نيجاتتىڭ شارۋاشىلىق قۇرۋ جىگەرى ارىنداي ءتۇستى
گازەتىمىزدىڭ جالپىلىق اقپارات قۇرالدارى ءتىلشىسى سۇي يۇنيان
2020.06.15 14:56 كەلۋ قاينارى : شينجياڭ گازەتى
4 - ايدىڭ 30 - كۇنى قاشقار ايماعىنىڭ جاڭاءشار اۋدانىندا كۇن شايداي اشىق، سامال جەل ەسىپ تۇر، ناق كۇنشۋاقتايتىن ۋاقىتتىڭ ءوزى. اۋدان قالاشىعىنا تاياۋ ماڭداعى حالىققا قولايلى قىزمەت وتەۋ سەرىكتەستىگىنىڭ ساۋداسى قىزا ءتۇستى، جۋىپ تازالاتۋعا، كۇتىمدەۋگە كەلگەن اۆتوكولىكتەر كىرىپ - شىعىپ جاتىر، ۇلكەن اۋلاعا ون نەشە كىلەم جايىلعان، سەحتىڭ ىشىندە تاعى دا نەشە ونى جۋىلۋ الدىندا تۇر.
سەرىكتەستىكتىڭ جاۋاپتىسى نيجات قۇربان قول تەلەفونىنان جەرگىلىكتى ورىننىڭ تۇرمىس ينفورماتسياسىن كوردى. نيجات: ”جۇمىس، ءوندىرىس قالپىنا كەلگەن سوڭ، ءار ءتۇرلى تۇرمىس قاجەتى كوبەيە ءتۇستى، اشۋعا بولاتىن جاڭا كاسىپتەردىڭ بار - جوقتىعىن كورمەكشىمىن“، - دەي كەلىپ، الاڭسىز شارۋاشىلىق قۇرۋدىڭ راسىندا جاقسى ەكەنىن، كوڭىلىنىڭ مۇنداي جاي تاۋىپ كورمەگەنىن ايتتى.سەرىكتەستىكتىڭ كاسىپ تۇرلەرى كوبەيدى
نيجات: ”سەرىكتەستىگىمىزدىڭ كولىك جۋۋ، كىلەم جۋۋ، ءۇي كوشىرۋ، سۋ، ەلەكتر، جىلۋ جۇيەلەرىن ورناتۋ، جوندەۋ، قورا - جاي ساۋدا دانەكەرى، اۆتوكولىكتى وكىلەتتى جۇرگىزۋ سياقتى كاسىپتەرى بار، تۇرمىستا نەنىڭ سۇرانىسى كوپ ەكەنىن بىلسەك بولدى، قىزمەت وتەۋ تۇرلەرىن بىرتىندەپ كوبەيتەمىز“، - دەدى.
سەرىكتەستىكتىڭ 500 شارشى مەتر اۋلاسى بار، ءار كۇنى كولىك جۋۋ، كىلەم جۋۋ جۇمىستارى ەڭ كوپ، ءبىراق نيجات ءارقانداي ءبىر ورايدى قولدان جىبەرگىسى كەلمەيدى. باستابىندا ءۇي جۇمىستارى كاسىبىن كەڭەيتۋ ءۇشىن، جان - جاققا جارناما تاراتىپ، جۇمىس تاپسىرىپ العان سوڭ، قىزمەت وتەۋ ساپاسى ارقىلى القاۋ الۋعا ۇمتىلدى، جاقسى اتاعىڭ شىقسا، ارينە ساۋداڭ دا كۇسەت بولادى.
الدىڭعى كەزدە سەرىكتەستىك جاڭا اشەكەيلەنگەن ءبىر ۇلكەن قورا - جايدىڭ ءۇي شارۋاسىن تاپسىرىپ الىپ، وعان 2000 يۋان اقى الادى. ”ادەتتە 90 شارشى مەترلىك ءۇي بولسا، 3 قىزمەتكەر اس ءۇيدى، تازالىق ءۇيىن جيناستىرادى، تەرەزەنى سۇرتەدى، ەدەندى تازالايدى، تەرەزە پەردەسىن جۋادى، بۇعان 500 يۋان اقى الادى“. نيجات بىلاي دەدى: قازىر بۇقارانىڭ تۇرمىس شارت - جاعدايى جاقساردى، كوزقاراسى وزگەردى، وتاناسى دا قىزمەتپەن قاربالاس، ءۇي شارۋاسىن ىستەۋشىلەردىڭ كومەكتەسىپ قارايلاسۋىنا مۇقتاج، ونىڭ ۇستىنە تانىستار دا جۇمىس تانىستىراتىندىقتان، سەرىكتەستىكتىڭ ساۋداسى بارعان سايىن كۇسەتتەنە ءتۇستى.
بۇگىندە سەرىكتەستىكتە جالعا بەرىلەتىن 5 اۆتوكولىك بار، 30 قىزمەتكەردىڭ ىشىندە بەسەۋى وكىلەتتى كولىك جۇرگىزەدى. ”كولىكتى وكىلەتتى جۇرگىزۋ قازىر ەلدىڭ قاجەتىنە اينالدى“، - دەدى نيجات.
