بۇقارانىڭ ”كوجە قاتىعى“ مول، باعاسى تۇراقتى بولدى
گازەتىمىزدىڭ جالپىلىق اقپارات قۇرالدارى تىلشىلەرى ءپاريزات ابدۇل، گى يوۋجۇن، سۇڭ ۋيگو
2020.06.15 15:10 كەلۋ قاينارى : شينجياڭ گازەتى
شارۋالار اۋلاسى پىسقان كوكونىسكە تولدى؛ بازاردا، ساۋدا دۇكەندەرىندە، ەرەن بازارلاردا كوكونىستەر مول، باعاسى تۇراقتى بولدى.
رايونىمىزداعى ءارقايسى جەرلەر جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن قۇلشىنا جەڭىپ، ”استىق“، ”كوجە قاتىق“ جاۋاپكەرشىلىك ءتۇزىمىن ۇزدىكسىز ناقتىلاندىرىپ، بازاردى قامداۋدىڭ ەڭ سوڭعى ءبىر كيلومەترىن جالعاپ، استىق، ماي، ەت، جۇمىرتقا، قۇس ەتى، كوكونىس سياقتى بۇقارانىڭ تۇرمىسىنا قاجەتتى بۇيىمدارمەن جەتكىلىكتى قامداۋدى قامتاماسىز ەتتى.كوكونىس كاسىپ سالاسىنىڭ دامۋى ”كوجە قاتىقتى“ مولايتتى
”مەن اۋلامنىڭ الدىنداعى اق جەردى رەتتەپ، 2 شاعىن دوعاشا لاپاس سالىپ، قىزاناق، سيىر بۇرشاق سياقتىلاردى ەكتىم، بارلىعىن قوسقاندا ءبىر جىلدا 8500 يۋان اينالاسىندا ساتۋعا بولادى“، - دەدى 6 - ايدىڭ 1 - كۇنى لوپ اۋدانى لوپ قالاشىعى قىرقاش قىستاعىنىڭ تۇرعىنى ابدۇساتتار امەر قۋانىشتى تۇردە.
لوپ قالاشىعىنا كەلسەڭىز، بارلىق جەردەن ۇلكەندى - كىشىلى اۋلا شاعىن دوعاشا لاپاسىن كورەسىز، شاعىن دوعاشا لاپاستاعى كوكونىستى وزدەرى جەگەننەن تىس، قالعانىن ساتىپ، كىرىستى ارتتىرۋعا بولادى.
حوتان ايماعى ”ءبىر قىستاقتا ءبىر ءونىم“ بولۋ وي جەلىسى بويىنشا، جەر - جەردى قىزىل بۇرىش، شالعام، ءلايلى گۇل سياقتىلاردى ەگۋگە جەتەكشىلىك ەتىپ، اۋلا ەكونوميكاسىنىڭ ونىمدىلىگىن جوعارىلاتىپ، كىرىس ارتتىرۋ ارناسىن اناعۇرلىم كەڭەيتتى.
