ءبىر بەلدەۋ، ءبىر جول اقپاراتتىق سەلبەستىك بىرلەستىگىنىڭ ەكىنشى مەرزىمدىك قىسقا ۋاقىتتىق ساپارلاۋ – ۇيرەنۋ كلاسى اشىلدى
2019.10.22 13:43 كەلۋ قاينارى : حالىق تورابى
حالىق گازەتى، 10 – ايدىڭ 21 – كۇنى، بەيجيڭ (ءتىلشى: ليۋ شۋۋىن) «ءبىر بەلدەۋ، ءبىر جول» اقپاراتتىق سەلبەستىك بىرلەستىگىنىڭ ەكىنشى مەرزىمدىك قىسقا ۋاقىتتىق ساپارلاۋ – ۇيرەنۋ كلاسى 10 – ايدىڭ 21 – كۇنى بەيجيڭدە اشىلدى. ساپارلاۋ – ۇيرەنۋ كلاسىن مەملەكەتتىك كەڭەستىڭ اقپارات كەڭسەسى ۇيىمداستىرعان، «ءبىر بەلدەۋ، ءبىر جول» اقپاراتتىق سەلبەستىك بىرلەستىگىنىڭ حاتشىلار باسقارماسى (حالىق گازەتىنىڭ شەتەلمەن اۋىس – كۇيىس جانە سەلبەستىك جاساۋ ءبولىمى) جانە جۇڭگو اقپارات ۋنيۆەرسيتەتى بىرگە وتكىزگەن، ەۆرازيا مەن باتىس ازيا، سولتۇستىك افريكاداعى 20 نەشە مەملەكەتتەگى 41 اقپارات قۇرالىنان كەلگەن رەداكتورلار مەن تىلشىلەردەن 43 كۋرسانت اشىلۋ سالتىنا قاتىناستى. حالىق گازەتى مەكەمەسى باس رەداكتورىنىڭ ورىنباسارى فاڭ جياڭشان اشىلۋ سالتىنا قاتىناسىپ، ساپارلاۋ – ۇيرەنۋ كلاسىنا قاتىناسقان ۋاكىلدەرگە «ءبىر بەلدەۋ، ءبىر جول» اقپاراتتىق سەلبەستىك بىرلەستىگىنىڭ ساپارلاۋ – ۇيرەنۋ نىسانىنىڭ تۋىن ۇسىندى. جۇڭگو اقپارات ۋنيۆەرسيتەتى پارتكوم شۋجيىنىڭ ورىنباسارى جياڭ شۇيفان اشىلۋ سالتىندا ءسوز سويلەدى.
ساپارلاۋ – ۇيرەنۋ كلاسى كۋرسانتتارىنىڭ ۋاكىلدەرىنەن قىرعىزستان «بيشكەك اقشامى گازەتى» باس رەداكتورىنىڭ ءبىرىنشى ورىنباسارى نينا نيكيبولوۆا مەن امان گازەت كاسىبى توبى باس رەداكتورىنىڭ ورىنباسارى حاميد ءال ماحريز اشىلۋ سالتىندا ءسوز سويلەدى.
ۇعىسۋعا قاراعاندا، «ءبىر بەلدەۋ، ءبىر جول» اقپاراتتىق سەلبەستىك بىرلەستىگىنىڭ ءبىرىنشى مەرزىمدىك قىسقا ۋاقىتتىق ساپارلاۋ – ۇيرەنۋ كلاسى 9 – ايدىڭ 16 – كۇنىنەن 29 – كۇنىنە دەيىن ءساتتى اياقتاعان، لاتىن امەريكاسى مەن افريكا قاتارلى وڭىرلەردەن كەلگەن رەداكتورلار مەن تىلشىلەردەن 50 نەشە كۋرسانت كۋرسقا قاتىناسىپ، اۋىس – كۇيىس جاساعان جانە ناق مايداندا تىلشىلىك ىستەپ، تەكسەرۋ – زەرتتەۋ جۇرگىزىپ، ىقىلاستى دا تاتۋ، اشىق تا سەنىمدى جۇڭگونى جان – جاقتى تانىپ، كوپتەگەن ۇزدىك تۋىندىلاردى جاراتىپ، جۇڭگو مەن شەتەلدەگى اقپارات قۇرالدارىنىڭ اۋىس – كۇيىس جاساۋى مەن سەلبەستىك ورناتۋىنا جاڭا ءورىس اشىپ، تىڭ ارنالاردى كەڭەيتتى.
وسى رەتكى ساپارلاۋ – ۇيرەنۋ كلاسى ءبىرىنشى مەرزىمدىك كلاستىڭ ءساتتى تاسىلدەرىن جالعاستىرىپ، «جاڭا ءداۋىر، جاڭا تانىم، جاڭا مەديا، جاڭا تەحنيكا» اتتى تاقىرىپتا 10 – ايدىڭ 21 – كۇنى اشىلىپ، 11 – ايدىڭ 3 – كۇنى اياقتايدى. بەيجيڭدەگى مەزگىلدە لەكسيا سويلەۋ، اقپارات قۇرالدارىنا ساپارلاۋ، اۋىس – كۇيىس جاساۋ جانە ىقپالداستىق جاساۋ قيمىلدارى ۇيىمداستىرىلادى، سوڭىنان بۇكىل كۋرسانتتار گانسۋ، سىچۋان، شاندۇڭ، جياڭسۋ قاتارلى جەرلەرگە بارىپ تىلشىلىك ىستەپ، تەكسەرۋ – زەرتتەۋ جۇرگىزىپ، «ءبىر بەلدەۋ، ءبىر جولدىڭ» داۋىرلىك ءمانىن، رەال ءمانىن ىشكەرىلەي جان – جاقتى ۇعىنىپ، جۇڭگونىڭ ءتۇرلى سالالاردا قول جەتكىزگەن دامۋ جەتىستىكتەرىن ءوز كوزدەرىمەن كورىپ، مەديالاردى توعىستىرۋ جولدارى مەن شارالارىن ىشكەرىلەي تالقىلايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
