ءبىر جول بار الىس بولسا دا جاقىن، ءبىر جول بار جاقىن بولسا دا الىس
− ازاتگۇلدىڭ جەدەل جولداما جەتكىزىپ شارۋاشىلىق قۇرۋ جولى
شينحۋا اگەنتتىگىنىڭ ءتىلشىسى حى جانجۇن
2019.03.26 13:46
ازاتگۇل ابدۇللا كەدەيلىكتەن ارىلۋدىڭ جۇرتتان وزگەشە جولىن تاڭدادى: بۇل جول جەرگە سۇيەنىپ وتباسىن اسىراۋ جولى ەمەس، سىرتقا شىعىپ قىزمەت ىستەۋ، زاۆودقا كىرىپ جۇمىس ىستەۋ جولى دا ەمەس، قايتا قىستاقتاعى اپەكە - سىڭلىلەر بىرلەسىپ، ”قالا − اۋىل - قىستاق − شارۋا وتباسى“ سىندى زات جەتكىزۋ جەلىسى جاعىندا وي جۇگىرتىپ، جەدەل جولداما جەتكىزۋدەي شارۋاشىلىق قۇرۋ جولى. جارىم جىلدان بەرى، ەكەۋىنىڭ ساۋداسى كۇسەت بولىپ، اتاقتارى الىسقا جەتتى، باسقالار ولارعا ”جەدەل جولداما جەتكىزۋشى بويجەتكەندەر“ دەگەن ات بەردى.
ازاتگۇل تۇرعان قاتشي قىستاعى حوتان اۋدانى تاۋاككول اۋىلىنداعى اۋىر كەدەي قىستاقتاردىڭ ءبىرى. تاكلاماكان ءشولىنىڭ قويناۋىنا ورنالاسقانىمەن، ينتەرنەتتەن زات ساتىپ الۋ بۇل جەردە تاڭسىق ەمەس.
ايتسەدە، اۋىلداستاردى مازالايتىنى، زات جەتكىزۋ جاعى كەمشىل بولۋ سەبەپتى ينتەرنەتتەن العان زاتتار تەك تاۋاككول اۋىلىنان 100 كيلومەتردەي شالعايداعى حوتان قالاسىنا عانا جەتكىزىلەدى دە ونى الىپ كەلۋگە جارتى كۇن كەتۋدىڭ سىرتىندا، 100 يۋاننان استام كولىك اقىسى جۇمسالادى، سونىمەن جەدەل جولداما الۋدىڭ وزىندىك قۇنى تاۋاردان دا قىمباتقا تۇسەدى!
وسىلاي بولا تۇرسا دا، قىستاقتاعىلاردىڭ، اسىرەسە، جاستاردىڭ ينتەرنەتتەن زات ساتىپ الۋ ىنتاسى ەش ازايعان جوق.
بيىل 28 جاستاعى ازاتگۇل مەن 24 جاستاعى گۇلقىز ءيمىنتوقتى مۇنان ساۋدا ورايىن بايقايدى. ەكەۋى دە ينتەرنەتتەن زات ساتىپ الۋدىڭ شەبەرلەرى بولاتىن، ۇيدەگىلەردىڭ تالاي كيىم - كەشەگىن، ۇيدەگى تالاي زاتتاردى ينتەرنەتتەن ساتىپ العان، الايدا زاكاز تۇسىرۋدەن بۇرىن ولاردىڭ باسى 100 كيلومەترلىك جولعا قاتادى.
وسى 100 كيلومەترلىك جولدى قىسقارتۋعا بولار ما؟
ەكەۋى وسى جاعىندا ويلانا باستايدى. بۇل حابار اۆتونوميالى رايوندىق كوممۋنيستىك جاستار وداعى كوميتەتى قاتشي قىستاعىنا تاڭداپ جىبەرگەن ءبىرىنشى شۋجي مياۋ فەيدىڭ قۇلاعىنا جەتەدى. كەدەيلەردى سۇيەمەلدەۋ كادرى بولعان وسى 80 - جىلداردىڭ تۇلەگى ينتەرنەتتەن زات ساتىپ الۋدىڭ قيىندىعىن ءوزى دە سەزىنگەن، سونىمەن ول وسى قيىن ماسەلەنى شەشۋگە بەل بايلايدى. كەيىن قىستاق ”ەكى كوميتەتى“ نىڭ القاسى اقىلداسا كەلىپ، قىستاق تۇرعىندار كوميتەتى دۇكەنمەن قامداپ، جەدەل جولداما قابىلداۋ - جەتكىزۋ پۋنكتىن قۇرۋ، كەدەيلەردى سۇيەمەلدەۋ كادرلارى كومەكتەسىپ تيجارات كۋالىگىن ءبىتىرۋ، 2 قىز تيجاراتقا جاۋاپتى بولۋ شەشىمىن جاسايدى.
