- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كىتاپ وقۋ مازمۇنىنداعى الۋان ءتۇرلى قيمىل وتكىزىلدى
2015.04.24 13:20
دۇنيە جۇزىلىك كىتاپ وقۋ كۇنى بايلانىسىمەن جەر-جەردە كىتاپ وقۋ قيمىلدارى ورىستەتىلدى.
كەشە التايلىق جازۋشى شياۋ چي التاي قالالىق كىتاپحانىڭ الدىندا قالالىق 3-ورتا مەكتەپتىڭ 200 وقۋشىسىنا سول جەردىڭ وزىندە قول تاڭباسىن قالتىرىپ 400 دەن استام كىتابىن تارتۋ ەتىپ، وقۋشىلاردى كىتاپ وقۋعا، التايدىڭ مادەنيەتىن تۇسىنۋگە شابىتتاندىردى. وسى جولعى قول قويىپ كىتاپ تارتۋ ەتۋ قيمىلى تۇرعىنداردى باۋرادى.
قالا تۇرعىنى:« كىتاپ تارتۋ ەتۋ قيمىلى تۇرعىنداردى كىتاپ وقۋعا ىنتالاندىرىپ، شينجياڭ مادەنيەتى جونىندە اناعۇرلىم تەرەڭ تۇسىنىككە يە بولۋىمىزعا مۇمكىندىك جاسادى».
ۇلى تابيعاتتان شابىت الىپ، سايىن ساحارانى شىعارماسىنىڭ ارقاۋى ەتكەن جەرگىلىكتى جازۋشى شياۋچيدىڭ كوپتەگەن شىعارمالارى جارىق كورگەن، ۇلتتار ادەبيەتى سيلىعى مەن «حۋا ۋىن» ەڭ تاڭدالى شالقىما سيلىعىن ەنشىلەگەن، شياۋ چي وسى رەت التايدا ورىستەتىلگەن جالپى حالىقتىق كىتاپ وقۋ قيمىلىنا قاتىناسىپ قيمىلدىڭ تابىستى بولۋىنا دەم بەردى.
التايلىق جازۋشى شياۋ چي: «التايدىڭ جەرلىك مادەنيەتىنە ۇشتاستىرىپ شىعارعان ەكى كىتابىمدى جاس ۇلاندارعا تارتۋ ەتتىم، جاس ۇلانداردىڭ كوبىرەك كىتاپ وقىپ، توراپ پەن قولفون ويىنىنان اۋلاق بولىپ، تۋعان جەرىنىڭ مادەنيەتىن كوبىرەك تۇسىنۋىن، ۇيرەنۋىن ءۇمىت ەتەمىن».
بۇگىن تۇستەن بۇرىن ايماقتىق كىتاپحاناداعىلار ءارسالا ۋاكىلدەرىن كىتاپحانادا ساقتالعان كىتاپتاردى كورۋگە ۇسىنىس ەتتى. سونىمەن بىرگە ايماقتىق شينحۋا كىتاپ دۇكەنىمەن بىرگە سيلىقتى سۇراۋلارعا جاۋاپ بەرۋ قيمىلىن وتكىزىپ، قيمىلعا قاتىناسۋشىلارعا كىتاپ تارتۋ ەتتى.
ايماقتىق كىتاپحانانىڭ ورىنباسار باستىعى يۇي چياڭ: «جالپى حالىقتىڭ كىتاپ وقۋىنداعى ماڭىزدى ورىن بولعان كىتاپحانامىز وقىرمانداردى كىتاپپەن قامداپ، ولارعا تاماشا كىتاپ وقۋ ورتاسىن ازىرلەپ، ساپالى قىزمەت وتەۋگە كۇش سالدى، كىتاپ ادامزاتتىڭ العا باسۋىنداعى باسپالداق، كىتاپحاناعا كەلىپ كىتاپ وقۋشىلاردىڭ قاتارى مولايا بەرۋىن تىلەيمىن».
التاي قالالىق تاجىريبە باستاۋىش مەكتەبىندە «جاقسى كىتاپ- جان ازىعى» تاقىرىبىنداعى كىتاپ وقۋ قيمىلى ورىستەتىلدى. «جاقسى كىتاپ تانىستىرۋ» «ايگىلى ادامداردىڭ اقىليا سوزدەرى» «كىتاپ وقۋدان العان اسەرىم» «مەنىڭ كۇندەلىگىم» تاقىرىبىنداعى كلاس جيىنى وقۋشىلاردىڭ كىتاپ وقۋ بەلسەندىلىگىن جوعارىلاتتى. بۋىرشىن اۋداندىق كىتاپحانانىڭ قىزمەتكەرلەرى ەگىزتوبە اۋىلىنىڭ جيدەلى قىستاعىندا «اۋىلعا كىتاپ جەتكىزۋ» قيمىلىن ورىستەتىپ، شارۋالارعا كىتاپ بەردى. ەكونوميكا، عىلىم-تەحنيكا، وقۋ-اعارتۋ مازمۇنىنداعى كىتاپتار مەن بالالارعا ارنالعان كىتاپتاردى وقۋعا كەلگەن شارۋالار كوپ بولدى. كوكتوعاي اۋدانى دۇرە قالاشىق مالشىلىق جاتاقتى مەكتەبىنىڭ وقۋشىلارى كىتاپحاناعا بارىپ كىتاپ وقۋدىڭ قىزىعىنا باتتى، وقىتۋشىلار وقۋشىلاردىڭ كىتاپ وقۋىنا، كىتاپ وقۋدان العان اسەرىن بايانداۋىنا، ادەبي تۋىندىلاردى تاڭداپ وقۋىنا جەتەكشىلىك ەتۋ ارقىلى وقۋشىلارعا كىتاپ وقۋدىڭ ماڭىزدىلىعىن تۇسىندىردى. وقۋشى ايالا: وقۋشى مارجان: بۋرىلتوعاي اۋداندىق 2- باستاۋىش مەكتەپتە تاڭداۋلى شىعارمالاردى وقۋ جارىسى وتكىزىلدى، وقۋشىلار تاڭداۋلى شىعارمالاردى وقىپ، ءبىلىم ۇيرەندى. ادەتتەگى ۇيرەنگەن بىلىمدەرىن جالپى جۇرتقا جاريا ەتتى. وقۋشى: وسى رەتكى قيمىلعا قاتىناسۋ ارقىلى كوپتەگەن ءبىلىم ۇيرەندىم، ۇيرەنۋدى تىنباي جالعاستىرعاندا عانا كوپ ءبىلىم يگەرۋگە بولادى، كىتاپ وقۋدى ايىرىقشا ۇناتامىن. ءار جىلدىڭ 23-ناۋرىزىن «دۇنيە جۇزىلىك كىتاپ وقۋ كۇنى جانە باسپا ۇقىعى كۇنى» ەتىپ بەلگىلەۋ ارقىلى اناعۇرلىم كوپ ادامدى كىتاپ وقۋعا جانە شىعارماشىلىقپەن شۇعىلدانۋعا جەتەلەۋ ماقسات ەتىلگەن.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
