سارى قۇمنان بىرتە - بىرتە كوك جايقىنعا، ”اجال تەڭىزىنەن“ ”ەكونوميكالىق جاسىل القاپقا“ دەيىن
شينجياڭنىڭ قۇمايتتانۋدى تىزگىندەۋى بىرتىندەپ كوركەم كورىنىسكە ۇلاستى
□ گازەتىمىزدىڭ جالپىلىق اقپارات قۇرالدارى ءتىلشىسى ليۋ شياڭ
2020.06.18 13:54 كەلۋ قاينارى : شينجياڭ گازەتى
6 - ايدىڭ 17 - كۇنى 26 - رەتكى دۇنيە جۇزىلىك قۇمايتتانۋدان جانە قۋاڭشىلىقتان ساقتانۋ - تىزگىندەۋ كۇنى، ەلىمىزدىڭ ۇگىت نەگىزگى تاقىرىبى − ”قول ۇستاسا قۇمايتتانۋدان ساقتانىپ، قۇمايتتانۋدى تىزگىندەپ، تۇنىق سۋ، جاسىل تاۋدى بىرگە قورعايىق“.
شينجياڭدا ادامزاتتىڭ قۇمايتتانۋمەن كۇرەسى باستان - اياق جالعاسىپ كەلەدى. ”13 - بەسجىلدىق“ جوبادان بەرى، شينجياڭدا 24 ميلليون 660 مىڭ مۋ قۇمايتتانعان جەر تىزگىندەلدى. سارى قۇمنان بىرتە - بىرتە كوك جايقىنعا، ”اجال تەڭىزىنەن“ ”ەكونوميكالىق جاسىل القاپقا“ دەيىن، ءشول - جازيرامەن جانە كەدەيلىكپەن كوپ جىل تاباندىلىقپەن كۇرەسۋ بارىسىندا شينجياڭنىڭ قۇمايتتانۋدى تىزگىندەۋ قىزمەتى تاماشا كۇيگە ەندى.”ءۇش تەرىستىك“ ىقتاسىن ورمان ينجەنەرياسى مىقتاپ قالتقى ورناتتى
قۇم توبەشىكتەردىڭ توبەسىنە شىعىپ الىسقا كوز جىبەرسەڭىز، ۇشى قيىرسىز ساپ - سارى قۇمدى القاپ قانا كورىنىپ، بەينە ءبىر توپ جىرتقىش حايۋاننىڭ توڭىرەكتەن جاسىل القاپقا سۇعىن قاداپ تۇرعانداي سەزىلەدى، بيىك وسكەن ىقتاسىن ورمانى جاسىل قالتقى ىسپەتتى وركەشتەلگەن سارى قۇمدى الىستان بوگەپ تۇر...
وڭتۇستىك شينجياڭنىڭ اۋىل - قىستاقتارىنىڭ جيەگىندەگى وڭىرلەردە، تاكلاماكان شولىنە بىتىراي ورنالاسقان جاسىل القاپتار جالپى بەتتىك قۇمايتتانعان جانە قۇمدى توپىراقپەن قورشالعان. ەكولوگيالىق حاۋىپسىزدىك قالتقىسىن ورناتىپ، قۇمدى ءشولدىڭ العا جىلجۋ اياق الىسىن باسەيتۋ شينجياڭ جونىنەن ماڭىزدى ءمان الادى. مەملەكەتتىڭ ءۇش تەرىستىك ىقتاسىن ورمان جۇيەسى قۇرىلىسىنداعى ءتۇيىندى ولكەنىڭ (اۆتونوميالى رايون) ءبىرى بولعان شينجياڭ 20 - عاسىردىڭ 70 - جىلدارىنان باستاپ قازىرگە دەيىن، ءۇش تەرىستىك ىقتاسىن ورمان ينجەنەرياسىنا سۇيەنىپ، ورمان بايلىعىنىڭ جالپى مولشەرىن كورنەكتى ارتتىرىپ، 70 ميلليون مۋدان استام جەرگە ورمان وتىرعىزۋدى ورىنداپ، قۇمايتتانۋدان ساقتانۋ، قۇمايتتانۋدى تىزگىندەۋ اياق الىسىن پارمەندى ىلگەرىلەتتى.
