ىندەتكە ىنتىماقتاسا قارسى اتتانىپ، ۋاقىتتىق قيىندىقتاردى بىرگە جەڭەيىك
− جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىندە سويلەنگەن ارقاۋ ءسوز
(2020 - جىلى 6 - ايدىڭ 17 - كۇنى، بەيجيڭ)
2020.06.19 14:36 كەلۋ قاينارى : شينجياڭ گازەتى
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
قۇرمەتتى رامافوسا زۇڭتۇڭ،
قۇرمەتتى سالل زۇڭتۇڭ،
قۇرمەتتى ءار ەل مەملەكەت باسشىلارى،
ۇكىمەت باسشىلارى،
قۇرمەتتى افريكا وداعى كوميتەتىنىڭ ءتوراعاسى فاكي مىرزا،
قۇرمەتتى بىرلەسكەن مەملەكەتتەر ۇيىمىنىڭ باس حاتشىسى گۋتەرەس مىرزا،
قۇرمەتتى دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى تان دىساي مىرزا،
بۇكىل الەم بولىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ جاتقان ماڭىزدى ساتتە، ءبىز وسى رەتكى جۇڭگو - افريكا ەلباسىلار ەرەكشە كەڭەسىن وتكىزىپ، جاڭا، كونە دوستارمەن بەينەەكران ارقىلى باس قوسىپ، ىندەتكە ىنتىماقتاسا قارسى اتتانۋ ۇلى جوسپارىن بىرگە اقىلداسىپ، جۇڭگو مەن افريكانىڭ باۋىرلاستىق، دوستىق سۇيىسپەنشىلىگىن بىرگە اڭگىمەلەدىك. رامافوسا زۇڭتۇڭنىڭ، سالل زۇڭتۇڭنىڭ مەنىمەن بىرگە وسى رەتكى ءماجىلىستى وتكىزۋدى دارىپتەگەندىگىنە العىس ايتامىن، ارىپتەستەردىڭ ماجىلىسكە قاتىناسقانىنا العىس ايتامىن. ماجىلىسكە قاتىناسا الماعان افريكاداعى ءار ەل باسشىلارىنا دا ىقىلاستى سالەم جولدايمىن!
وسى رەتكى ىندەت توسىن تۋىلىپ، دۇنيە جۇزىندەگى ەلدەرگە اۋىر سوققى اكەلىپ، ءجۇز مىڭداعان ادامنىڭ قىمباتتى ءومىرىن جالمادى. وسى ارادا، مەن ىندەتتە باقىتقا قارسى قازا بولعاندارعا ءۇنسىز ازا ءبىلدىرۋدى ۇسىنامىن، ولاردىڭ تۋىس - تۋعاندارىنان حال سۇرايمىن.
− ىندەت الدىندا جۇڭگو مەن افريكا قاتاڭ سىننان ءوتتى. جۇڭگو حالقى ەرەكشە قاجىرلى قۇلشىنىستار جاساپ، اۋىر بوداۋ بەرۋ ارقىلى ەل ىشىندەگى ىندەتتى تىزگىندەدى، الايدا قايتا بەلەڭ بەرۋ قىسىمىنا ءالى دە ءدوپ كەلىپ وتىر. افريكاداعى ءار ەل ۇكىمەتتەرى مەن حالقى ەل بىرلىگىنەن بەرىك قامال تۇرعىزدى، افريكا وداعى بار كۇشپەن سايكەسىپ، پارمەندى شارالار قولدانىپ، ىندەتتى ءونىمدى تۇردە باسەڭدەتتى، جەتىستىكتەر وڭاي قولعا كەلگەن جوق.
− ىندەت الدىندا جۇڭگو مەن افريكا ءوزارا قولداۋ كورسەتىپ، تىزە قوسا شايقاس جاسادى. جۇڭگو ىندەتكە قارسى اتتانۋدىڭ ەڭ قيىن ساتىندە افريكا قىمباتتى قولداۋ كورسەتتى، ءبىز مۇنى ەستەن شىعارمايمىز. افريكادا ىندەت تۋىلعان سوڭ، جۇڭگو الدىمەن كومەككە اتتانىپ، افريكا حالقىمەن تاباندىلىقپەن بىرگە بولدى.
− ىندەت الدىندا جۇڭگو مەن افريكا ەكى جاق ونان ارى ىنتىماقتاسىپ، دوستىعى، ءوزارا سەنىمى اناعۇرلىم نىعايا ءتۇستى. مەن جۇڭگو جاقتىڭ جۇڭگو مەن افريكانىڭ ءداستۇرلى دوستىعىن قاستەرلەيتىندىگىن، مەيلى حالىقارالىق جاعداي قالاي قۇبىلسا دا جۇڭگو جاقتىڭ جۇڭگو مەن افريكانىڭ ىنتىماعىن، سەلبەستىگىن كۇشەيتۋ بەكىمىنىڭ استە اۋىتقىمايتىندىعىن قايتالاي باسا دارىپتەمەكشىمىن.
ارىپتەستەر!
قازىرگى تاڭدا، ىندەت الەمدە ءالى دە ورشۋدە، جۇڭگو مەن افريكا ىندەتكە قارسى اتتانۋدىڭ، ەكونوميكانى ورنىقتىرۋدىڭ، حالىق تۇرمىسىن قامتاماسىز ەتۋدىڭ جاپالى مىندەتىنە ءدوپ كەلىپ وتىر. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بايلىقتى ءبىر تۇتاس جوسپارلاپ، ىنتىماقتاسا سەلبەسىپ، ەڭ زور قۇلشىنىس ارقىلى حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاپ، ىندەتتىڭ كەرى ىقپالىن ەڭ جوعارى شەكتە تومەندەتۋىمىز كەرەك.
ءبىرىنشى، ءبىز تاباندىلىقپەن قول ۇستاسا ىندەتكە قارسى اتتانۋىمىز كەرەك. جۇڭگو جاق افريكا جاقتىڭ ىندەتكە قارسى اتتانۋ ارەكەتىن ۇزدىكسىز بار كۇشىمەن قولداپ، مەنىڭ دۇنيە جۇزىلىك دەنساۋلىق ساقتاۋ جينالىسىنىڭ اشىلۋ سالتىندا جاريالاعان شارالارىمدى تياناقتاندىرۋدى مىقتى يگەرىپ، افريكا ەلدەرىنە ۇزدىكسىز زاتتىق ماتەريالمەن كومەكتەسەدى، ەمدەۋ ماماندارى گرۋپپاسىن جىبەرەدى، افريكا جاقتىڭ جۇڭگوعا كەلىپ ىندەتكە قارسى زاتتىق ماتەريالدارىن ساتىپ الۋىنا سايكەسەدى، كومەكتەسەدى. جۇڭگو جاق افريكا اۋرۋدان ساقتانۋ - تىزگىندەۋ ورتالىعى باس شتابى قۇرىلىسىن وسى جىل ىشىندە مەزگىلىنەن بۇرىن باستاپ، افريكا جاقپەن بىرگە جۇڭگو - افريكا سەلبەستىگى تالقى مىنبەرى اياسىنداعى ”سالاماتتىق، دەنساۋلىق ساقتاۋ ارەكەتىن“ ويداعىداي اتقارىپ، جۇڭگو - افريكا دوستىق شيپاحاناسى قۇرىلىسىن جانە جۇڭگو مەن افريكانىڭ باعىتتامالى شيپاحانا سەلبەستىگىن جەدەلدەتىپ، جۇڭگو مەن افريكانىڭ دەنساۋلىق ساقتاۋ سالاماتتىق ورتاق تۇلعاسىن بىرگە قۇرادى. جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن زەرتتەپ جاساپ ءارى ىسكە قوسىپ پايدالانۋعا بەرگەن سوڭ، الدىمەن افريكا ەلدەرىن يگىلىككە كەنەلدىرۋگە ۋادە بەرەدى.
