسسىز ەمەس؛ كەيبىر جەرلەردە فورماشىلدىق، تورەشىلدىك ءالى بار، تابىسقا جەتۋگە اسىعۋ، كوز الداعى پايداعا جۇگىرۋ، نەگىزگى ساتىنىڭ جۇگىن اۋىرلاتۋ ءالى دە ساقتالۋدا. تاعىسىن تاعىلار. بۇقارا تاربيەنىڭ جەلدەي ەسىپ، وتكىنشى جاڭبىرداي وتە شىعۋىنان قاتتى الاڭدايدى، ۇنەمىلىكتى ساقتاۋدى، باياندى مەحانيزم قالىپتاستىرۋدى ايرىقشا اڭسايدى، ءبىز جاقسى باستاپ، جاقسى اياقتاتۋىمىز، تىڭعىلىقتى ىستەپ، تياناقتى ناتيجەگە جەتۋىمىز، پارتيانى جاپپاي قاتاڭ جونگە سالۋ تالابىن شىنايى تۇردە ناقتى تياناقتاندىرۋىمىز كەرەك.
اۋەلگى ماقساتتى ۇمىتپاعاندا عانا، نىق قاداممەن الىسقا جەتۋگە بولادى، بورىشتى ەستە بەرىك ساقتاعاندا عانا، بولاشاقتى اشۋعا بولادى. پارتيامىزدىڭ باسىپ وتكەن جولىنداعى ناتيجەسىنىڭ الەمدى جالت قاراتۋىنداعى ءتۇبىرلى سەبەپ پارتيامىزدىڭ جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ اۋەلگى ماقساتى مەن بورىشىن باستان - اياق ساقتاۋىندا. بۇگىن بۇكىل پارتيا، بۇكىل ەلدەگى ءار ۇلت حالقىنىڭ الدىنداعى بورىش اناعۇرلىم داڭقتى، مىندەت اناعۇرلىم جاپالى، سايىس اناعۇرلىم قاتاڭ، قىزمەت اناعۇرلىم ۇلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى، جالپى پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ، اۋەلگى ماقسات پەن بورىشتىڭ قالىڭ پارتيا مۇشەلەرىنىڭ، كادرلاردىڭ جۇرەك تۇكپىرىنە مىقتاپ ورناۋىنا، يدەياسىنىڭ تەرەڭ تۇكپىرىنە تامىر تارتۋىنا مۇمكىندىك جاسايتىن بولساق، پارتيامىز تۇبەگەيلى وزىنە توڭكەرىس جاساۋ رۋحىمەن پارتيا قۇرىلىسى جاڭا ۇلى ينجەنەريالارىنىڭ ىشكەرىلەي دامۋىن ىلگەرىلەتىپ، جۇڭحۋا ۇلتىن باستاپ، ۇلى گۇلدەنۋدىڭ ايبىندى كۇشىن ۇزدىكسىز ۇيىستىرا الادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