وڭتۇستىك شينجياڭ ءوڭىرىنىڭ كۇن نۇرى، جىلۋ بايلىعى ابزالدىلىعى كورنەكتى، قۇرىلعىلى كوكونىس كاسىپ سالاسىن دامىتۋدا ايرىقشا شارت - جاعدايعا يە. بيىل رايونىمىز وڭتۇستىك شينجياڭ قۇرىلعىلى كوكونىس كاسىپ سالاسىن دامىتۋدىڭ 3 جىلدىق ارەكەت جوسپارىن اتقارىپ، وڭتۇستىك شينجياڭداعى شارۋالاردىڭ كىرىسىن ارتتىرۋ ارناسىن كەڭەيتۋمەن قاتار، تۇتاس شينجياڭداعى ءار ۇلت بۇقاراسىنىڭ ”كوجە قاتىعىن“ مولايتتى. تۇتاس رايون جەرگىلىكتى جاعدايعا قاراۋ، بازاردى جەتەكشى ەتۋ جانە ۇيلەسىمدى پايدالانۋ پرينسيبى بويىنشا، وڭتۇستىك شينجياڭداعى ءارقايسى جەرلەردى كۇندەلىكتى كوكونىسپەن قامداۋعا كەپىلدىك ەتۋ ءوڭىرى، ەرەكشە كوكونىس ەگۋدە ارتىقشىلىققا يە ءوڭىر جانە قىسقى - كوكتەمگى كوكونىستى ۇيلەسىمدى دامىتۋ ءوڭىرى بويىنشا عىلمي ورنالاستىرۋ جاساۋعا جەتەكشىلىك ەتتى. وسى نەگىزدە، قۇرىلعىلى كوكونىس ەگۋ كولەمى، جەتىلدىرۋ ءتۇرى، بازارعا شىعارۋ ۋاقىتى سياقتىلاردى ۇيلەسىمدى بەلگىلەپ، ەگۋ قۇرىلىمىن رەتتەپ، ساپالىلاندىرىپ، ءوندىرىس قۋاتى ورنىقتى، دامۋى ۇيلەسىمدى قۇرىلعىلى كوكونىس ءوندىرىس جۇيەسىن بىرتىندەپ قالىپتاستىردى.عىلىم - تەحنيكانىڭ دەم بەرۋىندە كوكونىس ساپاسىن جوعارىلاتتى
قازىر تۇرعىندار ەرەن بازارلاردى، كوكونىس بازارىن ارالاعان كەزدە رايونىمىزداعى ءتۇرلى كوكونىستىڭ ساپاسىنىڭ جاقسى، قامداۋدىڭ جەتكىلىكتى، ءتۇرىنىڭ مول، باعاسىنىڭ تۇراقتى ەكەنىن بايقاي الادى.
5 - ايدىڭ 31 - كۇنى سانجى قالاسى تيانبا قالاشىعى تۋلياڭ قىستاعىنداعى كوكونىس ەگەتىن شارۋا ياڭ ۋيدۇڭنىڭ جىلىجايىندا شارباق - شارباق كوكونىس تاسىمال كولىگىنە تيەلىپ، ءۇرىمجى قالاسىنداعى دوستىق ەرەن بازارىنا جەتكىزىلدى. ”6 - ايدىڭ سوڭىنا بارعاندا، ءبىر جىلىجايدان 6 دا 8 توننا قيار الىنىپ، 20 مىڭ يۋان اينالاسىندا كىرىس كىرگىزۋگە بولادى“، - دەدى ياڭ ۋيدۇڭ.
ياڭ ۋيدۇڭ جىلىجايدا 22 جىل كوكونىس ەكتى، 4 - ايدىڭ باسىنان باستاپ، جىلىجايداعى جاڭا كوكونىس ارت - ارتىنان بازارعا شىعارىلدى. بيىل ياڭ ۋيدۇڭ 9 جىلىجايعا تۇڭعىش رەت دارا ارامەن توزاڭداندىرۋ تەحنيكاسىن ەنگىزىپ، ىندەت كەزىندە جۇمىسشى جەتىسپەۋ قىسىمىن جەڭىلدەتىپ قانا قالماستان، تاعى بيولوگيالىق ساقتانۋ - تىزگىندەۋ تەحنيكاسىنان پايدالانىپ كوكونىس ساپاسىن جوعارىلاتتى، 9 جىلىجايدان ول 100 مىڭ يۋاننان ارتىق كىرىس كىرگىزدى.
كوكونىستىڭ ساپاسىنا كەپىلدىك ەتىپ، كوپتەگەن ادامنىڭ جاسىل، تازا كوكونىس جەۋىنە مۇمكىندىك جاساۋ ءۇشىن، رايونىمىزداعى جەر - جەر مايسانى شوعىرلى جەتىلدىرۋ، جاسىل ساقتانۋ - تىزگىندەۋ، جاساندى زەردە تەحنيكاسىنان پايدالانۋ جاقتارىندا كوپ كۇش شىعاردى.