6 - ايدىڭ 15 - كۇنى كەشكى استان سوڭ يوپۇرعى اۋدانىنىڭ تۇرعىنى قيۇم تۇرسۇن اۋدان قالاشىعىنىڭ شىعىس قالا رايونىنا بارىپ سەيىلدەدى. بۇرىن تاپ - تاقىر بولىپ جاتاتىن ءشول دالا بۇگىنگى كۇنى سايالى اعاشتار جايقالا وسكەن، قۇستار سايراپ، گۇلدەردەن حوش ءيىس اڭقىعان جەرگە اينالدى. ”بۇرىن بۇل جەردە اندىزداپ قونىستانعان بىرنەشە وتباسى بار بولاتىن، ماڭايى تۇگەلدەي قۇمدى جەر، ىقتاسىن ورمان بەلدەۋىنىڭ وتىرعىزىلۋىنا ساي، ورتاسى بىرتىندەپ جاقساردى، وزگەرتكەنىنەن كەيىن، بۇل جەر ءبىزدىڭ سەيىل - سەرۋەن قۇرۋدا الدىمەن تاڭدايتىن جەرىمىزگە اينالدى“، - دەدى ول.
جاسىل قالتقى ادامداردىڭ تۇرمىسىن جاقسارتىپ قانا قويماي، ادامداردىڭ ءوندىرىسىن دە قامتاماسىز ەتتى.
تاڭەرتەڭگى سالقىن اۋادا ماكىت اۋدانى قۇمقۇسار اۋىلى جوعارعى تاۋاركەسىك قىستاعىنىڭ اتىزىندا قىستاق تۇرعىنى يمىن بارات جان اياماي ەگىس جۇمىسىن ىستەپ جاتىر. اتىزدىڭ اينالاسىنداعى تىپ - تىك، جۋان اعاشتار قارۋىن سەرت ۇستاپ سوعىسقا ساقاداي ساي تۇرعان قورعاۋشىداي ءشول دالانىڭ جيەگىندەگى جەردى قورعاپ تۇر. ”وسى ىقتاسىن ورمانى اتىز بەن قىستاقتى قورشاپ تۇرعاندىقتان، توسىن سوققان قۇمدى بوراننىڭ ەگىنجايدى ويرانداپ كەتۋىنەن الاڭداپ كەتپەيتىن بولدىق“.
قۇمدى بوران مەن قۇرعاق ىستىق جەل شينجياڭنىڭ اۋىل شارۋاشىلىعى وندىرىسىنە زيان جەتكىزەتىن ەكى ۇلكەن تابيعي اپات بولىپ، كەزىندە شينجياڭداعى ەگىنشى وتباسىلارىنىڭ باسىن اۋىرتقان، ءبىر رەت ەگىس داقىلدارىنىڭ ءتۇسىمى ازايسا، اۋەلى، ءونىم الا الماسا ولاردى ۇزاق ۋاقىت تۇرالاتىپ جىبەرەدى.
ءۇش تەرىستىك ىقتاسىن ورمان قۇرىلىسىنا سۇيەنىپ، ەگىنجايدىڭ ىقتاسىن ورمانىن، بوراننان ساقتانىپ، قۇمدى تۇراقتاندىرۋ كولەمدى تىرەكتى ورمان بەلدەۋىن جانە تابيعي قۇمدى ءشول ورمانىن نەگىزگى تۇلعا ەتكەن كوپ ورمان ءتۇرى، كوپ بەلدەۋ، اعاش، بۇتا - بۇرگەن، ءشوپ، تور بەلدەۋى ءوزارا ۇشتاسقان امبەباپ ىقتاسىن ورمان جۇيەسى تيانشاننىڭ تۇستىگى مەن تەرىستىگىندە بىرتىندەپ قالىپتاسىپ، قازىر ەگىس اتىزىن ورمانمەن تورلاندىرۋ نەگىزىنەن جۇزەگە اسىپ، شينجياڭنىڭ ەگىن، مال شارۋاشىلىعىندا جىل سايىن مول ءونىم الۋىنا پارمەندى ەكولوگيالىق كەپىلدىك ازىرلەدى.
