مەملەكەتتىك دامۋ – رەفورما كوميتەتى: ىشكى قاجەتسىنۋدى كەڭەيتىپ، ەكونوميكانى ارتتىرۋ بارىسىندا اتقارىلاتىن ساياساتتاردا حالىق تۇرمىسىنا تيىمدىلىك جەتكىزۋ، تۇتىنۋدى جەبەۋ جاقتارىنا ءتۇيىندى تۇردە اناعۇرلىم كوپ ءمان بەرىلەدى 

مەملەكەتتىك كەڭەستىڭ اقپارات كەڭسەسى 10 – ايدىڭ 8 – كۇنى (سەيسەنبى) تۇستەن بۇرىن ساعات 10 دا اقپار جاريالاۋ ءماجىلىسىن اشىپ، مەملەكەتتىك دامۋ – رەفورما كوميتەتىنىڭ مەڭگەرۋشىسى جىڭ شانجيە ماجىلىستە مىنانى ءبىلدىردى: قازىرگى ەكونوميكا اينالىمىنداعى جاڭا جاعدايلارعا، جاڭا ماسەلەلەرگە باعىتتاي وتىرىپ، پارتيا ورتالىق كوميتەتى مەن مەملەكەتتىك كەڭەس ەكونوميكانى ارتتىرۋدا اتقارىلاتىن جالپى ساياساتتاردى العا قويدى. ەل ىشىندەگى ءونىمدى قاجەتسىنۋدىڭ جەتكىلىكتى بولماۋى قاتارلى ماسەلەلەرگە باعىتتاي وتىرىپ، ىشكى قاجەتسىنۋدى كەڭەيتىپ، ەكونوميكانى ارتتىرۋ جاعىنداعى اتقارىلاتىن ساياساتتاردا حالىق تۇرمىسىنا تيىمدىلىك جەتكىزۋ، تۇتىنۋدى جەبەۋ جاقتارىنا ءتۇيىندى تۇردە اناعۇرلىم كوپ ءمان بەرىلەدى.

جىڭ شانجيە بىلاي دەپ تانىستىردى: تۇتىنۋ جاعىندا، باستىسى، تۇتىنۋدى جەبەۋ مەن حالىق تۇرمىسىنا تيىمدىلىك جەتكىزۋدى ۇشتاستىرىپ، ورتاشا، تومەن كىرىستىلەردىڭ كىرىسىن ارتتىرۋدى جەبەپ، تۇتىنۋدى سەرپىلتۋ ارەكەتىن اتقارادى. ناقتىلاي ايتقاندا ءۇش ءتۇرلى جاقتا ارەكەت اتقارىلادى: بىرىنشىدەن، ەرەكشە توپتاعىلارعا قولداۋ كورسەتۋ تەبىنى ارتتىرىلادى. مەملەكەت مەرەكەسىنىڭ الدىندا ەرەكشە قيىنشىلىعى بارلار، جەتىم بالالار قاتارلى قيىنشىلىعى بار جۇرتشىلىققا ءبىر رەتتىك تۇرمىستىق قوسىمشا قاراجات تاراتىلعان. ەكىنشىدەن، جابدىقتاردى كەڭ كولەمدى جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا الماستىرۋمەن ۇشتاستىرىپ، جالپىلىق تاۋارلاردى تۇتىنۋدى ۇزدىكسىز كەڭەيتەدى. ۇشىنشىدەن، قارتتاردى كۇتىمدەۋ، بالانى باعۋعا اماناتتاۋ قاتارلى قىزمەت وتەۋ تۇرلەرىنە ساياتىن تۇتىنۋدى جەبەيدى. سيفرلى تۇتىنۋ، جاسىل تيپتى تۇتىنۋ قاتارلى جاڭا تيپتى تۇتىنۋ كۇيىن جەتىلدىرىپ، ورتاشا، جوعارى دەڭگەيدەگى قاجەتسىنۋدى قامداۋعا ۇيلەسكىشتىگىن كۇشەيتەدى.

كەلۋ قاينارى: حالىق تورابى