حالىقتىڭ قالاسىن حالىق قۇرۋعا، حالىقتىڭ قالاسى حالىق ءۇشىن بولۋعا تاباندى بولىپ، جاراسىمدى، كورىكتى قالانى بىرگە قۇرىپ، باقىتتى، تاماشا تۇرمىستى بىرگە جاراتۋ كەرەك

شينحۋا اگەنتتىگى، 11 - ايدىڭ 4 - كۇنى، بەيجيڭ. جۋىقتا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحاي قالاسىنىڭ ياڭپۋ رايونىنداعى ”ساقا جولداستار ۇگىت – لەكسيا توبىنداعى“ بارلىق جولداسقا جاۋاپ حات جازىپ، ولارعا ىقىلاستى سالەم جولدادى ءارى شىنايى ءۇمىت ارتتى.

شي جينپيڭ بىلاي دەپ اتاپ كورسەتتى: سىزدەر ءوز كەشىرمەلەرىڭىزبەن ۇشتاستىرا وتىرىپ، قالا تۇرعىندارىنا تاريحتى، پارتيانىڭ جاڭالىق اشۋ نازارياسىن، جاڭا داۋىردەگى شاڭحاي قالاسىندا تۋىلعان قۋانارلىق وزگەرىستەردى اڭگىمەلەدىڭىزدەر، بۇل − وتە ماعىنالى ءىس.

شي جينپيڭ بىلاي دەپ باسا دارىپتەدى: حالىقتىڭ قالاسىن حالىق قۇرادى، حالىقتىڭ قالاسى حالىق ءۇشىن. سىزدەردىڭ جانىمىزداعى جاندى اڭگىمەلەردى ۇزدىكسىز جاقسى بايانداپ، ءتىپتى دە كوپ قالا تۇرعىندارىن حالىق قالاسى ۇستانىمىن ىشكەرىلەي امالياتتا ايگىلەپ، قالا قۇرىلىسى مەن جونگە سالۋعا بەلسەنە ات سالىسىپ، جاراسىمدى، كورىكتى قالانى بىرگە قۇرىپ، باقىتتى دا تاماشا تۇرمىستى بىرگە جاراتۋعا جەتەكتەۋلەرىڭىزدى ءۇمىت ەتەمىن.

2019 - جىلى 11 - ايدا باس شۋجي شي جينپيڭ شاڭحاي قالاسىندا قىزمەت تەكسەرگەن كەزدە، ”حالىقتىڭ قالاسىن حالىق قۇرۋ، حالىقتىڭ قالاسىن حالىق ءۇشىن“ ۇستانىمىن تۇڭعىش رەت العا قويدى، وسىدان كەيىن شاڭحايدىڭ حالىق قالا قۇرىلىسى جونىندە تالاي رەت ماڭىزدى نۇسقاۋ بەردى. ”ساقا جولداستار ۇگىت – لەكسيا توبىنداعىلار“ شاڭحايدىڭ ياڭپۋ رايونىندا ۇزاق ۋاقىت قىزمەت ىستەپ، تۇرمىس كەشىرگەن ساقا كادرلاردان، ساقا جاۋىنگەرلەردەن، ساقا مامانداردان، ساقا وقىتۋشىلاردان، ساقا ۇلگىلەردەن قۇرالعان، باستىسى، نەگىزگى ساتى بۇقاراسىنا پارتيانىڭ جاڭالىق اشۋ نازارياسى، حالىق قالاسى ۇستانىمى سياقتىلار جونىنەن ۇگىت - لەكسيا قيمىلدارىن ورىستەتىپ كەلەدى. تاياۋدا وسى ۇيىرمەدەگى بارلىق جولداس باس شۋجي شي جينپيڭگە حات جازىپ، ۇگىت - لەكسيا جاساۋ جاعدايىنان مالىمەت بەرىپ، پارتيا مۇشەلەرىنىڭ رولىن ۇزدىكسىز ساۋلەلەندىرىپ، شاڭحاي حالقىنىڭ قالا قۇرىلىسىنا ۇلەس قوسۋ بەكىمدەرىن بىلدىرگەن بولاتىن.

كەلۋ قاينارى: حالىق تورابى