- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىزدىڭ ءىسلام ءدىنى سالاسىنداعى قايراتكەرلەر: مۇسىلماندارعا ورتا جول يدەياسىمەن جەتەكشىلىك ەتىپ، يماندى، ۇستامدى بولىپ، ۇشقارىلىقتى تەجەيىك
2014.05.19 10:20 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 15 - مامىردا ۇرىمجىدەن بەرگەن حابارى. جۇڭگو ءىسلام ءدىنى قوعامى 14 - مامىردان 15 - مامىرعا دەيىن شينجياڭنىڭ ءۇرىمجى قالاسىندا «ورتا جولدان اۋىتقىماۋ، اسىرە سىلتەۋدەن اۋلاق بولۋ» تاقىرىبىندا ءىسلام ءدىنىنىڭ ورتا جول يدەياسى جونىندە عىلمي تالقى جينالىسىن اشتى. جينالىسقا ءارقايسى ولكە، اۆتونوميالى رايون، قالالارداعى ءىسلام ءدىنى قوعامىنىڭ جاۋاپتىلارى مەن ايگىلى مولدالار سياقتى 100نەشە ءدىني قايراتكەر مەن مامان، وقىمىستى قاتىناسىپ، ءىسلام دىنىندەگى وتانشىلدىق، جاراسىمدىلىق، بەرەكە - بىرلىك سياقتى ورتا جول يدەياسىنىڭ نەگىزگى رۋحىن بايىمداپ، ءدىني ۇشقارىلىقتىڭ شاتپاقتارىنا قاتاڭ تويتارىس بەرىپ، زورلىقتى كۇش لاڭكەستىك ارەكەتىن قاتاڭ جازعىردى.
جينالىس «ورتا جولدان اۋىتقىماۋ، اسىرە سىلتەۋدەن اۋلاق بولۋ» دەگەن اتپەن ۇندەۋ حات ماقۇلداپ، مۇسىلمانداردى ورتا جولدان اۋىتقىماي، يماندى، ۇستامدى بولىپ، ۇشقارىلىقتى تەجەپ، ۇلتتار ىنتىماعىن قورعاۋعا، دىندەر جاراسىمدىلىعىن جەبەۋگە، جۇڭحۋا ۇلتىنىڭ ۇلى گۇلدەنۋىن ىسكە اسىرۋعا تيەسىلى ۇلەس قوسۋعا شاقىردى.
جۇڭگو ءىسلام ءدىنى قوعامىنىڭ باستىعى چىن گۋاڭيۋان بىلاي دەدى: وسى رەتكى عىلمي تالقى جينالىسىنىڭ نەگىزگى ماقساتى ەلدىڭ ءىشى - سىرتىنداعى مۇسىلمان جاماعاتىنىڭ ورتا جول يدەياسىنىڭ رۋحى جونىندەگى بىرەگەي بايىمدارىن تالقىعا سالىپ، ءىسلام ءدىنىنىڭ يماندىلىقتى دارىپتەپ، ورتا جولدان اۋىتقىمايتىن تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، مۇسىلمانداردى ءىسلام ءدىنىنىڭ ناقتى مازمۇنىن ءبىلىپ، ورتا جولدان اۋىتقىماي، اسىرە سىلتەۋدەن اۋلاق بولىپ، بەيبىتشىلىكتى دارىپتەپ، زورلىقتى كۇشكە قارسى تۇرۋعا تاربيەلەپ جانە جەتەكتەپ، مۇسىلمانداردىڭ ىشكى بەرەكە - بىرلىگى مەن جاراسىمدىلىعىن نىعايتىپ، مۇسىلماندار مەن مۇسىلمان ەمەستەردىڭ تاتۋ دوستىعىن تەرەڭدەتىپ، جۇڭگو مۇسىلماندارىن ورتا جولدى ۇستانۋعا جەتەكتەپ، ءىسلام ءدىنىنىڭ ءداستۇرىن ساقتاپ، ءىسلام ءدىنى مەن مۇسىلمانداردىڭ تاماشا وبرازىن قورعاۋ.
2 كۇن ۋاقىتپەن وتكەن عىلمي تالقى جينالىسىندا، جينالىسقا قاتىناسقاندار ءبىر اۋىزدان بىلاي دەپ قارادى: ورتا جول يدەياسى، اتاپ ايتقاندا، حاق جولى −ءىسلام ءدىنىنىڭ ماڭىزدى بوگەنايى، مۇسىلمانداردىڭ ءدىني عيبادات پەن قوعامدىق ومىردە بويسۇنۋعا ءتيىستى نەگىزگى ولشەمى. ورتا جول يدەياسى، باستىسى، اللانى تانىپ، ادامدى ءسۇيۋ، تۋرا جولدان تايماي، ءوزىن تازا ۇستاۋ، كەڭ پەيىل، كەشىرىمدى بولۋ، بەيبىتشىلىك پەن دوستىقتى جاقتاۋ، ادىلەتتى بولۋ، ءومىردى قادىرلەۋ، نەگىزسىز ءپاتۋاعا، شەكتەن اسىرۋ مەن شامادان تىس ازايتۋعا قارسى تۇرۋ سياقتى جاقتاردا بەينەلەنەدى.
