- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الەم كەڭ، شاماسى جەتكەن شارلايدى
2015.04.21 10:49 كەلۋ قاينارى : حالىق تورابى
جۋىردا ءبىر ورتا مەكتەپ مۇعالىمىنىڭ حانزۋشا ون ارىپپەن جازىلعان «الەم وسىنشاما كەڭ، شارلاپ كورگىم كەلەدى» دەگەن مازمۇنداعى قىزمەتتەن بوساۋ ءوتىنىشى عالامتوردى كەزىپ كەتتى. تالايدى تاڭداندىرعان بۇل ءوتىنىش يەسىنىڭ تالابىن مەكتەپ باستىعى دا تويتارماعان كورىنەدى. ولكەلىك ءتۇيىندى ورتا مەكتەپ مۇعالىمىنىڭ مۇنداي باتىل شەشىمى كوپ اڭگىمەگە تۇزدىق بولعانى شىن، ول ءبىر ساتتە - اق عالامتوردا «جۇلدىزعا» اينالىپ شىعا كەلدى.
الەم راسىندا كەڭ، مەيلى ارمان دەيىك، مەيلى ءبىر مەزەتتىك قىزبالىق دەيىك، الەمدى شارلاۋ اركىمدى ىنتىقتىرادى. ءبىراق، ءتاتتى ارمان مەن رەال ءومىر اراسىندا تالاي اسۋلاردىڭ جاتقانى ءمالىم. كاسىپتەنۋدىڭ ءوزى باسەكەگە اينالعان بۇگىنگى تاڭدا، قولى ارەڭ جەتكەن قىزمەتىن وڭاي – وسپاق تاستاي سالۋعا اركىمنىڭ باتىلى بارا بەرمەيدى. ءتىپتى، ۇزاق مەرزىمدىك دەمالىس الىپ، ساياحاتتاپ كەلۋگە دە جاعدايىڭىز جار بەرمەسى انىق.
بۇل مۇعالىمنىڭ باتىل شەشىمىن تەك رۋحاني جاقتان ۇلگى ەتۋگە بولادى، ءبىراق، ونىڭ ارەكەتىنە ەلىكتەۋدىڭ قاجەتى جوق. ول بىزگە تۇرمىستا سان ءتۇرلى مۇمكىندىكتەردىڭ بولاتىنىن، ءومىردى تاعى باسقاشا وتكىزۋگە دە بولاتىنىن ەسكەرتتى. ونىڭ بۇل شەشىمىنەن الار عيبراتىمىز وسى عانا، استە قولداعى بارىمىزدان جەرىپ، رەال تۇرمىستان قاشقالاقتاۋ ەمەس. اركىمنىڭ وزىنە ءتان تۇرمىس ورتاسى بار، ەڭ جاقسى تۇرمىس ءتاسىلى دە بار ادامعا بىردەي سايكەس كەلە بەرمەۋى مۇمكىن. ءبىر ەسەپتەن، بۇل مۇعالىمنىڭ باتىل شەشىمىنىڭ وسىنشاما كوپ ماداق پەن القاۋعا يە بولۋى بۇل شەشىمنىڭ ارمانعا بوي ۇرعان تالعام ەكەنىن كورسەتتى، كوپ ادامنىڭ قولىنان كەلە بەرمەيتىندىكتەن، قۇندى كورىنەتىنى ءسوزسىز.
ءبىر ادامنىڭ تۇرمىسى سانسىز ۇساق تۇيىندەردەن قۇرالادى، ارمان مەن اۋەستىك سياقتىلار ءبىزدىڭ جەكە ءىسىمىز بولعانىمەن، ءبىز قوعامداعى باسقا ادامدارمەن تىعىز قارىم – قاتىناستا بولامىز. ءبىزدىڭ جاساعان ءاربىر شەشىمىمىزدىڭ بۇكىلدەي ءمىنسىز بولۋى مۇمكىن ەمەس. باسقالاردىڭ تۇرمىس تاسىلىنە ەلىگۋدىڭ، رەال ومىردىڭ سىناقتارىنا قاپالانۋدىڭ دا قاجەتى جوق، ۇيتكەنى، تىرلىكتىڭ شىنايى بەينەسى وسىنداي: الەم راسىندا كەڭ، ءبىراق سەنىڭ تۇرمىس كەڭىستىگىڭ وتە شاعىن، الەمدى شارلاۋ ارمانداۋمەن ىسكە اسپايدى، ول ءۇشىن بوداۋ بەرۋگە تۋرا كەلەدى.
ءىس جۇزىندە، ءبىزدىڭ قولىمىزدان كەلەتىنى ارمان مەن رەال تۇرمىس اراسىنداعى پارىقتى بارىنشا ازايتۋ، تۇرمىسىمىزدى ءوزىمىز ارمانداعان دەڭگەيگە قاراي جاقسارتۋ. مۇنىڭ ءبارى جەكە ادامنىڭ قولىنان كەلمەيدى، كىرىس ءبولىسى ۇيلەسىمدى مە، قوعامدىق ءتۇزىم ءادىل مە، «ەڭبەكاقىلى دەمالىس» تياناقتاندىرىلىپ جاتىر ما، قالىڭ بۇقارا قوعام دامۋىنىڭ جەمىسىنەن ورتاق يگىلىكتەنە الىپ جاتىر ما دەگەن سياقتى ماسەلەلەر تۇتاس قوعام بولىپ اتسالىسۋدى قاجەت ەتەدى. ەندى ءبىر جاعىنان، ءوزىڭىز قىزمەتتى قۇلشىنا ىستەپ، كاسىپكە دۇرىس پوزيتسيا ۇستاندىڭىز با، ءوز بولاشاعىڭىز ءۇشىن، «الەمدى شارلاۋ» ارمانىڭىز ءۇشىن نەگىز قالادىڭىز با؟
ەگەر «الەم وسىنشاما كەڭ، شارلاپ كورگىم كەلەدى» دەگەن ءتاتتى ارماننىڭ جەتەگىندە عانا ءجۇرىپ، بۇل سويلەمنىڭ شىن مانىنە بويلاماساڭىز، سول ارماندى ىسكە اسىرۋعا ەڭبەك ەتپەسەڭىز، ول تەك ادامعا شابىت بەرەتىن عيبارات سوزدەردىڭ ءبىرى عانا بولىپ قالعانى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