وسىدان كەيىن، اپەكەلى - ءسىڭلىلى ەكەۋى حوتان قالاسىنا بارىپ، جۇڭتۇڭ، يۋانتۇڭ، بايشى سياقتى جەدەل جولداما سەرىكتەستىكتەرىمەن جانە حوتان ايماعىنداعى قاتىستى جاۋاپتىلارمەن سويلەسىپ، ەڭ سوڭعى 100 كيلومەتر جولدىڭ زات جەتكىزۋ جۇمىسىن ۇستىلەرىنە الۋ تىلەكتەرىن بىلدىرەدى. 2 قىز زات جەتكىزۋ كاسىبىنىڭ ۇددەسىنەن قالاي شىقپاق؟ قارسى جاق باستابىندا باستارىن شايقايدى، ءبىراق ەڭ سوڭىندا ەكەۋىنىڭ قايسارلىعىنان اسەرلەنىپ، بۇل جۇمىستى ولارعا تاپسىرىپ بەرۋگە بەكيدى.
قىستاققا قايتىپ كەلگەننەن كەيىن، ەكەۋى ءبىر جۇك ماشيناسىن جالعا الىپ، حوتان قالاسىنان جەدەل جولداما الۋ جۇمىسىن باستايدى. ”كۇنىنە 200دەي جەدەل جولداما الىپ كەلەمىز. اۋىلداعى بىرنەشە قىستاقتىڭ جەدەل جولدامالارىنىڭ بارلىعى وسىندا، قىستاق تۇرعىندارى وزدەرى كەلىپ الادى، ءار جولداما ءۇشىن بىرنەشە يۋان اقى الامىز“، - دەدى ازاتگۇل ابدۇللا.
”100 كيلومەتر“لىك قيىن ماسەلەنى شەشكەننەن كەيىن، كوپ ۇزاماي اپەكەلى - ءسىڭلىلى ەكەۋى ”ەڭ سوڭعى ءبىر كيلومەتر“ جونىندە ويلانا باستايدى: ءبىر كيلومەتر جول جاقىن، ءبىراق بۇل بازاردى يەلەپ الماساق، بۇل ءبىر كيلومەتر الىستاپ كەتەدى دە ساۋدانى باسقالار وڭاي يەلەپ الادى! ياعني قالاداعىلار سياقتى زاتتى ۇيگە دەيىن جەتكىزىپ، ءار وتباسىنا ۇلەستىرىپ بەرۋدىڭ مۇمكىندىگى بولا ما؟
ەكەۋى اقىلداسا كەلىپ، ۇيدەگى موتوتسيكلمەن ءار كۇنى تۇستەن كەيىن زاتتاردى ۇيلەرگە جەتكىزىپ بەرۋگە بەكيدى، سوندا قىستاق تۇرعىندارى جەدەل جولدامانى ۇيىندە وتىرىپ قول قويىپ عانا تاپسىرىپ الۋىنا بولادى. وسىدان باستاپ، كوپشىلىك وسى ”ەڭبەكشىل ارالار“ ىسپەتتى ”جەدەل جولداما جەتكىزۋشى بويجەتكەندەر“دىڭ قاربالاستاپ جۇرگەنىن ۇنەمى كورەتىن بولدى. اپەكەلى - ءسىڭلىلى ەكەۋى كەلەسى قادامدا قىستاقتا ەرەن بازار اشىپ ۋاكىلدىك ساتىپ الۋدى جولعا قويىپ، اۋىلداستاردىڭ تۇتىنۋ سەزىنىسىن جوعارىلاتۋدى جوسپارلاۋدا.
”100 كيلومەتر“ جانە ”ءبىر كيلومەتر“ ورايىن قولدان جىبەرمەگەن ازاتگۇل كەدەيلىكتەن ارىلىپ قانا قالماستان، ”جەدەل جولداما جەتكىزۋشى بويجەتكەن“ كاسىبىمەن شۇعىلدانىپ، ەرەكشە باقىت سەزىمىنە جانە تابىس سەزىمىنە كەنەلدى. كەدەيلەردى سۇيەمەلدەۋ كادرى مياۋ فەي: بۇل ارا ءشولدىڭ ىشكى الابىنا ورنالاسقانىمەن، تۇرمىس جاداعاي ەمەس، تەك شىن ىقىلاسپەن قۇنارلاندىرساڭ، ءسوز جوق، كوركەم كورىنىسكە يە بولاسىڭ، - دەدى.
(شينحۋا اگەنتتىگىنىڭ 3 - ايدىڭ 23 - كۇنى ۇرىمجىدەن بەرگەن حابارى)
كەلۋ قاينارى: «شينجياڭ گازەتى» - شينجياڭ گازەتى تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