مەملەكەتتىك ءدىن ىستەرى مەكەمەسىنىڭ باستىعى ۋاڭ زو - ان ماجىلىسكە قاتىناستى جانە ارناۋ ءسوز سويلەدى. ول بىلاي دەدى: ءدىني ۇشقارى يدەيالاردىڭ كورسەتكەن قىرىنا سايكەس، ءىسلام ءدىنى سالاسىنداعى قايراتكەرلەر مەن مۇسىلماندار ەرەكشە قىراعى بولىپ، وعان ءار ۇلت حالقىمەن بىرگە قارسى تۇرىپ، ونىڭ الىنەن اسۋىنا جول بەرمەۋ كەرەك. مۇسىلماندار ورتا جولدى ۇستانىپ، مەملەكەت تانىمىن، زاڭ تانىمىن، ازامات تانىمىن جانە زامانا تانىمىن ورناتىپ، وتاندى سۇيەتىن، زاڭعا بويسۇناتىن ءمۇھمين بولۋى كەرەك. ءىسلام ءدىنى سالاسىنداعى قايراتكەرلەر جاۋاپكەرشىلىك ارقالاپ، باس شۋجي شي جينپيڭنىڭ تالابى بويىنشا، اقيقاتتى جاقتاپ، تۇرعىنى بەرىكتەپ، ءىسلام ءدىنىنىڭ ءداستۇرلى قاعيدالارىنا نەگىزدەلىپ، ءدىني ۇشقارى يدەيالارعا قيسىنمەن، دالەلمەن تويتارىس بەرىپ، مۇسىلمانداردىڭ پارىقتاۋ قابىلەتىن ارتتىرۋىنا كومەكتەسۋى كەرەك.
شينجياڭ ۇيعۇر اۆتونوميالى رايوندىق ءىسلام ءدىنى قوعامىنىڭ باستىعى ابىلەتىپ ابدىرەيىم بىلاي دەدى: «ءۇش ءتۇرلى كۇش» ءدىندى جەلەۋ ەتىپ، ءداستۇرلى ءدىن قاعيدالارىن بۇرمالاپ، ءدىني ۇشقارى يدەيالار تاراتتى. ولاردىڭ ارەكەتى قاسيەتتى دىنىمىزگە جات جانە ۇلتتار ىنتىماعىن ءبۇلدىرىپ، قوعام ورنىقتىلىعىنا اۋىر حاۋىپ توندىرەدى. ءار رەت زورلىقتى كۇش لاڭكەستىك وقيعالارىنان كەيىن، اۆتونوميالى رايوندىق ءىسلام ءدىنى قوعامى دەر كەزىندە مالىمدەمە جاريالاپ، تۇرعىنى دۇرىستاپ، ايقىن پوزيتسيا ءبىلدىرىپ، «ءۇش ءتۇرلى كۇشتىڭ» تەرىس ۋاعىزدارىنا قاتاڭ سىن ايتىپ، مۇسىلمانداردى ءدىندى جەلەۋ ەتكەن لاڭكەستەرمەن باتىل كۇرەس جۇرگىزۋگە باستاپ كەلدى.
ىشكەرىلەي تالقىلاۋ ارقىلى جينالىسقا قاتىناسقاندار ماڭىزدى ورتاق تانىمعا كەلدى ءارى بۇكىل ەلىمىزدىڭ ءىسلام ءدىنى سالاسىنداعى قايراتكەرلەر مەن مۇسىلماندارعا: ورتا جول يدەياسى ارقىلى يماندى كەمەلدەندىرىپ، ورتا جول يدەياسىنىڭ باي مازمۇنىن جەتە ءتۇسىنىپ، ورتا جول يدەياسىن كۇندەلىكتى ءدىني وقۋ، ۋاعىز ايتۋ جانە ءدىني قيمىلدار بارىسىندا دايەكتىلەندىرىپ، تافريت پەن يفراتتان ۇزاق تۇرىپ، ورتا جولدان اۋىتقىماي، يمانى كامىل مۇسىلمان بولۋ؛ ءسوز - ارەكەتتە ورتا جولدى ۇستانىپ، جۇڭگو ءىسلام ءدىنىنىڭ ورتا جول رۋحىنا مۇراگەرلىك ەتىپ جانە ونى ساۋلەلەندىرىپ، ونى كۇندەلىكتى ءسوز - ارەكەت پەن قوعامدىق ومىردە دايەكتىلەندىرۋگە تاباندى بولىپ، وتاندى سۇيەتىن، زاڭعا بويسۇناتىن، ادىلەتتى، تۋراشىل، يماندى، ىزگى، ەكى دۇنيەدە ءجۇزى جارىق، تاقۋا مۇسىلمان بولۋ؛ ورتا جولدىڭ كۇشى ارقىلى اسىرە سىلتەۋدەن اۋلاق بولىپ، دۇرىس پەن بۇرىستى ايقىن ايىرىپ، ادىلەتتىلىكتەن جازباي، ۇشقارىلىقتى تەجەپ، زورلىقتى كۇشكە قارسى تۇرىپ، «ءۇش ءتۇرلى كۇشتىڭ» قاسكۇنەمدىگى مەن قارا نيەتىن جىعا تانىپ، جازىقسىز جانداردى ءولتىرۋ اللانىڭ قاھارىنا جولىقتىراتىن قىلمىستىق ارەكەت ەكەندىگىن جىعا تانىپ، مەيىرىمدى مۇسىلمان بولۋ؛ ورتا جولدىڭ قاسيەتىن ايگىلەپ، ورتا جول رۋحىن بارىنشا ساۋلەلەندىرىپ، اللانى تانىپ، ادامدى سۇيەتىن، كەشىرىمدى، قامقور، تىنىشتىق پەن دوستىقتى سۇيەتىن، سابىرلى، كىشى پەيىل مۇسىلمان بولۋ، بۇكىل ەلىمىزدەگى ءار ۇلت حالقىمەن بىرگە ىنتىماقتى، بەرەكەلى، بەيبىت، جاراسىمدى قوعام قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالىقپاي كۇرەس جۇرگىزۋ دەگەن مازمۇندا ۇندەۋ حات جاريالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
