- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«سيلىقتى» كەلتە حاتتان اباي بولايىق
تاڭنۇر تۇردىباقىت قىزى
2015.04.21 15:25 كەلۋ قاينارى : حالىق تورابى
بۇگىنگى تاڭداعى ءداۋىر تالابىنا ساي، ادامدار قولفوندى كەم بولسا بولمايتىن بۇيىم رەتىندە قابىلدادى. ۇيتكەنى، قولفون ادامداردىڭ تۇرمىسىنا، قىزمەتىنە، حابارلاسۋىنا، جاڭالىقتان حاباردار بولۋىنا كوپتەگەن قولايلىلىقتار جاراتتى. دەگەنمەن، تەلەفوننان ابايلاپ پايدالانباساڭىز، قاس - قاعىم ساتتە بار بايلىعىڭىزدى ۇرلاتىپ الۋىڭىز دا مۇمكىن.
ءبىز ۇنەمى «قوماقتى سيلىققا يە بولدىڭىز»، «قولفون ءنومىرىڭىز ءبىزدىڭ سەرىكتىگىمىز جاعىنان سيلىققا يە بولدى»، «ءبىزدىڭ باعدارلامامىزدىڭ تالەيلى كورەرمەنى بولدىڭىز» ت.ب. مازمۇندارداعى كەلتە حاتتاردى تاپسىرىپ الامىز.
كوپتەگەن ادامدار حاتتى دەرەۋ قولفوننان ءوشىرىپ جىبەرەدى. دەسە دە، كەيبىر الدامشىلار حات مازمۇنىنا ءسىزدىڭ اتى - ءجونىڭىز، تۇرار جايىڭىز، حات ساندىعىڭىز سياقتى جەكەلىك ينفورماتسياڭىزدى قوسىپ جٶلدايدى. ارينە، وسىنداي جاعدايدا ەكى ۇداي بولىپ، سەنەر - سەنبەسىڭىزدى بىلمەي داعدارىپ قالاتىن جايىتتەر ۇنەمى تۋىلىپ جاتادى.
13 - ءساۋىر تۇستەن كەيىن ساعات التى مولشەرىندە، كۇيتۇن قالالىق كەگەنشي اۋىلى بولەكشي قىستاعىنىڭ تۇرعىنى دۇڭ مىرزا مىناداي ءبىر كەلتە حات تاپسىرىپ الادى:
«سالەمەتسىز بە دۇڭ مىرزا، ءسىزدىڭ قولفون ءنومىرىڭىز بەلگىلى ەلەكترون سەرىكتىگى جاعىنان 3 - دارەجەلى سيلىققا يە بولدى، سيلىق قاراجاتى ءبىر ميلليون يۋان، ناقتى جاعدايدى تەلەفون جالعاپ ۇعىسساڭىز بولادى، ءبىزدىڭ قىزمەتكەرلەرىمىز بەلگىلى مەرزىم ىشىندە ءسىزدىڭ سيلىق قاراجاتىڭىزدى كارتۋچكاڭىزعا سالادى».
سونىمەن دۇڭ مىرزا كەلتە حات مازمۇنى بويىنشا، تەلەفون نومەرىنە تەلەفون جالعاپ ۇعىسادى، قارسى جاق وعان ءبىر بانكە كارتۋچكا نومەرىن بەرەدى دە، رەسىميەتتەرىن ءبىتىرۋ ءۇشىن 10 مىڭ يۋان سالۋدى تاپسىرادى، دۇڭ مىرزا توسىن كەلگەن «بايلىققا» سەنەر - سەنبەسىن بىلمەي داعدارادى.
14 - ءساۋىر تاڭعى ساعات 9 مولشەرىندە دۇڭ مىرزا قىستاقتاعى اماندىق قورعاۋ كەڭسەسىنە تەلەفون جالعاپ، جاعدايدى مالىمدەيدى ءارى كەلتە حاتتىڭ جالعان ، الدە شىن ەكەنىن انىقتاپ بەرۋدى تالاپ ەتەدى. وسىدان كەيىن قىستاق اماندىق قورعاۋ كەڭسەسىنىڭ حالىق ساقشىلارى ونىڭ ۇيىنە بارادى. دۇڭ مىرزا حاتتى ولارعا كورسەتكەندە حالىق ساقشىلارى بۇل قازىرگى ءبىر ءتۇرلى الداۋ فورماسى ەكەنىن، تانىمايتىن نومەردەن كەلگەن حاتتارعا سەنە سالماۋدى، از پايدا ءۇشىن ەكونوميكالىق زيان تارتىپ قالۋدان ساقتانۋدى ەسكەرتەدى. سونىمەن حالىق ساقشىلارىنىڭ يدەيالىق تاربيە جۇرگىزۋى ناتيجەسىندە دۇڭ مىرزا ءبىر رەتكى الدام قالتاعا ءتۇسىپ قالۋدان امان قالدى.
كەلۋ قاينارى؛ حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