5 - ايدىڭ 31 - كۇنى تاڭ سارىدە، باعراش اۋدانى بۇمبۇت قالاشىعى جەكسەننۇر قىستاعىنىڭ تۇرعىنى يان ۋي جىلىجايعا كەلىپ ءسۇتشوپ قازدى. مايسانى شوعىرلى جەتىلدىرۋ، كوڭ توگۋ، جاسىل ساقتانۋ - تىزگىندەۋ سياقتى شارالار − يان ۋيدىڭ جىلىجايدا كوكونىس ەگۋدەگى امالى. ”بيىل مەن 8 مۋ جەرگە ءسۇتشوپ ەكتىم، مەجەمەن مۋ باسىنان 5 توننادان جوعارى ءونىم الامىن، قازىرگى كەزدەگى باعا بويىنشا ەسەپتەگەندە، تەك سۇتشوپتەن 40 مىڭ يۋانعا جۋىق كىرىس كىرگىزەمىن“، - دەدى يان ۋي.ءوندىرۋ - ساتۋدى دالمە - ءدال ۇشتاستىرىپ، شارۋالاردىڭ كىرىستى ارتتىرۋىنا دەم بەردى
يەڭسار اۋدانى ماڭشين قالاشىعى تومەن ءارامالى قىستاعىندا قىستاق تۇرعىندارى ۋسارىمساق ساباعىن كۇزەۋدە. ”قىستاق ’كاسىپورىن + سەلبەستىك كووپەراتيۆى + شارۋا وتباسى‘ ۇلگىسى بويىنشا كوكونىستى توپ تاراتۋ كاسىپورىنمەن ساتىپ الۋ كەلىسىمىنە قول قويىپ، سەلبەستىك كووپەراتيۆى ەگىپ، باپتاپ، شارۋا وتباسى جەرىن جارناعا قوسىپ، جىل سوڭىندا پايدا ءبولىسىن الادى“، - دەدى تومەن ءارامالى قىستاعى پارتيا ياچەيكاسىنىڭ شۋجيى ۋاڭ دۇڭفىڭ.
شارۋالاردى ەككەن كوكونىسىن ساتۋدان الاڭداتپاۋ ءۇشىن، يەڭسار اۋدانى ارناۋلى تەحنيك سەپتەپ جىلىجايعا تەحنيكا جەتكىزدى، سونداي - اق ءبىر تۇتاس بازار باعاسى بويىنشا كوكونىستى ساتىپ الىپ، ءارقايسى اۋىل - قالاشىق، مەكتەپ، ورگان، مەكەمە - ورىندارىنا جانە ماڭايداعى اۋدان، قالالارعا ساتىپ، كوكونىس شارۋالارىنىڭ كوكونىستى ويداعىداي ەگۋىنە، ساتۋىنا، كىرىستى ورنىقتىرۋىنا، كەدەيلىكتەن ارىلىپ اۋقاتتانۋىنا شىنايى كەپىلدىك ەتتى.
كوكونىس جىلجايىنىڭ ءبىر باسى تۇرعىنداردىڭ ”كوجە قاتىعىمەن“ بايلانىستى بولسا، ەندى ءبىر باسى قىستاق تۇرعىندارىنىڭ كىرىسىمەن قاتىستى بولىپ وتىر. كوكونىستىڭ ساتىلماي باسىلىپ قالۋىنىڭ الدىن الىپ، قۇرىلعىلى كوكونىستەردى ءوندىرۋدى، ساتۋدى دالمە - ءدال ۇشتاستىرۋدى جەبەۋ ءۇشىن، رايونىمىز اۋدان، اۋىل، قىستاق ءۇش دارەجەلى اۋىل شارۋاشىلىعى ونىمدەرىن ساتىپ الۋ - ساتىپ بەرۋ جۇيەسىن ورناتۋعا ىزدەنىس جاساۋعا شابىتتاندىرىپ، اۋلا كوكونىسى سياقتى كوپ ءتۇرلى، شاعىن مولشەرلى اۋىل شارۋاشىلىعى ونىمدەرىن ساتىپ الۋ - ساتىپ بەرۋدى ورىستەتىپ، شاعىن شارۋا وتباسى مەن وسى زامانعى اۋىل شارۋاشىلىعىن دامىتۋدى ورگانيكالى ۇشتاستىرۋدى جەبەپ، كوكونىس ەگىنشىلىگىنىڭ شارۋالاردىڭ كىرىسىن ارتتىرۋدى جەبەۋ رولىن شىنايى ساۋلەلەندىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
