«تۇيىنشەكتى» «ءجىپ ۇشىن» ءدال تاۋىپ شەشۋ كەرەك (الدىڭعى شەپكە بارۋ)
2019.10.31 14:31 كەلۋ قاينارى : حالىق تورابى
شىتىرمان، شەشۋى قيىن، كۇردەلى ماسەلەلەرگە جولىققاندا، تايساقتاماۋ، توقىراماۋ كەرەك، الكەۋدەلىكپەن اسىرا سىلتەۋگە دە بولمايدى. باتىلدىقپەن ارەكەتكە كەلىپ، اقىلعا سالىپ، ءامالياتتان اقىل – پاراسات تابا ءبىلۋ كەرەك — شياۋتاڭ شۋجي، ءبىز داڭق جالاۋشاسىن الىپ كەلدىك! — دەدى جۇزدەرىنە كۇلكى ۇيىرىلگەن بىرنەشە كىسى الەۋمەتتىك قىزمەت وتەۋ زالىنا كىرىپ كەلىپ.
شىنىمدى ايتسام، ءدال سول ساتتە بويىمدى ماقتانىش سەزىمى كەرنەدى، نەگىزگى ساتىدا قىزمەت ىستەگەندەر جونىنەن العاندا جۇرتشىلىقتىڭ ماقتاۋىنان اسقان ماراپات بولماسا كەرەك.
بىلتىر 8 – ايدا الەۋمەتتىك اۋماقتىڭ اۋىز سۋ ماسەلەسىن شەشۋ جونىندە كوپتىڭ اتىنان تۇسكەن ءوتىنىشتى تاپسىرىپ الدىم، «جاڭا كەلگەن باستىق» سالاۋاتىممەن، مەن بۇل اۋىر مىندەتتى ارقالاۋعا بەكىدىم. بۇل ءىستى جوعارىعا مالىمدەگەن سوڭ، ءتۇرلى جاقتاردىڭ قولداۋىنا يە بولدىم، دايىندىق قىزمەتى تارتىپپەن اتقارىلىپ جاتقان كەزدە، «كەدەرگى» كولدەنەڭ بولدى.
الەۋمەتتىك اۋماقتا قاراجات شەكتى بولعاندىقتان، سۋ جەتكىزۋ قۇرىلىسىنا تەك جۇرتشىلىقتان قارجى جيناۋعا تۋرا كەلدى. ناق مايداندا تەكسەرۋ – زەرتتەۋ جۇرگىزۋ ارقىلى نەگىزگى قۇبىردى 10 كيلومەتر قاشىقتىقتاعى كورشى قىستاقتىڭ سۋ مۇناراسىنا جالعاۋ ءۇشىن 300 مىڭ يۋانداي قاراجات كەتەتىنىن، ءار وتباسى ورتا ەسەپپەن 5000 يۋان اينالاسىندا قارجى شىعارۋى كەرەك ەكەنىن تۇراقتاندىردىق.
بۇل حاباردى ەستىگەن سوڭ، الەۋمەتتىك اۋماقتاعى جۇرتشىلىق ماقۇل بولمادى. «اقشانىڭ ءبارىن ەگىن ەگۋگە جۇمسادىق، مۇنشالىق اقشانى قايدان تابامىز»، — جۇرت كەيىس ءبىلدىردى. كوپشىلىك «باعىمشىلىق وتباسىلارى سۋدى مول ىستەتەدى، ولار اقشانى كوبىرەك شىعارسىن»، «ءبىز نەگىزگى قۇبىرعا جاقىنبىز، اقشانى از شىعارۋىمىز كەرەك» دەگەن سياقتى ءتۇرلى پىكىرلەردى ءبىلدىرىپ، ءبىر – بىرىنە جول بەرمەدى، جاعداي ءبىر ءسات بىلىققان كۇيگە كوشتى.