ءۇش تەرىستىك ىقتاسىن ورمانى كوپ جىلدىق قۇرىلىستى باستان وتكەرگەندىكتەن، بۇگىنگى كۇنى ورمان الابىنىڭ ازۋ جاعدايى كورىنە باستادى، بيىلدان باستاپ، شينجياڭ ءۇش تەرىستىك ىقتاسىن ورمانىنىڭ ازعان ورمان الابىن قالپىنا كەلتىرۋ سەرپىنىن جاپپاي ارتتىرىپ، ”جاسىل قورعاننىڭ“ بەكەم بولۋىنا كەپىلدىك ەتىپ، جەر - جەردىڭ ەكولوگيالىق نەگىزىن ونان ارى بەكەمدەيدى.قورعانىستى شابۋىلعا وزگەرتىپ، دارقان دالانى جاسىلداندىردى
قۇم باسىپ، ادام قونىس اۋدارۋدان، قۇمنان ساقتانۋ، قۇمدى تىزگىندەۋ ينجەنەرياسى قۇمايتتانۋ اياق الىسىن توسقانعا دەيىن، ادامدار تۇگەلدەي ”قورعانىستى“ نەگىز ەتىپ كەلگەن بولاتىن.
قازىر قۇمايتتانۋدى تىزگىندەۋ بىرتىندەپ قورعانىستان شابۋىلعا ءوتۋ كەزەڭىنە اياق باستى، ءشول - ءجازيرانى جاسىلداندىرۋ قۇمدى وڭىردەگى بۇقارانىڭ كوزدەگەن تىلەگىنە اينالدى.
بيىل 73 جاستاعى راحمان ءيمىننىڭ ءۇيى چەرچەن اۋدانىندا. قازىرگە دەيىن، ول 22 جىلدىڭ الدىنداعى قۇم چەرچەنگە جاقىنداعان كەزدە، ءبىر توپ ازاماتپەن بىرگە بالاقتارىن ءتۇرىپ، شولگە قاراي اتويلاپ كىرىپ، شونەك قازىپ اعاش ەككەن جاعدايدى ەسىنە اندىزداپ تۇسىرە الادى.
”ءىس جۇزىندە، ول كەزدە ەككەن اعاشتاردىڭ ءبارى كوكتەمەي قالاتىنى كوپشىلىككە ابدەن ايان ەدى، سوندا دا ءبىر ءتۇپ اعاش ونسە، قۇمدى بوران از دا بولسا باسەيەر ەدى دەگەن ءۇمىت ءجىبىن ۇزبەدىك“. وتكەندى ەسكە العاندا، راحماننىڭ قاباعى تۇيىلە ءتۇستى.
ۋاقىت ايالداماي وتە بەردى، تامشىلاتىپ سۋارۋ، ۇشاقپەن ءدارى شاشۋ، سونداي - اق ەگۋ تەحنيكاسىنىڭ جاقسارۋى وسى جەردە اعاش ءوسىرۋدى وڭايلاتا ءتۇستى. جىلدار وتە بەردى، ادامدار قاجىماي - تالماي مەكەندەرىن جاسىل پۇلىسكە وراي بەردى، مىنە بۇگىن چەرچەن اۋدانىنىڭ جاسىلدانۋ كولەمى الدەقاشان 115 مىڭ مۋعا جەتتى. وسىمەن بىرگە، شينجياڭنىڭ جەر - جەرىندە دە ۇزدىكسىز، كەڭ كولەمدە اعاش ەگىپ ورمان ءوسىرۋ قانات جايدىرىلىپ، جاسىلدانۋ كولەمى ۇزدىكسىز كەڭەيدى. قازىر شينجياڭنىڭ جاساندى جاسىل القاپ كولەمى جاڭا جۇڭگو قۇرىلعان العاشقى كەزدەگى 13 مىڭ شارشى كيلومەتردەن كەڭەيىپ قازىرگى 62 مىڭ شارشى كيلومەترگە جەتتى.
عىلىم - تەحنيكا دامۋدا، تەحنيكا العا باسۋدا، ءشولدى وڭىرلەر جاڭا تەحنيكا قولدانىلاتىن جانە جالپىلاستىرىلاتىن جەرگە اينالۋدا.
