ءتۇرلى - ءتۇستى قيمىلدار سىزگە بەيزاتتىق مادەنيەت مۇرالارىنىڭ كوركەمدىگىن كورسەتەدى

2020.06.15 14:57 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　گازەتىمىزدىڭ جالپىلىق اقپارات قۇرالدارى ءتىلشىسى تاڭ كاندۇڭ 6 - ايدىڭ 13 - كۇنى تۇرپاننان حابارلايدى. 6 - ايدىڭ 13 - كۇنى ”مادەنيەت جانە جاراتىلىستىق مۇرالار كۇنى“. سول كۇنى رايونىمىزدىڭ ”مادەنيەت جانە جاراتىلىستىق مۇرالار كۇنى“ جانە 8 - كەزەكتى ”شينجياڭ بەيزاتتىق مادەنيەت مۇرالارى اپتالىعى“ داياشىلار جاعى قيمىلى تۇرپان قالاسىنىڭ بويلىق كورىنىس وڭىرىندە باستالدى.

　　وسى رەتكى قيمىل ”مادەني ەسكەرتكىشتەر جاپپاي دوڭگەلەك داۋلەتتىلىككە ءار بەردى، بەيزاتتىق مادەنيەت مۇرالارى اقاۋسىز تۇرمىستى جالعاستىردى“ نەگىزگى تاقىرىبىندا ينتەرنەت جەلىسىندە جانە ينتەرنەت جەلىسىنەن تىس وتكىزۋدى ۇشتاستىرۋ ءادىسىن قولدانىپ، 6 - ايدىڭ 13 - كۇنىنەن 19 - كۇنىنە دەيىن بۇكىل شينجياڭدا ءبىر ۋاقىتتا ”شينجياڭدى بۇلتتىق ساياحاتتاۋ، بەيزاتتىق مادەنيەت مۇرالارى كەسكىندەرى كورمەسى“، بەيزاتتىق مادەنيەت مۇرالارى زات ساتىپ الۋ مەرەكەسى، ينتەرنەت جەلىسىندە جانە ينتەرنەت جەلىسىنەن تىس بەيزاتتىق مادەنيەت مۇرالارىن ۇگىتتەۋ، ايگىلەۋ قيمىلى 200 نەشە رەت وتكىزىلىپ، ءار ۇلت بۇقاراسىنا مادەنيەتتەن مول تارتۋ ۇسىنادى.

　　كارىزدىڭ سۋى سىلدىراي اعىپ، سورەدە ءجۇزىم سامسىپ تۇر. تۇرپان قالاسى بويلىق كورىنىس ءوڭىرىنىڭ 200 مەترلىك ءجۇزىم دالىزىندە شينجياڭ ارحەولوگيالىق جاڭا بايقاۋ سۋرەت كورمەسى ءوتىپ جاتىر. باستالۋ سالتىندا تاعى شونجىداعى شىچىڭزى ەسكى جۇرتىنا 2019 - جىلعى مەملەكەتتىك ارحەولوگيالىق 10 ءىرى جاڭا بايقاۋ كۋالىگى بەرىلدى.

　　بويلىق كورىنىس ءوڭىرى ىشىندەگى 2000 شارشى مەترگە تاياۋ بەيزاتتىق مادەنيەت مۇرالارى جارمەنكەسىندە 1000نان استام شينجياڭ بەيزاتتىق مادەنيەت مۇرا تاۋارى، قىرۋار بەيزاتتىق مادەنيەت مۇرالارى مۇراگەرلەرى بوي كورسەتتى. كىلەم، قىش ىدىستار، قامىر ءمۇسىن سياقتى ”بارماق باسىنداعى بەيزاتتىق مادەنيەت مۇرالارى“ مەن نان، سوقماق، تۇت كاۋاس سياقتى ”تاعام بەيزاتتىق مادەنيەت مۇرالارى“ ساياحاتشىلارعا بەيزاتتىق مادەنيەت مۇرالارى ونىمدەرىنىڭ تارتىمدىلىعىن سەزىندىردى.