وسىنىڭ الدىندا عانا تىندىرعان ىسىمە ماساتتانعان مەنىڭ كوڭىلىمە بۇل ءىس سۋ سەپكەندەي بولدى. بىرەۋلەر ماعان: «جۇرت جۇدىرىقتاي جۇمىلا الماسا، سۋ جەتكىزىلدى دەگەن كۇننىڭ وزىندە دە سوڭىنان اۋرەشىلىك تاۋسىلمايدى، وناندا وسى ارادا جۇمىستى توقتاتقانىڭ ءجون، ناتيجەلى دە، كىنالى دا بولمايسىڭ، — دەپ كەڭەس بەردى.
الايدا، قايتالاي ويلانىپ كورسەم، ەگەر، قايشىلىققا جولىققان ساتتە تايقىپ كەتسەك، وندا ماسەلە بارعان سايىن مولايا بەرەدى ەكەن. نەگىزگى ساتىداعى قىزمەت تەك وزانداپ ۇران شاقىرۋمەن بىتپەيدى، قيىن ماسەلەگە جولىققاندا، بىلەكتى سىبانا باتىلدىقپەن ىسكە كىرىسىپ، اقىلعا سالىپ امال ويلانۋ كەرەك دەگەن بەكىمگە كەلدىم.
ارى – بەرى ويلانىپ كورسەم، ەڭ باستابىندا جۇرتتىڭ اتىنان تۇسكەن حات مەنىڭ وي ءورىسىمدى اشتى. باعىمشىلىقپەن شۇعىلداناتىن 15 وتباسى سۋدى شۇعىل قاجەت ەتىپ وتىر، قۇرىلىس توقتايتىن بولسا، ولارعا ءتيىمسىز، مىنە، بۇل ماسەلەنىڭ «ءتۇيىنى» ەمەس پە؟ سونىمەن، مەن باعىمشىلىقپەن شۇعىلداناتىن وتباسىلارمەن ايىرىم كەڭەس وتكىزىپ، ولار باس بولىپ، ءبىر وتباسى 20 مىڭ يۋاننان قاراجات شىعارىپ، الدىمەن 10 كيلومەترلىك قۇبىردى سالىپ شىعۋ، سوڭىنان نەگىزگى قۇبىرعا قوسىلاتىن تۇرعىنداردىڭ ءاربىرى 3000 يۋاننان «قارجى قوسۋ» جوباسىن ورتاعا قويدىم. ەڭ سوڭىندا وسى جوبا ماقۇلداندى.
11 – ايدىڭ باس شەنىندە، ەڭ سوڭعى وتباسىعا سۋ ساعاتىن ورنالاستىرىپ بولعان سوڭ، كەش كىرىپ قالعان ەدى. قىس تۇسكەننەن كەيىن، اقسۋدىڭ اۋا رايى بىرتىندەپ سۋىتا باستاعان، سۋ قۇبىرىنا قاراپ تۇرىپ، كەۋدەمدى ءبىر ءتۇرلى جىلى اعىن كەرنەدى. باعىمشىلىق وتباسىنداعى لاۋحۋ ماعان: «سەندەردىڭ جۇرتشىلىق ءۇشىن ىستەگەن ىستەرىڭدى ءبىز ماڭگى ەستە ساقتايمىز»، — دەدى.
مەن ويعا باتتىم، جۇرتشىلىقتىڭ سەنىمى مەن قولداۋىنا يە بولسا بولدى جۇمىس تىندىرىپ، شارۋاشىلىق قۇرۋ ءساتتى بولا سالمايدى، شەشۋى قيىن شىتىرمان، كۇردەلى ماسەلەلەرگە جولىققاندا، تايساقتاماۋ، توقىراماۋ كەرەك، الكەۋدەلىكپەن اسىرا سىلتەۋگە دە بولمايدى. باتىلدىقپەن ارەكەتكە كەلىپ، اقىلعا سالىپ، ءامالياتتان اقىل – پاراسات تابا ءبىلۋ، جاسامپازدىقپەن جاڭا وي جەلىسىن ىزدەۋ، «تۇيىنشەكتى» شەشەتىن «ءجىپ ۇشىن» ىزدەۋ كەرەك.
(اۆتورى: شينجياڭ ۇيعۇر اۆتونوميالى رايونى اقسۋ قالاسى يگانچى اۋىلى چاڭشيڭ الەۋمەتتىك اۋماعى پارتيا ياچەيكاسىنىڭ شۋجيى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