جاڭاءشارلىقتار ۇنەمى قاشقار قالاسىنا قوناقاسىنا بارىپ تۇرادى. ”كولىكتى وكىلەتتى جۇرگىزگەن كۇنى كەشتە اراق ىشكەن كولىك يەسىن كولىكپەن ۇيىنە جەتكىزىپ قويامىز“، - دەدى نيجات كۇلە سۇڭعىلالىعىن تانىتىپ. وسىنى بىلگەن ول ءار كۇنى كەشقۇرىم سەرىكتەستىكتىڭ كولىكتى وكىلەتتى جۇرگىزۋ قىزمەتكەرلەرىن قاشقار قالاسىنا بارىپ جۇمىس كۇتۋگە جىبەرەدى، ءتۇن ورتاسىنا قاراي جۇمىس تاپسىرۋشىلاردان تەلەفون كەلە باستايدى، كوپشىلىك تە جۇمىسقا كىرىسەدى.
”بويىمدى كۇش - قۋات كەرنەپ تۇرعان سياقتى“. نيجات ءۇرىمجى قالاسىنا بارىپ تۇرمىستىق قىزمەت وتەۋ سەرىكتەستىگىن تىركەۋگە الدىرتىپ، كاسىپ كولەمىن ۇزدىكسىز كەڭەيتپەكشى ەكەنىن ايتتى.ۇيرەنۋ مەن تۇرمىستىڭ تابىسى مول بولدى
نيجاتتىڭ كەڭسەسى ەرەكشە سالقىن، ۇستەلدەگى وسىمدىك وسىرىلگەن كۇبىدە كىشكەنتاي بالىقتار ەركىن ءجۇزىپ ءجۇر. 4 جاستاعى قىزى ءبىر تال كوك قۇرتشانى قاعاز ستاكانعا سالىپ ونىمەن سويلەسىپ وتىر. ازدان سوڭ قول تەلەفوننان راقاتتانا مۋلت فيلم كورە باستادى.
”ىندەت كەزىندە بالاباقشا اشىلعان جوق، ۇيدەن شىقپاي ءىشى پىسىپ كەتتى، وسى جەرگە ەرتىپ كەلدىم، ءبىرازدان كەيىن ۇيگە اپارىپ قويامىن“. نيجات قىزىنا كوز الماي مەيىرلەنە قارادى. ول: ”قازىرگى ەڭ ۇلكەن ارمانىم بۇرىنعى مەن سياقتى تەرىس جولعا تۇسپەۋ ءۇشىن، بالامدى جاقسى تاربيەلەۋ“، - دەدى.
”بۇرىن ۇشقارىلاردىڭ ازعىرۋىمەن ۇشقارى يدەيانى جۇقتىردىم“. نيجات سول كەزدە ءوزىنىڭ ”جاپپاي مۇسىلمانشالاندىرۋ“ دەگەندى ەرەكشە مويىنداعانىن، وزىنە سونداي تالاپ قويعانمەن تىنباي، ۇيىندەگىلەرى مەن دوستارىن دا وسىنى ولشەم ەتۋگە ماجبۇرلەپ، كۇنى بويى ۇشقارىلاردىڭ ”ۇيرەتكەن“ تۇرمىس قاعيداسىنا ابدەن اڭسارى اۋىپ، بارعان سايىن ۇشقارىلانا تۇسكەنىن ايتتى. بۇدان بۇرىن ونىڭ ءار ۇلتتان دوسى بار ەدى، ۇشقارى يدەيانىڭ كەسىرىنەن دوستارىمەن ”شەكارانى ايىرىپ“، ەندىگارى ارالاسپاي كەتەدى.
جاڭاءشار اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىندا ۇيرەنگەن سوڭ، نيجاتتىڭ وي ءورىسى اشىلدى. ”ۇشقارىلاردىڭ رۋحاني مەڭگەرۋىنەن قۇتىلعان سوڭ كوپ ىستەردى اڭعارىپ، كوپ ءجون - جوسىندى ءتۇسىندىم، جاقسى قىزمەت ىستەپ، جاقسى تۇرمىس كەشىرۋىم كەرەك“.
”باۋلۋ ورتالىعىنداعى ۇيرەنۋ مەن تۇرمىس ماعان تاماشا ەستەلىكتەر قالدىردى، اسىرەسە، ماعان كوپ نارسەنى ۇيرەتتى“. نيجات ۇشقارى يدەيادان ارىلىپ، زاڭ بىلىمدەرىن ۇيرەنۋ ءوزىنىڭ العان ەڭ ۇلكەن ءونىمى ەكەنىن، كاسىپتىك شەبەرلىكتى ۇيرەنۋ مەن يگەرۋدىڭ دە ءوز ومىرىندەگى قىمباتتى بايلىق ەكەنىن ايتتى.