　　قيمىل كەزىندە قاشقار بايىرعى قالاسى كورىنىس وڭىرىندە پالاۋ باسۋ ونەرىنىڭ مۇراگەرلەرى كورىنىس ءوڭىرىنىڭ ىشىندە ۇستىندە پالاۋ باسىپ كورسەتتى؛ كۇشار قالاسى تيانشان سىرلى ۇلكەن اڭعارىندا اۆتونوميالى رايون دارەجەلى بەيزاتتىق مادەنيەت مۇرا ءتۇرى ۇيعۇر ۇلتىنىڭ قىزىل مىستى جاساۋ تەحنيكاسى مەن ايماق دارەجەلى بەيزاتتىق مادەنيەت مۇرا ءتۇرى كۇشار سابىنىنىڭ ناقتى زاتى كورمەگە قويىلدى؛ قۇمىل قالاسىنىڭ مۇقام مادەنيەت الاڭىندا، قۇمىل قالاسى يجوۋ رايوندىق مادەنيەت سارايىندا ”مادەنيەت مۇرالارى كۇنىن“ قۇتتىقتاۋعا ارنالعان ناعىراعا زۋرنانى قوسىپ تارتۋ قيمىلى وتكىزىلدى.

　　بەيزاتتىق مادەنيەت مۇرالارىن جالعاستىرۋ، ۇگىتتەۋ قيمىلىندا بەيزاتتىق مادەنيەت مۇرالارىن جالعاستىرۋعا قاتىستى بەينەكەسكىندەردى كورىپ قالماستان، تاعى ينتەرنەت جەلىسىندە شينجياڭ بەيزاتتىق مادەنيەت مۇرالارى ونىمدەرىن ساتىپ الۋعا دا بولادى. شينجياڭنىڭ 4 بەيزاتتىق مادەنيەت مۇرالارىمەن كەدەيلەردى سۇيەمەلدەۋ بويىنشا جۇمىستاندىرۋ شەبەرحاناسىنىڭ ونىمدەرى ينتەرنەت جەلىسىندە ساتىلىپ جاتىر، مۇنىڭ ىشىندە اقتاۋ اۋدانىنداعى قىرعىز ۇلتىنىڭ كەستەسىن جانە مادەنيەت جاسامپازدىعى تۋىندىلارىن تاۋباۋدان ساتىپ الۋعا بولادى، قاراقاش اۋدانىنىڭ ۇلتتىق مۋزيكا اسپاپتارى دوۋيىندا ساتىلادى. مۇنان سىرت، تاعى الي، جيڭدۇڭ سياقتى زات ساتىپ الۋ تۇعىرلارىنان بەيزاتتىق مادەنيەت مۇرالارى زات ساتىپ الۋ مەرەكەسىنىڭ ارناۋلى تاقىرىپتىق پاراقشالارىن كورۋگە بولادى، وندا شينجياڭنىڭ بەيزاتتىق مادەنيەت مۇرالارى مادەنيەتى، مادەنيەت جاسامپازدىعى ونىمدەرى جانە جەرگىلىكتى ەرەكشەلىككە يە ونىمدەر شوعىرلى كورسەتىلەدى.

　　اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى بىلاي دەدى: بەيزاتتىق مادەنيەت مۇرالارى بايلىعىن جاندى تۇردە ويداعىداي پايدالانۋ نەگىزىندە، مول دا الۋان ءتۇرلى امالياتتىق سەزىنۋ جانە تاربيە قيمىلىن ورىستەتۋ ارقىلى بەيزاتتىق مادەنيەت مۇرالارىنىڭ تاريحي قۇنىن جاندى ايگىلەپ، ءبىر توپ ىقپالدى كورمە جاۋھارلارى مەن مادەنيەت تۋىندىلارىن تۇلعالاپ، حالىقتىڭ تاماشا تۇرمىسقا دەگەن ءىس جۇزىندىك قاجەتىن اناعۇرلىم جاقسى قاناعاتتاندىرىپ، بۇقارانىڭ رۋحاني مادەنيەت تۇرمىسىن بايىتامىز.

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved