تاريحتىڭ دۇرىس جاعىندا تۇرايىق
− ءتوراعا شي جينپيڭنىڭ بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعى جەلىلەس باسشىلار باس قوسۋىنا قاتىناسقاندىعىنىڭ 5 جىلدىعى بايلانىسىمەن
شينحۋا اگەنتتىگىنىڭ تىلشىلەرى
2020.09.23 16:39 كەلۋ قاينارى : شينجياڭ گازەتى
بىرلەسكەن مەملەكەتتەر ۇيىمىنىڭ ”قۇتتى جىلى“ تاعى كەلىپ جەتتى. ءتوراعا شي جينپيڭ ۇسىنىسپەن بەينە ەكران فورماسىندا بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جەلىلەس جوعارى دارەجەلىلەر ماجىلىسىنە قاتىناسىپ، ءار ەل باسشىلارىمەن ”بۇلتتا“ دۇنيە ءجۇزىنىڭ بەيبىتشىلىگى مەن دامۋ ۇلى جوسپارىن بىرگە اقىلداستى.
ەرەكشە جىل، ەرەكشە باس قوسۋ بولدى. 2015 - جىلى 9 - ايعا قايىرىلا قاراساق، ءتوراعا شي جينپيڭ نيۋ - يوركتە بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعى جەلىلەس باسشىلار باس قوسۋىنا قاتىناسقاندا ادامزات تاعدىرلاس ورتاق تۇلعا ۇستانىمىن جان - جاقتى بايىمداپ، بەيبىتشىلىكتى جەبەيتىن، دامۋدى كوزدەيتىن ءبىر قىدىرۋ دارىپتەمە شارالارىن العا قويىپ، بىرلەسكەن مەملەكەتتەر ۇيىمى تاريحىندا تەرەڭ جۇڭگو بەلگىسىن قالدىردى.
5 جىلدان بەرى، بۇكىل الەمدە سايىس تولاسسىز تۋىلىپ، دۇنيە ءجۇزى جاعدايى جەدەل قۇبىلىپ، ادامزات تاعدىرلاس ورتاق تۇلعا ۇستانىمى ءداۋىر تولقىنىنا ىلەسىپ، ۇزدىكسىز مولايىپ، دامىپ، ۋاقىتتىڭ سىناعىنان ءوتىپ، جۇرت جۇرەگىنە تەرەڭ ۇيالادى.
ءوزىن ۇستەم ورىنعا قويۋ، وزىمشىلدىك، پايداكوستىك حالىقارالىق سەلبەستىككە سىن - سايىس اكەلگەن جاعدايدا، ”توپتان شەگىنۋ“، ”شارت بۇزۋ“، سىڭار جاقتىلىقپەن جازالاۋ حالىقارالىق زاڭمەن جونگە سالۋدى بۇلدىرگەن جاعدايدا، جۇڭگو جاۋاپكەرشىلىك ارقالاۋدى ايگىلەپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، تىلدەسۋ - كەڭەسۋ، ءوزارا تيىمدىلىك جەتكىزىپ، تەڭ يگىلىككە كەنەلۋ سەلبەستىك تۇعىرىن بەلسەنە ورناتىپ، تاباندىلىقپەن دۇنيە ءجۇزىنىڭ بەيبىتشىلىگىن قۇرۋشى، الەمدىك دامۋعا ۇلەس قوسۋشى، حالىقارالىق ءتارتىپتى قورعاۋشى بولدى.
”بۇگىنگى دۇنيە جۇزىندە ءار ەل ءبىر - ءبىرىن سۇيەنىش ەتەدى، تاعدىر - تىنىسى ءبىر. ءبىز بىرلەسكەن مەملەكەتتەر ۇيىمى ۋستاۆىنىڭ باستى ماقساتى مەن پرينسيبىنە مۇراگەرلىك ەتىپ جانە اسقاقتاتىپ، سەلبەسىپ تەڭ يگىلىككە كەنەلۋدى وزەك ەتكەن جاڭاشا حالىقارالىق قارىم - قاتىناستى ورناتىپ، ادامزاتتىڭ تاعدىرلاس ورتاق تۇلعاسىن قالىپتاستىرۋىمىز كەرەك“. 2015 - جىلى بىرلەسكەن مەملەكەتتەر ۇيىمىنىڭ 70 - كەزەكتى جينالىسىنىڭ جاي تالقىسىنا قاتىناسقاندا، ءتوراعا شي جينپيڭ دۇنيە جۇزىنە ”سەلبەسىپ تەڭ يگىلىككە كەنەلەتىن جاڭا سەرىكتەردەن بولىپ، ادامزاتتىڭ تاعدىرلاس ورتاق تۇلعاسىن ءبىر نيەتپەن قۇرۋ“ سىندى جۇڭگو دارىپتەمەسىن العا قويدى.
