دۇنيە جۇزىنە جۇڭگو ۇستانىمىن، جۇڭگو رۋحىن، جۇڭگو جولىن اناعۇرلىم ويداعىداي كورسەتەيىك
− باس شۋجي شي جينپيڭنىڭ پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
2020.11.16 16:18 كەلۋ قاينارى : شينجياڭ گازەتى
”اناعۇرلىم جوعارى دەڭگەيدە رەفورما جاساۋدىڭ، ەسىك اشۋدىڭ جول اشار اۆانگاردى، جاپپاي سوتسياليستىك وسىزاماندانعان مەملەكەت قۇرۋدىڭ اتويشىسى، ’ءتورت سەنىمدى‘ ايگىلەۋدىڭ امالياتتىق ۇلگىسى بولۋعا قۇلشىنىپ، دۇنيە جۇزىنە جۇڭگو ۇستانىمىن، جۇڭگو رۋحىن، جۇڭگو جولىن اناعۇرلىم ويداعىداي كورسەتۋ كەرەك“. پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىندا باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايىن تياناق ەتىپ، پۋدۇڭنىڭ جاڭا ساپاردا جوعارى دەڭگەيدە رەفورما جاساۋدى، ەسىك اشۋدى ىلگەرىلەتۋى جونىندە ايقىن تالاپ قويدى.
كەزەكتە، دۇنيە ءجۇزى جاعدايى جەدەل قۇبىلىپ، حالىقارالىق جاعدايداعى ورنىقسىزدىق، تۇراقسىزدىق كورنەكتى جوعارىلادى، بۇدان بىلايعى ءبىر مەزگىلدە ءبىز اناعۇرلىم كۇردەلى دە وزگەرىسكە تولى سىرتقى ورتاعا ءدوپ كەلەمىز. جاڭا جاعداي جاڭا جاۋاپكەرشىلىك ارقالاۋدى قاجەت ەتەدى، جاڭا ىسكەرلىك كورسەتۋگە ۇندەيدى. اناعۇرلىم اشىق ۇستاۋ شارت - جاعدايىندا اناعۇرلىم جوعارى ساپالى دامۋدى جۇزەگە اسىرۋدا پۋدۇڭنىڭ بورىشى داڭقتى، جاۋاپكەرشىلىگى اۋىر. باس شۋجي شي جينپيڭ بىلاي دەپ تەرەڭ اتاپ كورسەتتى: ”جاڭا ساپاردا ءبىز پۋدۇڭنىڭ جاڭا تاريحي ورنى مەن بورىشىن جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى، دۇنيە جۇزىندە 100 جىلدا بولماعان زور وزگەرىس سىندى ەكى كەلەلى جاعداي اياسىنا قويىپ جوسپارلاۋىمىز، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ اياسىنا قويىپ ويلاستىرۋىمىز جانە جوسپارلاۋىمىز، وزگەرىستى ءدال تانۋىمىز، وزگەرىسكە عىلمي توتەپ بەرۋىمىز، ىرىقتىلىقپەن وزگەرىسكە ۇمتىلۋىمىز، داعدارىس ىشىندە ىڭعايلى وراي جەتىلدىرۋىمىز، وزگەرىس ىشىندە جاڭا جاعداي اشۋىمىز كەرەك“. پۋدۇڭ كەلەلى جاعدايدى تياناق ەتىپ، جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىن قالىپتاستىرۋعا قىزمەت وتەپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەڭ اۋىر جۇكتى جۇرەكتىلىكپەن ارقالاپ، ەڭ ماشاقاتتى تۇيىندەردى شەشىپ، پارتيا مەن حالىقتىڭ تىلەگىن جانە ماڭىزدى تاپسىرماسىن ورىنداۋ كەرەك.