6 - ايدا ماناس اۋدانى سۋساتقان اۋىلىنىڭ جارسۋات قىستاعىنداعى قۋاڭ بەتكەيدە ون مىڭداعان اق شەگىرشىن، شىرعاناق، توراڭعى اعاشتارى سىڭسي ءوسىپ تۇر. بۇل اعاشتاردى وسىرۋدە سۋلاندىرمايتىن جولمەن ورمان ءوسىرۋ تەحنيكاسى پايدالانىلعان، بۇلار سۋ ىركۋ بولىگى، اعاش تامىرىنىڭ جايىلۋ بولىگى، سۋ ساقتاۋ بولىگى ارقىلى جينالعان جاۋىن سۋىن ورتا بولىكتەگى اعاش تامىرىنىڭ جايىلۋ بولىگىنەن تومەن جاقتاعى سۋ ساقتاۋ بولىگىنە قاراي ءسىڭىرۋ ارقىلى ەگىلگەن، ونىڭ ەڭ مول بولعاندا سۋ ساقتاۋ مولشەرى 10 كيلوگرامعا جەتەدى، سونىمەن بىرگە سۋ ىركۋ بولىگىنىڭ بەتكى قاباتى جۇقا جارعاقپەن جابىلىپ، پارلانۋ مولشەرىن ازايتىپ، سۋدىڭ پايدالانىلۋ مولشەرىن جوعارىلاتاتىندىقتان، جاۋىن - شاشىن مولشەرى از ءشولدى وڭىرلەردە پايدالانۋعا ەرەكشە ۇيلەسەدى.
حوتان، گۇما، قاراقاش سىندى 3 اۋداننىڭ تۇيىلىسكەن جەرىن قۇمدى - ءشولدى توپىراققا اينالدىرۋ تەحنيكاسى قۇمدى وسىمدىك وسەتىن قۇنارلى توپىراققا اينالدىردى. بۇل تەحنيكادا مەحانيكا زاڭدىلىعىنان پايدالانىپ، وسىمدىكتەن اجىراتىلعان ءبولىندىنى قۇمعا ارالاستىرىپ، قۇمدى تۇيىرتپەكتەپ، سۋىن، قۇنارلىلىعىن ساقتاپ، داقىلدىڭ ءوسۋى جەبەلەدى. 2 جىلدان استام ۋاقىتتان بەرى، حوتان ايماعى 20 مىڭ مۋدان استام جەردەگى قۇمدى - ءشولدى وزگەرتىپ، ءبورىقۇيرىق، جوڭىشقا، جۇگەرى، گاۋلياڭ سياقتى ون نەشە ءتۇرلى داقىلدى ءساتتى ەكتى. ەكولوگيالىق ورتانىڭ جاقسارۋى قىرعاۋىلدىڭ، ءتۇز قويانىنىڭ كوبەيۋىنە تۇرتكى بولدى.
قۇمدى - شولگە سۇعىنىپ جاتقان ماكىت اۋدانى ۋىنگۋانگو جەمىسى سياقتىلاردىڭ قالامشاسىنا PVC قاپتاما تۇتىگىن كيگىزۋ ارقىلى قالامشانىڭ ماڭىنداعى ورتانى بەلگىلى كولەمدە جاقسارتىپ، قالامشانىڭ قىستان امان ءوتۋىن قورعاپ، جاز ماۋسىمىنداعى جوعارى تەمپەراتۋراعا ءتوزىپ، ءتۇز قويانىنىڭ كەمىرۋىنەن ساقتانۋىنا مۇمكىندىك جاساۋ ارقىلى قالامشانىڭ ساقتانۋ - قورعانۋ قابىلەتىن كۇشەيتىپ، قاتارعا قوسىلۋىن بارىنشا جوعارىلاتتى. جەمىس اعاشتارى بىتىك وسكەن قاعىر تاۋ، بەتكەي - قىراتتاردا ەكولوگيالىق ونىمدىلىك پەن ەكونوميكالىق ونىمدىلىكتىڭ تاۋسىلماس كومەسكى كۇشى شوعىرلانعان.
ورمان وسىرۋگە لايىقتى بولسا ورمان ءوسىرۋ، ەگىنشىلىككە لايىقتى بولسا ەگىن سالۋ كەرەك، ەگىن سالعانمەن ونبەيتىن، اشۋ شارت - جاعدايىن ازىرلەمەگەن تۇتاسىپ كەتكەن قۇمايتتانعان جەرلەردە تابيعاتتىڭ كۇش - قۋاتىنا سەنىپ، ونى تۇيىقتاپ قورعاۋ كەرەك.
يوپۇرعى اۋدانى مەملەكەتتىك قۇمايتتانعان جەردى تۇيىقتاپ قورعاۋ ءوڭىرى جىم - جىلاس جاتىر، تەك جەل تەربەتكەن وسىمدىكتەردەن شىققان دىبىس عانا ەستىلەدى. مۇندا ادام جوق، مال - حايۋان جوق، تەك عانا ءشوپ - شالاڭدار مەن بيىك - الاسالىعى اركەلكى بۇتا - بۇرگەندەر تابيعاتتىڭ ءوزىن جاڭارتۋ قابىلەتىنە سۇيەنىپ، تىرشىلىك تىنىسىن اقىرىنداپ قالپىنا كەلتىرۋدە.