وتكەن 5 جىلعا قايىرىلا قاراساق، ادامزاتتىڭ تاعدىرلاس ورتاق تۇلعاسىن قۇرۋ سىندى وسى ءبىر ايبىندى ءىس بەينە ومىرشەڭ اعاش ىسپەتتى ءداۋىر توپىراعىنان ءنار الىپ، دۇنيە ءجۇزىنىڭ ءار جەرىندە تامىر تارتىپ، وركەن جايىپ، كۇن سايىن قاۋلاپ ءوسىپ كەلەدى.
سەرىكتەستىك قارىم - قاتىناس، حاۋىپسىزدىك ارناسى، ەكونوميكالىق دامۋ، وركەنيەت اۋىس - كۇيىسى، ەكولوگيالىق قۇرىلىس سىندى 5 ولشەم ادامزاتتىڭ تاعدىرلاس ورتاق تۇلعاسىن قۇرۋدىڭ امالياتتىق جولىن تولىق كورسەتىپ بەردى.
− 5 جىلدان بەرى جۇڭگو دۇنيە جۇزىمەن بىرگە تىزە قوسا العا باسىپ، ”قارسىلاسۋ ەمەس، قايتا كەڭەسۋ، وداقتاسۋ ەمەس، قايتا سەرىكتەسۋ“ سىندى مەملەكەت پەن مەملەكەتتىڭ قارىم - قاتىناس جاساۋداعى جاڭا جولىن اشتى.
− 5 جىلدان بەرى جۇڭگو دۇنيە جۇزىمەن حاۋىپسىزدىك پەن قاتەردى بىرگە وتكەرىپ، جالپى بەتتىك حاۋىپسىز دۇنيە ءجۇزىن قۇرۋ ءۇشىن كۇش قوستى.
− 5 جىلدان بەرى جۇڭگو دۇنيە جۇزىندەگى ءار ەلمەن بىرگە ”دامۋ“ سىندى كىلتتى مىقتاپ ۇستاپ، تەڭ، اشىق، جان - جاقتى، جاڭالىق اشقان دامۋ جولىن اشتى.
− 5 جىلدان بەرى جۇڭگو دۇنيە جۇزىمەن بىرگە تاماشا كوركەمدىكتەن ورتاقتاسىپ، تۇرلىشە وركەنيەتتەر اۋىس - كۇيىس جاساعان، ءبىر - بىرىنەن ۇلگى العان، توعىسقان اسەرلى كارتينانى سالدى.
− 5 جىلدان بەرى جۇڭگو دۇنيە جۇزىمەن بىرگە مەكەندى بىرگە قورعاپ، تازا دا كوركەم دۇنيە ءجۇزىن قۇرۋ ءۇشىن ۇدەرە العا تارتتى.
”ۇلى قاعيدالار قاراپايىم كەلەدى، ناقتى ىستەۋ ەڭ ماڭىزدى“. ادامزاتتىڭ تاعدىرلاس ورتاق تۇلعاسىن قۇرۋ ارەكەت بەتالىسى عانا ەمەس، ونان دا ماڭىزدىسى، ارەكەتتىڭ كۇشى.
بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى بولعان ەرەكشە تاريحي تۇيىندە تۇرعان ساتتە، ءتوراعا شي جينپيڭنىڭ 2020 - جىلى جاڭا جىلدى قۇتتىقتاۋ سوزىندەگى مىنا ءبىر اۋىز ءسوزى ەسىمىزدەن كەتپەيدى: ”تاريح وزەنى دامىلسىز اعۋدا، تىنىش كىلكىپ اعاتىن ساتتەرى دە، تولقىندانىپ وركەشتەنە اعاتىن ساتتەرى دە بولادى. ءبىز بوران - شاشىننان قورىقپايمىز، حاۋىپ - قاتەر، كەدەرگىلەردەن دە تايسالمايمىز. جۇڭگو بەيبىت دامۋ جولىمەن بۇلجىماي جۇرەدى، دۇنيە ءجۇزىنىڭ بەيبىتشىلىگىن بۇلجىماي قورعايدى، بىرگە دامۋدى جەبەيدى“.
ادامزات تاعدىرلاس ورتاق تۇلعاسىنىڭ يدەيالىق ساۋلەسىن جارقىراتىپ، بوران - شاشىننان قورىقپاۋىمىز، حاۋىپ - قاتەر، كەدەرگىلەردەن تايسالماۋىمىز كەرەك. ادامزاتتىڭ بولاشاعى مەن تاعدىرى ماڭىزدى تالعامعا ءدوپ كەلگەن شەشۋشى ساتتە، جۇڭگو تاريحتىڭ دۇرىس جاعىندا تۇرادى ءارى باستان - اياق تۇرا بەرەدى.
(تىلشىلەر حاۋ ۋيۋي، شاڭ جيڭ، ساۋ شياۋفان، حۋاڭيىن جيازى، چىن شان، ۋاڭ ياچىن، جين جىڭ، داڭ چي، ۋاڭ جيانگاڭ، چىن جۇنشيا)
(شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
