80 – جىلداردىڭ تۇلەكتەرى زەينەتاقى المايتىن ءبىرىنشى ۇرپاق بولا ما؟ ۇكىمەت جاق ەرتەدە – اق وسەك – اياڭنان ساقتانۋ جونىندە ەسكەرتۋ جاساعان
2019.07.10 15:23 كەلۋ قاينارى : حالىق تورابى
حالىق تورابى، 7 - ايدىڭ 9 – كۇنى، بەيجيڭ (ءتىلشى شياۋ جينبو، پراكتيكانت گۋان فۋحۋا). تاياۋدا «80 – جىلداردىڭ تۇلەكتەرى زەينەتاقى المايتىن ءبىرىنشى ۇرپاق بولۋى مۇمكىن» دەگەن اڭگىمە تاقىرىبى قوعامنىڭ نازارىن تاعى دا اۋداردى. ءىستىڭ ناقتى ءمان - جايى مىناداي بولاتىن: ادام كۇشى بايلىعى جانە قوعامدىق قامتاماسىزداندىرۋ مينيسترلىگى ۇستەگى جىلى 4 - ايدىڭ 23 - كۇنى وتكىزىلگەن ءبىرىنشى توقسانداعى كەزەكتى اقپار جاريالاۋ ماجىلىسىندە «2035 - جىلى زەينەتكەرلىك قامسىزداندىرۋ قاراجاتىن جۇمساپ ءبىتىرۋ كەرەك» دەگەن ءسوزدى تەرىسكە شىعارىپ، ەلىمىزدىڭ زەينەتاقىنىڭ ۇزاق ۋاقىت ۋاعىندا تولىق تاراتىلۋىنا كەپىلدىك ەتەتىنىن دارىپتەدى.
تاياۋدا ءبىر اقپارات دانەكەرى جاريالاعان ماقالادا بىلاي دەلىندى: «زەينەتاقى قورى 2035 - جىلى سارقىلىپ بولۋى مۇمكىن، ەگەر زەينەتكە شىعۋ جاسى 60 جاس بولادى دەپ ەسەپتەسەك، 2035 – جىلعا بارعاندا 80 – جىلداردىڭ تۇلەكتەرى 55 جاسقا عانا شىعادى، زەينەتكە شىعۋ جاسىنا تولمايدى. بىلايشا ايتقاندا، 80 – جىلداردىڭ تۇلەكتەرى زەينەتاقى المايتىن ءبىرىنشى ۇرپاق بولۋى مۇمكىن». بۇعان قاراتا ءىستىڭ شىن سىرىن بىلمەيتىن توراپكەرلەر ارت - ارتىنان: زەينەتاقىنىڭ قالدىق سوماسى ازايىپ بارا جاتىر، قارتتانۋ ماسەلەسى اسقىنىپ، قوعامدىق زەينەتكەرلىك جۇگى اۋىرلاۋدا، زەينەتكەرلىك ماسەلەسىن قالاي شەشۋ كەرەك؟»؛ «بەس ءتۇرلى قامسىزداندىرۋ مەن تۇرعىن ءۇي قورىنىڭ ىشىندەگى ەڭ كوڭىل تولمايتىنى زەينەتاقى، باستىسى، نەشە ون جىلدان كەيىن ونىڭ قولعا تيەتىنىنە سەنە المايمىز»؛ «ساۋدا قامسىزداندىرۋىن ساتىپ الىپ كۇنەلتۋ كەرەك پە؟» دەگەن مازمۇنداردا پىكىر ءبىلدىردى. ناقتى جاعدايدا شىنىندا توراپتاستاردىڭ الاڭدايتىنىنداي ما؟
قارتتاردى كۇتىمدەۋ جانە زەينەتاقى ىسىنە قوعام ايرىقشا نازار اۋدارادى، وسىلاي بولعاندىقتان، كەيبىر اقپارات دانەكەرلەرى جىل ارالاتىپ وسەك – اياڭ تاراتۋدا، ءىس جۇزىندە، مۇنداي قاتە ماتەريالدارعا قاراتا كوپتەگەن اقپارات قۇرالى وسەك – اياڭنان قىراعى بولۋ جونىندە ەسكەرتۋ جاريالاعان بولاتىن.
بيىل 4 - ايدىڭ 23 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگى زەينەتكەرلىك قامسىزداندىرۋ تارماق مەكەمەسىنىڭ باستىعى نيە ميڭجۇن «2035 - جىلى زەينەتكەرلىك قامسىزداندىرۋ قاراجاتىن جۇمساپ ءبىتىرۋ كەرەك» دەگەن تاقىرىپقا بىلايشا اشىق جاۋاپ قايتاردى: «ءبىر قىدىرۋ توتەپ بەرۋ شاراسى ارقىلى ۇزاق ۋاقىت ۋاعىندا، تولىق تاراتۋعا كەپىلدىك ەتۋگە بولادى». نيە ميڭجۇن كوپشىلىكتى الاڭسىز ەتتى، ول بىلاي دەدى: «ءبىزدىڭ بولاشاقتاعى تولەۋ حاۋىپ - قاتەرىن شەشۋگە دايىندىعىمىز بار، ءتۇزىمنىڭ باياندى دامۋىنا كەپىلدىك ەتۋگە بولادى. كوپشىلىك الاڭسىز بولسىن، زەينەتكەرلەر دە الاڭسىز بولسىن».
ساندى مالىمەتتە كورسەتىلۋىنشە، 2018 – جىلدىڭ سوڭىندا كاسىپورىنداردىڭ زەينەتكەرلىك قامسىزداندىرۋ قورىنىڭ قالدىعى 4 تريلليون 780 ميلليارد يۋانعا جەتكەن. «قازىر كاسىپورىنداردىڭ زەينەتكەرلىك قامسىزداندىرۋىنىڭ اينالىمى جالپى جاقتان ورنىقتى بولىپ، قوردىڭ سول مەزگىلدەگى كىرىسى شىعىستان اسىپ، ىركىندى قالدىعى ۇزدىكسىز ارتىپ وتىرعانىمەن، قۇرىلىمدىق قايشىلىق ءالى دە ءبىرشاما كورنەكتى بولۋدا، وڭىرلەر ارا ءالى دە تەپە - تەڭ ەمەس، زەينەتكەرلىك قامسىزداندىرۋىندا ورىنداردىڭ اقى تاپسىرۋ سالىستىرماسى بىرلىككە كەلمەۋمەن بىرگە، قور قالدىعىنىڭ پارقى دا توتەنشە زور بولىپ وتىر» دەدى نيە ميڭجۇن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