ەكىنشى، ءبىز جۇڭگو - افريكا سەلبەستىگىن تاباندىلىقپەن ىلگەرىلەتۋىمىز كەرەك. ىندەتتىڭ سوققىسىن جەڭۋ ءۇشىن، ءبىز ”ءبىر بەلدەۋ، ءبىر جولدى“ بىرگە قۇرۋ سەلبەستىگىن كۇشەيتىپ، جۇڭگو - افريكا سەلبەستىگى تالقى مىنبەرى بەيجيڭ باسشىلار كەڭەسىنىڭ تابىستارىن جەدەل تياناقتاندىرۋىمىز ءارى سەلبەستىكتىڭ ءتۇيىنىن سالاماتتىق، دەنساۋلىق ساقتاۋ، جۇمىستى، ءوندىرىستى قالپىنا كەلتىرۋ، حالىق تۇرمىسىن جاقسارتۋ سالالارىنا قاراي بەيىمدەۋىمىز كەرەك.
جۇڭگو جاق جۇڭگو - افريكا سەلبەستىگى تالقى مىنبەرى اياسىندا قاتىستى افريكا ەلدەرىنىڭ 2020 - جىلدىڭ اياعىندا ۋاقىتى تولاتىن جۇڭگودان العان ءوسىمسىز قارىز اقشاسىن كەشىرىم ەتەدى. جۇڭگو جاق حالىقارالىق قوعاممەن بىرگە ىندەت توتەنشە اۋىر، قىسىم توتەنشە زور بولعان افريكا ەلدەرىن قارىز قايتارۋدى كەشەۋىلدەتۋ ۋاقىتىن ونان ارى ۇزارتۋدى قامتىعان قولداۋ سەرپىنىن كۇشەيتىپ، ولاردىڭ كەزەكتەگى قيىندىقتاردى جەڭۋىنە كومەكتەسۋدى قالايدى. جۇڭگو جاق جۇڭگونىڭ قاتىستى فينانس قۇرىلىمدارىن 20 ەل توبىنىڭ قارىز قايتارۋدى كەشەۋىلدەتۋ باستاماسى بويىنشا بازار پرينسيبىنە ساي افريكا ەلدەرىمەن ساۋدا يەلىك ۇقىعى بويىنشا قارىز اقشا ورنالاستىرۋ جونىندە دوستىق كەڭەس وتكىزۋگە شابىتتاندىرادى. جۇڭگو جاق 20 ەل توبىنىڭ مۇشەلەرىمەن بىرگە 20 ەل توبىنىڭ قارىز قايتارۋدى كەشەۋىلدەتۋ باستاماسىن تياناقتاندىرادى ءارى 20 ەل توبىن قازىرگى قارىز قايتارۋدى كەشەۋىلدەتۋ باستاماسىن تياناقتاندىرۋ نەگىزىندە، افريكا ەلدەرىن قامتىعان قاتىستى ەلدەردىڭ قارىز قايتارۋدى كەشەۋىلدەتۋ شەكتى مەرزىمىن ونان ارى ۇزارتۋعا ۇندەيدى.
جۇڭگو جاق حالىقارالىق قوعامنىڭ، اسىرەسە، دامىعان ەلدەر مەن كوپ جاقتى فينانس قۇرىلىمدارىنىڭ افريكانىڭ قارىزىن جەڭىلدەتۋ، قارىز قايتارۋىن كەشەۋىلدەتۋ ماسەلەسىندە اناعۇرلىم پارمەندى ارەكەت قولدانۋىن ءۇمىت ەتەدى. جۇڭگو جاق افريكا جاقتىڭ تىلەگىنە قۇرمەت ەتۋ نەگىزىندە، بىرلەسكەن مەملەكەتتەر ۇيىمىمەن، دۇنيە جۇزىلىك دەنساۋلىق ساقتاۋ ۇيىمىمەن، سونداي - اق باسقا دا سەرىكتەرمەن افريكانىڭ ىندەتكە قارسى اتتانۋىنا كومەكتەسۋ سەلبەستىگىن ورىستەتۋدى قالايدى.
افريكانىڭ باياندى دامۋدى جۇزەگە اسىرۋىن ىلگەرىلەتۋ − ۇزاق جول. جۇڭگو جاق افريكا قۇرلىعى ەركىن ساۋدا رايونى قۇرىلىسىن قولدايدى، افريكانىڭ ۇلاستىرۋ، تۇتاستىرۋ جانە كاسىپ سالاسى تىزبەگىن، قامداۋ تىزبەگىن قامتاماسىز ەتۋ قۇرىلىسىن كۇشەيتۋدى قولدايدى، افريكا جاقپەن بىرگە سيفرلى ەكونوميكا، زەردەلى قالا، تازا ەنەرگيا، 5G قاتارلى جاڭا كاسىپ كۇيى سەلبەستىگىن بىرگە كەڭەيتىپ، افريكانىڭ دامىپ گۇلدەنۋىن جەبەۋدى قالايدى.
