ساۋدا مينيسترلىگى ا ق ش - نىڭ رەسەيگە قاتىستى دەگەن سىلتاۋمەن جۇڭگونىڭ ناقتى تۇلعالارىن ەكسپورتتى باسقارۋ - تەجەۋ جۇرگىزىلەتىن تىزىمدىككە ەنگىزگەنى جونىندە جاۋاپ قايتاردى

شينحۋا اگەنتتىگىنىڭ 8 - ايدىڭ 25 - كۇنى بەيجيڭنەن بەرگەن حابارى. ا ق ش جاق جۋىردا اتالمىش رەسەيگە قاتىستى دەگەن سىلتاۋمەن، جۇڭگونىڭ ناقتى تۇلعالارىن باسقارۋ - تەجەۋ جۇرگىزىلەتىن ”ناقتى تۇلعالار تىزىمدىگىنە“ ەنگىزگەن. ساۋدا مينيسترلىگىنىڭ مالىمدەمەشىسى 8 - ايدىڭ 25 - كۇنى وسى جونىندە جاۋاپ قايتارىپ، جۇڭگو جاقتىڭ بۇعان باتىل قارسى تۇراتىنىن، جۇڭگو جاقتىڭ ا ق ش جاقتى قاتە ءتاسىلىن دەرەۋ توقتاتۋىن قۋزايتىنىن ءارى قاجەتتى شارالاردى قولدانىپ، جۇڭگو كاسىپورىندارىنىڭ زاڭدى ۇقىق - مۇددەسىن باتىل قورعايتىنىن ءبىلدىردى.

مالىمدەمەشى مىنانى ءبىلدىردى: ا ق ش جاقتىڭ بۇلاي ىستەۋى تيپتىك سىڭار جاقتىلى جازالاۋ شاراسى جانە ”الىستان شاۋجايلاۋ“ سانالادى، بۇل حالىقارالىق ساۋدا ءتارتىبى مەن ەرەجەسىن بۇلدىرەدى، حالىقاراداعى قالىپتى ساۋدالىق بارىس - كەلىسكە كەدەرگى بولىپ، دۇنيە جۇزىلىك ءوندىرىس تىزبەگى مەن قامداۋ تىزبەگىنىڭ حاۋىپسىزدىگى مەن ورنىقتىلىعىنا كەسىرىن تيگىزەدى، جۇڭگو جاق بۇعان قاتاڭ نارازىلىق بىلدىرەدى، باتىل قارسى تۇرادى.

كەلۋ قاينارى: حالىق تورابى