قازىر شينجياڭ ءماجنۇن تال ەتتى سۇڭعىلاسى، سۋلاندىرمايتىن جولمەن ورمان ءوسىرۋ، ينجەنەريا ارقىلى قۇمدى تىزگىندەۋ، تومەن قامتىمدى ورمان ءوسىرۋ سياقتى قۇمدى تىزگىندەۋدىڭ ءبىر قىدىرۋ وزىق، قولدانىلمالى ۇلگىلەرىن قالىپتاستىردى ءارى جالپىلاستىردى. ساياساتتىق مەحانيزم، تەحنيكا ۇلگىسى، كاسىپ سالاسىن دامىتۋ جانە باسقارۋ ءتۇزىلىسى سياقتى جاقتاردا كورنەكتى ونىمدىلىكتەردى قولعا كەلتىرىپ، جۇڭگوعا، اۋەلى، دۇنيە جۇزىنە قۇمايتتانۋدى تىزگىندەۋدىڭ ”شينجياڭ ۇلگىسىن“ ازىرلەدى.قۇمدى سەرىك ەتىپ، ءشول - ءجازيرانى التىنعا اينالدىردى
قۇمدى تىزگىندەۋ بارىسى − قۇممەن كۇرەسۋدەن قۇممەن سەرىك بولۋعا دەيىنگى بارىس.
بۇرىن لوپ اۋدانىنداعى ەگىنشى ءيمىن بارات ۇشى - قيىرسىز قۇم الابىنىڭ ىشىندە جاپا - ماشاقاتتى قاتتى شەكسە، ال قازىر جاعداي مۇلدەم باسقاشا، قاتار - قاتار جىڭعىل وسى جەردە تامىر تارتىپ، بۇرىنعى جىم - جىرت جاتقان قۇم الابىنا ومىرشەڭدىك باعىشتادى.
”جىڭعىل قۇمدى تۇراقتاندىرىپ قالماستان، تامىرىندا جابىسىپ تىرشىلىك ەتەتىن سارى ەتتى سۇڭعىلانى (جىڭعىل ۇلكەن رۋتاسى) قورەكتىكپەن قامدايدى. جىڭعىل ۇلكەن رۋتاسى ’قۇمدى - شولدەگى مەرگيا‘ اتانعان، ءدارى رەتىندە ەمگە پايدالانۋدا، قۋاتتاندىرۋدا، دەنساۋلىق ساقتاۋدا تۇگەلدەي پايدالى“. ول بىلاي دەدى: ”جىڭعىل ۇلكەن رۋتاسى پىسقان سوڭ، كوپ ساندىسى ادام بىلەگىندەي جۋان بولادى. بىزبەن ساتىپ الۋ توقتامىنا قول قويعان كاسىپورىندار بەلگىلى مەرزىمدە كەلىپ ساتىپ الادى، وسى ءبىر بولىگىنىڭ وزىنەن ءار جىلى قوماقتى كىرىس كىرگىزۋگە بولادى“.
قۇم اپاتى قۇم يگىلىگىنە اينالدى، قۇمدى بوران قۇم كورىنىس وڭىرىنە وزگەردى.
بۇلبۇل سايراپ، قارلىعاشتار قالىقتاعان، قۇستارى ءان سالىپ، گۇلدەر جايقالعان، بۇل كوپ ادامداردىڭ نازارىنداعى باقشانىڭ بەينەسى. ال، قۇمدى - ءشول باقشاسى مۇلدەم وزگەشە، ول ءبىر بايىرعى قۇمدى - ءشول دۇنيەسى، سونداي - اق تابيعي قۇمدى - ءشول وسىمدىك باقشاسى.
