تامىز ايىندا اتقارىلاتىن جاڭا بەلگىلەمەلەر
يە زى، شۇي لانۋەي، گاۋ يفان
2018.07.31 13:30 كەلۋ قاينارى : حالىق تورابى
تامىز ايىنان باستاپ، ءبىر توپ جاڭا بەلگىلەمەلەر اتقارىلىپ، جۇرتشىلىقتىڭ تۇرمىسى مەن وندىرىسىنە كەڭىنەن ىقپال جاسايدى.
■ اسكەردەن شەگىنەن ءىشىنارا ادامدارعا بەرىلەتىن قامقورلىق قاراجاتىنىڭ ولشەمى جوعارىلاتىلادى
1 – تامىزدان باستاپ، اسكەردەن شەگىنگەن ءىشىنارا ادامدار مەن باسقا دا قامقورلىق وبيەكتىلەرىنە بەرىلەتىن قامقورلىق قاراجاتى مەن تۇرمىستىق قوسىمشا قاراجاتىنىڭ مولشەرى تاعى دا جوعارىلاتىلادى.
بۇل رەفورما جاساپ، ەسىك اشقاننان بەرى، ەلىمىزدىڭ اسكەري مۇگەدەكتەرگە بەرىلەتىن قامقورلىق قاراجاتىنىڭ مولشەرىن 25 – رەت جوعارىلاتۋى، «ءۇش تۇردەگى ادامداردىڭ وتباسىنداعىلارعا» بەرىلەتىن مەرزىمدىك قامقورلىق قاراجاتى مەن «قىزىل ارمياعا قاتىستى ءۇش تۇردەگى ادامدارعا» بەرىلەتىن تۇرمىستىق قوسىمشا قاراجاتتىڭ مولشەرىن 28 – رەت جوعارىلاتۋى بولىپ تابىلادى.
■ تەلەگراف كاسىپورىندارى حابارلاسۋ ەسەپ تالونىن وزدىگىنەن جولداپ وتىرادى
تامىز ايىنان باستاپ، قولفون تۇتىنۋشىلارى اي سايىن كەلتە حات تاپسىرىپ الادى، كەلتە حاتتىڭ مازمۇنى سول ايداعى حابارلاسۋ ەسەپ تالونى بولادى، مۇنى تەلەگراف سەرىكتەستىگى وزدىگىنەن جولداپ وتىرادى، بۇل ەسەپ تالونىندا ءاربىر تۇتىنۋشىنىڭ تەلەفون قاراجاتىنىڭ قالاي جۇمسالعانى انىق جازىلىپ، تۇتىنۋشىلاردىڭ اقشاسىنىڭ الباتى ىسىراپ بولۋىنىڭ الدىن الادى.
■ تاۋاردى يمپورت – ەكسپورت ەتكەندە «ءبىر كەستە» ارقىلى ءوتىنىش بەرۋ ىسكە اسىرىلادى
كەدەن باس مەكەمەسىنىڭ ءبىرتۇتاس ورنالاستىرۋىنا ساي، كەدەننەن تاۋاردى يمپورت – ەكسپورت ەتۋ بارىسىندا ءوتىنىشتى ءبىر جولدا تاپسىرۋ 1 – تامىزدان باستاپ جولعا قويىلادى، كەدەندىك قۇجات پەن كارەنتيندەۋ قۇجاتى ءبىر عانا كەستەگە جيناقتالادى.
■ ءىشىنارا پاتەنت ۇقىعى اقىسى توقتاتىلادى جانە رەتتەلەدى
مەملەكەتتىك زياتكەرلىك ۇقىعى مەكەمەسى 1 – تامىزدان باستاپ ءىشىنارا پاتەنت ۇقىعى اقىسىن توقتاتادى نەمەسە رەتكە سالادى.
■ توپىراقتىڭ لاستانۋى حاۋپىن باسقارۋ – مەڭگەرۋ ولشەمى ورتاعا قويىلادى
ەكولوگيالىق ورتا مينيسترلىگى مەن مەملەكەتتىك بازاردى باقىلاۋ – باسقارۋ باس مەكەمەسى بىرگە جاريالاعان «توپىراق ورتاسىنىڭ ساپاسى مەن اۋىل شارۋاشىلىعىنا پايدالاناتىن توپىراقتىڭ لاستانۋى حاۋپىن باسقارۋ – مەڭگەرۋ ولشەمى (سىناق رەتىندە اتقارىلاتىن نۇسقا)»، «توپىراق ورتاسىنىڭ ساپاسى مەن قۇرىلىسقا پايدالاناتىن توپىراقتىڭ لاستانۋى حاۋپىن باسقارۋ – مەڭگەرۋ ولشەمى (سىناق رەتىندە اتقارىلاتىن نۇسقا)» 1 – تامىزدان باستاپ اتقارىلادى.
■ قوزعاۋشى كۇشپەن قامدايتىن باتەريانىڭ تەگىن تەكتەۋ سىندى باسقارۋ ءتاسىلى اتقارىلادى
«جاڭا ەنەرگيالى اۆتوكولىكتىڭ قوزعاۋشى كۇشپەن قامدايتىن باتەرياسىن جيناپ پايدالانۋ جانە تەگىن تەكتەۋ ۋاقىتتىق بەلگىلەمەسى» 1 – تامىزدان باستاپ اتقارىلادى. قاتىستى تاراۋلار جاڭا ەنەرگيالى اۆتوكولىكتى مەملەكەت جاعىنان تەكسەرۋ، قوزعاۋشى كۇشپەن قامدايتىن باتەريالاردى جيناپ پايدالانۋ جانە تەگىن تەكتەۋ سىندى امبەباپ باسقارۋ تەكشەسى ارقىلى قوزعاۋشى كۇشپەن قامدايتىن باتەريالاردى ءوندىرۋ، ساتۋ، قولدانۋ، كەرەكسىز ەتۋ، پايدالانۋ سىندى بارىستا ينفورماتسيالاردى جيناقتاپ، ءارقايسى تۇيىندەگى نەگىزگى تۇلعالاردىڭ جيناپ پايدالانۋ جاۋاپكەرشىلىگى احۋالىنا باقىلاۋ جۇرگىزەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