ءۇشىنشى، ءبىز كوپ جاقتىلىقتى تاباندىلىقپەن امالياتتا ايگىلەۋىمىز كەرەك. ىنتىماق، سەلبەستىك − ىندەتكە قارسى اتتانۋداعى ەڭ پارمەندى قارۋ. جۇڭگو جاق افريكا جاقپەن بىرگە بىرلەسكەن مەملەكەتتەر ۇيىمىن وزەك ەتكەن الەمدىك جونگە سالۋ جۇيەسىن قورعاپ، دۇنيە جۇزىلىك دەنساۋلىق ساقتاۋ ۇيىمىنىڭ بۇكىل الەمنىڭ ىندەتكە قارسى اتتانۋىنا اناعۇرلىم زور ۇلەس قوسۋىن قولداۋدى قالايدى. ءبىز ىندەتتى ساياسيلاندىرۋعا، ۆيرۋستى بىرەۋگە تاۋەلدەۋگە قارسى تۇرامىز، ناسىلدىك كەمسىتۋگە جانە يدەولوگيالىق سىڭار جاقتىلىققا قارسى تۇرامىز، حالىقارالىق ادىلدىك پەن تۋراشىلدىقتى تاباندىلىقپەن قورعايمىز.
ءتورتىنشى، ءبىز جۇڭگو - افريكا دوستىعىن تاباندىلىقپەن ىلگەرىلەتۋىمىز كەرەك. بۇگىنگى دۇنيە ءجۇزى ءجۇز جىلدا بولماعان زور وزگەرىستى باستان كەشىرۋدە. جاڭا وراي مەن سىن - سايىستار الدىندا، جۇڭگو مەن افريكا سەلبەستىكتى كۇشەيتۋدى ءارقانداي كەزدەگىدەن دە كوپ قاجەت ەتەدى. مەن ارىپتەستەرمەن تىعىز بايلانىستى ساقتاپ، دوستىقتى، ءوزارا سەنىمدىلىكتى نىعايتىپ، ءبىر - ءبىرىنىڭ وزەكتى مۇددەسىنە ساياتىن ماسەلەدە ءبىرىن - ءبىرى قولداپ، جۇڭگو مەن افريكانىڭ جانە وركەندەپ كەلە جاتقان ەلدەردىڭ ءتۇبىرلى مۇددەسىن بىرگە قورعاپ، جۇڭگو مەن افريكانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جوعارى دەڭگەيدە دامۋىن ىلگەرىلەتۋدى قالايمىن.
ارىپتەستەر!
ءبىز جۇڭگو - افريكا سەلبەستىگى تالقى مىنبەرى بەيجيڭ باسشىلار كەڭەسىندە جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ءبىر اۋىزدان ۇيعاردىق. بۇگىن ءبىزدىڭ ىندەتكە ىنتىماقتاسا قارسى اتتانۋ جونىندەگى ەلباسىلارى ەرەكشە كەڭەسىن اشۋداعى ماقساتىمىز − بەيجيڭ باسشىلار كەڭەسىندەگى ۋادەنى ءىس جۇزىندىك ارەكەت ارقىلى امالياتتا ايگىلەۋ ءارى حالىقارالىق قوعامنىڭ ىندەتكە قارسى اتتانۋ سەلبەستىگىنە كۇش قوسۋ. مەن ادامزاتتىڭ ىندەتتى، ءسوزسىز، جەڭەتىندىگىنە، جۇڭگو، افريكا حالىقتارىنىڭ دا، ءسوزسىز، اناعۇرلىم كوركەم تۇرمىس كەشىرەتىندىگىنە سەنەمىن.
راقىمەت.(شينحۋا اگەنتتىگىنىڭ 6 - ايدىڭ 17 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