ءپىشان اۋدانى قۇمتاع قۇمدى - ءشولى دۇنيە جۇزىندەگى قالاعا ەڭ جاقىن قۇمدى - ءشول، قالا مەن قۇمدى - ءشولدىڭ شەكاراسى وتە ايقىن بولعانىمەن، بۇل جەردەگى ادامدار الدەقاشان قۇمدى - شولمەن بىرگە جاساۋعا ادەتتەنىپ كەتكەن. تالاي جىلعى دامۋ ارقىلى ءپىشان مەملەكەتتىك قۇمدى - ءشول باقشاسى شينجياڭداعى ەڭ كەمەلىنە كەلگەن كورىنىس وڭىرلەرىنىڭ بىرىنە اينالدى، ادەتتە سيرەك ۇشىرايتىن 149 ءتۇرلى قۇمدى - ءشول وسىمدىگى كورىنىس ءوڭىرىنىڭ بارلىق جەرىنە تارالعان. قۇمدى - ءشول ەكولوگياسىن قورعاۋ ءۇشىن، كورىنىس ءوڭىرى تاعى تۇيىقتاۋ مەن اعاش ەگىپ، ورمان ءوسىرۋدى ۇشتاستىرۋ تاسىلىنەن پايدالانىپ، قۇمدى - ءشولدىڭ جيەگىنەن بوراننان ساقتانىپ، قۇمدى تۇراقتاندىراتىن توراڭعى جانە سەكسەۋىل ورمانىن ءوسىرىپ، قۇمدى - ءشول سەيىل - سەرۋەن ءوڭىرى مەن جاسىل القاپ سەيىل - سەرۋەن ءوڭىرىن قالىپتاستىرىپ، ءار جىلى قالىڭ ساياحاتشىلاردى كەلىپ كوز ايدىن بولۋعا باۋرادى، سارى ءتۇس پەن جاسىل ءتۇس وسى جەردە توعىستى. قازىر شينجياڭدا 36 مەملەكەتتىك قۇمدى - ءشول باقشاسى (شينجياڭ ءوندىرىس - قۇرىلىس بيڭتۋانىن قامتيدى) بار، ەلىمىزدەگى مەملەكەتتىك قۇمدى - ءشول باقشاسى ەڭ كوپ ولكە - رايون.
ءشول - ءجازيرا ”ەگىنجايعا“ اينالدى، سارى قۇمنان التىن شايقادى. قۇمدى ءوڭىر ەرەكشە كاسىپ سالاسى، جەرگىلىكتى تۇرعىنداردىڭ كىرىسىن ارتتىرۋ، قۇمدى تىزگىندەپ، بايۋعا باستاۋداي ءبىر تۇتاس جۇيەلىك دامۋ جولىنا سۇيەنگەن شينجياڭ سۋارىلمالى جەم - ءشوپ، جۇڭگوشا ءدارى - دارمەك ماتەريالى، ەكونوميكالىق جەمىس ورمانى، قۇمدى - ءشول ساياحاتى سياقتىلاردى ءتۇيىن ەتكەن قۇمدى ءوڭىر ەرەكشە كاسىپ سالاسىن العاشقى ادىمدا قالىپتاستىرىپ، جەم - ءشوپ، ءدارى - دارمەك، دەنساۋلىق ساقتاۋ بۇيىمدارى، ەڭلىك بۇيىمدارى، ازىق - تۇلىك، سۋسىن، جەمىس - جيدەك سياقتى ءبىرسىپىرا قۇمدى ءوڭىر كاسىپ سالاسى ونىمدەرىن اشىپ، ەگىنشىلىك، مانەرلەۋ، ساقتاۋ، تاسىمال، ساتۋ سياقتى قاتىستى كاسىپ سالالارىنىڭ دامۋىن جەتەكتەدى، كاسىپ سالاسى تىزبەگى ۇزدىكسىز ۇزاردى، ءونىم قۇنى بارعان سايىن ارتتى.
تولىق بولماعان ساناققا نەگىزدەلگەندە، تۇتاس شينجياڭ بويىنشا ءار جىلى قۇمدى ءوڭىر كاسىپ سالاسىنىڭ ءوندىرىس ءونىم قۇنى 4 ميلليارد 170 ميلليون يۋانعا تايايدى ەكەن، قۇمدى - شولگە ساياتىن 93 مانەرلەۋ كاسىپورنىنىڭ جىلدىق مانەرلەۋ قۋاتى ءبىر ميلليون 180 مىڭ تونناعا، ءونىم قۇنى 3 ميلليارد 500 ميلليون يۋانعا جەتەدى. الداعى جەردە، شينجياڭ قۇمدى ءوڭىر كاسىپ سالاسىن دامىتۋدى سۇيەمەلدەۋ ساياساتىن اناعۇرلىم كەمەلدەندىرىپ، قۇمدى تىزگىندەۋ مەن كاسىپ سالالانۋ ءبىرىن - ءبىرى تولىقتايتىن دامۋدى ىلگەرىلەتەدى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