ول: ”مەن كولىك، كىلەم جۋا الامىن، كولىك جۇرگىزە الامىن، مەن ءۇشىن قيىن ەمەس. ءبىراق بىلەسىز بە، دانەكەرلەۋدى دە، سۋ، ەلەكتر، جىلۋ جۇيەسىن جوندەۋ مەن ورناتۋدى دا بىلەمىن، كومپيۋتەردەن پايدالانا الامىن، ءبىراز باسقارۋ بىلىمىنەن دە حابارىم بار، وسىلاردىڭ بارلىعىن باۋلۋ ورتالىعىنان ۇيرەندىم“، - دەدى.زەيىن - زەردەسىن ىستەرىن دامىتۋعا اۋداردى
”سەرىكتەستىك تۇرعان الەۋمەتتىك اۋماق بىزگە ەرەكشە كوڭىل ءبولىپ قولدادى، كىرە بەرىستە ۇلكەن قوقىر - قوقسىق ساندىعىن كوردىڭىز عوي، ونى الەۋمەتتىك اۋماق دايىنداپ بەرگەن، قورشاعان ورتا تازالىقشىلارى ۋاق - ۋاق كەلىپ قوقىر - قوقسىقتى جيناپ اكەتىپ، ءبىزدىڭ الاڭسىز شارۋاشىلىق قۇرۋىمىزعا مۇمكىندىك جاسادى“، - دەدى نيجات اسەرلەنە.
ءسوز اراسىندا نيجات تەلەفون قابىلداپ، قارسى جاقپەن ءبىراز اڭگىمەلەستى. كەنەتتەن ول بۇرىلىپ كۇلدى: ”اعام تاياۋدان بەرگى جاعدايىمدى سۇراپ جاتىر، ونىمەن سويلەسەسىز بە“، - دەدى دە تەلەفوندى تىلشىگە بەردى.
ءاسىلى، تەلەفون سوققان ادام ونىڭ جاقسى دوسى چي شيانفۋ ەكەن. چي شيانفۋ مەن نيجاتتىڭ ارالاسقانىنا ون نەشە جىل بولىپتى، نيجاتتىڭ ۇيلەنۋ تويىنا قاتىناسىپتى، وتاۋ قۇرىپ، اكە بولعانىن كورىپتى، كەيىن ۇشقارىلاردىڭ ىقپالىمەن بارعان سايىن ۇشقارىلانا تۇسكەنىن دە كورىپتى.
”ءبىز ءبىر مەزەت ارالاسا الماي قالدىق، ول ءوزىن مەنەن اۋلاقتاتقىسى كەلدى. امالسىز قالدىم ءارى قينالدىم. كەيىن ول مەنىمەن حابارلاسىپ، كاسىپتىك شەبەرلىككە تاربيەلەۋ - باۋلۋ ورتالىعىندا ۇيرەنۋگە قاتىناسىپ، كوپتەگەن ىستەردىڭ بايىبىنا بارىپ ۇعىنعانىن ايتىپ، ماعان وسى ءىنىسىن قايتا قابىلداۋىن ءۇمىت ەتەتىندىگىن ايتتى“. چي شيانفۋ نيجاتتىڭ ۇنەمى قاشقارعا بارىپ وزىنە امانداسىپ تۇراتىنىن، ۇيدە لاڭمان ىستەپ جەپ، انا - مىنانى ايتىپ، قۋانىپ قالاتىندىقتارىن ايتتى.
”ونىڭ شارۋاشىلىق قۇرۋ ىنتاسى جوعارى، ءادىس - امالى كوپ، مەنشە، ول زەيىن - زەردەسىن ىستەرىن دامىتۋعا اۋدارعان. ونى قولدايمىن“. چي شيانفۋدىڭ ايتۋىنشا، نيجات پارتيا مەن ۇكىمەتكە العىس ايتىپ، قوعامعا جاۋاپ قايتارۋدى ويلاپ كەلەدى ەكەن.
نيجات: ”سەرىكتەستىككە جۇمىسشى قابىلداعاندا كەدەي وتباسىلارىن الدىمەن ويلاستىرامىز، ءبىز دە كەدەيلىكتەن ارىلتۋدان قامال الۋعا ۇلەسىمىزدى قوسۋىمىز كەرەك، قازىر سەرىكتەستىكتە 10 قىزمەتكەر كەدەي وتباسىلارىنان كەلگەن“، - دەدى.
بيىل 34 جاستاعى رابيگۇل باقى جاڭاءشار اۋدانى بارىن اۋىلىنداعى كەدەي شارۋا، جۇمىس، ءوندىرىس قالپىنا كەلگەن سوڭ، ول سىرتقا شىعىپ جۇمىس ىستەۋدى ويلايدى، قىستاق كادرلارى نيجاتپەن حابارلاسادى، ەكىنشى كۇنى ول وسى اراعا كەلىپ جۇمىسقا ورنالاسادى. ءبىر كولىكتى جۋىپ بولعان رابيگۇل تىلشىگە جۇمىستىڭ اۋىر ەمەستىگىن، كوپ ىستەسە الاتىن ۇلەسى بار ەكەنىن، جۇمىسىنا قاتتى رازى ەكەنىن ايتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