جاڭالىق اشۋ قوزعالتقىشىن بار كۇشپەن كۇشەيتىپ، ءوز كۇشىنە سۇيەنىپ جاڭالىق اشۋدىڭ جاڭا بيىگىن قالىپتاستىرۋ؛ رەفورمانىڭ جۇيەلى جيناقتالۋىن كۇشەيتىپ، جوعارى ساپالى دامۋدىڭ جاڭا قوزعاۋشى كۇشىن جانداندىرۋ؛ جوعارى دەڭگەيدە، تۇزىمدىك تيپتە ەسىك اشۋدى ىشكەرىلەي ىلگەرىلەتىپ، حالىقارالىق سەلبەستىك پەن باسەكەدەگى جاڭا باسىمدىقتى كوبەيتىپ اشۋ؛ الەمدىك بايلىقتاردى جايعاستىرۋ قابىلەتىن نىعايتىپ، جاڭا دامۋ ارناسىن قۇرۋعا قىزمەت وتەۋ؛ قالانى جونگە سالۋدى وسىزامانداندىرۋ دەڭگەيىن جوعارىلاتىپ، حالىق قالاسىن قۇرۋدىڭ جاڭا بەينەسىن اشۋ كەرەك. باس شۋجي شي جينپيڭنىڭ پۋدۇڭ جونىندە ورتاعا قويعان وسى 5 جاقتاعى كەلەلى مىندەتتەر مەن نىسانا - تالاپتارى ەكى كەلەلى جاعدايدى ءبىر تۇتاس جوسپارلاپ، ەلىمىزدىڭ دامۋداعى ءىس جۇزىندىگىن تياناق ەتىپ شىعارعان ستراتەگيالىق تولعانىسى جانە جوباسى. ءسوز جوق، مىنانى تەرەڭ تانىپ جەتۋ كەرەك: ەلىمىزدىڭ ەكونوميكالىق، قوعامدىق دامۋى عىلىم - تەحنيكالىق شەشۋ جوبالارىن وتكەندەگى ءارقانداي كەزدەگىدەن اناعۇرلىم قاجەت ەتەدى، جاڭالىق اشۋ سىندى ءبىرىنشى قوزعاۋشى كۇشتى كۇشەيتۋدى اناعۇرلىم قاجەت ەتەدى؛ ەلىمىزدىڭ جاڭا دامۋ ساتىسىنا قادام تاستاۋىنا ىلەسە، رەفورمانى جاپپاي تەرەڭدەتۋ ارقىلى قوزعاۋشى كۇش ۇستەپ، سەرپىلىس جاساۋعا ۇمتىلىپ، نازاردى نەگىزدىك جانە ەلەۋلى جەتەكتەۋ رولىنا يە رەفورما شارالارىنا شوعىرلاندىرىپ، ءار جاقتاعى تۇزىمدەردىڭ اناعۇرلىم كەمەلىنە كەلۋىن، اناعۇرلىم تۇلعالانۋىن ىلگەرىلەتۋ قاجەت؛ سىرتقا ەسىك اشۋ ەلىمىزدىڭ نەگىزگى مەملەكەت ساياساتى، ءارقانداي ۋاقىتتا دا اۋىتقۋعا بولمايدى، ەسىكتى ايقارا اشىپ، ءارقايسى ەلدەردىڭ جۇڭگونىڭ دامۋ ورايىنان بىرگە يگىلىكتەنۋىن قارسى الىپ، الەمدىك ەكونوميكانى جونگە سالۋعا بەلسەنە ات سالىسۋ كەرەك؛ جاڭا دامۋ ارناسىن جەدەل قالىپتاستىرۋدا ەل ءىشى، حالىقارا ەكى بازاردى، ەكى ءتۇرلى بايلىقتى ءتىپتى جاقسى ءبىر تۇتاس جوسپارلاپ، بايلىقتاردى جايعاستىرۋ قابىلەتىن نىعايتىپ، قارجى، ينفورماتسيا، تەحنيكا، دارىندى، زات سياقتى فاكتورلاردى جايعاستىرۋدىڭ الەمدىك ىقپالىن جوعارىلاتۋ كەرەك؛ قالا − ادامدار شوعىرلى تۇرمىس كەشىرەتىن جەر، قالا قۇرىلىسى، ءسوز جوق، حالىقتىڭ جايلى قونىستانۋىن، الاڭسىز تۇرۋىن ماڭداي الدى ورىنعا قويىپ، ەڭ جاقسى بايلىقتى حالىققا قالدىرۋى كەرەك. جاڭا باستامادا تۇرعان پۋدۇڭ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا ۇدەرە العا باسىپ، اناعۇرلىم تەرەڭ قاتپارلى رەفورمانى، اناعۇرلىم جوعارى دەڭگەيدە ەسىك اشۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋ كەرەك.
دۇنيە جۇزىنە جۇڭگو ۇستانىمىن، جۇڭگو رۋحىن، جۇڭگو جولىن اناعۇرلىم ويداعىداي كورسەتۋدە پۋدۇڭ ۇلكەن ىسكەرلىك كورسەتىپ، ۇلكەن ىستەر تىندىرا الادى. جاڭالىق اشۋ جاعىندا، نەگىزدىك عىلىم - تەحنيكا سالاسىندا ۇلكەن جاڭالىقتار اشىپ، شەشۋشى، وزەكتى تەحنيكالار سالاسىندا ۇلكەن سەرپىلىس جاساپ، عىلىم - تەحنيكادا جاڭالىق اشۋدىڭ وشاقتىق يقۋاتىن اناعۇرلىم ويداعىداي ساۋلەلەندىرۋ كەرەك. رەفورما جاساۋ جاعىندا، رەفورمانىڭ جۇيەلى، جيناقى، سايكەسىمدى، جوعارى ءونىمدى بولۋى جاعىندا الدىمەن سىناق ەتىپ، تاجىريبەنى قولعا كەلتىرىپ، جالپىلىق سيپاتتى رەفورمالاردى تۇيىندە سىناق ەتۋدى قاراستىرىپ جانە ورىستەتىپ، ماڭىزدى سالالار مەن شەشۋشى بۋىندارداعى رەفورمالاردى ءبىر تۇتاس جوسپارلاپ ىلگەرىلەتىپ، بازارلانعان، زاڭمەن جونگە سالىناتىن، حالىقارالانعان بىرەگەي شارۋاشىلىق - ساۋدا ورتاسىن قالىپتاستىرۋ كەرەك. ەسىك اشۋ جاعىندا، قاعيدا، ەرەجە، باسقارۋ، ولشەم سياقتى تۇزىمدىك تيپتە ەسىك اشۋدى كۇش سالا ىلگەرىلەتىپ، جوعارى دەڭگەيلى تۇزىمدىك قامداۋ، جوعارى ساپالى ونىممەن قامداۋ، جوعارى ونىمدىلىكتى قارجىمەن قامداۋدى ازىرلەپ، حالىقارالىق سەلبەستىك پەن باسەكەگە اناعۇرلىم ويداعىداي قاتىناسۋ كەرەك. جاڭا دامۋ ارناسىن قالىپتاستىرۋعا قىزمەت وتەۋ جاعىندا، ەل ءىشى ۇلكەن اينالىمىنىڭ ورتالىق ءتۇيىنى جانە ەل ءىشى، حالىقارا قوس اينالىمىنىڭ ستراتەگيالىق جالعاۋشىسى بولۋعا قۇلشىنىپ، چاڭجياڭ اتىراۋىن ءبىر تۇلعالاندىرا دامىتۋدا باستاماشىلىق ەتۋ، شارپۋ رولىن ءتىپتى جاقسى ساۋلەلەندىرۋ كەرەك. قالانى جونگە سالۋ جاعىندا، قالانىڭ جونگە سالۋ دەڭگەيىن جوعارىلاتىپ، جونگە سالۋ تاسىلىندە، جونگە سالۋ ۇلگىسىندە، جونگە سالۋ ۇستانىمىندا جاڭالىق اشۋدى ىلگەرىلەتىپ، زەردەلى قالانى جەدەل قۇرىپ، ەكونوميكالىق جونگە سالۋدى، قوعامدىق جونگە سالۋدى، قالانى جونگە سالۋدى ءبىر تۇتاس جوسپارلاپ ىلگەرىلەتەتىن جانە ورگانيكالى ۇشتاستىراتىن جونگە سالۋ جۇيەسىن باستاماشىلدىقپەن ورناتۋ كەرەك.
”وق تەسكەن قورعاندار توڭكەرىستىك سوعىس جەڭىسىنىڭ كۋاسى، سوندىقتان دا اناعۇرلىم كوركەم كورىنەدى“. پارتيا ورتالىق كوميتەتى «پۋدۇڭ جاڭا رايونىنىڭ جوعارى دەڭگەيدە رەفورما جاساپ، ەسىك اشۋىن، سوتسياليستىك وسىزامانداندىرۋ قۇرىلىسىندا جەتەكشى رايون قالىپتاستىرۋىن قولداۋ جونىندەگى پىكىردى» جاساپ، پۋدۇڭ جاڭا رايونىنىڭ رەفورما جاساۋىنا، ەسىك اشۋىنا تىڭ دا كەلەلى مىندەت جۇكتەۋدى اقىلداسۋدا. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، ورايدى مىقتى يگەرىپ، جاڭا ءداۋىردىڭ ايبىندى شىعىس جەلىنىڭ جەتەگىندە، جىگەردى بارىنشا جانىپ، باعداردى مىقتى يگەرىپ، كۇش سالا تالپىنسا، پۋدۇڭ، ءسوز جوق، جاڭا داۋىردەگى جۇڭگو دامۋىنىڭ ءساليقالى ساپارىندا الىسقا جەلكەن كوتەرىپ، تىڭ، اناعۇرلىم ۇلكەن كەرەمەتتەر جاراتا الادى.(شينحۋا اگەنتتىگىنىڭ 11 - ايدىڭ 14 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
